26/08/2026
પાયલટે પ્લેનની જેમ જ પોર્શે ઉડાવી!😱👨🏻✈️
Follow Kem Cho Ahmedabad For More
અમદાવાદના લો ગાર્ડન પાસે જાણે રોડને રનવે સમજીને એક પાયલટ યુવકે મોંઘીદાટ પોર્શે કાર 100થી વધુની સ્પીડે દોડાવી હોવાનો મામલો સામે આવ્યો છે. પૂરઝડપે પસાર થતી કારને કારણે અન્ય વાહનચાલકોના જીવ જોખમમાં મુકાયા હતા.
આ સમગ્ર ઘટનાનો વીડિયો એક યુવકની કારના ડેશકેમમાં કેદ થયો હતો. વીડિયો સામે આવ્યા બાદ પોલીસે તપાસ શરૂ કરી પોર્શે કાર જપ્ત કરી અને ચાલક વિરુદ્ધ ગુનો નોંધ્યો છે.
પોલીસ તપાસમાં કારની સ્પીડ ઘટનાસમયે આશરે 110 કિલોમીટર પ્રતિ કલાક હોવાની વાત સામે આવી છે. કાર ચાલકે પોતે પાયલટ હોવાનું જણાવી અરજી પરત ખેંચવા ફરિયાદી યુવકનો સંપર્ક કર્યો હોવાનો પણ ઉલ્લેખ છે.
આ ઉપરાંત, 300 કિલોમીટર પ્રતિ કલાકની ઝડપે પોર્શે ચલાવતો એક અન્ય વાયરલ વીડિયો પણ પોલીસ તપાસ હેઠળ છે. હાલ નવરંગપુરા પોલીસે સમગ્ર મામલે વધુ તપાસ હાથ ધરી છે.
