Mikenderson Brutus Journaliste

Page d'Accueil
Haiti
Kenscoff
Mikenderson Brutus Journaliste

FORMER & INFORMER/CULTURE/SPORT/ART/EDUCATION/PUB/MAGAZINE/NEWS.

02/09/2026

Nou pa t dwe ale konsa
Nou pa dwe ap viv konsa

N ap sonje sila ki ale yo
Kenscoff p ap bliye. 🤍🕊️

# *Sonje*
#6150

02/09/2026

L’Office national d’identification (ONI) rappelle à son personnel l’interdiction d’utiliser les données personnelles des citoyens à des fins politiques ou électorales. D'après l'ONI, les employés doivent respecter les principes de neutralité, d’impartialité et de confidentialité, sous peine de sanctions administratives ou de poursuites judiciaires. De nombreuses personnes dénoncent notamment l’apparition de leurs numéros d’identification uniques sur plusieurs listes, sans leur consentement.

02/09/2026

RHAJAC mande ankèt sou itilizasyon done ONI

Rezo Ayisyen Jounalis Anti-Koripsyon (RHAJAC) denonse, 1ye septanm 2026, sa li prezante kòm ka prezime vòl oswa itilizasyon abizif done idantite kèk fonksyonè pa ONI, nan avantaj kèk gwoupman politik, pami yo platfòm Viktwa ak Rekonsilye.

RHAJAC mande pou gen yon ankèt endepandan ansanm ak yon odit ONI. Li mande tou pou lis 30 000 manm Konsèy Elektoral Pwovizwa a (CEP) egzije yo verifye avèk anpil rigè, yon fason pou anpeche posib fwod elektoral.

02/09/2026

Chanm Reprezantan ameriken vote pou pwolonje lwa HOPE/HELP la

Chanm Reprezantan Etazini an vote madi pou pwolonje Lwa HOPE/HELP la jouk 31 desanm 2028, yon desizyon ki reprezante yon bon nouvèl pou endistri tekstil ann Ayiti.

Sena ameriken an te deja vote tèks la. Kounye a, pwojè lwa a dwe jwenn siyati Prezidan Donald Trump pou l antre an aplikasyon.

Gouvènman ayisyen an salye vòt Chanm Reprezantan an pou renouvèlman Lwa HOPE/HELP la.

02/09/2026

DGM depòte plis pase 2 300 moun ann Ayiti

Direksyon Jeneral Migrasyon (DGM) Repiblik Dominikèn anonse yè lendi a li depòte 2 306 moun ann Ayiti nan espas de jou, 26 ak 27 out 2026.

Depòtasyon sa yo fèt apre yon gwo operasyon nan Santo Domingo ansanm ak pwovens fwontyè Elías Piña, Dajabón, Independencia ak Pedernales. Dapre DGM, otorite yo te arete 2 624 etranje ki te nan sitiyasyon migratwa iregilye pandan operasyon an.

02/09/2026

FAA pwolonje restriksyon sou kèk vòl ann Ayiti jouk mas 2027

San sipriz, Federal Aviation Administration (FAA) pwolonje jouk mas 2027 restriksyon li te mete sou kèk vòl nan espas aeryen ayisyen an, akoz ensekirite a ki toujou ap pèsiste nan peyi a.

Mezi a konsène sitou kèk vòl k ap fèt nan yon altitid ki pi ba pase 10 000 pye nan kèk zòn espesifik sou teritwa ayisyen an.

Sepandan, gen posiblite pou jwenn egzanpsyon, depi konpayi oswa operatè konsène yo jwenn otorizasyon nan men FAA oswa yon lòt otorite ameriken ki gen konpetans.

02/09/2026

BSAP Nòdès chanje kòmandman: Justin Nappoléon pran tèt estrikti a

Justin Nappoléon pran tèt BSAP nan depatman Nòdès la kòm nouvo responsab estrikti a, madi 1ye septanm 2026 la.

Li ranplase Pastè Julmiste Jacques, ansyen responsab BSAP Nòdès la, ki aktyèlman nan prizon sivil Fò-Libète.

Chanjman sa a make yon nouvo etap nan direksyon estrikti BSAP la nan Nòdès.

02/09/2026

Gianni Infantino, prezidan FIFA a, rankontre Monique André, prezidant Komite Nòmalizasyon Federasyon Ayisyèn Foutbòl la (FHF), pou diskite sou avni foutbòl ayisyèn lan, sitou sou kesyon gouvènans ak devlopman.

Pandan rankont lan, Infantino salye lidèchip Monique André. Li felisite seleksyon Ayisyèn U-14 la pou viktwa li nan CFU Challenge Series 2026 la, epi li konfime sipò total FIFA pou diferan pwojè Federasyon Ayisyèn Foutbòl la.

02/09/2026

Ak kè m lou mwen sot wè plizyè moun pami yo timoun piti nan sèren nwit la devan yon baryè nan Fermathe 45 lan ki kanpe ki se moun Kenscoff,ki petèt pa konn kòman e kote yap dòmi aswè a,oubyen kap tann yon moun ouvri pou yo pase yon nwit.

Adresse

Kenscoff

Téléphone

+50931646294

Site Web

https://vm.tiktok.com/ZS9jSqS3fxrsX-Q1XB6/

Notifications

Soyez le premier à savoir et laissez-nous vous envoyer un courriel lorsque Mikenderson Brutus Journaliste publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.