22/08/2025
Depi kèk tan mp obsève yon bif ki genyen sou rezo a ant kèk atis ak fanatik yo sou koze Lang E konesans, jodia mw vle komkwa yo ta vle fè konprann yon moun ki pa pale tèl ou tèl lang se yon moun sòt. Banm plase mo pam, Mezanmi pale yon Lang pa gen anyen poul wè ak konesans, nou paka mezire konesans moun atravè pale yon lang toutfwa pale youn, de, twa lang se bon men en aucun cas sa pa baw konesans ni baw dwa pou panse ou pi gen konesans pase yo lòt ki pata ka pale l Oubyen pa pale l byen. M konprann tou tout sa se konsekans kolonizasyon an kite, li fèn konprann sin pa pale lang kolon an nou pa moun fòme, nou pa enteleltyèl, li retire nan nou esprit d’appartenance, fè nou jete sa ki pou nou poun anbrase pa lòt moun.An 1492 mesyedam européen yo pote ba nou yon relijyon ( krisyanis) epi fè nou jete sa nou te genyen an, nan zòn 1816 yo, sou prezidans Boyer ameriken yo pote ba nou protestantisme jodiya nou plis wayalis ke Wa a jouktan jodiya yap fè al kraze peristil ougan, bat ougan sou pretèks yap fè moun mal ( Cas de Muscadin ak ougan Lazil la ) yo fè nou pa rejte ayisyanite nou.
Map fini poum di nou konstitisyon 1987 la rekonèt peyi a gen 2 Lang sa vle di pale youn ou lòt se pa pwoblèm sepandan nap toujou dil pale plizyè lang se byen sa E se yon benefis pou ou men pa konprann se konesans nou genyen oubyen entelektyèl nou ye pou sa jan nou konn dil la opwen le nap imilye yon lòt.
