29/09/2023
Daprè tout enfòmasyon nou rive jwenn moun s**o rive viktim nan jou ki sòt pase yo ,se koz leta a ki manfouben paske te gen enfòmasyon ki te fè kwè ke nèg yo te gen pou fè yon evantyèl atak depi nan mwa desanm .
Donk si te gen enfòmasyon ki te gentan ap sikile di bandi ame te gen pou anvayi vil la, premye bagay ke leta a te sipoze fè se te ogmante efektif polisye yo ki nan komisarya,ann sery mesye dam lè atak la se te sèlman de polisye wi ki te nan komisarya a ,se aprè lè nouvèl vin tonbe di nèg yo nan vil la , gen de lòt polisye ki vin ogmante fè kat polisye a ti m 14 nan men yo .Kat ti grenn polisye anndan yon popilasyon de plizyè milye moun donk kijan nou vle pou atak bandi yo pa reyisi ? M panse leta a dwe pran responsabilitel gang anndan peyi a pata sipoze pi fò ke leta a ,zam ki nan men gang yo se gwo m swasant sak nan men polisye yo se m 14 ,nèf milimèt yon leta lejitim ,sipoze gen zyel fikse sou popilasyon peyil e metel an dispozisyon pou rezoud pwoblèm peyil .
Nou santi sa kap pase anndan peyi a la a li se yon mank volonte bò kote leta a pou rezoud kriz la oubyen oksidan pa bay pèmisyon poul rezoud e si nou pa pran sa o serye pwoblèm nan pap janm rezoud donk pa gen Moun kap sot lakay yo pou vin mete sekirite pou nou anndan peyin , okontrè yap kreye klima pou pa janm gen lapè pou toujou gen ensekirite pou peyi a toujou cho pou peyi a toujou janl ye a,pou touris pa janm antre ladanl vin envesti pou pitit soyèt toujou rete nan grangou ,paka ale lekòl ou pawè ki non pòtoprens vin gen la a ? pòtoprens kapital anti edikatif e fwaye gang tout kalite abiman ,san pidè ,san sans de responsabilite .
M panse li lè li tan poun pran responbilite nou sispann s***e san pèp la , sispann met zam nanmen pitit soyèt aprè ki pral mouri a ti sapat nan pye yo batay kap fèt se nèg ki pa gen santiman ,restavèk ki mete nou la,se nèg ki gen san esklav ki mete nou la.
Ann pran konsyans pou peyin ka dekole .Patrick DORVAL Radyo New Orientale FM Lascahobas 98.3 Laskawo
