Pye Poudre TV

22/01/2026

22/01/2026

Non pa'l Se Jimmy Papouloute li se Aktyèl Batè ORCHESTRE TROPICANA D' HAITI
Jimmy se yon Batè ki trè Klasik , li alèz avèk enstriman yo ke li jwe yo , Map pale de Batri avèk Klòch

Se yon atis anpil moun renmen lè lap pèfòme avèk òkès la , li toujou ap mete plezi

Malgre se nan ban dèyè Jazz li ye , anpil Fanatik toujou fè tout sa yo konnen pou al gade'l kap jwe , mèm genyen moun ki konn pase akote Stang lan sèl pou yo ka wèl

Jimmy Papouloute se yon gwo & Gran Batè
Map raple nou se pa sèl Mizisyen li ye , li se yon Agwonòm Egalman , se pa san rezon li gen ti non jwèt li ki se Lagwo Batè

Jimmy se youn nan batè nan jenerasyon sa ki ka monte nan nenpòt Jazz ayisyen li jwe san li pa deranje Jazz la & san Repetisyon
Li fè 'l Avèk Grand Orchestre Septentrional , Tabou Combo , Djakout #1 poum site sa yo sèlman

Jimmy se yon Atis ki trè Imanis , misye toujou ouvè pou pale avèk tout , li pa janm enpoze'l sou pèsonn
Anplis lè genyen yon jèn mizisyen ki vin fè staj nan Tropicana li se youn nan atis ki toujou prè pou ede ' l avèk Konsèy

Jimmy Chaje Prensip Ak Disiplin , Depi lè li nan Jazz la li poko janm Sanksyone , li pa janm anreta nan repetisyon anplis Bis jazz la poko Janm ale kitel lè Jazz la Programe

Nan sans sa mwen twouve li Enpòtan pou nou fè ti pale de li
Se pa lè li pala pou nou ap pale de li , se pandan li vini pou nou anvayi'l avèk lanmou

1-li se moun ki kote ?
2-nan ki Jazz li te ye avan ?
3-moun ki kote li ye ?
4-si Gen yon bagay ou ta vle Di atis la se kisa li ye ?
5-Bay 7 mizik lè lap jwe batri nan yo ou pi renmen?
Si gen yon bagay mwen pa di de Atis la nou kapab ajoute'l
NB: nap fè sa nan respè youn pou lòt

Kite'l File

21/01/2026

Me lap vini Mesye Mache Pran'l , Ti Piti, ti Piti mpral wèw , Dwat pou'w Pou Vini , Apa towo a Apa towo a atè a
Chantè sa rele Ti Papito, li se ansyen chantè Grand Orchestre Septentrional
Se youn nan chantè ki kite Non'l Nan Jazz la

Anpil Fanatik Septen te renmen'l
Li sete Chouchou fanatik Jazz la
Sete yon bèl chantè , li se youn nan chantè ki pase nan Septen ki pi konn anime

ou te mèt ap dòmi lap reveye'w avèk animasyon , sa ki bèl nan animasyon lap fè yo, yo fè sans yo ale avèk mizik la

li pa janm deyò nan sa lap fè sou mizik la , li pa janm deranje mizik la

Se yon chantè ki respekte tout moun , ou pa janm tande'l nan meli melo

Ou pa janm wè Ti Papito nan Baz , ou pa janm wèl nan la ri Fasil
Lè wap wè Atis la nan la ri se lè li prale nan Repetisyon ak lè li pral jwe bal

Imedyatman li fini lap soti lè jazz la programe ankò

Sa se te youn nan bagay ki koz anpil moun te renmen'l nan Òkès la

Lè misye Kite Jazz la si Fanatik yo te gen pouvwa yo tap fèl retounen ala segond tèlman sa te deranje yo

Map raple nou se li ki chantè Mizik ki rele lanmou Etènèl la nan Stidyo
Mizik sa se youn nan gwo Hit Septen genyen
Atis la te tèlman byen pase sou mizik la , anpil fanatik Òkès la te mande responsab yo pou te videyoklipe mizik la , se konsa yo pat fè tèt di yo te video mizik la

Nan sans sa nou estime ke li enpòtan pou nou fè ti de Atis sila , mwen toujou di nou sa nou pa dwe tan se lè atis yo pala pou nap pale de yo

1- nan Ki Jazz li te ye avan Septen ?
2-bay nou vrè Non'l ?
3-moun ki kote li ye?
4-ki mizik li te konn chante nan Septen ou te pi renmen?
5-èske ou santi Ban Devan Jazz la manke'l?
6-si tout fwa responsab yo ta deside retounen avèl nan devan Jazz la èske se ap yon chwa?
7- kisa lap regle nan moman ?
Vini nou pale pa bliye non nap fèl nan respè youn pou lòt

21/01/2026

Map kriye eee Roy Roy , map rele eeee Roy Roy, mwen di map kriye , mwen di map releee

Pa gen Bri pa gen bri pa gen bri nan Jazz la

Chantè sa Rele Daniel Brave (T-Carlo)
Li se Aktyèl chantè Grand Orchestre Septentrional
li fè 5 ane deyò Nan Septen aprè dirijan re fè apèl ak li , li retounen Jwe ak Jazz la San Repetisyon , li chante tout mizik yo, yo bal chante nan sware a san Li pa bliye mo San detone

Carlo se youn nan chantè ki konnen repètwa Jazz la pi byen

Li se youn nan chantè Fanatik Septen yo renmen anpiiiil

Li deyò nan Jazz la pandan 5 ane fanatik yo mete dirijan yo cho pou retounen ak Li

Li sanksyone Plizyè fwa aprè retou li nan Jazz la , fanatik yo fè Dirijan yo san souf pou leve sanksyon an san lè a poko rive

map avanse pou m di nou li se chouchou fanatik Septen yo

Ou te Mèt Ap dòmi ou fatige Carlo ap fèw leve Danse , leve mete men anlè avèk Animasyon li yo

Carlo se Youn nan chantè nan Jenerasyon sa ki ka monte enprovize nan nenpòt Jazz ki genyen nan HMI la san li pa deranje Mizik la

Ebyen nan sans li enpotan pou nou fè ti Pale Deli
1-moun ki kote li ye?
2-nan ki Jazz li te avan?
3-bay 5 mizik lè lap chante ou pi Renmen?
4-ki mizik lè lap enprovize sou li ou pi renmen?
5-si tout fwa ou genyen yon konsèy ou te vle bay , se kisa li tap ye?
Si genyen yon bagay mwen pa di De atis la nou k di'l nan yon kòmantè
Nap fè sa nan respè youn pou lòt
An nou pale

21/01/2026

Anpil moun tap mande'm pou li ebyen mwen pote'l bay nou
Wouch Manman me Gwo Chantè a me Biblo a , mwen sonje lèm te ti moun mwen konn Ap jwe kannik depim genyen yon Grenn ki poko fè Grizon , mwen te konn rele'l chelèn ebyen me chelèn lan
Li Rele Luc Doralus
Li se aktyèl chantè ORCHESTRE TROPICANA D' HAITI nou wè chantè sa nap gade la , tout Fanatik Mizik an General ta dwe Onorel chak jou pou pèfòmans li nan Tropicana
Men kèk fason nou ka fè kèl kontan Chak Jou , nou ka mete foto'l Sou Profil Face Book , whatsapp , stati , epi nou kapab mete yon mizik li chante kòm sonri sou telefòn nou

Chantè sa chaje Disiplin , se pa atis wap wè nan baz , li pa janm anreta nan repetisyon , ,mwen poko janm tande yon jou Bis Jazz la ale kite 'l , depi lèl nan Tropicana li poko janm sanksyone , li respekte tout moun eli toujou ouvè poul akiyi tout moun
Lè li ap chante ou te mèt ap dòmi vwal ap reveye'w
Tèlman lap chante pafètman byen , li chante ak Diksyon el byen atikile , li jwe chak jou li janm pèdi vwa el pa janm detone
Se youn nan chantè lè lap pale ou pa bezwen fè tèt cho paske li toujou metrize tout sa lap di
Lòt bagay mwen vle nou mete aksan sou li , Luc pa sèlman yon Chantè , li se yon konpozitè, Aranjè , Gitaris egalman

Nan sans sa li enpòtan pou nou vin pale de li
Pa tann li pa la
Pou nap pale de li
1-moun ki kote li ye?
2-nan ki Jazz lite ye avan Tropicana?
3- ki mizik li konpoze pou tropicana ou pi renmen?
4- Ki mizik li chante ou te met chita wap leve danse?

Nap fèl nan respè youn pou lòt

03/01/2026

Gwo mizisyen , Gwo aranjè , Gwo konpozitè , Gwo gitaris
Li rele Pierre pelota (ADM Maestro Pelota)
Mesye sa nap gade la Li ekri youn nan pi Gwo Klasik ORCHESTRE TROPICANA D' HAITI genyen
Li rele
Mizik sa se yon mizik ki kapab jwe nenpot kote
Mizik sa nenpòt Pastè kapab rale'l pou preche sou li
Nan sans sa mwen twouve'l enpòtan pou nou fè ti pale de atis la jodi a , paske li pa fè sans pou se lè yo pala pou nap pale de yo , se pandan yo vivan pou nou ba yo lanmou
1- li se Moun Ki kote ?
2- Ki wòl li jwe nan Tropicana
3- bay 4 mizik Li ekri pou Tropic la
4-ki ane mizik veye Priye a te soti , kòman Album lan rele ?
5-nan Ki Jazz atis la te ye avan Tropicana
6-ki mizik ou pi renmen lè lap fè yon solo Gita ladan'l
NB : nap fè sa nan respè youn pou lot

Si vreman ou se Fanatik Tropicana pa pase pòs sa san yon like , sanw pa komante , ni abone ak Paj la

31/12/2025

Kote nou kote nou Jazz la nan deja nan vil la wi
Kap Ayisyen me pitit Kay wi KLASS Richie Herard Richard

31/12/2025

Klass pwouve ankò Yon lòt fwa nan tout kap soti USA yo se li ki kòmande vil sa Ki rele Kap Ayisyen an
Yè swa Jazz la mete pye sou kou tout fòmasyon mizikal yo ki pase deja