15/06/2026
⭕️ENFO | Se komedyen/powèt James Fleurissaint ki pran inisyativ sa a, akoz tout polemik ki kreye aprè premye match seleksyon Ayisyèn an.🇭🇹Jiska minwi, dimanch 14 jen 2026, te gentan gen plis pase 81,000 moun ki te siyen petisyon, ki dwe al jwenn FIFA, komisyon abit yo ak tout enstans ki anchaj pou garanti entegrite foutbòl mondyal la.⚽️« Nou menm sipòte ekip Ayiti a, ki renmen foutbòl, e ki se defansè fair-play, nou lanse petisyon sa a nan lide pou mande yon egzamen apwofondi sou desizyon abitral ki te make match Ayiti vs Ekòs, nan mondyal 2026 la », Fleurissaint ekri nan deskripsyon petisyon an. Inisyatè petisyon an presize pou FIFA, gen anpil desizyon abit 🇩🇿Aljeryen an Mustapha Ghorbal pran nan match la ki mande gwo kesyonman. Fas ak fristrasyon sa pwovoke, James Fleurissaint mande pou FIFA, an kolaborasyon ak komisyon abit yo, mete an plas yon pwosesis revizyon match ki gen gwo kontestasyon ki soulve. Yon demach konsa, daprè li menm, ka garanti nou idantifye epi korije erè kap vini yo, men tou pwoteje entegrite spò a. « Nou dwe tande vwa sipòte yo, paske li se senbòl espwa ak pasyon plizyè milyon moun » | LSV
