28/06/2026
આક્ષેપો સાચા હોય તો કાર્યવાહી… ખોટા હોય તો પણ કાયદો એક જ હોવો જોઈએ!
મહિલાના આક્ષેપો કેટલા સાચા? હવે પોલીસ તપાસ પર સૌની નજર
અમદાવાદ પોસ્ટ - અમદાવાદના વટવા કેનાલ સ્થિત અલીફનગર-બી વિસ્તારમાં ઘરમાં તોડફોડ, બાઈકને આગ ચાંપવા, CCTV કેમેરા તોડવા અને દાગીના લઈ જવાના ગંભીર આક્ષેપો સાથે મહિલાએ કેટલાક શખ્સો સામે ફરિયાદ કરી છે.
હવે સમગ્ર મામલે પોલીસ દ્વારા તમામ પાસાઓની નિષ્પક્ષ તપાસ કરવામાં આવે તેવી માંગ ઉઠી રહી છે. મહિલા દ્વારા કરવામાં આવેલા આક્ષેપો, ઘટનાસ્થળના પુરાવા, CCTV ફૂટેજ અને અન્ય ઉપલબ્ધ સાક્ષીઓની પણ ઝીણવટભરી તપાસ થવી જોઈએ તેવી માંગ છે.
જો તપાસમાં મહિલાના આક્ષેપો સાચા સાબિત થાય તો જવાબદારો સામે કડક કાયદેસરની કાર્યવાહી કરવામાં આવે. પરંતુ જો તપાસ દરમિયાન કોઈપણ વ્યક્તિ દ્વારા ખોટા આક્ષેપો, ભ્રામક માહિતી અથવા ખોટા પુરાવા રજૂ કરવામાં આવ્યા હોવાનું સામે આવે, તો તેમની સામે પણ કડક કાયદેસરની કાર્યવાહી કરવામાં આવે તેવી લોકો માંગ કરી રહ્યા છે.
📍 અલીફનગર-બી, વટવા કેનાલ, અમદાવાદ
📍વધુ સમાચાર અને માહિતી માટે ફોલો કરો .in
