04/05/2025
Lè yon sikopat detwi lavi yon fanm,premye pawòl tèt creuse yo diw,lèw pa renmen gason pa manje lajan’l.
Wawwww se mòd moun sa yo ki fè pitit,paske se pitit yo,yo bal manje etc… yo maltrete timoun sa jan yo vle,yo di timoun nan vye betiz,yo derespekte timoun nan.
Epi timoun sa grandi ak tout blesi sa yo,ki pral repwodui tout injure yo sou moun yo avèl.
Yon timoun ou leve ak brutalite san lanmou,paka pa vyolan si li pa travay sou tèt li.
E anpil fanm ou wè kap aplodi ak kriminèl yon gason,moun sa yo nou dwe pran anpil prekosyon ak yo e ak pitit yo.
Bagay sa yo se nan forè yo dwe viv,yo pa dwe soumoun.
Bref……
Nan yon relasyon se pa lajan ki bay ki konte sèlman,men se janw trete moun ou avèl la.
Se pa fanm sèlman ki dwe pa fè gason pèdi tan,gason dwe suspann fè fanm pèdi tan yo nan relasyon tou.
Gen nèg ki marye avèw,jus poul utilizew poul monte aprè li kite’w.
Genyen ki konnen li pa bezwen’w,men lap baw pawòl poul kouchew.
Genyen se pou manje lajan fanm.
Genyen se jus pou fè zanmi wè li kouchew.
Kidonk mw pa konprann lè yon sèpida,vye pay sèch ki pa jwenn moun ki bezwenl pou utilizel ap di oooo si fanm pa bezwen nèg pa manje lajanl.
Yon moun ou avèl ak baw fanm,fè manje pou ou,sil pa santi li ka viv avèw,paske ou depanse li pa dwe kite relasyon an, li merite mouri?
Lè nap fè fanm bourike tout jounen anndan kay,epi nap banboche ak lòt fanm,fanm konn tuye nou.
Nou pran yon fanm mete nan kay epi nou gen 50 kap umilyel,rabese’l,pale’l mal yo tuye nou.
Nou kriminèl nan tout sans.
Mwen bouke pale medam yo,gen nèg ki ka jus yon patenè sèks,men ou paka nan cohabité ak moun sa.
Gen nèg tou se gade twaze,bgy konsa menm devan pòt ou li pa dwe pile.
Lè nou ak yon moun se depi nan koutize pouw ap eseye moun nan,pouw wè ki tip de moun li ye.
Kijan moun nan wè lavi,kijan li konprann kèk bgy,kijan li te grandi etc.
Mwen konprann pafwa nap sove sitiyasyon,men en vérité gen kote ou antre tèt ou,ou pap soti vivan oubyen wap soti ak gwo regrè ki ap anpwazone tout ekzistans ou.
Medam aprann panse ak lavi avan tou,nan afè gason pito nou paranòy,men na prudan,pou nou sove vi nou.
Jesi-Ca!✍🏼
