Nagar News Alert

06/08/2024

https://nagarnewsalert.com/?p=16480

Ahmednagar | मुकुंद नगर मधील लहान मुलाच्या मृत्यूस कारणीभूत ठरलेल्या त्या मुजोर अल्ताफ सैयद याचे सर्व अ

27/07/2024

https://nagarnewsalert.com/?p=16470 #

Ahmednagar | बाबा हाजी यांचा हज यात्रे दरम्यान मृत्यू झाला असल्याची माहिती समोर येत आहे .अहमदनगर शहराती�

18/07/2024

https://nagarnewsalert.com/?p=16449

Ahmednagar| खा.निलेश लंके यांची शांतीत क्रान्ती ,ज्यांच्या जीवावर निवडून आले त्यांनाच मुर्खात काढण्या�

12/07/2024

https://nagarnewsalert.com/?p=16444

Ahmednagar : अहमदनगर शहरातील एका प्रसिद्ध हज टूर्स अँड ट्रॅव्हल्स च्या संचालका ने काही हज यात्रे करुंची

09/07/2024

https://youtu.be/zmGYAu22n2E

https://www.nagarnewsalert.com/ is a 24/7 Marathi-language News Channel based in Ahmednagar, Maharashtra that launched in 2022. Alert group is Maharashtra's ...

17/02/2024

वाहतूक शाखेच्या नावाखाली आमजत जमा करतोय लाखोंची माया ? आमजतचा पाठीराखा वाहतूक शाखेचाच घरभेदी ? अखेर हा आमजत आहे तरी कोण ?

अहमदनगर - अहमदनगर शहर परिसरातील भिंगार या उपनगरात वाहतूक शाखेच्या नावावर माया जमविणाऱ्या आमजतची पोलखोल न्यूज अलर्टने केल्यानंतर देखील वाहतूक शाखा आमजत बाबत ठोस पावले उचलताना दिसत नाही त्यामुळे आमजतचे पाठीराखा हा नगर शहर वाहतूक शाखेचाच घरभेदी असल्याची चर्चा आता शहरात होत आहे. अहमदनगर शहरात व शहराच्या उपनगरात हजारोंच्या संख्येने रिक्षा चालक आहे. आपल्या पोटाची खळगी भागविण्यासाठी दिवस रात्र रिक्षा चालवून आपला संसार चविण्याचा प्रयत्न रिक्षा चालक करत आहे. मात्र त्यांच्या संसारात विष कालविण्याचे काम आमजत नामक व्यक्ती करत असल्याची चर्चा शहरात सुरु आहे. वाहतूक शाखेच्या नावाखाली भिंगार या उपनगरात चालणाऱ्या रिक्षा चालकांकडून हजारो लाखो रुपयांची माया हा आमजत जमा करत असल्याची बाब समोर आली आहे ? महिन्याच्या प्रत्येक एक तारखेला आमजत नावाचा व्यक्ती वाहतूक शाखेच्या नावावर प्रत्येकी एक रिक्षा चालकाकडून ५०० रुपये घेऊन जात असल्याचे बोलले जात आहे. एवढेच नव्हे तर प्रत्येकी एका रिक्षा चालकाकडून ५०० रुपये प्रमाणे भिंगार परिसरात चालणाऱ्या शेकडो रिक्षा चालकांकडून हजारो लाखों रुपयांची माया हा आमजत जमा करत असल्याचे बोलले जात आहे.

गोरगरीब रिक्षा चालकांना लुटणाऱ्या हप्तेखोर आमजत बाबत न्यूज अलर्टने बातमी प्रसारित केली होती आमजत आहे तरी कोण याची चौकशी करून वाहतूक शाखेने त्यांची बदनामी करणाऱ्या या आमजतवर कडक कारवाई करावी अश्या आशयाची बातमी प्रसारित केली. मात्र बातमीला २४ तास उलटून देखील आमजत आहे तरी कोण याची साधी माहिती घेण्याची दखल देखील वाहतूक शाखेच्या पोलीस निरीक्षकांकडून घेण्यात आली नाही ? त्यामुळे आमजतचे पाठीराखे वाहतूक शाखेचे कर्मचारी तर नाही ना अशी शंकाच आता नागरिकांना येत आहे.

दरम्यान न्यूज अलर्टने बातमी प्रसारित केल्यानंतर शेपूट हालवत हप्तेखोर आमजत हा काही दलालांकडे जाऊन चौकशी करत होता अशी सूत्रांकडून माहिती मिळाली आहे. त्यावेळी त्या संबंधित दलालांनी तुझे काहीही वाकडे होऊ शकत नाही अशी चर्चा त्यांच्यात झाली ? हप्तेखोर आमजत आणि त्या दलालामध्ये झालेल्या चर्चेनंतर हप्तेखोर आमजत हा वाहतूक शाखेच्या अधिकाऱ्यांना खरंच बंद पाकिटात ठेवत असल्याची आता एकच चर्चा होत आहे. एवढेच नव्हे तर वाहतूक शाखेच्या एका कर्मचाऱ्याच्या जीवावर व त्याच्या सांगण्यावरूनच आमजत हा रिक्षा चालकांकडून हप्ते गोळा करत असल्याची चर्चा होत असल्याने वाहतूक शाखेच्या अधिकाऱ्यांनी संबंधित हप्तेखोर आमजतवर कठोर कारवाई करून वाहतूक शाखेतल्या त्या घरच्या भेंदीला देखील शोधून काढण्याची गरज आहे. अन्यथा हप्तेखोर आमजत बरोबर तो घरचा भेदी वाहतूक शाखेची लक्तरे वेशीला टांगविल्याशिवाय राहणार नाही हे मात्र नक्की....

भाग ३ मध्ये पहा कोण आहे आमजतचा पाठीराखा व शाखेतला घरभेदी

15/02/2024

पैसा लय वंगाळ ; हप्ताखोर आमजतमुळे होतीय वाहतूक शाखेची बदनामी? कोण आहे आमजत,वाहतूक शाखा कारवाई करणार का ?

अहमदनगर - पैसा लयच वंगाळ असतो असं वक्तव्य वयस्कर म्हतारे नेहमीच करत असतात मात्र याचा प्रत्यय शहरातील रिक्षा चालकांना येत आहे. महिन्याच्या पहिल्या तारखेला आमजत नावाचा खाजगी एजंट वाहतूक शाखेच्या नावाखाली चांगलीच माया गोळा करत असल्याची चर्चा सध्या शहरात रंगू लागली आहे. त्यामुळे शहर वाहतूक शाखा या आमजतला शोधून हा आमजत नेमका आहे तरी कोण याची चौकशी करून कारवाई करणार का हेच पाहणे महत्त्वाचे आहे.

शहरात एक ना अनेक रिक्षा चालक आपल्या पोटाची खळगी भागविण्यासाठी दिवसरात्र कष्ट करून आपले कंबरडे मोडून रिक्षा व्यवसाय करतात मात्र आमजत नावाचा व्यक्ती हा संबंधित रिक्षा चालकांना त्रास देऊन वाहतूक शाखेच्या नावाखाली दर महिन्याच्या पहिल्या तारखेला माया जमा करत असल्याची चर्चा शहरात रंगू लागली आहे. यामध्ये वाहतूक शाखेचा कितपत हात आहे कि नाही हे चौकशी झाल्यावरच कळेल मात्र सध्या तरी ज्या आमजत नावाची चर्चा रंगू लागली आहे हा आमजत आहे तरी कोण याची चौकशी करून कारवाई करणे गरजेचे आहे.

अहमदनगर शहरातील हजारो रिक्षा चालक विविध मार्गावर आपला व्यवसाय करतात कोणी संभाजीनगर मार्ग तर कोणी केडगाव मार्ग तर कोणी भिंगार मार्ग मात्र भिंगार मार्गावर पोट भरण्यासाठी जाणाऱ्या एक ना अनेक रिक्षा चालकांना या आमजत नावाच्या व्यक्तीचा त्रास होत आहे. मिळालेल्या प्राथमिक माहीनुसार एका रिक्षा चालकांकडून महिन्याच्या एक तारखेला आमजत प्रत्येकी ५०० रुपये जमा करतो, उदाहरण भिंगार मार्गावर जर ५० रिक्षा असल्यास प्रत्येकी ५०० प्रमाणे हा आमजत हजारो लाखोंची माया वाहतूक शाखेच्या नावावर जमा करत असल्याची चर्चा सध्या शहरासह भिंगार परिसरात रंगू लागली आहे त्यामुळे वाहतूक शाखा या आमजतचा शोध घेऊन कारवाई करणार का हेच पाहणे महत्त्वाचे ठरणार आहे, एवढेच नव्हे तर या प्रकरणामध्ये कोणी वाहतूक शाखेच्या पोलीस कर्मचाऱ्याचा हात असल्यास पोलीस अधीक्षक संबंधित पोलीस कर्मचाऱ्यावर कारवाई करणार का हे पाहणे देखील महत्त्वाचे ठरणार आहे....

06/02/2024

अब्दुल सलाम यांनी केली शासनाची फसवणूक ? सोसायटी बचाव कृती समितीचा गंभीर आरोप.. वाचा सविस्तर👇👇

अहमदनगर - अहमदनगर शहरात मोहंमदिया एज्युकेशन हि एक अल्पसंख्याक सोसायटी आहे या सोसायटीचे सचिव अब्दुल सलाम [ सर ]अब्दुल अजीज यांनी वेळोवेळी खोटे प्रतिज्ञापत्र व उपयोगिता प्रमाणपत्र शासनाकडे सादर करून शासनाचा निधी लाटून शासनाचीच आरथिक फसवणूक केल्याचा आरोप मोहंमदिया एज्युकेशन सोसायटी बचाव कृती समितीच्या वतीने करण्यात आला आहे. तसं निवेदनच शिक्षणाधिकारी तसेच जिल्हाधिकारी यांना देण्यात आले आहे.

शहरातील मुस्लिम अल्पसंख्याक समाजाच्या मोहंमदिया एज्युकेशन सोसायटीच्या सन २००६ ते २०१६ च्या कार्यकारिणीमध्ये शेख इम्तियाज ताजोद्दीन व शेख नसीर अब्दुल कादर हे कोणत्याही पदावर किंवा कार्यकारिणीचे सदस्य नसताना देखील त्यांच्या नावाचा वापर अध्यक्ष म्हणून करत त्यांच्या खोट्या सह्या करून नोटरी पद्धतीने खोटे प्रतिज्ञापत्र व उपयोगिता प्रमाणपत्र शासनदरबारी देण्यात आले होते. एवढेच नव्हे तर २०१३ मध्ये महाराष्ट्र राज्य विकास विभागाच्या अल्पसंख्याक शाळांना पायाभूत सोयी सुविधा योजनेअंतर्गत निधी उपलब्ध करून देण्यासाठी सोसायटीचे सचिव अब्दुल सलाम [ सर ] अब्दुल अजीज यांनी शेख इम्तियाज ताजोद्दीन व शेख नसीर अब्दुल कादर यांच्या नावाचा वापर अध्यक्ष म्हणून करत खोट्या सह्या करून शासनदरबारी कागदपत्रे जमा करून निधी लाटला असल्याचं प्रकार मोहंमदीया एज्युकेशन सोसायटी बचाव कृती समितीच्या वतीने उघड करण्यात आल्याचे निवेदन शिक्षणाधिकारी तसेच जिल्हाधिकारी यांना देण्यात आले आहे.

विशेष म्हणजे मोहम्मदीया एज्युकेशन सोसायटीचे सचिव अब्दुल सलाम [ सर ] अब्दुल अजीज यांनी २००६ ते २०१६ पर्यंत शेख इम्तियाज ताजोद्दीन व शेख नसीर अब्दुल कादर हे कोणत्याही पदावर नसतांना त्यांच्या नावाचा वापर प्रतिज्ञापत्रामध्ये अध्यक्ष म्हणून करत त्यांच्या नावाने शासनाचा भरघोस निधी लाटल्याचा धक्कादायक आरोप करण्यात आला असून मोहमदीया एज्युकेशन सोसायटीचे सचिव अब्दुल सलाम अब्दुल अजीज यांच्यावर त्वरित कारवाई करण्यात यावी यापूर्वी देखील सचिव अब्दुल सलाम [ सर ] यांनी केलेल्या गैरव्यव्हाराबद्दल वारंवार निवेदन देऊन देखील कारवाई होत नाही त्यामुळे शिक्षणाधिकारी तसेच जिल्हाधिकारी यांनी या भ्र्रष्टाचाराची दाखल न घेतल्यास शिक्षणाधिकारी यांच्या कार्यालयासमोर आमरण उपोषण करण्याचा इशारा मोहंमदिया एज्युकेशन सोसायटी बचाव कृती समितीच्या वतीने देण्यात आला आहे

08/01/2024

भिंगार पोलीस ''त्या'' बनावट प्रमाणपत्र व बनावट शिक्क्यांची चौकशी कधी करणार? नागरदेवळे ग्रामपंचायतने पोलीस अधीक्षकांना एक महिन्यापूर्वी दिले होते चौकशीचे पत्र

अहमदनगर - अहमदनगर शहरातील नागरदेवळे ग्रामपंचायतीच्या वतीने पोलीस अधीक्षक कार्यालयाला तब्बल एक महिन्यापूर्वी बनावट ग्रामपंचायतचे बांधकाम परवाना प्रमाणपत्र तसेच बनावट शिक्क्यांसंदर्भात चौकशी करण्याची मागणी अर्जाद्वारे करण्यात आली होती या अर्ज मागणीला एक महिना उलटला तरी पोलीस अधीक्षक कार्यालय तसेच भिंगार कॅम्प पोलीस ठाण्याकडून कोणताही प्रतिसाद मिळत नसल्याचं सांगण्यात आले आहे

खरंतर नागरदेवळे ग्रामपंचायतीच्या हद्दीतील आलमगीर या परिसरामधील सर्व्ह नंबर २४२/१ मधील प्लॉट नंबर ५ व ६ मध्ये संबंधितांच्या नावाने ग्रामपंचायत कार्यलयात कुठल्याही प्रकारची मिळकत नोंद नाही तसेच २०२१ – २०२२ च्या जावक रजिस्टर मध्ये जावक क्रमांक ७८७६ यावर देखील कुठल्याही प्रकारची जावक नोंद आढळून येत नाही तसेच सर्व्हे नंबर ७०५०/२१ यावर देखील कुठल्याही प्रकारची बांधकाम परवानगी दिलेली नसताना देखील बनावट बांधकाम परवाना, बनावट शिक्के आणि बनावट जावक क्रमांक टाकण्यात आल्याचे ग्रामपंचायत नागरदेवळे यांच्या प्रथमदर्शनी निदर्शनास आलेले असून संबंधित प्रकरणाची चौकशी व्हावी या मागणीचे अर्ज पोलीस अधीक्षक कार्यलायाला देण्यात आले होते मात्र पोलीस अधीक्षक असो अन्यथा भिंगार कँम्प पोलीस ठाणे यांच्याकडून कोणत्याही प्रकारची दखल मागील एक महिन्यात घेण्यात आली नाही.

त्यामुळे पोलीस अधीक्षक कार्यालय तसेच भिंगार पोलीस ठाणे हे संबंधित बनावट प्रमाणपत्र तसेच बनावट शिक्के बनवणाऱ्या टोळीला पाठीशी तर घालत नाही ना? हाच प्रश्न आता सर्वसामान्य नागरिकांना पडला आहे त्यामुळे गेल्या एक महिन्यापासून दिलेल्या अर्जाला दाखविण्यात आलेल्या केराच्या टोपलीतून अर्ज काढत लवकरात लवकर चौकशी करण्याची अपेक्षा आता नागरदेवळे ग्रामपंचायत कार्यालयाकडून होत आहे. खरंतर भिंगार कँम्प पोलीस ठाणे हद्दीमध्ये कायदा व सुव्यवस्था तसेच अवैध धंद्याचा बोजवारा उडाला आहे. भिंगार कँम्प पोलीस ठाण्याच्या हद्दीत गेल्या काही दिवसापूर्वी दोन गटात तुंबळ हाणामारी झाली या हाणामारीमध्ये ३०७ चा गुन्हा दाखल करण्यात आला मात्र आरोपी अद्यापही फरारच एवढेच नव्हे तर अवैध धंद्याचा देखील बोजवारा उडाला आहे, पत्त्याचे क्लब, बिंगो, देशी दारू, मटका, जुगार या सारखे अवैध धंदे खुलेआम पणे सुरु असून यांना पाठीशी घालण्याची जबाबदारी त्या जोडीवर असल्याने ? अवैध धंद्यावर कोणतीही कारवाई होताना दिसत नाही अशातच पोलीस अधीक्षक कार्यालयात देण्यात आलेल्या अर्जावर मागील एक महिन्यापासून चौकशी करण्यात आलेली नाही. किंवा याबाबत कोणतहि माहिती संबंधित ग्रामपंचायतला देण्यात आलेली नाही हि शोकांतिकाच म्हणावी लागेल, त्यामुळे मेहरबान साहेबांनी लोकसभा निवडणुकीच्या पार्श्वभूमीवर होणाऱ्या बदल्याच्या आधी या बनावट प्रमाणपत्र तसेच बनावट शिक्क्याची चौकशी करावी हीच अपेक्षा

29/12/2023

https://nagarnewsalert.com/?p=16318

अहमदनगर – अहमदनगर शहरातील मुकुंदनगर या उपनगरांमध्ये म्हैसावाला गैंगचा हैदोस थांबता थांबेना पोलिसांच्या नाकाव.....

27/12/2023

मुकुंदनगर मध्ये पुन्हा म्हैसावाला गैंगचा उच्छाद ; मौलांनानां मारहाण केल्याप्रकरणी गैंगच्या ''पंटरवर'' गुन्हा दाखल

अहमदनगर शहरातील मुकुंदनगर या उपनगरांमध्ये म्हैसावाला गैंगचा उच्छाद पुन्हा एकदा पाहायला मिळाला आहे. एका मध्यमवर्गीय मौलानांवर हल्ला चढवत मारहाण करण्यात आली आहे या संदर्भात भिंगार कँम्प पोलीस ठाण्यात म्हैसावाला गैंगच्या मोहरक्याचा पंटर म्हणून काम पाहणाऱ्या अनिस सय्यद वर गुन्हा दाखल करण्यात आला आहे. मुकुंदनगर परिसरातील हुसेनमियां मस्जिद येथे मौलाना म्हणून कार्यरत असलेले मौलाना अस्लम शेख यांनी काही दिवसापूर्वी गैस कनेक्शन घेण्यासाठी जुबेर आणि अनिस यांच्याकडे पैसे दिले होते त्यानुसार जुबेर याने गैसचे कार्ड हे मौलाना यांना आणून देत कार्ड वरील असलेले टाक्या आणि रेग्युलेटर हे संबंधित गैस एजन्सी कार्यालयात जाऊन घेऊन या असे सांगितले. मौलाना यांनी संबंधित गैस एजन्सी मध्ये टाक्या घेण्यासाठी गेले असता तुमच्या टाक्या आणि रेग्युलेटर कार्यालयातून नेण्यात आल्याचे सांगण्यात आले. दरम्यान मौलाना हे टाक्या आणि रेग्युलेटर घेण्यासाठी संबंधित गैस एजन्सी कार्यालयात गेल्याची माहिती अनिस सय्यद याला मिळताच म्हैसावाला गैंगचा सदस्य असलेल्या अनिस सय्यद याने मौलाना अस्लम शेख यांना बेदम मारहाण करत जीवे मारण्याची धमकी दिली आहे. या संदर्भात मौलाना अस्लम शेख यांच्या फिर्यादीवरून भिंगार कँम्प पोलीस ठाण्यात गुन्हा दाखल करण्यात आला आहे.

या पूर्वी देखील म्हैसावाला गैंगने मुकुंदनगर या भागात दहशद माजवित घरावर दगडफेक केली होती. त्यावेळी देखील म्हैसावाला गैंगच्या सदस्यांवर भिंगार कँम्प पोलीस ठाण्यात गुन्हा दाखल करण्यात आला होता मात्र भिंगार कँम्प पोलिसांकडून आरोपींवर पाहिजे तशी कारवाई झाली नाही आणि त्यामुळे भिंगार पोलिसांचा धाक अश्या गुंडांवर राहिला नसल्याचे चित्र आज घडलेल्या एका धर्मगुरूवर घडताना पाहायला मिळाला आहे. खरंतर तत्कालीन पोलीस अधीक्षक मनोज पाटील यांनी ''टू प्लस'' योजना अहमदनगर शहरासह जिल्ह्यात राबवत एक ना अनेक ''भाई'' नां आस्मान दाखवत मोक्का सारखी कारवाई केली होती. आता मात्र अहमदनगर जिल्ह्याला लाभलेले जिल्हा पोलीस प्रमुख राकेश ओला यांच्या कार्यवाहीचा प्रभाव गुंडगिरी आणि दहशद माजविणाऱ्या गुंडांवर पडतांना फारसा दिसत नाही आणि म्हणूनच अश्या गुंडांची दहशद अहमदनगर शहरात राजरोजपणे वाढतांना दिसत आहे.

अहमदनगर शहरातील मुकुंदनगर या उपनगरात एक ना अनेक भाई आले मात्र पोलिसांनी खाक्या दाखविताच अनेक भाईच्या बुडाखाली आग लागल्याचे चित्र मुकुंदनगरकरांनी पाहिले आहे. आता मात्र पोलिसांची आबरू बंद पाकिटात ठेवल्यासारखे नव्याने उदयास आलेली म्हैसावाली गैंग मुकुंदनगर मध्ये वावरत असून अश्या गैंगवर पोलिसांनी कठोर कारवाई करण्याची मागणी नागरिकांमधून होत आहे.. विशेष म्हणजे म्हैसावाला गैंगचा मोहरक्यावर याआधी देखील अनेक गंभीर स्वरूपाचे गुन्हे दाखल आहे. एवढेच नव्हे तर म्हैसावाला गैंगच्या सदस्यांवर देखील ३०७ सारखे गंभीर गुन्हे दाखल असतांना पोलीस अश्या गुंडांना पाठीशी तर घालत नाही ना ? हाच प्रश्न या मारहाणीच्या निमित्ताने पुन्हा उपस्थित झाला आहे

24/12/2023

२२ दिवस उलटले तरी भिंगार कँम्प पोलिसांचे दुर्लक्ष ?; बनावट बांधकाम परवान्याच्या चौकशीची मागणी करूनही ग्रामपंचायतीच्या अर्जाला दाखविण्यात आली केराची टोपली ? अवैध धंद्यासह भिंगार मध्ये बनावट शिक्के बनविणाऱ्यांना कोणाचा आहे वरदहस्त ?

अहमदनगर - अहमदनगर शहरातील भिंगार परिसरात एकीकडे कायदा व सुव्यवस्थेचे तीन तेरा वाजले असून अवैध धंद्याचा सुळसुळाट झाला असतांना दुसरीकडे मात्र गेल्या २२ दिवसापूर्वी चक्क ग्रामपंचायतीने दिलेल्या अर्जावर कोणतीही कार्यवाही होत नसल्याने भिंगार कँम्प पोलिसांच्या कार्यपद्दतीवर प्रश्न चिन्ह उपस्थित होत आहे. खरंतर नागरदेवळे ग्रामपंचायतीने ग्रामपंचायतीच्या नावाने बनावट बांधकाम परवाना बनविण्यात आला असून या कागदपत्रांची चौकशी करण्याचा अर्ज जिल्हा पोलीस अधीक्षक कार्यालयात गेल्या २२ दिवसापूर्वी दिला होता. पोलीस अधीक्षक कार्यालयात देण्यात आलेल्या अर्जाची भिंगार कँम्प पोलीस ठाण्याच्या वतीने चौकशी करण्यात येणार असल्याचे सांगण्यात आले होते मात्र २२ दिवस उलटून देखील नागरदेवळे ग्रामपंचायतीच्या अर्जावर भिंगार कँम्प पोलीस ठाण्याच्या वतीने कोणतीही ठोस कार्यवाही करण्यात आली नाही.

खरंतर नागरदेवळे ग्रामपंचायतीच्या हद्दीतील आलमगीर या परिसरामधील सर्व्ह नंबर २४२/१ मधील प्लॉट नंबर ५ व ६ मध्ये संबंधितांच्या नावाने ग्रामपंचायत कार्यलयात कुठल्याही प्रकारची मिळकत नोंद नाही तसेच २०२१ - २०२२ च्या जावक रजिस्टर मध्ये जावक क्रमांक ७८७६ यावर देखील कुठल्याही प्रकारची जावक नोंद आढळून येत नाही तसेच सर्व्हे नंबर ७०५०/२१ यावर देखील कुठल्याही प्रकारची बांधकाम परवानगी दिलेली नसताना देखील बनावट बांधकाम परवाना, बनावट शिक्के आणि बनावट जावक क्रमांक टाकण्यात आल्याचे ग्रामपंचायत नागरदेवळे यांच्या प्रथमदर्शनी निदर्शनास आलेले असून संबंधित प्रकरणाची चौकशी व्हावी या मागणीचे अर्ज पोलीस अधीक्षक कार्यलायाला देण्यात आले होते मात्र पोलीस अधीक्षक असो अन्यथा भिंगार कँम्प पोलीस ठाणे यांच्याकडून कोणत्याही प्रकारची दखल मागील २२ दिवसात घेण्यात आली नाही.

विशेष म्हणजे अहमदनगर शहराच्या भिंगार या शहरामध्ये अवैध धंद्याना ऊत आला आहे. भिंगार शहराच्या वेशीजवळच पत्त्याचे क्लब असल्याची देखील शहरात चर्चा होत असतांना मात्र त्यावर कुठलीही कारवाई होताना दिसत नाही. उलट पत्त्याच्या क्लब मध्ये मालामाल होऊन ''विजयी'' झालेल्या बुकीला त्याच्या जीवनात ''कँपच्या'' ''दीपचा'' सहारा असल्याचे देखील बोलले जात आहे. त्यामुळे अवैध धंद्यासह आता भिंगार कँम्प पोलीस ठाण्याच्या हद्दीमध्ये ग्रामपंचायतीचे बनावट बांधकाम परवानगी तसेच बनावट शिक्के देखील बनवून मिळत आहे? परंतु भिंगार कँम्प पोलीस ठाण्याचा याकडे सपशेल दुर्लक्ष असल्याचे यावरून स्पष्ट होत आहे. वास्तविक २२ दिवस उलटून देखील ग्रामपंचायतीच्या अर्जावर कोणतीही कारवाई होत नसल्याने या बनावट परवाना आणि शिक्के प्रकरणात आर्थिक वास येत असल्याची चर्चा देखील सुरु झाली आहे ....