04/07/2025
Se tankou yon gwo kout tonè Popilasyon an, patikilyèman Moun nan depatman Sid Peyia ( Okay ) aprann nouvèl sa ! Ministè Lajis deside transfere aktyèl Komisè Gouvènman Okay la, Mèt Pierre Elioth Paul Nan Jiridiksyon Kap Ayisyen kòm etan sibstiti Komisè Gouvènman.
Mèt Pierre Elioth Paul jwenn lèt transfè Sila , dat pou dat swa 8 mwa aprè enstalayon li te fèt Nan tèt pakè Okay la , nan dat 04 Novanm 2024 pase a.
Komisè Elioth jwenn lèt Transfè sa yon Jou aprè sèvis kominikasyon ak relasyon Piblik Alo Lapolis la! fin pibibliye yon lis non Endividi Lapolis lage avi rechèch dèyè yo , Pami endividi sa yo , genyen non yon gwo Bawon Nan Sid Peyi a , kise notè , Jean Vernet Mercier , Lapolis lage koukouwouj dèyèl pou asosiyasyon malfèktè , asasina tantativ asasina ,li deja chape poul li pou Peyi etranje.
Notè Jean Vernet Mercier sa, te jwenn arestasyon li 19 Me 2025 pase a , li te akize kòmkwa li ta patisipe nan asasina yon gwo biznisman nan Vil Okay. Se aprè anpil gwo presyon towo yo nan ministè lajistis te bay Otorite jidisyè yo Nan Vil Okay , “Bawon Sid la” pat pran tan pou ye jwenn liberasyon li.
Anpil sitwayen Nan komin Okay pat sispann kache kontantaman yo, aprè rive Komisè Elioth Paul Nan tèt pakè Okay la , kote avan rive li , ti malere ak malerèz tap monte yon kalvè akoz te genyen yon gwo rezo vòlò tè kite gen Avoka, Notè elatriye ki tap mache vòlò Tè sitwayen yo Pami yo Fanmi “ d'Haiti”.
Kesyon anpil moun Nan sosyete a ap poze tèt yo , eske Se volonte Ministè Lajistis pa genyen pou transfere Komisè Muscadin osnon vreman li kwoke Nan gòj yo?
Founije info
