10/09/2025
Kisa ki wòl Ministè Agrikilti a vrèman?
Pa Jocelyn Perez â Radio TĂŠlĂŠ Uni 102.7 FM
Sa fè lontan Ministè Agrikilti peyi - dayiti prèske vinn tounen yon lonbraj pou pwòp tèt li. Leta kontinye ap prezante tèt li kòm yon pouvwa kâap goumen pou Pèp, men an reyalite, se pito sou blòf ! Se manti yap itilize pou bay popilasyon- an.
Depi plizyè lane , anpil moun nan popilasyon sivil la pa janm sispann poze tèt yo kesyon sa a:
Ki vrè wòl yon Minis Agrikilti nan yon peyi tankou Ayiti, kote majorite moun ap viv de agrikilti, epi kote peyizan yo ap lite preske chak jou Bondye mete pou yo jwenn ti Lamanjayy.
Ăske Ministè Agrikilti a vrèman egziste pou vre peyizan yo jan otorite toujou di sa ?
⢠Ăske ministè a la pou akonpaye peyizan yo nan fè plante latè?
⢠Ăske peyizan yo resevwa nan men Letaa bonjan sipò tankou : angrè, ponp pou dlo espesyal a motè, pou awozaj?
⢠Ăske yo jwenn traktè pou drene tè kiltivab yo ak bon jan semans, plis fòmasyon pou ogmante pwodiksyon lokal yo ?
⢠Ăske Minis aktyèl la, " Mesye Vernet Joseph " reyèlman ap pote sipò pou peyizan ki nan seksyon ki pi lwen yo? Lèn konsidere abitan sayo se veritab moun ki reprezante Matris Pep la.
Mesye Minis, kote ou ye menm ?
Nou ta renmen poze ou kesyon sa a, klè, san lang nou pa vire ;
Ăske lajan Leta mete disponib nan bidjè pou Ministè wap dirije a sèvi pèp la nòmalman ? Eske
ou itilize li jan sa dwe fèt?
Ăske ou pran âbaton pèlerenw pou' w al wè e tande , kòman popilasyon-an ap viv reyalite sitiyasyon difisil ki egziste aktyelman nan tout 4 kwen peyia ?
Mesye Minis " Vernet Joseph " Kisa w' ap fè jodi a pou ede moun ki grangou yo. ki pa kapab plante latè nan moman sayo , paske gen pami yo ki pèdi tt sa yo te posede aprè nèg ak zam finn kouri dèyè yo nan zòn kote yo te konn abitye plante latè, egzanp kominn Kenskoff ?
Pandan w' ap chita nan biwo' w, pèp la pa santi prezans ou menm . Se politisyen ki kontwole tout sa kâap pase andedan ministè a. Yap regle zafè pèsonèl yo, pandan peyizan yo ap mouri grangou.
Menm Ministè Agrikilti wap dirije a, tounen yon veritab bouda chwal politik , sitou nan dosye Zangi a?
Nou pa janm kite sistèm nan mache pou tout moun, dosye Zangi a, ki ta dwe yon zouti devlopman sou tt peyi a, tounen pito yon lòj politik- ki rezève pou sèlman yon gwoup moun ki gen koneksyon. Pandan Ti- Peyizan yo pa gen vwa, Se yo kâap sibi tt kalite soufrans yo.
Sanble se tt bon vre Ayiti pa janm gen chansâŚ
Si wi, Poukisa menm ? Paske yo toujou mete zanmi yo nan pozisyon kle, olye yo chwazi moun ki gen konesans ak konpetans e ki Gen konsyans.
Yo bliye sa kâap soutni peyi a: âgwo zòtèyâ yo â sa vle di peyizan yo, ti plantè yo.
Gouvènman Alix Didier Fils-AimÊ a jouk jounen jodi a, poko bay siy li vle mete aksan sou agrikilti.
Pandanstan, moun nan mòn yo, nan seksyon ki pi lwen yo, yo tt bezwen èd. Yo pa bezwen pawol ankò nan bouch otorite yo, yo bezwen pito bonjan aksyon kap ede yo soti nan sitiyasyon yap viv la.
Ann panse yon lòt Ayiti cheri jan nou tt renmen dil la.
Yon Ayiti kote Ministè Agrikilti a pap tounen yon dekorasyon politik anba men dirijan san konsyans, men pito yon zouti devlopman reyèl e ki ap dirab ,
Yon Ayiti kote Minis lan gen misyon, pa pozisyon sèlman.
Yon Ayiti kote nou mete tèt ansanm pou sove agrikilti, epi ede majorite pèp la ki nan gwo mizè vant kòde.
Jocelyn Perez
Radio TĂŠlĂŠ Uni 102.7 FM
