07/12/2025
Mwen kwaze ak jèn sa a nan Chalon, yon zòn ki te gen yon move repitasyon nan tan pase yo. Depi entèvansyon Komisè MUSCADIN, Chalon tounen yon espas ki pi trankil.
Sepandan, fòk nou rekonèt zòn nan toujou difisil pou veyikil sikile akoz ansyen pratik boule kawoutchou ak mete dife nan lari yo ki te souvan bloke aksè a.
Jèn sa a, li menm, pa chèche imite ansyen “komandan” Chalon yo. Okontrè, li enspire l nan modèl Komisè a. Kanpe nan lari kraze a, ak plizyè z@m ki fèt ak katon, li ap oryante moto ak machin sou ki direksyon pou yo pran. Sa montre travay Komisè a pa sèlman bay rezilta vizib nan sekirite, men li enfliyanse mantalite jèn yo tou.
si w byen swiv foto komisè a nan Do jenonm nan.
DJAZ INFOS PLUS
