我係小編

我係小編 我係小編同大家分享及討論最新Digital Marketing及Social Media資訊，分享各小編實戰貼士，還是教學書「第一次做小編就上手」的作者！

#小編筆記：廣告末日？Unilever 棄官方廣告轉向30萬個Influencer官方廣告一直都係推出新產品或服務時嘅必備元素，通常比較正式、規範化去講解新產品嘅賣點，Media 亦會播放官方廣告同用 KV 宣傳。Influencer 多...
11/04/2026

#小編筆記：廣告末日？Unilever 棄官方廣告轉向30萬個Influencer
官方廣告一直都係推出新產品或服務時嘅必備元素，通常比較正式、規範化去講解新產品嘅賣點，Media 亦會播放官方廣告同用 KV 宣傳。Influencer 多數等到官方廣告出街之後用較貼近受眾嘅方式令產品或品牌睇起來更「真實」，更容易融入日常生活。
但消費品巨頭 Unilever 用行動話你知而家冇咩人相信官方廣告！佢哋上年已講咗旗下品牌會將50%嘅 Ad Budget 移走，取而代之係用30萬個 Influencers 去做宣傳，呢件事將會改變廣告界嘅遊戲規則，但背後嘅原因係咩？睇睇以下三點：
1️⃣ 冇人再信「官方」講嘢
Unilever CEO 相信： “Corporate ads are no longer trusted.” 喺資訊爆炸時代，大家睇到官方影片會自動開啟「防衛模式」自動 Skip。反而30萬個「路人」嘅真實分享雖然無官方拍得咁靚，但嗰種 Authenticity（真實感）先至係依家最真貴、最有感染力嘅宣傳。
2️⃣ 由「官方距離」變做「親民接觸」
Unilever 做緊嘅係 Decentralized Content（去中心化內容），再唔係由一個 Point（官方）射去30萬個人，而係由 30萬個 Influencer 將產品內容滲透入佢哋嘅圈子，當有 30萬人喺網上講緊佢嘅產品，呢啲先係最強嘅真實用家廣告。
3️⃣ 演算法對官方嘅「特別服務」
各大平台嘅演算法天生就係壓制 Branded Content，因為 Brand 有錢落廣告同埋好多官方內容咁「老正」點吸引人睇？官方 Post 嘅 Organic Reach 往往慘過一位素人。Unilever 直接將 Budget 投資喺「人」身上，因為「人」發出嚟嘅內容先有流量同壙散能力。
Unilever 呢次玩咁大，做廣告或品牌小編係咪好快冇得撈？ 其實未洗咁驚嘅，以前我哋係 Content Creator，但依家我哋要做準備做 Community 同 Influencer Manager，由做好官方內容品質轉到點樣管理好呢30萬人嘅內容品質。只要肯學肯學試嘢同了解多啲市場趨勢就唔會成為被淘汰嘅50%預算啦。大家加油！



#我係小編

#小編筆記：60個愚人節🤡Post合集每年嘅愚人節好多品牌都為大家帶嚟各種驚喜限定產品同服務，記得以前愚人節惡搞係少數品牌嘅專利，而家 AI 普及令製作愚人節 Post 加輕鬆，今年百花齊大中小品種都一齊玩，只有諗唔到，冇嘢做唔到。今年嘅...
02/04/2026

#小編筆記：60個愚人節🤡Post合集
每年嘅愚人節好多品牌都為大家帶嚟各種驚喜限定產品同服務，記得以前愚人節惡搞係少數品牌嘅專利，而家 AI 普及令製作愚人節 Post 加輕鬆，今年百花齊大中小品種都一齊玩，只有諗唔到，冇嘢做唔到。今年嘅 Post 大部份係一日限定應下節抽抽水，有啲係試水溫睇反應出年有機成為真商品，有少數就真係推出愚人節限定產品同優惠。
我哋同大家搵咗60個愚人節Post，大家可以參考同了解吓會唔會下年有啲新 Idea？
#愚人節快樂

#我係小編

24/03/2026

#小編筆記：IG Carousel 出完可改次序👏🏻
唔知大家有冇試過出咗 Carousel post 先見到次序錯咗或用 Business Suite 出睇錯、排錯同埋系統出錯而錯次序，因冇得 Edit 次序所要 Del post 再出，再出多數 Reach 會低，但官方 Rollout 咗大家都可以自行 Edit 啦！今早即刻試一試真係得！

#我係小編

#小編筆記：齊企硬Take嘢抽水💦合集禁毒廣告地鐵站 OOH 出錯極速換新，由「齊企硬Take嘢」變返做「一齊企硬唔take嘢🖐」，但小編們當然唔會錯過呢個抽水嘅黃金機會！短短36小時入面，各行各業都大抽特抽💦💦💦，呢個畫面真係好耐冇見過...
21/03/2026

#小編筆記：齊企硬Take嘢抽水💦合集
禁毒廣告地鐵站 OOH 出錯極速換新，由「齊企硬Take嘢」變返做「一齊企硬唔take嘢🖐」，但小編們當然唔會錯過呢個抽水嘅黃金機會！短短36小時入面，各行各業都大抽特抽💦💦💦，呢個畫面真係好耐冇見過。
宜家傢俬同肯德基抽好抽得都返到數，咁多 Post 最令我意想不到嘅海參專門店！佢哋二次創作肯德基個 Post 將薯餅改成海參，真係隔住個 Mon 都聞到陣海參嘅「鮮」味。更驚喜嘅係連政府部門都抽埋一份！仲有好多抽水 Post 未能盡錄，大家見到可分享一下。
#抽水


#我係小編

#小編推介：MarketingPulse 2026小編真私心推介(二)+優惠碼🈹及大會送HK$200超市coupon上個 Post 推介3個 MarketingPulse & eTailingPulse 嘅必聽 Topic，有朋友問仲有咩...
11/03/2026

#小編推介：MarketingPulse 2026小編真私心推介(二)+優惠碼🈹及大會送HK$200超市coupon

上個 Post 推介3個 MarketingPulse & eTailingPulse 嘅必聽 Topic，有朋友問仲有咩好介紹。今次講多幾個真自私推介。Recap 吓先，活動於3月19日喺灣仔會展舉行，用我哋個優惠碼可有45折買飛優惠，留言有優惠碼同買飛 Link，以下係真自私推介：

1️⃣Threads效應及經營之道
Threads 出咗幾年大家有冇用佢做 Branding 同跑數？未有嘅原因係怕冇人睇？搵唔到成功例子做參考？呢場會分開兩部分先由 Meta 嘅 Creative Strategy Lead, Kenie 同演員暨「Threads管理員」吳肇軒分享點樣創作破格及引人入勝嘅 Threads 內容，仲會分享心得同原理。第二部分就由 IN.DECIDE 聯合創辦人及總監 Nelson 同 Isaac 重點分析為電影「贖夢」打造嘅行銷宣傳企劃（即係張家輝 aka 蔡辛強喺 Threads 同大家互動），點樣透過虛擬人物成功打破電影框框。

2️⃣Creativity & AI: Human vs Artificial Mind
以下２個都係同 AI 有關嘅推介，第一個係關於爭議性嘅討論，人腦同人工智能喺創意上嘅分野同分別，呢場會由幾位國際級創意達人 Ashish Chakravarty、Stephen Rogers 以及 Katrina Alvarez-Jarratt 同大家探討人類嘅想像力點樣同AI競爭並協作。人類嘅真實、情感驅動嘅創意可唔可以戰勝演算法嘅精確性？定係AI已經完全可以取替人腦成為新嘅靈感引擎？

3️⃣迎戰電商新世代:「代理型AI」攻略
代理型 AI 聽就聽得多，但好少好實在嘅例子，點樣可以落地用嚟返數？呢場由嚟自騰訊科技嘅智慧零售時尚風尚行業總經理 - 李洋同大家剖析市場趨勢同應用，由服務商與生態系角度到分享落地代理型 AI 方案嘅實戰 Insight，未來嘅創新同佈局嘅方向。

4️⃣在歷練中走出「金童」之路：與張繼聰對談堅持、突破與創作
係金童嘅張繼聰嘅金童呀！佢會同大家將分享喺演藝、音樂同創作領域多線發展嘅職涯歷程，我覺得做 Startup 或 Slasher 嘅朋友好值得去聽，尤其面對高低起伏，要點先可以保持熱度？喺追夢嘅道路有乜嘢令佢不斷堅持？呢場真心一定去！

連續兩個 Post 推介咗7個 Topic，其實仲有其他題目如電商、品牌出海、IP 同 KOL 應用等等，有興趣去主辦單位嘅網頁慢慢睇啦，記得用我哋個優惠碼買飛呀！3月19日會展見！

🕙時間：2026年3月19日
📍地點：灣仔會展
ℹ活動詳情：https://www.marketingpulse.com.hk/tc
🎫報名買飛：https://bit.ly/4b6f4qx
🈹用優惠碼"KOLF55X03" 可以HK$905買論壇通行證 (正價HK$2,010)，大會仲加碼送HK$200超市coupon，雙重優惠（嘩）。


#小編私心推介
#我係小編

09/03/2026

#小編筆記：✨AI KOL🤖嘅優點與缺點及注意事項

閉關幾個月出返隻 Post 先，近呢年多咗好多有人工智能生成嘅 AI KOL，佢哋具備真實 KOL 嘅特質如外表吸引、專業同互動能力，同真實 KOL 一樣去餐廳打卡、試用化妝品、出席活動睇演唱會甚至同另一半食飯，有工返、有生活同真人冇分別，你會唔會用 AI KOL 做宣傳？以下先同大家分析吓 AI KOL 嘅優點與缺點，再睇睇市面上幾種 AI KOL 嘅包養方法同小編嘅睇法。

✅AI KOL 嘅優點：

1️⃣完全乎合品牌要求，完全控制
AI KOL可以完全根據品牌嘅需求嚟設計，無論係外貌、聲音定係個性都可以完全 Tailor-made。品牌可以輕鬆打造特定背景、年齡同外貌嘅形象針對唔同嘅 TA 及產品。

2️⃣較少公關災難
同真實KOL相比，因 AI KOL 所有說話都基於特定人設或已預早安排，好少會因個人行為或講錯嘢而引起爭議，大大減低品牌嘅公關災難風險，但較少唔代表一定冇，大家都明而家要被炎上有幾容易。

3️⃣24/7全天候工作
AI KOL 唔受時間同空間限制，可以24小時在線（老細至愛）與粉絲互動，同時出現喺多個平台，就算錯過咗個活動都可以後製補出席打卡，全天候多產去提升效率同曝光率。

4️⃣節省成本
雖然由零生成 AI KOL 需時，但如果係長線投資嘅話，生成一個 AI KOL 嘅成本遠低於請真實 KOL 長期合作，尤其係大型宣傳活動好難夾期夾齊人。

5️⃣話題性
AI KOL 除咗可以交AI功課之外，本身就係一個話題，可夠吸引 Media 同公眾關注。品牌可利用呢個創新角度去打造唔同 Campaign，隔空互動、Online chat 或做代言等。

❌講完好處就講吓用 AI KOL 要謹慎考慮嘅地方：

1️⃣缺乏真實感
雖然 AI KOL 可以模擬真人嘅外貌同行為，但仍難以做到同真實 KOL 一樣有情感共鳴，試諗吓你搵真實 KOL 出 post 係想接觸佢嘅受眾，粉絲係基於 KOL 嘅外貌、態度同言行舉止去 Follow 佢，AI KOL 要俾到 Audience 呢哙感覺同建立咁真正嘅信任感要段長時間，而就算真實 KOL 都唔可以一定做到又點可以確保 AI KOL 可以做到呢？

2️⃣互動與技術限制
AI 技術可以實現一定程度嘅互動，但現有技術仍未能完全模仿人類自然嘅反應和同情感，可能令同受眾嘅互動、動作及聲音有不協調嘅情況，最常見係反人類動作或者 AI 口音。

3️⃣倫理及版權問題
所有 AI KOL 或多或少都會參考真實人物，有可能因此涉及倫理爭議同版權問題，特別係模仿真實人物或文化特質嘅時候，有機會引發侵權或文化挪用嘅指責，所以要小心使用。

4️⃣缺乏個性和個人魅力
真實KOL往往擁有獨特的故事和經歷，這些是吸引粉絲的重要因素。而虛擬KOL雖然可以通過設定背景故事來彌補，但好難復製真實人物嘅自然魅力。

💰講完利弊又不如睇下坊間各種 AI KOL 服務計劃：

1️⃣完全包養
由零開始塑造及生成全新嘅 AI KOL，所有背景資料行為樣貌個性完全由品牌控制，呢種做法價錢最高，因為除咗同品牌相關嘅內容之外，日常起居生活及打造個性嘅內容都由部由單一金主課金，包括日常起居生活非品牌嘅 Post，呢種培養方法係長遠使用值得由培育定係定短線交 AI 功課作出考慮。

2️⃣半包養式
與其他品牌共同包養 AI KOL，父母有上限，通常會以品牌檔次做考量，例如中價韓國餐廳同潮流韓國時裝品牌共同包養一個 AI KOL，人設定為 K-Pop Lover，言行舉止充滿韓味，興趣與風格一致。呢個玩法要夾好時間，小心避免同另一個品牌爭寵爭位出 Post。

3️⃣一次性使用
同真實 KOL 一樣，每一次合作都係 One Off 逐個 Post 或出 Event 包幾個 Post 計，同真實 KOL 嘅對比就係價錢同佢哋嘅受眾群係咪你想要接觸到嘅人啦。

💬講咗咁耐大家應該對 AI KOL 有進一步嘅了解，或者有行家已經生成咗班仔仔女女出嚟同 Daddy 搵緊錢啦？小編身邊就有朋友要交 AI 功課，用 AI KOL 比開發一真 AI 系統平好多，亦有真心想試長時間包養及由零開始生成，就要考慮市場對 AI KOL 嘅接受性、平衡度與新鮮感問題。

真實 KOL 要生存除咗要定期出 Post 仲要不斷有新 Idea 同新玩法，AI KOL 要生存除咗個 AI 光環之外更要其有獨特之處，當然 AI KOL 以量去出 Post 保持新鮮感會比較容易，出 Post 容易但定位比真人難，點樣從真實與 AI 之間取得平衡而又可以獲得大眾認同係成功關鍵。

雖然日常生活同工作好多時都已經使用 AI，但當涉及到與人互動及有情感投放嘅事情，好多人都會對抗拒 AI，覺得 AI 始終不及真人，所以 AI KOL 嘅言行比真實 KOL 更要小心，太 AI 又冇人味，太似真人又可能令人反感或以「咪又係 AI Gen 出嚟」去否定 AI KOL，所以如果要做要一步步嚟，係咪一開始就認係 AI 生成都要認真考慮，試下水溫先決定開唔開都得。

大家有意見可留言分享，我哋仲未摺埋所以請繼續支持！



#我係小編

#小編推介：MarketingPulse 2026小編私心推介(一)+優惠碼及大會送HK$200超市coupon一年一度嘅 MarketingPulse & eTailingPulse 又嚟啦，同上年一樣3月19日喺灣仔會展舉行，今年依舊...
05/03/2026

#小編推介：MarketingPulse 2026小編私心推介(一)+優惠碼及大會送HK$200超市coupon
一年一度嘅 MarketingPulse & eTailingPulse 又嚟啦，同上年一樣3月19日喺灣仔會展舉行，今年依舊有好多精彩 topic 同嘉賓，睇睇以下小編嘅推介，記得用我哋個優惠碼可有45折買飛優惠，優惠碼同買飛 Link 喺留言，到時見啦！3個心水推介如下：
1️⃣Riding the Micro-Drama Wave: Global Audiences and Brand Impacts「微短劇」浪潮：

大家冇睇過都一定有聽過網上微短劇劇情如霸氣總裁巧遇女秘書、窮家子飽受欺凌最終成為千億遺產承繼人，呢啲劇幾分鐘一集，你明知劇情狗血但又忍唔住想追落去最終睇哂。呢場會同大家講吓微短劇嘅商業模式同紅出國際嘅原因。由多語言製作迎合當地文化嘅敘事手法，到快速建立海外受眾、創新分發渠道，喺不同市場面打造嘅營銷及變現策略。
2️⃣The Rebirth of Value: Reimaging Accessibility and Reshaping Consumer Perception in Dupe and Co-Create Markets 重塑平替文化中的市場創新及品牌溝通學：

Dupe (平替文化) 講緊嘅除咗係名牌平價代替品之外，更加係一種網上產生嘅獨特文化現象，包括網絡用語、Memes 同惡搞元素，佢地喺網絡迅速傳播，影響年輕一代嘅行為同消費觀念。呢場會同大家探討點樣透過精準定位同原創故事去建立品牌價值、並喺負擔同品牌高度之間取得平衡，如何洞察趨勢去掌握同創造新需求。
3️⃣The Touchable & Untouchable: Turning Turbulent Moments into Brand Momentum 轉危為機的公關致勝之道：

而家網上討伐文化盛行，雖然好多品牌都行保守路線但都無辜中箭，有啲就想喺惹火議題度抽水，點知抽出火水。正所謂有危就有機，講者 John Deschner 曾任Maximium Effort（電影死侍嗰間公司）品牌主管，同大家剖析品牌幾時最啱踏入禁忌領域而又可以安全著陸（安全地踩鋼線）。喺 Coldplay kiss cam 事件入面，Maximum Effort 火速出片將大眾對 Astronomer CEO不倫戀醜聞嘅視線轉移去實際業務上，呢項策略轉危為機，重新塑造 Astronomer 嘅公眾形象，連結受眾。
今次講住咁多先，反應好會講多幾個真私心推介，請大家多多支持同快啲買飛入場（平咁多），大會仲會送HK$200超市coupon（嘩）！到時見到面記得 Say 個 Hi :D 如果你又認到我。
時間：2026年3月19日
地點：灣仔會展
活動詳情：https://www.marketingpulse.com.hk/tc
報名買飛：https://bit.ly/4b6f4qx
用優惠碼"KOLF55X03" 可以HK$905買論壇通行證 (正價HK$2,010)，大會仲會送HK$200超市coupon，雙重優惠。

#小編私心推介
#我係小編

Address

Hong Kong

Telephone

+85260220426

Website

Alerts

Be the first to know and let us send you an email when 我係小編 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 我係小編:

Shortcuts

Share

Category