12/10/2023
ANN EKRI POU DESALIN
Chapo ba, nan lide pou ekri premye liv poezi a lonè Jan Jak Desalin, PIA mande ak tout Ayisyen ki kapab e entèrese pou ekri yon Poèm/chan/tèks pou papa nasyon an JAN JAK DESALIN.
- Nan lang kreyòl,
- Tèks sa ap pase devan komisyon Lang kreyòl Ayisyen Platfòm Inivèsitè Ayisyen an,
- Tèks ou a dwe gen fon,
- Lè tèks la fin kalifye w ap resevwa yon notifikasyon,
- Imedyatman w ekri nan pwojè sa a Platfòm Inivèsitè Ayisyen - PIA se sèl estrikti legal ki jere zèv sa yo,
- Ansanm tèks sa yo ap monte yon liv a LONÈ PAPA NASYON an JAN JAK DESALIN,
- Liv sa a ap rele (OCHAN DESALIN),
- Lè w fin ekri zèv pa w la, ou kapab tansmèt li ban nou sou e-mail [email protected]
Konsa tou ou kapab pataje l ak nou nan WhatsApp +50936543811,
-Pou plis enfòmasyon ou kapab kontakte PIA pa menm mwayen sa yo,
OCHAN DESALIN
Yon liv espesyal ki ap genyen poèm/chan/tèks nan onè papa nasyon an.
Poèm/chan/tèks sa yo kapab ale nan sans demann, remèsiman, padon, (li nesesè pou l ale nan sans pozitif e mete onè sou potorik gason sa a JAN JAK DESALIN pou tou sa li fè pou Ayiti ak tout mond lan).
Le 11 oktòb a Midi tapan, demann pou ekri tèks sa yo ap lanse e n ap resevwa tèks sa yo 17 oktòb jiska 11 zè 59, depi w chwazi pou w ekri yon tèks ou kapab envite lòt moun tou ou wè ki gen kapasite pou sa, pou w bal chans ekri yon poèm/chan/tèks ki pral vilgarize nan tout peyi a e nan dyaspora a, espesyalman nan tout Repozwa Jan Jak DESALIN yo.
Lè w fin ekri poèm/chan/tèks la, ekri non konplè ou anba li, nimewo telefòn ou, e-mail si w genyen.
NB: Chak otè ap kapab ekri yon paj.
ANN EKRI POU DESALIN!
Inivèsitè yo se vrè fòs la !
Platfòm Inivèsitè Ayisyen - PIA
