16/05/2026
📢 බලධාරීන්ගේ අවධානය පිණිසයි!
රජයෙන් පඩි කකා අසරණ ආබාධිත ගොවියෙකු සහ සතෙකු අමු අමුවේ පණපිටින් මරාදමන කැකිරාව, ආඬියාගල පශු වෛද්ය නිලධාරීන්ගේ අමනෝඥ ක්රියාව!
"කිරි ගොවියා නඟා සිටුවීම" කතා සාප්පුවලට පමණක් සීමා වූ ලංකාවේ, තවත් එක් අසරණ මිනිසෙකු සහ සතෙකු පද්ධතියේ කාලකන්නිකම නිසා හඬා වැටෙන සැබෑ කතාවක්!
මොහු වයස අවුරුදු 30ක, දකුණු අතේ ඇඟිලි 3ක්ම අහිමි, මහපටැඟිල්ල පමණක් ක්රියා කරන පූර්ණ ආබාධිත තරුණයෙකි. මව්පියන් ද අහිමි මෙම තරුණයා කිසිවෙකුට අත නොපා, ජීවිතය ජය ගැනීමට වසරකට පෙර මහත් ආයාසයකින් කිරි ගව පාලනය ආරම්භ කළේය.
පසුගිය මැයි 16 වනදා ඔහුගේ කිරි දෙනක පැටවෙකු බිහි කළ අතර, කිරි බුරුල්ල ඉදිමී තිබීම හේතුවෙන් පැටවා කිරි උරන විට තන පුඩුවකට ඉහළින් ගැඹුරට ඉරී බරපතල තුවාල සිදු විය. තුවාලයේ බරපතලකම නිසා කිරි නාලය පවා සිදුරු වී, ඒ තුළින් කිරි නොකඩවා පිටතට ගලා යන්නට විය.
මේ සම්බන්ධයෙන් ඔහු අයිති වන කැකිරාව, ආඬියාගල පශු වෛද්ය කාර්යාලයේ (Government Veterinary Office - Andiyagala, Kekirawa) ප්රධාන පශු වෛද්යවරිය දුරකථනයෙන් දැනුවත් කළ ද, ඇයගෙන් සහ එම කාර්යාලයෙන් ලැබුණු ප්රතිචාරය මුළු මහත් පශු වෛද්ය ක්ෂේත්රයටම ලැජ්ජාවකි!
🛑 සිදුවූ අසාධාරණයේ පෙළගැස්ම:
🔹 1 වන දිනය: වෛද්යවරිය දුරකථනයෙන් පවසා ඇත්තේ "ඕක මහලා වැඩක් නෑ, හෙට ඔෆිස් එන්න" කියාය. සතා වේදනාවෙන් කෑගසද්දී ඇය පැමිණීම ප්රතික්ෂේප කළාය.
🔹 2 වන දිනය: රජයේ කාර්යාලයට ගිය ද වෛද්යවරිය එහි නොසිටි අතර, ඇයගේ සහායකයෙකු විසින් තන පුඩුවට දැමීමට දියරයක් පමණක් ලබා දී ඇත. එය තුවාලයට ප්රතිකාරයක් නොවීය.
🔹 3 වන දිනය: තුවාලය තවත් පෑදී වෙන් වන්නට වූ නිසා නැවත වෛද්යවරිය ඇමතූ විට, ඇය ෆාමසියෙන් 'Fucidin Acid' ක්රීම් එකක් ගෙන ගාන්නැයි පවසා ඇඟ බේරාගෙන ඇත. කිරි නොකඩවා ගලායන බැවින් අසරණ ගොවියාම රෙදි පටියකින් තුවාලය වෙලා ඇත.
🔹 4 වන දිනය: නැවත ඇමතූ විට "ප්ලාස්ටරයක් ගහන්න" යැයි පවසා ඇත. එදින ද වෛද්යවරිය පැමිණ නැත. බැරිම තැන නැවත කාර්යාලයට ගිය විට එහි සිටි සහායකයා පවසා ඇත්තේ, "අපේ මැඩම් ඔය ලොකු තුවාල මහන්න කරන්න බයයි" කියාය!
🤔 අප බලධාරීන්ගෙන් අසන ප්රශ්න:
❓ රජයෙන්, මහජන බදු මුදලින් වැටුප් ලබන පශු වෛද්යවරියක් සතුන්ගේ තුවාල මහන්න "බය" නම්, ඇය මේ තනතුරට පත් කළේ කවුද? ඇය රජයේ වැටුප් ලබන්නේ කුමකටද?
❓ පෞද්ගලික වෛද්යවරුන් සම්බන්ධ කර ගැනීමට උත්සාහ කළ ද, පවතින ඉන්ධන අර්බුදය සහ අධික පිරිවැය හමුවේ සතා රෝහලකට ප්රවාහනය කිරීම මේ අසරණ ආබාධිත ගොවියාට තනිවම කළ හැක්කක්ද?
❓ "කිරි ගොවියා නඟා සිටුවනවා" යැයි පම්පෝරි ගසන රාජ්ය ආයතන, මෙවැනි බිම් මට්ටමේ සිටින සැබෑ ගොවියන්ව මානසිකව සහ ආර්ථිකව පණපිටින් වළපල්ලට ඇද දමන්නේ ඇයි?
දැන් දවස් 4ක් තිස්සේ මේ සතා වේදනාවෙන් කෑගසමින්, කෑමක් බීමක් නොමැතිව මරණාසන්නව පසුවේ. තමන්ගේම දරුවෙකු මෙන් හැදූ සතා ඇස් පනාපිට මියයන දෙස බලා මේ අසරණ ගොවියා හඬා වැටෙයි.
📢 වගකිවයුත්තන්ගේ අවධානයයට!
මෙම නිලධාරීන්ගේ නොසලකා හැරීමට සහ රාජකාරිය පැහැර හැරීමට එරෙහිව වහාම පියවර ගත යුත්තේ කාටද? මෙවැනි අයට විනයානුකූල පියවරක් නොගන්නේ මන්ද?
🔸 කෘෂිකර්ම හා පශු සම්පත් අමාත්යාංශය (Ministry of Agriculture and Livestock)
🔸 පශු නිෂ්පාදන හා සෞඛ්ය දෙපාර්තමේන්තුව (Department of Animal Production and Health)
🚨 විශේෂ ඉල්ලීමක්!
දඹුල්ල, කැකිරාව, අනුරාධපුර අවට අය මේක සෙයාර් කරන්න
🙏 මෙම පණිවිඩය බලධාරීන්ගේ ඇස් ඇරෙන තෙක් උපරිම Share කරන්න! අසරණ ගොවියෙකුට සහ සතෙකුට සාධාරණය ඉටු කරමු!
