08/05/2025
أي صورة أعجبتكم؟ 👀
وصلت للبتراء بالأردن 🇯🇴
ثاني أعجوبة من عجائب الدنيا السبع اللي نزورها، و نحكيلكم على تجربتي في هذا المكان:
- سعر الدخول للبتراء هو 30 دينار أردني (38 يورو) للعرب، أما الأجانب فالسعر هو 55 دينار.
- البتراء ماهيش غير المكان الموجود في الصورة الأولى، و إنما هي مدينة أثرية كبيرة جدا، و أشهر مكان فيها هو الخزنة الموجودة في أول صورة، و الدير (Monastery) الموجود في الصورة الثانية، يتشابهو بزاف ولكن لازم تتمشى حوالي ساعتين من الخزنة حتى الدير و تتسلق حوالي 800 درج.
- كاين العديد من مسارات المشي بالداخل، و باش تكملهم كامل و تكتلشف كامل البتراء لازم ثلاث أيام.
- كاين عرض البتراء بالليل (Petra By Night)، تفقدو آخر صورة، سعر الدخول ليه 17 دينار أردني، ولكن صراحة لم يعجبني و السعر هذا غالي جدا مقارنة بالتجربة.
- نشوف أن البتراء تستاهل تكون من عجائب الدنيا السبع و يجب على كل واحد يزور الأردن يشوفها، أنا شخصيا كمحب للصحراء و التاريخ استمتعت بزاف.
- معظم الصور صوروهملي البدو العايشين هناك، و كلهم لطيفين و خاصة بعدما يعرفو أنمي جزائري دايمن يرحبو بيا.
واش رايكم في البتراء؟ أي صورة أعجبتكم؟
