27/08/2026
Masak sa ki fèt Kenscoff la prouve pèp Ayisyen antrave tout bon .
Mwen te sezi lè anpil pati politik te siyen akò Ak ekip Kila sou pretèks Peyi a pral pasifye Pou gen eleksyon aprè 3 bato menasan te Nan rad lanmè Peyi Dayiti tankou Pou te fè politisyen pliye Kako yo ...
Depi lè sa pat gen moun serye ki te kwè pral gen chanjeman ,dayè li klè gang yo montre yo pi fò pase leta yap touye yap mande lapè .
Anpil milyon depanse ou gaspiye Nou poko rezond ti Kal Nan pwoblèm Nan.
Drone yo koute kòb anpil toube ..anyen menm .
Gang ap touye Binuh ap konte mò ,responsab leta ap fè lajan gouvènman ap Voye nòt Pou denonse,Organization swa moun ap pwodwi rapò, pèp la ap kriye vant mare ...
Selon analiz yo Nou vin konprann yon bagay , se sèl pèp la ki pa Nan Viv ansanm pép la paka manifeste . Pèp pa ka gonfle venn ankò Pou batay.viv ansanm ap rouyem e bagay sa jwe Nan favè moun ki la yo ..
Sa vle di Pouw wè fòs leta : anonse manifestation kont pouvwa .
Zòt chante li di nap site '"si se Pou verite Nou mét touye mwen "" ebyen anpil moun ki pat vle pale mouri anba men gang .
Yon kestyon anvan tout bagay: poukisa gang yo pa janm mobilize kont leta ki la yo ???
Sa Nou dwe Konprann Anpil moun jwenn avantaj Nan a*o gang yo ap fè sou popilasyon an tankou :
Kòb kap bay Pou swadizan batay kont gang
Manje ,tant dra kap bay Pou moun ki anba tant .
Eleksyon ki pap janm fèt Pou yo kenbe pouvwa .poun site sa yo sèlman .
Konsa anba anba anpil moun kontan lè frap Viv ansanm nan kèk zòn : anpil lajan sanble ap fèt sou Têt peyizan kenscoff pandan yap blofe moun Ak bèl pawòl,sèl bagay yo bliye blòf gen limit epi kouri gen bouke .
Sou dosye masak kenscoff la
Anpil moun Nan sosyete a toujou ap poze kestyon sa yo : Pou kisa yo pa konsolide gode , epi bare klèmanso?epi Pou kisa yo te vle kraze brigad yo koze ki te fè gwo pale anpil? se sak fè Nou di blòf gen limit la . kestyon kap poze jounen Jodi a : èske se pa Nan konplo pèp la pran Pou yon projè estèminasyon?
…kòm pèp la poko Konprann Nou mèt pouse chwal Nou men pèp la pral leve ...se sak fé Nou di kouri gen bouke . Depi lè kenscoff tonbe anba men gang Otorite vin kenscoff Otorite kite kenscoff anyen pa chanje.
Bon Kilè kenscoff ap rekipere?
Èske se yon sous revni kap Jere pa ti moso oubyen gen yon projè reyèl Pou chanje sa abitan yo ap Viv la .
Dènye atak sa yo bandi fè Nan kenscoff Nan lannwit 23 Ak 24 dawour la kote plis pase 40 moun mouri , plizyè Kay boule San konte sila yo ki Nan men gang ame yo prouve leta pa gen volonté chanje sa ki laa kòm reyalite . okontrè yap pale eleksyon...eleksyon pou ki group?
Entènasyonal la pa gen lide ede dayè se refoule yap refoule pèp Ayisyen kap chache refij Lakay yo .
Abitan kenscoff pa mande leta anyen .yo Viv de kilti yo danre agrikol ,anpil Nan yo pa desann lavil fasil oubyen ditou.
Jounen Jodi a nèg ap fè milyon sou San .anpil nèg sanble pa ta kontan Sa chanje nèg ap mete jile fè photo yap batay ayayay nèg ap fè diskou ...lajan kap brase pandan San pèp l ap koule .kwèm siw vle pa gen anyen serye kap regle .ni ki pral regle Ak yo
Antouka pèp Ayisyen siw kwè moun Kila yo ap sovew, ou Peri deja .si wap tann yo daprè bèl diskou yo, wap tounen pwa tann.
Leve kanpe se sèl opsyon: mounri debou pa mouri ajenou .
Ayiti se Pou ou pa bay legen ou Konprann kisa bagay la ye siw pa kale jew se ou kap wèl....
