Kreyòl Lakay Enfo

05/05/2026

12/06/2025

KLE : Kreyòl Lakay Enfo

12/06/2025

Ralph Papillon retounen

15/05/2025

🔑Se anba tèm "Yon sèl drapo, yon sèl pèp, yon sèl nasyon" Konsèy Prezidansyèl Tranzisyon an (KPT) pral komemore 222 èm anivèsè kreyasyon bikolò Ayisyen an nan depatman Nò peyi a espesyalman nan vil Kap Ayisyen.

Nan yon kominike pou laprès jodi mèkredi 14 me 2025 la,Biwo kominikasyon Meri Kap Ayisyen an fè konnen se tout sektè nan vil sila ki mobilize pou fè jounen selebrasyon sa a yon moman fò.

N ap raple, akoz agravasyon klima ensekirite a nan rejyon metwopolitèn Pòtoprens la, sa fè twa lane, youn kole ak lòt komemorasyon bikolò Ayisyen an pa posib Akayè ki se kote drapo a pran nesans.

Sonje, 18 me pa make sèlman fèt drapo a, se fèt inivèsite a tou.

09/05/2025

🔑Relijyon
Nan fen dezyèm jounen konklav la,se Kadinal Ameriken an Robert Francis Prevost ki vini nouvo Pap ki pral syeje nan Vatikan daprè anons Kadinal Pwotodyak Dominique Mamberti, jodi jedi 8 me 2025 la.

Nouvo pontif Vatikan kouwone Pap sou non Léon XIV epi se premye pontif ki soti nan peyi Etazini.

02/05/2025

🔑Administrasyon Trump lan deklare gang Ayisyen yo notamman "viv ansanm ak baz gran grif" òganizasyon teworis. Sekretè Deta ameriken an Marco Rubio ki anonse nouvèl sila jodi vandredi 2 me 2025 la. Gang yo ak moun k ap finanse yo pral sanksyone, daprè Sekretè Deta ameriken an.

02/05/2025

🔑 KILTI • Chanm Komès Ayisyano-Brezilyèn (CCHB) òganize yon" FWA" gastwo-atizanal nan okazyon fèt travay ak agrikilti premye Me 2025 la, nan sant kiltirèl Brezil Ayiti, Petyon vil. Yon aktivite ki reyalize anba tèm" Haïti autre fois, la perles des Antilles" epi daprè òganizatè yo Fwa sila òganize nan objektif pou onore chèf Leen ki te patisipe nan konkou Guinness world records mwa Avril ki sot pase a. Prezidan chanm komès Ayisyano-Brezilyèn lan Jean Ricot Felix te nan kamera KLE.

29/04/2025

Emisyon espesyal avèk Auguste Mondésir alyas Mazora.
Prezantasyon Luxon Henrilus

28/04/2025

🔑Nouvou vag vyolans nan komin Ti rivyè latibonit, gwoup ame ki soti Savyen atake jodi lendi 28 avril 2025 la plizyè katye tankou: " Haut fournaut, quatorzième, ak Haut canal". Plizyè kay pase anba flanm dife ak plizyè lòt piye. Fas ak sitiyasyon sila, popilasyon an dezespereman lanse yon sos bay fòs lòd yo yon fason pou retabli yon klima lapè nan zòn sila yo.

25/04/2025

🔑Dosye ensekirite nan komin Kenskòf, daprè yon rapò Oganizasyon Entènasyonal pou Migrasyon an (OIM), 948 moun kouri kite kay yo ant 18 ak 22 avril 2025 lan aprè atak gwoup ame yo nan zòn nan.
Daprè rapò a, genyen 222 kay ki afekte akoz atak sa bandi yo lanse sou komin Kenskòf.