Galeri Trowek

Galeri Trowek Seputar Kegiatan Muda-Mudi Trowek

09/02/2026

Dokumentasi Gerakan Menanam Seribu Pohon tahap hiji, Huru Kapas (Hulu Anak Sungai Citanduy)



Naék Gunung Deuiقال رسول الله ﷺ: ما من مسلم يغرس غرسا او يزرع زرعا فيأكل منه طير او إنسان أو بهيمة إلا كان له به صدقة"Ra...
09/02/2026

Naék Gunung Deui
قال رسول الله ﷺ: ما من مسلم يغرس غرسا او يزرع زرعا فيأكل منه طير او إنسان أو بهيمة إلا كان له به صدقة
"Rasulullah ﷺ nyandika: teu sapati² hiji muslim melak tangkal atawa tutuwuhan, terus manuk, jalmi, atawa sato séjén barangdahar tina nu dipelak, kajaba jadi sodakoh pikeun manéhna jalaran melakna (Al-Bukhari ti Anas bin Malik)

Poé ieu, Senén, 09 Februari 2026, Kadusunan Trowek, Gekbrong, jeung perwakilan ti Palumbungan geus ngalaksanakeun GERAKAN MENANAM SERIBU POHON tahap hiji di Huru Kapas (Hulu Anak Sungai Citanduy)

Alhamdulillah, acara didukung ku sababaraha pihak: Perhutani Kesatuan Pengelolaan Hutan (KPH) Tasikmalaya, Mahasiswa Unper-Unsil, Koramil 1204 Ciawi, Polsek Kadipaten, Srikandi Sungai Indonesia Tasikmalaya, Aparatur Kec. Kadipaten, Anggota DPRD Kabupaten Fraksi PKS, Kelompok Tani Hutan Trowek, Madrasah Ibtidaiyah Darul Abror Trowek (Guru-Murid), Tokoh Agama, jeung nu pasti Amanat (Aliansi Remaja dan Pemuda Kampung Trowek) salaku nu ngaalpukahan ieu kagiatan.

Teu kudu dicaritakeun kumaha sumangetna barudak MI nu ngagugusur kolot, remaja, jeung pamuda mah. Da rada wirang, dibadé-badé moal karuateun, ari teun téh ngéléhkeun nu sejen, da tepi ka lokasi téh pangheulana.

Keun, Cu, tong melang, upama ningali kana hadits di luhur mah, arurang téh geus sodakoh. Pan tadi melakna gé rupa-rupa: Picung, Pala, Cengkéh, Sawo, Manggu jeung rupaning kai-kaian. Eta geus kaasup kana غَرْسًا jeung زَرْعًا, kai jeung bubuahan nu ngahasilkeun.

Angot, urang mah pan niatna gé, melak bubuahan téh keur parab sasatoan, ngajaga lingkungan, jeung ngalaksanakeun amanah Gusti Allah. Apanan ngamumulé alam téh dikudukeun pisan.

Gerakan masyarakat Trowek Jeung Gekbrong mah, sok sanajan jarakna rada anggang oge, lain hal anu anyar, ti babaheulana gé sok kompak baé. Kana ngagedég bagong, Silat, Moro -nu dicuriga- bangsat, jeung ayeuna, réboisasi. Ieu mangrupa warisan ti kolot anu kudu dimumulé.

Keun, mudah-mudahan ku ngalibatkeun Murid ti MI jadi cukang lantaran keur generasi ka hareup, yén urang téh boga tanggung jawab keur neruskeun kabiasaan alus nu dibangun ku kolot urang.



23/01/2026

Naék Gunung

Poé kamari, kemis 22 Januari 2026 M, sababaraha kalangan; Pamuda, Kolot, Tokoh Agama, Kelompok Tani Hutan, Aktivis Lingkungan Srikandi, Balai Penyuluh Pertanian, Polisi Hutan, Aparat satempat, jeung Pembina Kelompok Tani Hutan ngayakeun gerakan reboisasi. Melak Sajabaning tatangkalan, sabangsaning kai-kaian jeung bubuahan.

Sajaba respon tina kajadian urug anu ngabalukarkeun banjir di Trowek 7/1/26, Aya sababaraha harepan tina kegiatan ieu; Kahiji, tatangkalan bisa nahan cai nalika hujan, itung-itung cadangan keur usum halodo. Da mun teu hujan rada lila téh sok ngurangan cai.

Nu Kaduana, melak bubuahan téh ngarah aya keur dahareun sasatoan. Da gening sato gunung sok aya nu turun ka kebon, ngadon ngadaharan bubuahan nu warga. Pan rada hariwang lamun hal ieu teu diantisipasi atawa diminimalisir. Karunya nu pepelakan.

Lian ti éta, nu Katiluna, mudah-mudahan ieu gerakan téh jadi cukang lantaran pikeun silaturahim antara warga jeung pihak-pihak kakait ngeunaan leuweung geledegan anu kudu diperhatikeun.

Léngkah ieu mangrupa ikhtiar dina raraga ngajaga amanah pikeun ngamumulé lingkungan. Da mun ningali dampak tina kajadian kamari ieu mah, kacida pisan poharana.

Sawah-sawah réa anu teu bisa disawahan deui, lantaran kasaeur ku taneuh. Malahan (lain maksud ingkar kana takdir) aya korban jiwa tina banjir kamari téh. Ogé, unggal hujan gedé, warga téh sok rada reuwas, sieun aya kajadian sarupa anu kaalaman deui.

Ieu can bérés, masih aya agénda naék gunung deui, keur melakan tutuwuhan. Kahayang mah jadi agénda rutin, jadi nalika melakan deui téh, bari ngalongok nu geus dipelak. Kitu ogé mun pareng aya bibit keur pelakeunna ketang. Mudah-mudahan aya bantuan bibit-bibitan keur ngaréalisasikeun kahayang ieu.



07/01/2026

Turun Gunung (Deui)

Soré ieu, Rebo, 07 Januari 2026 M, hujan turun kacida badag jeung lilana. Mun ceuk babasaan mah, kawas anu langsung dicicikeun ti langit.

Sakainget mah, asa kakara susukan gigireun lembur nepi ka leah caina ka buruan kitu mah. Angot nepi ka malidkeun kendaraan mah, asa kajadian anyar di dieu mah. Ngan ari di lembur mah, nalika aya nu meunang musibah téh, sok pasti ditarulungan. Jadi teu melang teuing.

Da baheula mah, sakumaha hujan lila jeung gedéna gé, paling anu palid téh talang cai anu keur ka palemburan. Kitu ogé tara jauh palidna gé. Oge baheula pernah urug rada meueusan di girangeun lembur, di pasawahan. Teu nepi ka nganjang ka imah cai téh.

Ayeuna mah da meureun tutuwuhan di gunungna geus kurang, jadi nalika hujan téh, caina teu kaserep heula ku akar-akaran, matak anu turun ti langit, nya langsung dialirkeun ka daérah aré.

Ceuk béja mah, cenah di luhureun lembur aya kebon anu urug, di tilu tempat. Anu mana éta urugna katémbong ti lembur séjén anu rada jauh. Nétélakeun urugna rada meueusan.

Upama seug nginget mangsa ka hareup mah, pikumahaeun teuing lamun gunung terus baé didugulan bari jeung teu dipelakan deui. Meureun mah lain pamandangan anu anéh upama hujan gedé jeung rada lila téh bakal kieu deui baé.

Mudah-mudahan mah, hal ieu jadi pangéling-ngéling keur pangeusi lembur, réhna urang kudu bisa deukeut jeung alam tempat urang hirup, angot jeung pangéran mah.

Lamun seug bisa méré saran jeung katarima mah, asa hayang teuing lamun warga lembur ngayakeun gerakan reboisasi, melak tatangkalan dina raraga miara alam tempat urang ngalakonan kahirupan. Ngarah urang bisa rada reugreug, teu reuwas teuing nalika hujan gedé téh.

Mudah-mudahan ieu lembur jadi tempat anu aman, ogé jadi tempat anu eling baé ka pangéran.



13/11/2025

Turun Gunung

Sababaraha waktu ka tukang, teu saeutik nu ngomong yén kungsi ningali abringan sato di kebon nu biasa dipaké tatanén. Monyét téa mah, begu téa mah, angot ari nu ngaranna manuk piit mh.

Upama seug ngingetkeun sababaraha puluh taun ka tukang mah, sok aya istilah ngagedég di lembur téh. Ngala begu dina partai anu gedé. Sakainget mah, asa unggal poé ahad, jalma ti tiap lembur ngabring ka gunung. Malah mah emak-emak ogé sok aya anu ngadon lalajo, da ramé téa meureun.

Ceuk béja mah, carana teh, sakur-sakur tutuwuhan nu teu guna dicacar, disinglarkeun, dikurilingkeun, terus dipatok jeung dipageran ku gedég tina séség awi sagedé eréng.

Saenggeus kitu, anjing-anjing dilaleupaskeun, ngagiringkeun begu sina asup kana gedégan. Mun begu geus arasup kana gedégan mah, sok diparéahan, jalaran éta begu ngaruksak kana pepelakan. Ceuk béja mah, tara aya nu ngahaja mawa balik begu ka lembur. Kitu deui, tara aya kabéjanakeun begu datang ka pilemburan. Da meureun di gunung ogé loba dahareunna.

Kiwari mah, cik kénéh pisan, poé kemis 13 November 2025, aya begu ka lembur, jigana mah keur diboro, ngadon lumpat ka lembur. Lumpatna begu ka lembur téh bisa jadi jalaran éta begu cicingna geus deukeut jeung lembur, da meureun di gunung mah geus hésé dahareun. Sajaba ti éta, jaba kagebah ku pagawéan jelema di gunung, ku pagawé-pagawé nu aya di karaha.

Datangna begu ka lembur téh bisa jadi pépéling keur urang, yén upama urang teu bisa ngajaga habitat sato, nya teu nutup kamustahilan lamun sato ogé bakal ngaganggu kana patempatan urang



Dina raraga uluh biung moro amal jariyah, réngréngan barudak di Trowek rék ngayakeun Turnamén Donasi. Atuh ieuh mah neun...
28/03/2025

Dina raraga uluh biung moro amal jariyah, réngréngan barudak di Trowek rék ngayakeun Turnamén Donasi. Atuh ieuh mah neundeun poho baé, mudah-mudahan jadi sampeureun jaga.

Yap, ah, sakur-sakur anu sok maén mobile legends mah wang ngariung itung-itung ngopi bareng bari halal bi halal.




Dokumentasi Jajap Uteuk Mapag Iteuk Aliansi Remaja dan Pemuda Kampung TrowekEdisi 31 Januari 2024 MUrang mah, jadi lembu...
01/01/2025

Dokumentasi Jajap Uteuk Mapag Iteuk Aliansi Remaja dan Pemuda Kampung Trowek
Edisi 31 Januari 2024 M

Urang mah, jadi lembur nu hirup pisan geus pernah. Moal matak wirang lamun 'nyobaan heula' jadi lembur nu sepi. Keun da hirup mah kitu ayana; aya beurang aya peuting, aya bener aya salah jeung sajabana. Kalem baé.




Jadi, ieu mah ngadon meutingan Leuweng wé atuh, jeung mun pareng mah rék nepikeun pamikiran ka sakur-sakur anu daék ngad...
18/12/2024

Jadi, ieu mah ngadon meutingan Leuweng wé atuh, jeung mun pareng mah rék nepikeun pamikiran ka sakur-sakur anu daék ngadéngékeunna. Yap, ah. Mun aya paniatan mah, kari hubungi baé Nara Hubungna. Tatanya, daftar, atawa nyumbang gé, hadé. Asal ulah curhat wé.





Dokumentasi Perluasan Masjid Al-Ikhlas Trowek RT 004 RW 004 (Sabtu, 07 Desember 2024 M)Jadi, di dieu mah, tegesna di Tro...
07/12/2024

Dokumentasi Perluasan Masjid Al-Ikhlas Trowek RT 004 RW 004 (Sabtu, 07 Desember 2024 M)

Jadi, di dieu mah, tegesna di Trowek Kidul, mun aya nu boga gawéan ngecor téh, ti anggangna kénéh ogé sok geus naranyakeun 'iraha ngecor?, kadé bejaan'. Komo mun nu dicorna bangunan umum mah, pasti waé, bakal loba nu marantuan, bari jeung tara kudu diburuhan. Malah mah, nu rék boga pagawéan gé sok ngahajakeun peré heula. Kadang-kadang nu geus rék indit gawé gé, sok aya nu teu jadi, da milu mantuan.

Mun keur aya gawéan umum kieu, pasti baé nalika gawé téh sok éar, ramé silih surakan. Geus komo ari ema-ema mah. Lebah garawé babarengan kieu, warga téh katingali pisan deukeutna; silih asih, asuh jeung asahna.

Lebar nakeranan upama kabiasaan alus samodel kieu teu kaalaman ku generasi saeunggeus arurang. Anak-incu urang. Ku kituna, tugas urang mah ngan sakur ngamumulé, da urang ngalaman kieu téh jada kolot-kolot urang anu bisa miara kana kabiasaan alus kieu.



"Muncang"Di ieu lembur, di Trowek, Kolot, pamuda, jeung budak, keur mejeuhna raresep kana muncang. Teu sirikna saban bur...
27/11/2024

"Muncang"

Di ieu lembur, di Trowek, Kolot, pamuda, jeung budak, keur mejeuhna raresep kana muncang. Teu sirikna saban burit, mun pareng teu hujan (da kabeneran ayeuna téh keur usum ngijih) pasti aya hiji tempat nu jadi pusat riungan, ngadon ngaradu muncang. Kadang di tonggoh, kadang di lebak. Aya mangsana ti lebak ngadon nyorog ka tonggoh, aya mangsana ogé ti tonggoh nyorog ka lebak.

Sakur-sakur nu aya, panonna marencrong kana pidekan sabari leungeunna nyarepeng muncang. Lain maksud rék ngala duit tina ngadu muncang, tapi ngadon (mun ceuk urang dieu mah) ngetés batok jeung paalus-alus urusan. Euweuh, euweuh eusian nanaon. Éstu abar kosong alias euweuh taruhan nanaon.

Dikersakeun téh, sakitu unggal poé diadu-adu nepi ka bubuk, tapi da teu béak-béak muncang téh, da keur usum téa. Di dieu mah, ustadz, ajengan, aparat satempat gé ngarurus muncang. Da éta téa, resep ari loba batur nu sarua mah. Sajaba ti éta, kagiatan ngaradu muncang téh jadi cukang lantaran keur silih anjangan jeung papada.

Atuh ngurus muncangna, nalika karak ngala, dikeueum ku cuka nepi béak ngajerejesna. Terus wanci peuting dikeueum dina ceumceuman cai ramuan séwangséwangan. Isuk-isuk, dipoé sakeudeung, terus dipalé ku leungeun nepi ka halérang kaluar minyakna tina muncang. Terus waé meunang sababaraha waktu mah kitu. Geus kitu mah, "du wé lah!"

Anapon ngaduna, teu jiga baheula kawas ngadu muncang sayur. Cukup ku awi eréng hiji jeung diteunggeul ku peureup langsung bitu. Tapi maké pidekan husus anu wedel. Masangna gé sok rada hésé upama muncang buleudan mah. Geus masang 'ngarél', terus ditalian si éta muncang téh ngarah teu robah posisina. Sakapeung mah sok aya anu ditutupan ku lamak ngarah teu ngancleng. Geus rapih kitu, tibang ngahabek ku paneunggeul sataker kebek. Éta teh, lamun muncang alus mah, sok aya nu kudu sababaraha kali teunggeulan. Kadang sok aya nu baluh.

Upama meunang miharep mah, kahayang téh, kaayaan samodel kieu téh ulah leungit. Da aya manfaatna jeung bisa disebut euweuh madorotna di dieu mah.



Wanikeun!!!Ieu mah atuh ririungan baé.Yap, ah.
03/07/2024

Wanikeun!!!
Ieu mah atuh ririungan baé.
Yap, ah.



Address

Kp Trowek 004/004
Trowek
46157

Telephone

+6281220334474

Website

Alerts

Be the first to know and let us send you an email when Galeri Trowek posts news and promotions. Your email address will not be used for any other purpose, and you can unsubscribe at any time.

Shortcuts

Share

Category