06/11/2025
🆘🆘 Pou Ayiti
Gen yon fenomèn k ap ravaje peyi dayiti nan moman an malgre otorite yo okouran men yo pa janm aji sou sa.
Koze nèg brigadye ki panse se polisye yo ye, yo nan tout pwogram ak gwo manch long sou yo, nèg sa yo touye jèn gason ak fanm jan yo vle nan moman an, delmas koze sa repete anpil, anba lavil la se pi mal toujou, kriswa, petyonvil tonbe nan menm koze sa tou.
Moun yo ap plede touye konsa yo pa gen anyen pou wè ak gang men depi yo kenbe w san pyès se BK, pafwa yo konn gen pwoblèm ak moun nan yo touye l sou fòm bandi, yo menm fè m konnen nèg sa yo nan pran lajan nan men patikilye pou al fè zak pou yo. Nan nenpòt aktivite ( match football, fèt, bann rara, pwogram) nèg sa yo se rale zam plede tire pou san rezon
E gen polisye ki gen menm konpòtman ak teworis yo tou lè yo nan zòn yo,
Nou swete gen yon kout je ki fèt sousa pou pi devan pa pi tris
Se te enfòmatè n nan Petion ville
Radar Politique 📡
