Quel est le site Web ?

https://www.facebook.com/122096470976010107/

INNO News

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de INNO News, Société de médias/d’actualités, Quartier Morin.

26/08/2026

*Komite Festivite Katye Moren an dwe rann kont*

Se vre fèt patwonal komin Katye Moren fini ane sa. Tout pèleren, vizitè retounen lakay yo. Men sa pa vle di tout bagèy fini otomatikman. Aprè tout kaladja, tout dechidera, kounya lè a rive pou "komite festivite" ki tap koupe rache nan fèt la rann popilasyon an kont.

Tout pitit Katye Moren, nan yon sèl vwa ap egzije komite a yon bilan klè sou sa li reyalize ak resous lajan ki te a dispozisyon l lan.

Popilasyon Morinwaz la gen dwa konnen laverite sou sa ki tap fèt nan non l lan.

Chodyè pap monte sou non timoun pou l desann sou non granMoun.

"TiMoun li, granMoun konprann" !

INNO NEWS
#
KREDI FOTO:ENKONI

26/08/2026

Rubrik: Yon Jou, Yon Jwè ⚽🎙️

Jodia nan Rubrik Yon Jou, n ap fè w reviv karyè yon gran defansè ki te make liy dèyè nan foutbòl lokal la: Robenson Dorvil, tout moun konnen sou ti non "Bruni".

Robenson Dorvil (Bruni)
Pòs sou teren an: Defansè santral
Premye ekip: Sèjitè (kote l te fè premye pa l)
Prensipal kalite: Yon defansè ki te gen anpil disiplin taktik ak kalm nan zòn pa l la.
Paroukou nan Klèb yo
2006 (ASR): Li kòmanse ekri non l nan elit la ak klèb Artibonite sa a anvan l te pran yon lòt direksyon.
Jeunesse Sportive Capoise (JSC): Li pase 6 lane ap sèvi klèb sa a ak anpil konsistans ak devouman.

Zénith Athlétique Club: Dènye etap nan karyè li nan nivo klèb, kote l te pase 1 ane anvan l te panche soulye l.

Foutbòl Vakans ak Trofe
Nan foutbòl vakans lan, Bruni te gen yon gwo pwa ak renonme. Li se yon fòs nan mitan anpil tit ak siksè ak Super Star FC, yon ekip kote l genyen plizyè trofe ak distenksyon

Yon karyè ki make pa disiplin ak lanmou pou balon an. N ap di Bruni chapo ak mèsi pou tout bèl ane sa yo sou teren an!

E ou menm, ki sa w aprann oswa ki sa k pi enpresyone w nan pakou l?

INNO NEWS
#

23/08/2026

RUBRIK: YON JOU, YON ANSYEN FOUTBOLÈ NAN KATYE MOREN ⚽🔥

Jodi a, n ap mete limyè sou Pericles Joseph, ke tout moun konnen pi byen sou non Pejo!
Orijinè lokalite Galman Duplat (Katye Moren), Pejo se yon ansyen atakan ak elye ki te fè anpil moun panche nan foutbòl ayisyen an ak gwo talan l ansanm ak vitès li.

Karyè ak Ekip li pase:
⚽ Klèb Nasyonal: Li te defann koulè plizyè gwo ekip tankou Zénith Athlétique Club, Don Bosco de Pétion-Ville, Bélier, ASC, Triomphe de Liancourt, ak ASR (Petite Rivière de l'Artibonite).
🏆 Gwo Siksè: Nan lane 2006, Pejo te sakre Chanpyon 2èm Divizyon (Seri Retou PLAYOFF) ansanm ak ekip ASR!

⭐ Ekip Vakans: Nan tounwa vakans yo, se pou gwo ekip Super Star FC li te konn fè flanm nan Katye Moren kote yo te ranpòte plizyè tit, epi Sefòm ak Lekiye nan Milot.
Yon gwo chapo pou Pejo pou tout sa l pote nan foutbòl Katye Moren an ak nan peyi a! 🙌🇭🇹

👉 Kiyès nou ta renmen m prezante pou nou demen? Kite non l nan kòmantè yo! Pataje paj la pou n ka ankouraje ansyen lejand nou yo.

INNO NEWS
#
📸 Kredi foto: Kont Facebook Pericles Joseph

23/08/2026

Nwit sa a, n ap lanse yon nouvo ribrik spesyal sou paj la: "YON JOU, YON ANSYEN FOUTBOLÈ NAN KATYE MOREN" ⚽🔥
Chak jou, n ap pote pou nou istwa, talan, ak parcours ansyen lejand ki te fè nwa ak jou nan foutbòl komin nou an!
Ansyen jwè, gwo match, bèl souvni... Nwit sa a n ap kòmanse ak yon premye gwo non ke tout moun konnen byen nan Galman Duplat! 😉
👀 Rete branche aswè a pou w pa rate premye nimewo a!
👉 Pataje piblikasyon an epi envite yon zanmi swiv paj la pou n ka kòmanse ansanm!

INNO NEWS
#

22/08/2026

Katye Moren/fèt patwonal: ant feblès nan planifikasyon ak blòf politik

Pandan popilasyon Katye Moren ap prepare l pou selebre Sen Patwon li, gen yon gwo endinyasyon ak fristrasyon k ap travèse komin lan. Kèk jou avan jou-J a anbyans la pa montre komin nan sou fèt ditou.

Tout moun ka KONSTATE pa gen okenn dispozisyon ki pran pou kreye animasyon ak pou akeyi pèleren ak pitit Katye Moren kap soti toupatou sitou nan dyaspora a. Gen yon veritab silans ak yon dezòd total nan ekip ki nan tèt komin nan.

*Komisyon kominal la gentan divize*

Sa pa gen lontan depi nouvo komisyon minisipal la enstale. Men daprè enfòmasyon nou gen nan bon ti mamit ta gen yon gwo kriz anndan Administrasyon kominal la. Chirepit sa riske depatcha tout mekanis devlòpman yo. 3 manm yo pa ka antann yo sou anyen. Yo chak ta gen yon vizyon diferan. Nan plas yon bon jan kolaborasyon pou bay popilasyon an yon sèvis piblik ki chita sou kalite, se aksyon endividyèl ak tiray politik k ap fèt, se aksyon "WannMannCho" (one-man-show) k ap miltipliye sa ki paralize tout inisyativ ki ta dwe pran pou fèt patwonal la ak komin nan an jeneral.

Mank tèt ansanm sa a ant otorite yo montre klèman jan enstitisyon an ap fonksyone nan feblès ak enkapasite pou reponn ak bezwen popilasyon an.

"N ap fè l ansanm" ki se tèm fèt la tounen yon tèm-manti paske sou teren an, mo sa yo sonnen tankou yon gwo pwovokasyon ak yon blòf politik.

Kòman pale de "fè l ansanm" pandan katèl la li menm pa ka chita sou menm tab? Kòman pale de inite pandan otorite yo vire do bay pèp la epi y ap goumen pou pwòp enterè pa yo? Tèm sa a ki ta dwe yon zouti rasanbleman pou tout pitit Katye Moren, vin tounen yon senp diskou vid pou kouvri enkapasite ak divizyon ki gen nan tèt meri a.

*Desepsyon yon popilasyon k ap tann rezilta konkrè*

Sitiyasyon sa a ki te yon santiman abandon ak gwo fristrasyon nan mitan kominote a. Pandan reprezantan vil la ap pèdi tan nan politik ti katye ak fo pwomès, sèvis ki pi piti yo rete nan mazi epi lavil la pa pran okenn vizaj fèt. Pèp Katye Moren an jwenn tèt li devan yon fèt san lavi, kote tèm « N ap fè l ansanm nan» pa sèvi anyen, pa tradwi anyen nan reyalite a, men li se yon prèv anplis sou fason blòf politik la pran plas aksyon konkrè nan komin lan.

INNO NEWS
#
# 'oeil Info Pro

Adresse

Quartier Morin

Téléphone

+50933595206

Site Web

facebook.com

Notifications

Soyez le premier à savoir et laissez-nous vous envoyer un courriel lorsque INNO News publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.