26/06/2025
如果你嘅小朋友好似我個仔咁，好鍾意玩Minecraft，對創科充滿好奇，甚至將來想向呢方面發展。不如帶佢哋一齊走入年青人嘅世界，聽下一班哥哥姐姐點樣用創科實現夢想，發掘香港點樣成為孕育創意同STEAM潛能嘅理想平台！
香港創科展已經舉辦到第四屆，佢哋以「大想頭 齊創新」為主題，今個月尾熱鬧登場！120隊中小學師生隊伍將會喺現場展現佢哋嘅創科概念，今年特別多應用AI人工智能嘅參賽作品，等大家可以親身體驗到人工智能嘅無限可能。參賽作品圍繞「智慧城市」🏗、「智慧生活」🏠、「醫療及保健」💉同埋「可持續發展」♻️四大範疇，發明都係以人為本，解決日常生活嘅問題，令人大開眼界﹗
除咗參賽作品，今屆仲準備咗5個好得意又益智嘅互動專區，啱晒一家大細去玩！例如有「粟米渣渣」精製粗糧工作坊🌽，教大家點樣將粟米渣變出新花樣；「家家賽車手」就用舊家電改裝成遙控賽車🏎️，玩懷舊又玩創意；仲有「方程式小車工作坊」、「飛天電池俠」🔋同「銀河細語」🚀，等大家親身體驗科技嘅趣味！
今年仲新設咗個「創科市集」，賣好多限量版嘅創科主題紀念品，例如文具、攬枕同手機配件等等。只要喺會場集齊四個指定印章，仲可以用現金券買嘢添！最緊要係，「創科市集」嘅所有收益都會捐俾香港創新基金，買嘢之餘，仲可以做善事！總括嚟講，今屆創科展真係精彩又好玩，寓教於樂！ 🎁
展覽嘅第二日會有頒獎典禮，有最受歡迎大獎，大家可以親身到場投票支持自己鍾意嘅隊伍！攞到金獎嘅隊伍仲會代表香港去參加日內瓦國際發明展添，有機會為港爭光！🇭🇰👏
等我先代表大會送你一份見面禮，就係今年創科展嘅貼圖包。記得馬上掃描連結下載。相信你嘅小朋友一定會喜歡。
香港創科展活動資料
日期： 2025 年 6 月 28 至 29 日 (星期六及日)
時間： 上午 10 時至下午 6 時
地點： 香港會議展覽中心 3FG 展覽廳
免費登記入場：bit.ly/451wvGe
記得follow埋大會社交平台👇：
hksciencefair
香港創科展 Hong Kong Science Fair
#香港創科展 #大想頭齊創新 #香港創新基金
