05/09/2025
⭐ Se pa Brusquets se pa Rodri ni se pa Pirlo men m panse tout moun kap gade jwèt la dwe gade Paredes ak yon lòt zye, jwè a gen kèk tan lap trè byen. Yè swa fas Venezuela se yon lòt gwo match ansyen jwè PSG a delivre🔥🔥🔥
Anpil Moun souvan pale de jwè ki nan ren tèren Ajantin nan tankou boit-fè sèlman... yo jis wè mitan tèren Ajanten yo kòm mechan, doktè zo, wi pafwa yo voye pye anpil men se lè match yo mande sa, jan m souvan di l se yon ekip kamleyon... Tout mitan tèren Scaloni yo konn jwe, yo ka pa nan top nivo konn jwe a, genyen tou ki plis konn jwe ke lòt men se vrèman yon sektè full package nan meyè seleksyon sou latè depi 2021 an...
🇦🇷 Paredes se youn nan jwè ki ta dwe retounen nan 11 lan si l kontinye konsa byen ke nan menm moman m vle raple n' Enzo AK Mac Alister ap jwe trè byen tou... M pa konn si Scaloni ap antre l pou jwe 4-4-2 menmjan le yo tap pase Brésil 4-1 an men sa ki sèten jwè a merite yon plas🙌 Leandro se dansite, prezans, pressing, anbataj, Yon baz teknik, yon jwè ki gen Yon gwo kalite pas (long/kout), Yon bon kalite frap, anfen se yon milye konplè.
Ale regade premye gòl Ajantin yè swa, nap wè jwè ki Fondamantal nan aksyon an rele Leandro Paredes, non sèlman entèlijans li e fason l kouvri espas ede l antisipe byen vit sou venezelyen an ki li menm trebiche e Paredes nik rekipere balon an li ekzikite rapid epi avèk klas ; yon kalite eksteryè byen long nan do defans lan pou lanse Julian Alvarez ki te ka fè gòl la li menm men ki te prefere sèvi meyè jwè istwa jwèt la, Lionel Messi🇦🇷🙌🔥
Aktyèl jwè Boca rekòmanse chita nan ekip chanpyon Mondyal 2022 a🔥🔥🔥
✍️ Jean Bertrand DECEJOUR
Swiv Mwen sou paj sa yo 👇
JBD'Arts TV
JBD'Arts Services Plus
Jean Bertrand Decejour
Jean Bertrand Decejour Officiel
