15/09/2025
Baky : Yon poto mitan nan rap Kreyòl la
Baptista Lugendy St-Hubert, kr nou konnen sou non Baky Popilè oubyen Baky.
se yon pèsonalite enpòtan anpil nan rap kreyol la . Li fèt 6 me 1991 nan vil Okay, nan sid peyi dAyiti.
Li rive enpoze tèt li kòm youn nan vwa ki pi enfliyan e ki pi respekte nan jenerasyon pa l la.
Baky soti nan yon fanmi kote mizik te toujou la, sa ki te pèmèt li dekouvri diferan estil mizik depi l tou piti. Sa te fòme idantite atistik li.
Karyè li te vrèman pran jarèt an 2012 ak premye gwo mizik li a, "Koupab", ki te rapidman konkeri kè piblik ayisyen an ak dyaspora a. Chanson sa a te montre talan li genyen pou rakonte istwa ak anpil pwofondè nan emosyon ak yon gwo metriz nan pawòl. Li te rive fè diferans lan nan itilize yon melanj ant kreyòl ayisyen ak fransè, sa ki te rann tèks li yo pi fasil pou moun konprann e pi enpaktan.
An 2014, Baky te soti premye albòm li, "Fos Yon Black", ki te ranfòse pozisyon li sou sèn mizikal la. Albòm nan te resevwa anpil elòj pou bon jan pwodiksyon li ak matirite tèks li yo, li te pale sou tèm sosyal, lanmou ak detèminasyon. Li te kontinye sou menm chemen an ak tit ikonik tankou "Sikatris" ak "Dènye Lèt", ki te vin tounen im pou anpil jèn.
Dezyèm albòm li a, "Echec et Mat" (2018), se te yon lòt gwo etap nan karyè li. Li te konfime kapasite Baky pou l renouvle tèt li tou pandan li rete fidèl ak estil pa l la. Albòm nan te resevwa anpil lwanj , e li te rankontre yon siksè komèsyal san parèy, sa ki te pwouve yon fwa ankò ke rap ayisyen an gen yon plas enpòtan sou sèn entènasyonal la.
Baky kolabore ak anpil gwo non nan HMI ak rap kreyòl la tankou Fantom, Trouble Boy, T-Micky, Wendy, ak lòt atis. Chak kolaborasyon pote yon lòt koulè nan karyè li.
Anplis siksè komèsyal li, Baky rekonèt pou angajman sosyal li. Tèks li yo pa limite ak sijè pèsonèl sèlman; li itilize mizik li kòm yon platfòm pou l pale sou sitiyasyon sosyopolitik peyi l. Souvan, li abòde difikilte Ayiti ap fè fas yo, tou pandan li transmèt yon
