Quel est le site Web ?

https://www.facebook.com/108548281988646/

Nouvelles Actualités

Page d'Accueil
Haiti
Port-au-Prince
Nouvelles Actualités

Bonjou Bonswa "Nouvelles Actualités" kreye nan lide pou enfòmew de tout sa kap pase nan mond lan.

19/12/2025

Flash! Direksyon Santral Polis Jidisyè (DCPJ), envite ajan enterimè meri Pòtoprens lan Ralph Youry Chevry lendi kap 22 Desanm 2025 lan pou vin reponn ak divès kesyon ki konsène l. Envitasyon sa vini aprè plizyè ajan DCPJ akonpanye ak komisè gouvènman Pòtoprens lan Fritz Paterson Dorval te fè yon fouy kay premye sitwayen komin lan jou kite vandredi 12 desanm lan, kote yo te pote ale 3 zam ak yon dwòn sipèvizyon.

Majistra a ki kalifye zak si la de yon pèsekisyon politik deklare li deja depoze yon plent nan tribinal premye enstans kont aktyèl responsab DCPJ a ki se Marc Justin.

Nap raple majistra Youry Chevry te gen yon avi rechèch dèyèl sou rèy ansyen prezidan Jovenel Moïse pou enplikasyon prezime li te gen ak gwoup fantom 509, sa ki te lakoz li te elwanye peyi a pandan yon ti tan. Swit aprè ankèt ak rapò DCPJ te vin mete deyò, kite rive blanchi l sou tout akizasyon sa yo.

18/12/2025

Flash! Lapolis ansanm gwoup Task Fòs lanse yon gwo entèvansyon depi katrè nan maten sou zòn Tòsèl kote chèf gang teworis Vitelhomme Innocent ap dirije, lapolis ki gentan lage plis pase 10 dwòn kamikaz nan plizyè baz kote ti sòlda yo konn ap fè abri.
Se anpil kout bal otomatik ki reveye Moun ki abite nan zòn wout Frè, Puit blain ak Delma 95 jodi jedi 18 Desanm lan.

Nap raple sa gen plizyè mwa otorite ki la pou bay sekirite nan peyi a te deja lanse yon ofansiv konsa kont kriminèl Vitelhomme Innocent sou direksyon ansyen DG Normil Rameau.

09/12/2025

Flash! Jodi lendi 8 desanm 2025 lan, Nan komin Mibalè pi presizeman nan Sant vil la, lapolis atravè plizyè inite pami yo UTAG, SWAT ak UMDO melanje ak popilasyon an lanse yon gwo operasyon pou deloje teworis Taliban mawozo yo ki ap simen laterè nan komin si la.
Nan kad operasyon si la plizyè bandi mouri nan echanje kout bal ak fòs lòd yo.
Lapolis rive pèdi yon ajan SWAT 33ième pwomosyon nan menm ofansiv si la ki vize deloje bandi yo.

Malgre anpil bandi tonbe, sa pa anpeche plizyè Polisye ki nan operasyon sa plenyen pasivite Leta santral ki pa vle ba yo mwayen pou konbat teworis yo ki pa sispann kraze ak boule kay malere ak malerèz, plizyè polisye ki nan diferan inite mande ak Wo kòmandman lapolis la mwayen ak materyèl pou derasinen bandi kriminèl sa yo nan Sant vil peyi a.

Nap raple DG polis André Jonas Vladimir Paraison ki gen plis pase 100 jou nan tèt enstitisyon a kite vini kòm moun ki tap vin rezoud pwoblèm ensekirite a jiskaprezan poko kapab debloke yon wout Nasyonal bandi yo okipe.

08/12/2025

Flash! Antèman Isaac Jean AK Daniel Prochete chante nan legliz St- Louis Roi de France jodi lendi 8 desanm 2025 lan an prezans plizyè otorite, fanmiy ak zanmi kite enkonsolab.
Nap raple brigadye sa yo te rive tonbe anba bal bandi Viv ansanm yo Jou kite 18 novanm 2025 lan ansanm AK yon Polisye nan zòn avni jan pòl 2.

Nap make absans chèf brigad kanape vè a Samuel, ki pa parèt tèt li nan antèman si la ki tap chante nan perimèt li ap dirije a.

05/12/2025

Flash! Direktè jeneral PNH la, André Jonas Vladimir Paraison vizite depatman Sidès jodi vandredi 5 desanm 2025 lan, te pase nan komisarya Jakmèl la pou chita pale ak wo komandman polis la nan depatman si la.
Rankont si la te vize pou evalye pèsonèl administratif yo ak ranfòse sekirite nan depatman si la pou moman fèt nwèl la.

30/11/2025

Flash! Anpil machin transpò machandiz bloke nan zòn Akayè akoz atak depi plizyè jou b4ndi viv ansanm yo ki nan Kabarè, jouk moman nou ap pale la atak kriminèl yo ki sòti vilaj de dye ap kontinye nan zòn Bercy pou antre sou site drapo a.

Nap raple DG polis la Vladimir Paraison jou kite vandredi 28 novanm lan te bay bilan santyèm jou li nan tèt enstitisyon an, men yon bilan ki parèt manke akoz plizyè atant popilasyon sivil la genyen pou yo ka vakye ak aktivite yo San pwoblèm nan tout peyi a.

30/11/2025

Mèsi ak tout moun kite ede nou pataje pòs si la 👇🏾 moun lan rejwenn fanmi li

29/11/2025

Aïs Daniel 31 lane se non jèn sa ki kite lakay li Delma 32 depi jedi 27 novanm 2025 lan, jiskaprezan fanmi an pa gen nouvèl li, Daniel te konn vann pate nan zòn kote li tap viv la, li te konn fè livrezon tou.
Li te al fè yon livrezon pou yon Jedi a depi lè sa fanmi an pa gen nouvèl li, li te gen yon chemiz ble, yon pantalon ble sou li nan moman li te sòti a.
Fanmi an mande ak nenpòt moun ki ta wè Aïs Daniel depozel nan yon komisarya ki pi pre a oubyen kontakte yo nan +(509) 3633-2395 ; 31319351

Ann ede nou pataje l pou fanmi an kapab rejwenn li👇🏾

29/11/2025

Enfòmasyon! Toujou nan bilan pou make 100 Jou nan tèt PNH la DG Vladimir Paraison fè konnen sou kòmandman l lan, lap batay anpil pou polisye yo kapab gen cha daso pou konbat gang yo nan peyia, kote li deklare aspiran 35ième yo ki anndan akademi polis la kap pran fòmasyon pou kounya, resevwa yon fòmasyon ki pi di, ki adapte ak reyalite ki gen nan peyi a.

DG polis la ale pi lwen pou fè konnen avan yon lane dwe gen plis pase 4 mil polisye ki gradye pou vin sèvi peyi a, pou lòd ak lapè retounen nan tout kwen nan peyi a.

Nap raple enstitisyon polisyè a kite kreye 12 jen 1995, se te pou akonpanye lajistis epi egzekite manda.

Nap rekipere tout espas bandi viv Ansanm yo okipe yo youn pa youn, e nap fini ak kesyon bandi nan peyia, epi enstitisyon map dirije a bandi pa gen dwa janm pran materyèl enstitisyon an ankò pou nan fè Tik Tok avel, pawòl DGPNH lan nan okazyon santyèm jou li.

28/11/2025

Flash! Pou make santyèm jou nan tèt PNH la mesye André Jonas Vladimir Paraison bay bilan l kote li prezante plis pase 200 zam pami yo yon barèt M82 li rekipere nan diferan entèvansyon kite rive fèt nan peyi a, plizyè bandi mouri ak anpil otaj libere nan kad entèvansyon pou deloje bandi yo anndan peyi a.

DG polis la anonse nan jou kap vini la li pral gen pou mete anndan Kwadèboukè Direksyon depatmantal Lwès 2, yon fason pou kapab reprann kontwòl komin si la.

Nap raple pandan semèn ki sot pase a lapolis te fè yon pote boure anndan Kwadèboukè kote yo te rive sezi yon barèt M82 ak tout yon anjen lou pou chèf gang lanmò San jou.

Lapolis map dirije a pa dwe ret tann yo atake yo se yo ki dwe tann nap atake yo pawòl DGPNH la André Jonas Vladimir Paraison.

27/11/2025

Flash! Konpayi Telefonik fè federasyon Nasyonal ayisyèn lan kado yon Chèk 13 Milyon goud, jodi mèkredi 26 novanm 2025 lan, pou gwo eksplwa yo te rive fè 18 novanm ki sot pase a la kote yo te rive bat Nikaragwa 2-0 ki tou ba yo biyè kalifikasyon yo pou mondyal 2026 la.

26/11/2025

Flash! Ansyen senatè Moïse Jean Charles reyaji aprè depatman deta ameriken fin sanksyone konseye prezidan Fritz Alphonse Jean pou lyen li gen ak gang viv ansanm.

Ex senatè nò a deklare li bay manb KPT yo 3 jou pou yo konvoke chaje dafè ameriken an Henry Wooster ak minis afè etranjè a pou vin bay eksplikasyon sou akizasyon yo fè sou konseye Fritz Alphonse Jean.

Òm politik la ale pi lwen pou fè konnen si chaje dafè a paka bay eksplikasyon, manb KPT yo dwe deklare *pèsona non grata* nan peyi a, epi revoke PM Alix Didier Fils-Aimé ki daprè ex majistra Milo a ki kache dèyè tout sa ki ap fèt la.

Nap raple ansyen senatè Nò a gen reprezantanl nan konsèy prezidansyèl la ki se Emmanuel Vertilaire, youn nan moun non li te site nan skandal BNC a.

Adresse

Port Au Prince
Port-au-Prince
HT6110

Téléphone

+50938241375

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Nouvelles Actualités publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.