Daily with Sunshine - WYO

Daily with Sunshine - WYO pieces of life

နောက်လဆို Padova က ပြန်ရတော့မယ်ဆိုတော့ ပထမဆုံးစရောက်တဲ့နေ့အကြောင်းကို ပြန်တွေးမိတယ်။ တူတူလာတဲ့သူငယ်ချင်းတွေနဲ့ပြောမိသလို...
22/01/2026

နောက်လဆို Padova က ပြန်ရတော့မယ်ဆိုတော့ ပထမဆုံးစရောက်တဲ့နေ့အကြောင်းကို ပြန်တွေးမိတယ်။ တူတူလာတဲ့သူငယ်ချင်းတွေနဲ့ပြောမိသလို စရောက်ခါစ ကိုယ်တို့အတွက်က ကားဂိတ်ကနေ ဘူတာကလည်း အဝေးကြီး၊ Padova ကလည်း အကြီးကြီး၊ ပြီးတော့ အရာရာက အသစ်တွေဖြစ်နေခဲ့တာ။ ခုပြန်တွေးတော့ တစ်လလောက်အကြာမှာတင် ဒီမြို့မှာ အချိန်ကြာကြာနေခဲ့ဖူးသလိုမျိုး ခံစားမိတဲ့အထိ နေသားကျသွားခဲ့တဲ့မြို့ ဖြစ်နေပြန်ပါရော။

စစရောက်တဲ့နေ့ကတော့ ဂယက်အစုံအလင်ပေါ့။ စက်တင်ဘာလလယ်ကို စအေးတော့မယ်ဆိုတာမျိုးတွေဖတ်ပြီး အထူကြီးဝတ်လာရာကနေ ဗင်းနစ်လေဆိပ်ကအထွက်မှာတင် ကောင်းကင်ကကြည်လင်ပြီး ပူနွေးနေလို့ အံ့အားသင့်ရတာကစပြီး roaming မဝယ်လာကြတဲ့သုံးယောက်ရဲ့ Padova ကအဆောင်ထိ ရောက်အောင် ချီတက်လာနိုင်ခဲ့တဲ့ အောင်မြင်မှုရယ်၊ အဆောင်ရောက်တော့ အီတလီဖုန်းနံပါတ်မရှိလို့ WiFi သုံးမရကြတာရယ်၊ ဘေးက EuroSpar မှာ sim card သွားဝယ်ကြပေမယ့် register လုပ်မရကြလို့ အဲ့က WiFi ကို ကပ်သုံးပြီး google map မှာ sim center ရှာပြီး screenshot ရိုက်ပြန်လာကြရတာရယ်... မြို့အသစ်မှာ ဖြစ်ချင်သလိုတွေဖြစ်ပြီး ပထမဆုံးညကို ကျော်ဖြတ်ခဲ့ကြရတာပေါ့။ ကိုယ့်ဘာသာ ပြာယာခတ်နေကြတာနဲ့ map ကို offline download လို့ရတာတောင် အာရုံမရကြဘဲ screenshot ရိုက်လာကြတာ ခုပြန်တွေးရင်တော့ တကယ် ရယ်ချင်စရာ 🤣

အောက်ကပုံတွေကတော့ ဒုတိယရက်မှာ google map screenshot ကို ကြည့်ပြီး Central ထိ မိနစ် ၃၀ ခရီးကို စမ်းတဝါးဝါး လမ်းလျှောက်ရင်း ရိုက်ခဲ့တဲ့ပုံတွေ... မှန်လားမှားလားမသိဘဲ သွားနေခဲ့ကြပေမယ့် Europe ရောက်နေတယ်ဆိုတဲ့အသိနဲ့တင် မြင်မြင်သမျှ ဓာတ်ပုံရိုက်၊ ငေးမောရတာနဲ့ မောဖို့တောင် မေ့နေခဲ့တဲ့နေ့ပေါ့။ အဲ့နေ့က တခြားလုပ်စရာတွေပါ တစ်ခါတည်းသွားလိုက်တော့ တစ်မြို့လုံးနီးပါး ပတ်ခဲ့သလိုတောင် ဖြစ်သွားခဲ့တာ။ ဒါကြောင့်လည်း မြန်မြန်အသားကျသွားတယ်ထင်ပါရဲ့။

စိတ်ကူးပေါက်သလို လာလာတင်နေတာဆိုတော့ လွန်ခဲ့တဲ့လေးလကအကြောင်းကို ခုမှ လာတင်ဖြစ်တယ်။ သွားခဲ့တဲ့ခရီးတွေအကြောင်းလည်း တင်ဖြစ်ပါဦးမယ်... အချိန်လည်းရ၊ စိတ်ကူးလည်းပေါက်ရင်ပေါ့။



“ကိုယ့်အတွက် ပျော်ရွှင်မှုဆိုတာ ဘယ်လိုအဓိပ္ပာယ်လဲ” ပျော်ရွှင်မှုဆိုတာ သီးသန့်စကားလုံး၊ ခံစားချက်တစ်ခုမဟုတ်ဘဲ တခြားအရာတွေ...
11/12/2025

“ကိုယ့်အတွက် ပျော်ရွှင်မှုဆိုတာ ဘယ်လိုအဓိပ္ပာယ်လဲ”

ပျော်ရွှင်မှုဆိုတာ သီးသန့်စကားလုံး၊ ခံစားချက်တစ်ခုမဟုတ်ဘဲ တခြားအရာတွေနဲ့ တွဲမြင်ရတဲ့အရာမျိုးလို့ အဓိပ္ပာယ်ဖွင့်ဆိုချင်တယ်။ စာတွေဖတ်ကြည့်တာတော့ ပျော်ရွှင်မှုဆိုတာ negative feeling တွေထက် positive တွေ ပိုများနေခြင်းပါပဲတဲ့။

ကိုယ့်အတွက်တော့ ပျော်ရွှင်မှုဆိုတာ ရိုးရှင်းတယ်၊ ပြီးတော့ တစ်သမတ်တည်း မဟုတ်နေခဲ့ဘူး။ တခါတလေ ရယ်မောရခြင်းတွေအပြည့်နဲ့ ပျော်ရွှင်မှုကို တွေ့ရတတ်ပေမယ့် တခါတလေကျ မျက်ရည်တွေပါမယ်၊ လွဲချော်မှုတွေပါမယ်၊ နားလည်မှု၊ ပွေ့ဖက်ခြင်း၊ ကြည်နူးရခြင်း၊ နွေးထွေးရတဲ့ အပြုအမူတွေ၊ ကောင်းကင်ပြာပြာ၊ တိမ်တွေ၊ နေကြာပန်းတွေ၊ အရုပ်တွေ၊ ​ကြောင်​တွေ၊ ​ကော်ဖီနဲ့ ​ပေါင်မုန့်​တွေ၊ အပြာရောင်တွေ... ပြီးတော့ အပြုံးတွေ။ ဒါတွေကို ပျော်ရွှင်မှုလို့ မြင်တယ်။

ပျော်ရွှင်မှုကို အဓိပ္ပာယ်ဖွင့်ဆိုကြတာတွေ မတူကြပေမယ့် ပျော်ရွှင်နေမှန်း သိရစေမယ့် လက္ခဏာတွေတော့ ရှိကြောင်း ဖတ်ဖူးတယ်။ ကိုယ်လိုချင်တဲ့ဘဝပုံစံလေးအတိုင်းနေရတာ၊ ဒါမှမဟုတ် ဘယ်လိုအရာလာလာ လက်ခံနိုင်သွားတာ/ လက်ခံချင်စိတ်ရှိတာ၊ ဘေးနားကလူတွေနဲ့ ကောင်းမွန်တဲ့ ဆက်ဆံရေးရှိတာ၊ ဘဝအတွက် အဓိပ္ပာယ်ကို ရှာတွေ့သွားတာ စသဖြင့် လက္ခဏာတွေပါတယ်တဲ့။ တွေးမိတာကတော့ ဒီအချက်တွေက ကိုယ့်ကိုယ်ကိုယ် လက်ခံလိုက်တာကြောင့်ပဲ မဟုတ်လားပေါ့။ ကိုယ့်ကိုယ်ကိုယ်လက်ခံလိုက်ချိန်မှာ ကိုယ်ကြိုက်တာတွေက ပိုလှလာပြီး အဖြစ်အပျက်တိုင်းက လက်ခံချင်စရာဖြစ်သွားမယ်၊ ကိစ္စတိုင်းကို gratitude နဲ့ မြင်လာနိုင်ပြီး ပိုလည်း မျှဝေလာနိုင်မယ်။ ဒီကနေ တဖြည်းဖြည်းနဲ့ အများကြီး ပျော်လာတော့မှာပေါ့။ ဒါကြောင့်လည်း ကိုယ့်ရဲ့ပျော်ရွှင်မှုကို အဓိပ္ပာယ်ဖွင့်ဆိုတာမှာ ကိုယ်ကြိုက်တဲ့အရာတွေ အများကြီးပါလာတာထင်ပါတယ်။ အရင်ကတော့ တကယ်ပျော်လားဆို မပြောတတ်ပေမယ့် ခုတော့ သေးသေးလေးကအစ ပျော်စရာတွေပါပဲ။ ပျော်ရွှင်မှုဆိုတာ အဲ့လောက် ရိုးရှင်းပါတယ်။

ထုံးစံအတိုင်း ပုံက​တော့ ကိုယ်တိုင်ရိုက်ထားတာပါပဲ။ ​ကျောင်းက Botanical Garden မှာပါ။

#စာရေးကြမယ်ရက်သုံးဆယ်
#ရေးမယ်ထရိန်နင်



“ကိုယ့်ရဲ့ အားသာချက်နဲ့ အားနည်းချက်ကို သိလား” နှစ်တိုင်း reflection လုပ်နေကျ လူတစ်ယောက်အနေနဲ့၊ intrapersonal skill နည်းန...
10/12/2025

“ကိုယ့်ရဲ့ အားသာချက်နဲ့ အားနည်းချက်ကို သိလား”

နှစ်တိုင်း reflection လုပ်နေကျ လူတစ်ယောက်အနေနဲ့၊ intrapersonal skill နည်းနည်းပိုကောင်းတဲ့လူတစ်ယောက်အနေနဲ့ပါ ကိုယ့်ရဲ့ အားသာချက်၊ အားနည်းချက်ဆိုတာက ပုံမှန်သတိထားမိ၊ သိနေတတ်တဲ့အရာတွေ ဖြစ်နေတယ်လို့ ဆိုရပါမယ်။

အားသာချက်၊ အားနည်းချက်တွေကို သိမှ ကိုယ်တိုင်လည်း ဘယ်လိုအရာတွေမှာ ဘယ်လိုနေရာတွေမှာ ဘယ်လိုကိုင်တွယ်နေထိုင်သင့်တယ်ဆိုတာမျိုးတွေ၊ အသုံးချသင့်တယ်ဆိုတာမျိုးတွေ သတိထားမိနိုင်မယ်လို့ ထင်တယ်။ ဒါကြောင့် နှစ်တိုင်း reflect လုပ်တာကို အကျင့်လိုမျိုးမွေးထားတယ်။ reflect လုပ်တာက ကိုယ်ရခဲ့တဲ့ achievement တွေ၊ တိုးတက်လာတာတွေကိုပါ သတိထားမိစေတာမျိုးမို့ ကိုယ့်အတွက် အများကြီး အကျိုးရှိတာမို့ အကုန်လုံးကိုလည်း အချိန်လေးထုတ်ပြီး လုပ်ကြည့်စေချင်တယ်။

ခုတလောရဲ့ အားသာချက်‌ရော အားနည်းချက်ရောကတော့ တအားချစ်ဖို့ကောင်းတဲ့လူဖြစ်နေတာပါ။ လူတွေချစ်ကြတာ အားသာချက်ပေမယ့် တအားအာရုံစိုက်ခံရတာကျ အားနည်းချက်လိုဖြစ်နေတာပေါ့နော် 🤣 ဟဲဟဲ... စတာပါ၊ အားသာချက် အားနည်းချက်တွေက ကိုယ့်ဘာသာသိဖို့နဲ့ ဖော်ပြဖို့တကယ်လိုအပ်မှ ထုတ်ပြောဖို့ပဲလို့လည်း မြင်ပါတယ်။ လူတိုင်းက ကိုယ့်အားသာချက်၊ အားနည်းချက်တွေ သိဖို့မလိုဘူးလို့မြင်တာမို့ မေးလာခဲ့ရင်တော့ ကိုယ်ကတအားချစ်ဖို့ကောင်းနေတာပါလို့သာ ဖြေကြပါ။ လူတွေ နည်းနည်းစိတ်ညစ်သွားလည်း အမြတ်ပဲမဟုတ်လား၊ ထပ်လည်းမမေးကြတော့ဘူးပေါ့။ ကိုယ်ကတော့ တကယ်ချစ်ဖို့ကောင်းနေတာပါ... ဤကား စကားချပ်။

ပုံက​တော့ ချစ်ရတဲ့အစ်မတစ်​​ယောက် လက်​ဆောင်​ပေးထားတဲ့ Binnie Xinnie ကို Eiffel Tower ဆီ ​ခေါ်သွားဖြစ်တာ​လေး 🩵

#စာရေးကြမယ်ရက်သုံးဆယ်
#ရေးမယ်ထရိန်နင်



"ကိုယ့်ရဲ့ လက်သုံးစကား​လေးတစ်ခု​"ဒါ​တော့ သတိမထားမိပြန်လို့ သူငယ်ချင်း​တွေကို လိုက်​မေး​တော့လည်း တစ်​ယောက်တစ်မျိုးစီ​ပြော...
09/12/2025

"ကိုယ့်ရဲ့ လက်သုံးစကား​လေးတစ်ခု​"

ဒါ​တော့ သတိမထားမိပြန်လို့ သူငယ်ချင်း​တွေကို လိုက်​မေး​တော့လည်း တစ်​ယောက်တစ်မျိုးစီ​ပြော​နေကြတာမို့ ​အ​ပြောများတယ်ထင်တာ​လေးကို ဆွဲထုတ်လာခဲ့ပါတယ်။

အဲ့ဒါက​တော့ "လူ​တွေကလည်း ​ကြောက်ဖို့​ကောင်းလိုက်တာ​နော်" ဆိုတာပါ 🤣 သူငယ်ချင်းနဲ့ spill the tea ပြီးတိုင်း၊ ဒါမှမဟုတ် ဘဝက​ပေးတဲ့ သင်ခန်းစာများအ​ကြောင်းကို​ပြောပြီးတိုင်း ဒါ​ကို​ပြောမိတယ်ထင်ပါတယ်။ တအားကို သံ​ဝေဂရလာတဲ့ အသက်အရွယ်ပါ​ပေါ့။

Positively ဆိုရင်​တော့ "လုပ်ကြစို့/လုပ်ကြမယ်​လေ/သွားကြမယ်​လေ" ဆိုတာကို အ​ပြောများလာတယ်ထင်ပါတယ်။ တစ်ခုခုဆို လုပ်ကြည့်လိုက်ချင်တာမျိုး​ပေါ့။

ဒီနှစ်ခု​တော့ သုံးဖြစ်တာများတယ်ထင်ပါတယ်။ ကျန်တာ​တော့ မသိ​​တော့ပါ။

ပုံက​တော့ ဒီ​နေ့ရိုက်လာတာ​လေးမို့

#စာရေးကြမယ်ရက်သုံးဆယ်
#ရေးမယ်ထရိန်နင်



"အ​ကောင်အထည်မ​ဖော်ဖြစ်​သေးတဲ့ ဝါသနာတစ်ခု" တစ်ခုပဲရေးခိုင်းပေမယ့် မနေ့ကဟာကို ရေးစရာမရှိလိုက်တော့ နှစ်ခု ရေးမယ်လို့လုပ်လို...
08/12/2025

"အ​ကောင်အထည်မ​ဖော်ဖြစ်​သေးတဲ့ ဝါသနာတစ်ခု"

တစ်ခုပဲရေးခိုင်းပေမယ့် မနေ့ကဟာကို ရေးစရာမရှိလိုက်တော့ နှစ်ခု ရေးမယ်လို့လုပ်လိုက်ပါတယ်။ အဲ့လို နည်းနည်းအထွန့်တက်လိုက်ရမှ နေသာသူတစ်ဦး

ပထမတစ်ခုက ကိုယ်သိတာတွေ၊ သွားတာတွေ၊ လုပ်တာတွေကို မျှဝေတာမျိုးပါ။ ဒီ page ကိုလည်း အဲ့ဒီရည်ရွယ်ချက်နဲ့လုပ်ခဲ့ပြီး ဖုန်းထဲမှာလည်း ရိုက်ထားတဲ့ video တွေ၊ ဓာတ်ပုံတွေ မနည်းမနောရှိနေပေမယ့် ခုထိ အကောင်အထည်သေချာမဖော်ဖြစ်သေးတဲ့ ဝါသနာလေးပေါ့။ ဒီ challenge ကို လုပ်ဖြစ်ရတဲ့အကြောင်းမှာ ပြောခဲ့သလိုပဲ၊ ဒီဟာလေးလုပ်ရင်းနဲ့ ကိုယ့်ဝါသနာကိုပါ စလုပ်ဖြစ်ဖို့တော့ မျှော်လင့်ထားပါတယ်။

ဒုတိယတစ်ခုက တူရိယာတစ်ခုခုကို သေချာတီးတတ်ချင်တာပါ။ ဆယ်တန်းပြီးခါစက စန္ဒရားသင်ဖူးလိုက်ပေမယ့် ပြန်လေ့ကျင့်စရာမရှိတာရော၊ ခုဆို နှစ်တွေလည်းအတော်ကြာပြီဆိုတော့ သေချာမလုပ်ခဲ့ရသောအရာတစ်ခုအဖြစ် ရပ်တန့်သွားရတယ်ပေါ့။ Kalimba လည်းဝယ်ပြီး လေ့လာရင်း တီးလိုက်သေးပေမယ့် ဒီဟာလည်း အလုပ်တွေ၊ စာတွေနဲ့ ရပ်တန့်သွားပြန်ပါတယ်။ ခုလည်း ပြန်ပြီး လုပ်ကြည့်ချင်ပေမယ့် လုပ်နိုင်မလားဆိုတဲ့မေးခွန်းနဲ့ မဝယ်ဖြစ်သေးပြန်ပါဘူး။ ​စျေးကြီးတာ​နဲ့ ​​​ပြောင်းသမျှ​နေရာ သယ်နိုင်ပါ့မလားဆိုတဲ့​မေးခွန်း​​တွေလည်း​မေးရင်း တွေ​ဝေ​နေရပြန်​ရော။

နှစ်ခုလုံးကို အစတွေလုပ်ပြီး အဆုံးထိ အကောင်အထည်မဖော်ဖြစ်တာမျိုးမို့ ၂၀၂၆ မှာတော့ တစ်ခုလောက်ကိုဖြစ်ဖြစ် သေချာ လုပ်ကြည့်ချင်တယ်လို့တော့ တွေးထားမိတယ်။ နှစ်ခုလုံးလုပ်ဖြစ်ခဲ့ရင်တော့ အတိုင်းထက်အလွန် ပျော်ရမှာပေါ့။

အရင်က Kalimba တီးထားဖူးတဲ့ video ရှာတာ မ​တွေ့တာနဲ့ ပုံ​​လေးနဲ့ပဲတွဲတင်လိုက်တယ်။

#စာရေးကြမယ်ရက်သုံးဆယ်
#ရေးမယ်ထရိန်နင်

07/12/2025

"အကြိုက်ဆုံး အားကစား"

မရှိပါ။

တကယ်မရှိတော့ ဘာရေးရမလဲစဥ်းစားရင်း တစ်နေကုန်သွားပေမယ့် ဘာမှမထွက်လာတော့ ဒီနေ့ ခေါင်းစဥ်အတွက်ကတော့ ဒီလောက်ပါပဲ 🤣

#စာရေးကြမယ်ရက်သုံးဆယ်
#ရေးမယ်ထရိန်နင်




"ဘဝမှာ မ​မေ့နိုင်​အောင်ထိ စား​ကောင်းခဲ့တဲ့ စားစရာအ​ကြောင်း"စားစရာ​တွေကို ပုံရိုက်ထား​လေ့ရှိပြီး ဖြစ်ရပ်​တွေကို စားစရာ​တွ...
06/12/2025

"ဘဝမှာ မ​မေ့နိုင်​အောင်ထိ စား​ကောင်းခဲ့တဲ့ စားစရာအ​ကြောင်း"

စားစရာ​တွေကို ပုံရိုက်ထား​လေ့ရှိပြီး ဖြစ်ရပ်​တွေကို စားစရာ​တွေနဲ့ တွဲမှတ်​လေ့ရှိတဲ့လူတစ်​ယောက်လည်းဖြစ်၊ ဘာစားစား ​ပျော်ပြီးစားတတ်တဲ့သူမို့ မ​မေ့နိုင်​အောင်စား​ကောင်းတာမျိုးဆို​တော့ ဘယ်ဟာထုတ်ပြရမလဲမသိ ဖြစ်​နေရ​ရော။

ဒါ​ပေမဲ့ မှတ်မှတ်ရရအဖြစ်ရဆုံး ထမင်းတစ်နပ်​တော့ရှိခဲ့ပါတယ်။ ​၃ တန်း၊ ၄ တန်း​လောက်တုန်းက ဖြစ်မယ်ထင်တယ်။ ​အ​မေက အမြဲ အလုပ်ခရီး​တွေသွားရတာမို့ အိမ်မှာ ငါးနီတူ​ကြော်နဲ့ ငရုတ်သီး​ကြော်ကို ဘူး​လေးနဲ့ ​ကြော်ထား​ပေး​လေ့ရှိတယ်။ အဲ့​​နေ့က မှတ်မှတ်ရရ အ​မေ ခရီးမှာ။ အ​ဖေက ကြက်ဥထမင်း​ကြော် ​ကြော်​ကျွေးတယ်။ ခရုဆီဘာညာ​တောင် မပါဘဲ အဖြူထည်​ကြော်တာပါပဲ။ အဲ့ထမင်း​ကြော်နဲ့ အ​မေ့ ငါးနီတူ​ကြော်နဲ့တွဲစားရတာ ​တော်​တော်အရသာရှိခဲ့တာ။ ဒီထမင်းတစ်နပ်အ​ကြောင်း ခဏခဏ​ပြောလို့ အ​မေက​တောင် သူ့အ​ဖေ တစ်ခါ​လေးချက်​ကျွေးတာ ​ပြောမပြီး​တော့ဘူးလို့​တောင် တခါတခါ​ပြော​သေးတာ 🤣

ဒီဟာက စား​ကောင်းလို့ဆိုတာထက် ဘဝမှာ မ​မေ့နိုင်တဲ့ စားစရာဖြစ်ခဲ့တာ​တော့ အမှန်ပါပဲ။ တကယ်​တော့ အ​မေ ချက်တာ​တွေမှန်သမျှ တအားစား​ကောင်းလို့ ပြန်​တွေးတိုင်း တအားလွမ်းရတာပါပဲ။ အ​မေက ကိုယ့်အကြိုက်​တွေ ​ကောင်း​ကောင်းသိတာ။ ချဥ်​ပေါင်ဟင်းနဲ့ အမဲသားဗမာချက်​၊ ဘူးသီး​ကြော်ချက်နဲ့ ငါးဖယ်ဆီပြန်၊ ဘဲဥချဥ်ရည်ဟင်းနဲ့ ပဲပင်​ပေါက်ပဲပြားကြော်၊ ကင်ပွန်းချဥ်ရွက်ဟင်းချိုနဲ့ ငါးဘတ်​မွှေ။ အိမ်ပြန်လို့ရတဲ့တစ်​နေ့ကျ အ​မေချက်တဲ့ဟင်း​တွေ အားရပါးရစားဖို့ကိုပဲ စိတ်ကူးယဥ်ရပါတယ်။

ပုံက​တော့ ဖုန်းထဲရှိတာ​ ​ထည့်လိုက်တာပါ 😂 အဲ့တုန်းက​​တော့ ဖုန်းနဲ့ရိုက်စရာမရှိဘူး​ပေါ့။

#စာရေးကြမယ်ရက်သုံးဆယ်
#ရေးမယ်ထရိန်နင်




"အကြိုက်ဆုံး ဝတ္ထုထဲက ဇာတ်​ကောင်အ​ကြောင်း"ဒီအ​ကြောင်းလည်း ​​တော်​တော်စဥ်းစားလိုက်ရတယ်။ ​နောက်ဆုံး​တွေးမိတာ​တော့ တာရာမင်း...
05/12/2025

"အကြိုက်ဆုံး ဝတ္ထုထဲက ဇာတ်​ကောင်အ​ကြောင်း"

ဒီအ​ကြောင်းလည်း ​​တော်​တော်စဥ်းစားလိုက်ရတယ်။ ​နောက်ဆုံး​တွေးမိတာ​တော့ တာရာမင်း​​ဝေရဲ့ အ​ရှေ့မြို့ရိုးမှ မိုး​ရေစက်များထဲက ဂျူနို ပါပဲ။

၂၃ ရာစုက က​ချေသည်မ​လေး။ ကိုယ့်ပညာအတွက်၊ အရည်အချင်းပြဖို့အတွက်၊ လူ​တွေအတွက် လုပ်စရာရှိတာလုပ်ဖို့ မတွန့်ဆုတ်တတ်တဲ့သူ။ အဆုံးထိ ​မီး​တောက်​လေးတစ်ခုလို ​တောက်ပ​နေခဲ့တဲ့ ဂျူနိုက ချစ်ရတဲ့၊ ​တွေးစရာ​တွေ​ပေးတဲ့၊ သ​ဘောကျရတဲ့ ဇာတ်​ကောင်မျိုးလို့ ​ပြောရပါလိမ့်မယ်။

ဒီစာအုပ်ကိုလည်း ညွှန်းပါတယ်။ AI ​ခေတ်ကို ကြိုမြင်​ရေးထားသလို​တောင် ​တွေးမိ​​စေမယ့် စာအုပ်မျိုးပါပဲ။

#စာရေးကြမယ်ရက်သုံးဆယ်
#ရေးမယ်ထရိန်နင်




"သ​ဘောအကျဆုံးရုပ်ရှင်နဲ့ ဇာတ်​ကောင်အ​ကြောင်း"ရုပ်ရှင်ရုံသွားရတာ တအားသ​ဘောကျ​ပေမယ့် သ​ဘောအကျဆုံး ရုပ်ရှင်ကို​တွေး​နေတာ ​တ...
04/12/2025

"သ​ဘောအကျဆုံးရုပ်ရှင်နဲ့ ဇာတ်​ကောင်အ​ကြောင်း"

ရုပ်ရှင်ရုံသွားရတာ တအားသ​ဘောကျ​ပေမယ့် သ​ဘောအကျဆုံး ရုပ်ရှင်ကို​တွေး​နေတာ ​တစ်​နေ့သာကုန်သွားတယ် ထွက်မလာ​တာမို့ အကြိုက်ဆုံးစီးရီးအ​ကြောင်းပဲ ​​ရေးလိုက်ပါ​တော့မယ်။ ဒါက​တော့ Hospital Playlist ပါ။

စိတ်ကို ကုစား​ပေးသလိုမျိုး ခံစားရ​စေတာမျိုးအပြင် 90s ​သူငယ်ချင်းအုပ်စုရဲ့ chemistry၊ သံ​ယောဇဥ်၊ အချင်းချင်း​ဖေးမမှု​တွေ၊ ဇာတ်​ကောင် အရံ​တွေကိုကအစ ​ပေးထားတဲ့ စိတ်ဝင်စားစရာ storyline ​တွေ၊ ပါသမျှ ဇာတ်​ကောင်တိုင်းရဲ့ character development၊ ရာသီ​လေးခုနဲ့ ကိုယ်စားပြုထားတဲ့ အချစ်ဇာတ်လမ်း​လေးပုဒ်၊ ​ဆေးရုံထဲက ကြုံရသမျှ ​နေ့စဥ်အဖြစ်​တွေ စသဖြင့် အရာရာဟာ ချစ်စရာ၊ ​တွေးစရာ၊ နှစ်သက်စရာပါပဲ။ သီချင်း​တွေဆိုလည်း တအားလိုက်ဖက်လွန်းလို့ ခဏတိုင်း ပြန်နား​ထောင်ရတာမျိုး​ပေါ့။

ဇာ​တ်​ကောင်ဆိုရင်​တော့ Chae Songhwa ကို ​ရွေးရပါမယ်။ 90s အုပ်စုထဲက တစ်ဦးတည်း​သော မိန်းက​လေး၊ neurosurgeon၊ ဘဝကို စာ​တွေလုပ်ရင်း လူ​တွေကိုကူရင်း ဖြတ်သန်းတာအပြင် သူ့အတွက် အချိန်​ပေးဖို့ကိုလည်း မ​​မေ့တတ်တဲ့သူ။ camping သွားတာ​တွေ၊ camping ပစ္စည်းဝယ်​ပြီး ​ပျော်​နေတာ​တွေ၊ အစားအ​သောက်စားရင်း ​ပျော်​နေတာ​တွေကိုမြင်တိုင်း ကိုယ့်ကိုယ်ကိုယ် အချိန်​ပေးခြင်းဆိုတာကို အမြဲပြန်​တွေးမိ​စေတယ်။

တကယ်ဆို 90s group တစ်ခုလုံးရဲ့ dynamic ကိုက တအားချစ်စရာ​ကောင်းပြီး ကိုယ်တိုင်က အဲ့လိုသူငယ်ချင်းအုပ်စုကြီး လိုချင်မိတဲ့ထိ စွဲလမ်းရတာပါပဲ။ အနည်းဆုံး တစ်နှစ်နှစ်​ခေါက်ပြန်ကြည့်မိတဲ့ series လို့​တောင် ​ပြောလို့ရတဲ့ထိ Hospital Playlist ကို ကြိုက်ပါတယ်။

#စာရေးကြမယ်ရက်သုံးဆယ်
#ရေးမယ်ထရိန်နင်




“ကိုယ်အကြိုက်ဆုံး အရောင်တစ်ခုနဲ့ အဲဒီအရောင်ကရတဲ့ စိတ်ခံစားမှု”အကြိုက်ဆုံးအ‌ရောင်ကတော့ အပြာရောင်ပါ။ အသုံးအဆောင်မှန်သမျှကိ...
03/12/2025

“ကိုယ်အကြိုက်ဆုံး အရောင်တစ်ခုနဲ့ အဲဒီအရောင်ကရတဲ့ စိတ်ခံစားမှု”

အကြိုက်ဆုံးအ‌ရောင်ကတော့ အပြာရောင်ပါ။ အသုံးအဆောင်မှန်သမျှကို အပြာရောင်ဝယ်လို့ရသ‌ရွေ့ ဝယ်သုံးတတ်တဲ့ထိ၊ ဝတ်ရည်ဦးလို့ပြောလိုက်ရင် အနီးအနားကရှိတဲ့သူတိုင်း၊ သေချာစကားပြောဖူး၊ တွေ့ဖူးတဲ့သူတိုင်းက သူ အပြာရောင်ကြိုက်မှန်းသိကြတဲ့ထိကို အပြာရောင်ကို ကြိုက်ပါတယ်။

အပြာရောင်ကို ဘယ်ကဘယ်လိုကြိုက်သွားလဲဆိုတာတော့ သေချာ မပြောပြတတ်တော့ပေမယ့် တော်တော်ကြာပြီဆိုတာတော့ သုံးခဲ့ဖူးတဲ့၊ ခုထိရှိနေတဲ့ ပစ္စည်းတွေက သက်သေပါပဲ။ အပြာရောင်မှာ အနုမှ အရင့်မှ ကြိုက်တယ်ဆိုတာမျိုး မရှိဘဲ အပြာရောင် shade တိုင်းကို သဘောကျပါတယ်။ နီယွန်ပြာလို့ခေါ်မလားမသိတဲ့ အပြာရောင်မျိုးကိုတော့ သိပ်မကြိုက်သလိုပါပဲ၊ ဒါပေမဲ့ ရှိနေတဲ့အင်္ကျီတစ်ထည်ကိုတော့ ဝတ်ချပစ်နေသေးတာပါပဲ

အပြာရောင်က ပေးတဲ့ခံစားချက်လို့ပြောရင်... စိတ်ထဲကြည်သွားတယ်လို့ စပြောရမယ်ထင်တယ်။ ကောင်းကင်ပြာ၊ ပင်လယ်ပြာက ပေးတဲ့ စိတ်ကြည်လင်စေမှုလိုမျိုး၊ အပြာရောင် မျက်လုံးတွေရဲ့ ကြည်လင်နေမှုလိုမျိုး။ အပြာရောင်ကို သဘောကျတဲ့သူတစ်ယောက်အတွက်တော့ အပြာရောင်က ပျော်ရတယ်ဆိုတဲ့ခံစားချက်ကိုလည်း အမြဲယူလာပေးပြန်ပါတယ်။

ဒါ့အပြင် လူတွေက အပြာရောင်ပစ္စည်းတွေကို တကူးတက လက်ဆောင်ပေးကြတဲ့အခါမျိုးမှာလည်း သိပ်ကို ကြည်နူးရတာပါပဲ။ ဒါကလည်း အပြာရောင်နဲ့ဆက်စပ်နေတာမို့ သူ့ကြောင့်ရတဲ့စိတ်ခံစားမှုထဲ ထည့်တွက်ချင်ပါတယ်။ အပြာရောင်ဟာ အရာရာပါပဲ။

#စာရေးကြမယ်ရက်သုံးဆယ်
#ရေးမယ်ထရိန်နင်




Address

Jakarta

Website

Alerts

Be the first to know and let us send you an email when Daily with Sunshine - WYO posts news and promotions. Your email address will not be used for any other purpose, and you can unsubscribe at any time.

Shortcuts

Share

Category