Idalina Dayiti.Koze Ak Pawôl Gramoun.

Idalina Dayiti.Koze Ak Pawôl Gramoun. Publier Mes Textes. Ancourager Les Autres A Prendre La Route De L'espoir

22/08/2025

ABA.
Aloufa toujou bezwen
Plis Richès
Konsa yo fèk Kare
Ap Ansasinen Pitit Pèp La
Men se pou Nou Anpeche Yo
Rive pi Lwen .
Epi tou si Yo al Pi Devan
Nou Tout Pèp ap Peri .
Pou Sa se pou Nou Rele :
Aba Tout Ansasinen Fo Kole
Aba Tout Espri Makout
Aba Tout Zong Kolòwòch
Aba Tout Dan Long
Aba Tout Malfini
Aba Tout Sendenden
Aba Tout Piyajè.
Fòk Nou Sèmante
Sètsan Swandisèt Fwa Sètsan
Pou Peyizan Viv Alèz
Sou Ti Bout Tè Yo
Piga Gran Nèg
Prann nan Men Yo.
Se Pou Zotobre kite
Ti Kal Byen Malere Yo
Nan Men Yo.
Se pou Manje Grimèl
Kite Yo Koule Rekòlt Yo Fè a.
Zwezo Pa Konn Sot Deyò
Pou Vinn Chase
Pijon Nan Kalòj Li.
Nou Dwe Chase Tout Zwezo
Paske Bèt a Zèl Sa Yo
Se nan Raje Yo Rete.
Kote W Jann Tande
Chat Mawon Viv Nan Kay
Jouk li Rive Kouri
Dèyè Chat Kay La
Non Se Pa Vre .
Fòk Nou Fè Koukouj
Dèyè Tout Atoufè
Ki File Grif Yo Pou Vinn Pran
Ti Kras Sa Nou Rete Yo
Nou pa Dwe Bliye
Jan Bèt Sa Yo Gen Riz
Se pou Nou Tann Bon Pyèj
Pou Yo Ka Kite Nou Anpè.
Se Rat Yo Ye Ann Mete
Bon Pèlen Pou Yo.
Nou Pa Gen Dwa Bliye
Kò Nou Tou.
Se Pou Nou Veye Tout Tan.
Idalina Dayiti 1988.

20/08/2025

Se Tout Dwèt.
Se Tout Dwèt
Ki Pou Manje Kalalou
Konsa M' ap Ban nou
Yon Ti Fèy Tèt Kole
Pou 'N Mete
Nan Dlo Bon Òganizasyon
Konsa na fè yon Bonm
Beng Tèt Ansanm
Pou Wouze Lakou a
Konsa na chase
Tout Move Zè, Grenn Divizyon
Zòt Vle Simen nan Mitan nou.

Rad Sal Lave Nan Fanmi
Konsa Je nou Klere
Nou p'ap kite Zòt
Fè nou fè Tenten
Paske nou se Bon Militan
Nou Konprann
Tout Jwèt K ap Jwe
Anyen Dwòl p'ap Pase.

Ann Avanse Ansanm Pou n
Ka Rebati Kay Libète
Pou sa nou p'ap ret ap
Voye Wòch Yon sou Lòt
Pandan Malfini ap fè Tèt Kole
Ak Frize pou anpeche nou rive
Anba Tonèl Laviktwa.

Pou n Rive Nan Lakou Liberasyon
Fòk Tèt Nou an Plas
Se pou sa m ap ban nou
Yon Ti Pye Bon Konprann
Pou n Plante Nan Tèt Nou
Konsa la tounen
Yo Gwo Pye Solidarité
Pou Bare Wout Tout Sendenden
Ki pa Vle Wè General Sole Klere
Pou Lafanmi Sòyèt ak Frè Siyis.
Idalina Dayiti. Janvye 1986

23/12/2024

Nwèl Ayiti.
Nwèl kè sote
Nwèl pwenn fè pa
Nwèl krèv kè
Nwèl Ayiti demil venn kat
Se Nwèl Dlo nan ge
Tout moun nan lari
Tout kay kankannen
Tout kay piye rapyetè
Lopital kraze
Lopital kankannen
La Repiblik de Pòtoprens
Latibonit se krèv kè
Si w kwè se manti
Al mande:
Dèlma 5
Dèlma 3
Dèlma 9
Dèlma 7
Dèlma 11 elatriye
Fè yon kout ge Kafou Fèy
Nan Solino .
Tonton Nwèl souple
Soufle sou Zonbi yo
Pou yo ka leve
Kou Ezekyèl Soufle sou Zo yo
Pou yo ka leve kanpe
Tanpri pote yon
Ti Sèl Mobilizasyon pou nou
Pou ge Tout Zonbi ka louvri
Pou delivre Ayiti.
Idalina Dayiti
23 Desanm 2024

23/12/2024

Nan Dezè
N'ap mache nan Dezè
Nou pa konn ki jou
Ni ki date n'a rive nan Ginen
La Vil Okan Dlo yo tounen San
Mapou tonbe kabrit mange fèy
Nou bouke mache nan fè nwè
Ensekirite lannwit kou lajounen
Nou prale nan Ginen
Ayiti peyi Solèy Leve
General Sole pati
Fè Nwè sèl Rén k'ap dirige
W peyi Tèt san Kò
Tout moun tounen Zonzon
Sèl Wa bò yisit se:
Lè Valpa Ansanm
Lè Vakabon abiye
Lè Paren
E lè Patwon Ansanm
Nou Sou
Nou Bouke
Yon Gwo Dezè san bout
N´ap travèce pou rive nan Ginen
Kote na repoze.
Idalina dayiti
23 Desanm 2024.

13/10/2024

L' Amitié.
L' Amitié est une fleur si rare
Qui on doit la conserver précieusement
Si on la trouve.
Si tu rencontres une plante d' Amitié
Sur ta route cueille une branche
Et met la dans ton cœur.
Arrose la chaque jour
Pour qu'elle devienne plus belle.
Car les vrai es ami es sont ceux, celles
Qui partagent tes peines
Aussi bien que tes joies.
Les vrai es ont les trouvent rarement.
Ce sont ceux,celles qu'on voient
Le jour de la détresse.
Si tu veux garder l' Amitié de quelqu'un
Accepte la tel qu'il est
Avec ses bontés et ses défauts.
L' Amitié est une fleur si belle et si rare
Que c'est un crime de la laissée fanée.
Idalina Dayiti.1975.

Adresse

Delmas

Téléphone

+50937493135

Site Web

Notifications

Soyez le premier à savoir et laissez-nous vous envoyer un courriel lorsque Idalina Dayiti.Koze Ak Pawôl Gramoun. publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Idalina Dayiti.Koze Ak Pawôl Gramoun.:

Raccourcis

Partager