05/09/2025
MOtivasi DALam ceriTA HUmor_MoDal TaHu #1
Aya Saha
Versi Sunda
Dina hiji poe, Jang Uha datang ka imah Abah Rayen, akina. Manehna rek nyarita. Lamun bahasa ayeuna mah Curhat.
Tok tok panto Imah Abah diketok.
Jang Uha: Assalamualaikum. Abah, Aya di bumi?
Abah: Teu. Aya mah nuju di luar.
Jang Uha: Ari eta anu ngawaler Saha?
Abah: Sanes. Ieu mah Abah. Saha oge keur di luar.
Jang Uha: Naha asa lieur kieu ngomong Jeung Abah mah. Urang coba nanya deui ah.
Abah, Aya di bumi?
Abah kaluar muka panto.
Abah: Rek naon silaing ka dieu teh?
Jang Uha: Eta Abah Aya. Ceunah keur di luar.
Abah: Silaing kan nanya Aya jeung Saha? Maranehna mah emang keur di luar, teun babaturanna.
Jang Uha: Sanes, Abah. Abdi mah naros salira. Sanes Aya jeung Saha. Abdi oge apal maranehna mah keur di luar. Tadi papanggih di jalan. Rek ka Imah babaturanna.
Abah: Nya, atuh. Uing hampura. Rek naon ka dieu?
Jang Uha: Teu jadi ah, Abah. Moal pibeneren. Ke Weh ah kadieu deui. Ayeuna mah tos teu mood.
Abah: Eh, ilaing mah epes meer. Lamun boga maksud teh kudu soson-soson diperjuangkeun supaya tinekanan. Tong pundungan.
Ujang Uha: Moal, Ah. Ke Weh ka dieu deui. Assalamualaikum.
Ujang Uha ninggalkeun bumi Abahna.
Abah: Waalaikumsalam.
Abah Oge asup deui ka imahna neruskeun hanca ngadengekeun dongeng dina radio.
----------------
