26/05/2025
我哋一年一度嘅聚會，喺一片非常歡樂😍嘅氣氛中結束啦～
今次 《香港。家燕。🌟星光盛宴》以漢服作為派對主題，好多謝各大贊助商嘅支持，令到每位到場嘅朋友都可以得到好多禮物🎁同埋美食🍛🍜🍝🍤🍻。一開場時，我哋2位主持 C+ Fan 阿范 及 黃細蚊.思敏 思敏 分別以一身寧采臣 及 外族郡主造型現身 ， 再請出 薛家燕 Nancy Sit 家燕姐以一身👸 聯同 家燕媽媽藝術中心嘅學生一齊以古裝唱出《皆大歡喜》炒熱氣氛。
我哋仲邀請咗好多嘉賓出席，包括有高永文醫生、陳雲美小姐、宋文禧先生、Miss Lousia Cheung、陳首銘博士、沈芝華姐姐同埋一眾歌手包括🎤吳若希、周吉佩、莊錠欣、羅啟豪、張馳豪、鍾柔美、林智樂同埋何榛綦 （詹天文因為病咗嚟唔到，但都好有心咁拍咗片，希望佢早日康復）🎶等為我哋落力演出。當然亦要特別鳴謝為我哋嘅｛開心漢服大派對｝做星級示範嘅夏蕙姨啦～
而且仲要讚吓我哋一眾嘅 catwalk 參加者，每位都不惜工本，花盡心思嚟到角逐，結果我哋幾位評審同埋全場嘅朋友選出3位朋友，分別得到 - 最佳服裝獎🥻👘（結果由吉吉嘅fans以武則天造型奪得）同埋優異獎。
喺呢度亦都要多謝一班傳媒朋友🎥同埋新城📻各同事嘅幫忙。
現場氣氛真係非常之“正”，簡直好似拍緊🏮穿越劇咁。知道好多參與嘅朋友都話玩得好開心好盡興，我哋真係都要喺度再一次多謝大家嘅投入同參與，因為我哋自己都好開心💕💕
希望我哋下次再玩過啦❤️
