ICWP

ICWP portal yang menghadirkan rangkuman berita, kabar viral, serta update peristiwa terkini di Ponorogo.

Semua informasi diambil dari berbagai grup, komunitas, warga lokal, dan media resmi lalu dikemas ulang agar lebih ringkas, jelas, dan mudah dipahami.

Layoo... Mak duoorr gunung Semeru beledos bolo!Wes do krungu kabar soko Lumajang to? Bener, dino Rebo sore iki (19/11/20...
19/11/2025

Layoo... Mak duoorr gunung Semeru beledos bolo!
Wes do krungu kabar soko Lumajang to? Bener, dino Rebo sore iki (19/11/2025), Gunung Semeru tenan-tenanan ngamuk! Statusé wis dadi Level IV utowo Awas!

​Ponorogo kuwi adoh banget soko Semeru. Jaraké kuwi mak plencing udakara 200 kilometer luwih. Dadi, kahanan nang Ponorogo dianggep aman soko bahaya sing paling gedhe, yoiku Awan Panas Guguran (APG) lan lahar.

​APG Aman: Awan panas guguran sing medéni kuwi wis ngluncur adoh banget, nganti 14 kilometer, nanging arahé mek menyang Kidul-Wétan Lumajang, yaiku Besuk Kobokan. Ora menyang arah kulon utowo Ponorogo.

​Abu Vulkanik (Awu) Aman: Kolom abu Semeru sing mumbul dhuwur kuwi luwih akèh kabur menyang arah Utara lan Barat Laut. Nanging, mergo Ponorogo kuwi adoh banget, dampak tibone awu nang Ponorogo dianggep tipis utowo malah ora enek.

​Warga Lumajang: Saiki warga sing manggon cedhak kali/jurang sing dienggo lewat lahar wis padha ngungsi lan wis enek Status Tanggap Darurat. Awake dewe kudu do ndongaké sedulur-sedulur sing nang Lumajang diparingi slamet.

​Sanajan jarake adoh lan arah angin ora nuju Ponorogo, nanging jenengé angin kuwi iso muter-muter. Yèn nganti enek awu tipis sing teko:
​Tetep tenang. Awu sing teko iku mesti tipis banget, ora medéni.
​Siapke masker yèn lagi metu omah, jogo-jogo ben ambekane tetep res*k.

​Ojo lali nutupi wadhah banyu ing omah supoyo awu ora nyampur.
​Kesimpulan kanggo Wong Ponorogo:

​Ponorogo aman! Ora usah panik, nanging tetep dadi wong sing aware (waspada) lan gelem ndongaké sedulur-sedulur nang Lumajang.

Layoo... Dadi ngene bolo ceritane:​Plt Bupati Ponorogo, Lisdyarita, sing akrab diceluk Bunda Rita, saiki ditunjuk nggant...
19/11/2025

Layoo... Dadi ngene bolo ceritane:
​Plt Bupati Ponorogo, Lisdyarita, sing akrab diceluk Bunda Rita, saiki ditunjuk ngganteni tugase Pak Bupati Sugiri Sancoko sing lagi nonaktif.

​Senajan wis dadi Plt Bupati, Bunda Rita milih ora pindah ning omah dinas bupati sing jenenge Pringgitan. Beliau tetep manggon ning omah dinas wakil bupati ning Jalan Trunojoyo, lan kantore yo tetep ning kantor lawas wakil bupati.

​Alesane, jarene Bunda Rita, kuwi kanggo ngajeni Pak Giri (Sugiri Sancoko) s*k durung ceto kahanane. Dadi, kabeh ngenteni nganti kahanane jelas dis*k.
​Gedung Pringgitan mung arep dienggo nek pancen mepet banget, contone kanggo nampa tamu teko luar daerah utowo acara pamarentahan penting, tapi yo mung ngarep-ngarepe pendopo wae.

Layoo… Info sak klebatan bolo, Enek 2 omah nggone warga Dusun Bangunsari, Desa Wagir Kidul, Pulung, ketimbun longsor sak...
19/11/2025

Layoo… Info sak klebatan bolo, Enek 2 omah nggone warga Dusun Bangunsari, Desa Wagir Kidul, Pulung, ketimbun longsor sakwise udan deres sore Rabu, 19 November 2025.

Kabar2e 2 omah sing ketimbun yaiku omahe Pak Marjuki lan Pak Jemirin, kondisine rusak parah. Ora mung omah, beberapa sepeda motor lan mobil uga katut terkubur material longsor.

Layoo... Dadi ngene bolo ceritane,​Siji boko siji maling sing do nyolong nang wilayah hukum Polres Ponorogo wis berhasil...
19/11/2025

Layoo... Dadi ngene bolo ceritane,
​Siji boko siji maling sing do nyolong nang wilayah hukum Polres Ponorogo wis berhasil dicekel karo polisi. Saiki gilirane, ono wong lanang sing ora nduwe gawean (pengangguran) asale seko Tas*kmalaya, Jawa Barat, inisiale AS, sing diamanke. AS iki diselidiki nyolong HP duweke warga Lembah, Babadan. Penangkapan iki dilakoni bar korban, inisiale AM, lapor menowo HP-ne ilang nang omah nang Desa Lembah, Kecamatan Babadan.

​Wakapolres Ponorogo, Kompol Ari Bayuaji, ngomong menowo pihake nampa laporan seko masyarakat babagan dugaan pencurian karo pemberatan. Bar diselidiki, terduga pelaku berhasil diamanke nang sawijining warung nang wilayah Siman.

​Seko tangane AS, polisi nyita siji unit HP merek Vivo Y20s sing isih digowo karo pelaku. Sak liyane kuwi, jare Kompol Ari Bayuaji, polisi uga ngamanke barang bukti liyane koyo dusbook lan unit HP Vivo Y16 karo Vivo Y20s lengkap karo IMEI lan bukti tukune.

​AS iki diselidiki manggon sementara nang Ponorogo kanthi status kontrak omah. Pas diinterogasi polisi, pelaku ngaku nekate nyolong amargo alasane ekonomi.

​Nah, mergo perbuatane kuwi, AS dijerat Pasal 363 ke-3e KUHP lan/utowo Pasal 480 ke-1e KUHP babagan pencurian karo pemberatan lan pitulungan jahat. Ancaman hukuman sing ngenteni pelaku yaiku pidana penjara maksimal pitu (7) taun.

Gambare gur ilustrasi g*e legen2 yo bolo

Layoo... Dadi ngene bolo ceritane,​Sidang babagan gugatan perdata Perbuatan Melawan Hukum (PMH) sing diajokne karo Pak G...
19/11/2025

Layoo... Dadi ngene bolo ceritane,
​Sidang babagan gugatan perdata Perbuatan Melawan Hukum (PMH) sing diajokne karo Pak Gulang Winarno, mantan Kepala Dinas Lingkungan Hidup (DLH) Ponorogo, wis balek maneh digelar nang Pengadilan Negeri (PN) Ponorogo, Rebo tanggal 19 November 2025 iki.

​Pak Gulang iki nggugat akeh pihak, koyoto Bupati, Sekretaris Daerah (Sekda), BKPSDM, karo Inspektorat Kabupaten Ponorogo nang PN.
​Nang sidang sing kaping loro iki, pihak-pihak sing digugat (tergugat) diwakili karo pengacarane seko Pemkab Ponorogo, yaiku Mas Indra Aji karo Mas Habib Mustaan seko Bagian Hukum Setda Ponorogo.

Iki beda karo minggu wingi, sing sidange sempet ditunda amargo pihak tergugat do ora teko.

Agendane wis mlebu tahap mediasi, koyo aturane hukum perdata. Ketua mejelis hakim negeske menowo mediasi iki bakal dilakoni karo mediator pengadilan lan dikei wektu 30 dino kerjo.

​Pak Siswanto, SH, pengacarane Pak Gulang, ngandakne menowo sidang Rebo iki mlebu tahap mediasi amargo sidang pertama tanggal 12 November wingi, pihak tergugat podo ora teko.

​Gugatan iki diajokne amargo Pak Siswanto dkk nganggep keputusan Bupati Ponorogo sing ngukum Pak Gulang kudu bebas tugas (non-job) 12 wulan liwat SK nomer 100.3.3.2/ARH/365/405.25/2025 kuwi termasuk Perbuatan Melawan Hukum (PMH). Jare prosedure kuwi janggal lan cacat hukum.

​Jarene maneh, ora anane SK gawe tim pemeriksa kuwi pelanggaran serius nang mekanisme ngukum ASN. Dasar hukum sing dinggo nang SK kuwi – yaiku tuduhan nglanggar Pasal 3 huruf d, huruf f, karo Pasal 5 huruf n angka 5 lan 6 PP Nomer 94 Tahun 2021 babagan Disiplin ASN – uga dianggep ora tau dibuktekne saknyatane.

Pihake Pak Gulang uga takon babagan bukti, saksi, utowo standar sing dinggo Pemda kanggo nilai kliane nglanggar integritas utowo melu mihak calon tertentu pas kampanye.

​Terus, Pak Siswanto njaluk pemulihan jeneng apik karo jabatane Pak Gulang Winarno dadi Kepala DLH Ponorogo. Ora mung kuwi, dheweke uga nuntut pihak sing digugat kudu mbayar ganti rugi materiil sebesar Rp169,7 juta lan immateriil sebesar Rp1 miliar luwih sak rupiah.

​Sementara kuwi, pengacarane Pemkab Ponorogo, Mas Indra Aji, ngomong menowo piyambake wis siap melu proses hukum sing mlaku, mulai seko tahap mediasi nganti tekan persidangan.

Sumber infone soko gemasurya fm yo bolo.

Layoo... Tak wehi info bolo, dadi.. jagad media sosil Ponorogo dino2 iki dihebohne karo beredare Undangan Doa Bersama un...
19/11/2025

Layoo... Tak wehi info bolo, dadi.. jagad media sosil Ponorogo dino2 iki dihebohne karo beredare Undangan Doa Bersama untuk Pak Giri, Ponorogo, dan Indonesia.
Panitiane sopo, trs sing gawe undangan yo sopo, terus terang urung genah bolo.
Nek pngen eruh pie jelase isine undangan, woconen dewe nyang foto ngisor iki👇👇

Layoo... Tak kandani bolo, upomo awakmu pengen mbabat dadi pengusaha travel/carteran, utowo malah awkmu wes duwe usaha t...
19/11/2025

Layoo... Tak kandani bolo, upomo awakmu pengen mbabat dadi pengusaha travel/carteran, utowo malah awkmu wes duwe usaha travel/carteran, tak wehi info iki lo enek Hiace Premio taun enom sek moulus. Plat e luar AE, regone jane yo masuk akal. Tapi yo panggah negonen dewe lah, pantes2e wong tukon2 kan yo kudu ngenyang disek.
Tapi nek armada iki terahe wes kari mancal tok bayaran saben trip bolo. Rasah mikir PR kyk cah sekolah wae.
Barange posisi nyang Ponorogo kota, bebas delok bebas demok. Nek pengen takon2, inbox o dsk tak wehi no hp ne.

Layoo… la tibake ngene bolo ceritane.Pamarentah kabupaten ki wis ngrancang ndandani atusan dalan ning Ponorogo nganggo d...
18/11/2025

Layoo… la tibake ngene bolo ceritane.

Pamarentah kabupaten ki wis ngrancang ndandani atusan dalan ning Ponorogo nganggo dana silihan saka Bank Jatim. Rencanane yo apik, soale akeh dalan rusak sing kudu cepet digarap. Ning jebule, silihan sing direncanakke tekan Rp 100 milyar kuwi ora iso dicairke mergo akad kredit karo bank durung teken. Mulo wae, duwite durung mlebu APBD lan kabeh rencana kudu mandek sakdurunge mlaku.

Kahanan iki nggawe ratusan paket lelang sing wis didaftarke podo dihentikne. Ana sing malah wis metu pemenang lelange, ning yo tetap ora iso diteruske mergo anggarane durung cetho. Wong DPUPKP yo wedi nek dipaksa dilakoni malah ora nutut wektu, mengko dadi masalah maneh. Mulo, ketimbang maksa-maksa, proyek-proyek kuwi luwih becik diendheg s*k ketimbang nganti gawe repot kabeh.

Akhire, luwih saka satus ruas dalan sing sejatine bakalan didandani saiki nasibe ora cetho. Kabèh mung mandek mergo siji perkara: administrasi kredite durung rampung. Gara-gara kuwi, pembangunan dalan sing di arep2 akeh warga kudu ditunda, nunggu nganti kabeh persyaratan administratif rampung lan duwite bener-bener iso dicairke.

Layoo... Ngeneki nyang gonamu arane mlandingan opo lamtoro bolo?Ngeneki biasane enake digawe lalap, urap, trancam, utowo...
18/11/2025

Layoo... Ngeneki nyang gonamu arane mlandingan opo lamtoro bolo?
Ngeneki biasane enake digawe lalap, urap, trancam, utowo digawe trancaman pecel.
Senajan bentuke yo gur remeh ngnonkui, tapi yo enek khasiate bolo. Iso digawe nglancarne pencernaan mergo kandungan serate akeh, enek anti oksidan e, iso digawe anti cacingan, iso ugo dawe menstabilkan gula darah g*e wong sing duwe diabetes.
Tapi ojo akeh2 bolo nek madhang ngnokui, mergo lamtoro ki yo duwe zat sing diarani zat mimosin sing iso marakne awak lemes ngantukan lan malah iso marai rambut rontok barang. Terutama kanggone wong sing duwe asam urat, kakehan lamtoro utowo mlandingan iso marai sendi2 kroso linu lan loro kabeh.

Layoo... Tibake maeng jalur arah ngebel rodok banjir bolo. Jarene suarawilayah.com, pas e sanding jembatan Ngrogung, ban...
18/11/2025

Layoo... Tibake maeng jalur arah ngebel rodok banjir bolo. Jarene suarawilayah.com, pas e sanding jembatan Ngrogung, banyu sampe bludak2 turut ndalan pekoro iline banyu nyang kali rodok buntet.

Layoo… dadi ngene bolo ceritane.Satreskrim Polres Ponorogo akhirnya iso nyekel maling ayam jago petarung sing gawe resah...
18/11/2025

Layoo… dadi ngene bolo ceritane.
Satreskrim Polres Ponorogo akhirnya iso nyekel maling ayam jago petarung sing gawe resah ing patang lokasi. Pelakune inisial HP, umuré 32 taun, warga Sukorejo, saiki kudu tanggung jawab nang ngarepe hukum.

HP iki nyolong nganggo mobil penumpang gone wong tuwane. Mobil diparkir cedhak kandang, terus dheweke mlebu mung nganggo kunci kayu cilik kanggo mbukak lawang kandang tanpa ngrusak. Telung ayam jago langsung digondol, dilebokke mobil, terus digawa mulih.

Wakapolres Ponorogo, Kompol Ari Bayuaji, nerangke yen kasus iki kebongkar sakwise laporan saka S (68 taun), petani Sukorejo sing kelangan telung ayam jago jenis wido.
Sedino sakwise kejadian, HP iso langsung kecekel soale dheweke adol salah sijine ayam colongane. Sing luwih ironi, sing tuku malah korbané dewe, S, sing pura-pura dadi pembeli sawisé entuk kabar yen ana ayam dijual nganggo ciri sing podo karo duwéké dewe.

Sakwise dicek luwih jero, HP ora mung nyolong nang siji lokasi wae, nanging nganti patang lokasi, wiwit Agustus tekan September 2025, nganggo cara sing padha. Motive HP murni ekonomi, hasil lakoné mau dijual kanggo kebutuhan pribadi.

Saiki HP dijerat Pasal 363 ke-3e KUHP babagan pencurian kanthi pemberatan, ancaman hukumané maksimal pitung taun penjara.

Jan ganjingen tenan og, mbokyo golek gawean sing bener. Ojo gur golek ringkese karo penake tok, ralidok jebul burine malah soro to.

Gambar gur kanggo legen2 bolo

Layoo... Dadi ngene bolo, iki nama2 Camat karo Lurah sing anyar njabat nyang wilayah Ponorogo.
18/11/2025

Layoo... Dadi ngene bolo, iki nama2 Camat karo Lurah sing anyar njabat nyang wilayah Ponorogo.

Address

Ponorogo

Website

Alerts

Be the first to know and let us send you an email when ICWP posts news and promotions. Your email address will not be used for any other purpose, and you can unsubscribe at any time.

Shortcuts

Share

Category