https://www.facebook.com/150882524769120/

AiDak Thlang, Aizawl (2025)

30/06/2025

ခွင့်လွှတ်ခြင်းနဲ့အနိုင်ယူပါ နှလုံးသားလှသူလေးရေ..
လူတစ်ယောက်ရဲ့ ..
လက်ငါးချောင်းတောင် အရွယ်စားမတူညီတဲ့လောကကြီးထဲ
သူမှန်တယ် ငါမှန်တယ်ဆိုတဲ့ အငြင်းတရားတွေနဲ့
မရှင်သန်ချင်ဘူး ။

ကိုယ်ပိုင်တဲ့ ခန္ဓာကိုယ်ပေါ်က လက်ငါးချောင်းတောင်
အရွယ်စားမတူညီနိုင်မှ ကိုယ်မဟုတ်တဲ့ တခြားလူရဲ့စိတ်
ဆိုတာ ကိုယ်နဲ့ ဘယ်လိုထပ်တူကျ နိုင်မှာလည်း ။

ကိုယ့်စိတ်နဲ့ကိုယ်ရှင်သန်နေတဲ့လူတွေကို
ကိုယ့်အပေါ် ကောက်ကျစ်သွားရင်တောင်
ဘယ်သူမကောင်းဘူး ဘယ်ဝါမကောင်းဘူးလို့
အပြစ်မပြောချင်ပါဘူး သူ့အပြစ်နဲ့သူ တူသောအကျိုးခံစား
ရလိမ့်မယ်လို့ ဥပေက္ခာပြုထားလိုက်ပါတယ် ။

နေ့စဉ်နဲ့အမျှ ဘဝရပ်တည်ရှင်သန်ရေးအတွက်
ရုန်းကန်နေသူ လူသားတွေတိုင်း
ပြစ်ကင်းတဲ့သူ ဘယ်သူရှိမလည်း
ကိုယ်လည်း အပြစ်ကင်းသူလို့ မခံယူထားပါဘူး
အမှားဆိုတာရှိနိုင်သလို အပြစ်ဆိုတာလည်း
လုပ်မိမှာပါ ကိုယ်ကမသိလိုက်တာပဲ ရှိလိမ့်မယ် ။

ဒါပေမယ့်
လူရယ်လို့ ဖြစ်လာရင် လူတွေကြားထဲ ဖြူနေဖို့တော့
လိုအပ်တယ် အမှားနည်သူဖြစ်အောင် နေတတ်ရပါမယ် ။

ဒါကြောင့်..
နှလုံးသားလှသူလေးရေ...

လူအခြင်းခြင်းဆက်ဆံရေးမှာ
ငါ ဆိုတဲ့အတ္တနဲ့ ရှင်သန်နေမဲ့အစား သူ့ဖက်ကိုလည်း
မြင်တတ်သူ ကိုယ့်ဖက်ကိုလည်းပြန်ကြည့်တတ်သူ
ဖြစ်အောင် နေထိုင်လိုက်ရင်
မုန်းသူလည်းကင်းမယ် ၊
ပြဿနာဆိုတာလည်း ရောက်မလာဘူး
လူဖြစ်ရလာခြင်းအတွက်လည်း အဓျိပါယျ ပြည့်စုံစေပါတယ်။

တချို့ အရာတွေက ခွင့်မလွှတ်သင့်နေရင်တောင်
ခွင့်လွှတ်ခြင်းနဲ့သာ အနိုင်ယူလိုက်ပါ ။

Owner Credit

30/06/2025

သင့်ကလေး ဒေါသမကြီးဘဲ စိတ်ရှည်လာအောင် ပြုစုပျိုးထောင်နည်း 👶🩵

ကလေးတိုင်းမှာ စိတ်ခံစားချက်တွေ ပြင်းထန်တတ်ပြီး၊ အထူးသဖြင့် ဒေါသထွက်လွယ်တတ်ကြပါတယ်။ ဒါဟာ သဘာဝဖြစ်ပေမယ့်၊ မိဘတွေအနေနဲ့ စိတ်ရှည်သည်းခံမှုကို သင်ကြားပေးဖို့ အရေးကြီးပါတယ်။ ဒီလို ပြုစုပျိုးထောင်ဖို့ ထိရောက်တဲ့ နည်းလမ်းတချို့ကို မျှဝေပေးပါမယ်။ 🧑‍🍼

🩵 ၁။ ကလေးရဲ့ ခံစားချက်ကို အသိအမှတ်ပြုပါ

"သူ့ခံစားချက်ကို နားလည်ပေးတယ်" ဆိုတဲ့ စကားမျိုးနဲ့ စတင်ပါ။ ကလေးကို ခံစားချက်တွေကို ဖော်ပြခွင့်ပေးပါ (ဥပမာ - "မင်းစိတ်ဆိုးနေတယ်လား၊ ဘာကြောင့်လဲ ပြောပြပါလား")။ ခံစားချက်ကို ဖိမထားဘဲ ထုတ်ဖော်တတ်အောင် သင်ပေးပါ။

🩵 ၂။ စံနမူနာပြပါ (Role Model)

ကလေးတွေဟာ မိဘတွေရဲ့ အပြုအမူကို အတုယူတတ်ကြပါတယ်။ မိဘကိုယ်တိုင် စိတ်တိုတဲ့အခါ အေးဆေးတုံ့ပြန်ပြပါ (ဥပမာ - အသက်ပြင်းပြင်းရှူကာ စိတ်သက်သာရာရအောင် လုပ်ပြခြင်း)။ "ငါလည်း စိတ်ဆိုးတယ်၊ ဒါပေမယ့် ငြိမ်ငြိမ်နေမယ်" ဆိုတဲ့ ဥပမာပြပါ။

🩵 ၃။ စိတ်ငြိမ်စေမယ့် နည်းလမ်းတွေ သင်ပေးပါ

အသက်ရှူလေ့ကျင့်ခန်း – "ခပ်ပြင်းပြင်းရှူသွင်း၊ ဖြေးဖြေးချင်းရှူထုတ်" လုပ်ခိုင်းပါ။ ရေသောက်ခြင်း – ဒီလိုလုပ်ခြင်းက ဦးနှောက်ကို အာရုံပြောင်းစေပြီး ဒေါသလျော့စေတယ်။ ခဏခွဲနေခြင်း – "စိတ်ဆိုးနေရင် ၅ မိနစ်လောက် တစ်ယောက်တည်း ထိုင်နေပါ" လို့ ညွှန်ကြားပေးပါ။

🩵 ၄။ ပြဿနာကို အတူတကွ ဖြေရှင်းပါ

ဒေါသထွက်စရာဖြစ်တဲ့ အကြောင်းရင်းကို အတူတူရှာဖွေပါ။ "ဒီပြဿနာကို ဘယ်လိုဖြေရှင်းမလဲ" လို့ ကလေးကို ပြန်မေးပါ။ အဖြေတစ်ခုရှာပြီးရင် "ဒီလိုလုပ်ကြည့်ရင် ပိုကောင်းမလား" ဆိုတဲ့ ရွေးချယ်စရာတွေ ပေးပါ။

🩵 ၅။ စိတ်ရှည်မှုအတွက် ချီးမွမ်းပါ

ကလေးက ဒေါသမထွက်ဘဲ စိတ်ရှည်သည်းခံတဲ့အခါ "မင်းတကယ်ကောင်းတယ်၊ ဒီလိုတန်ဖိုးရှိတဲ့ အပြုအမူကို ငါကြိုက်တယ်" လို့ ချီးကျူးပါ။ အပြုသဘောဆောင်တဲ့ အပြုအမူကို မှတ်သားပြီး ဆုချပေးပါ (ဥပမာ - စိတ်ရှည်သည်းခံတဲ့အတွက် ကလေးကို ချစ်စနိုး ပွေ့ဖက်ပေးခြင်း)။

🩵 ၆။ ကလေးရဲ့ လိုအပ်ချက်ကို ကြိုတင်သိအောင်လုပ်ပါ
ကလေးတွေ ဗိုက်ဆာတာ၊ အိပ်ငိုက်တာ၊ ပင်ပန်းနေတာ ဆိုရင် ဒေါသထွက်လွယ်တတ်ပါတယ်။ ဒါကြောင့် အချိန်မှန်အိပ်စက်ခြင်း၊ အာဟာရပြည့်အောင်ကျွေးခြင်း စတာတွေကို ဂရုစိုက်ပါ။

--------------------

🔹 အချုပ်အားဖြင့်
ကလေးတစ်ယောက် စိတ်ရှည်သည်းခံတတ်ဖို့ အောက်ပါအချက်တွေကို သတိထားပါ။

✅ ခံစားချက်ကို အသိအမှတ်ပြုပါ
✅ စံနမူနာကောင်းဖြစ်ပါ
✅ စိတ်ငြိမ်ငြိမ်ထားဖို့ နည်းလမ်းတွေ သင်ပေးပါ
✅ ပြဿနာကို အတူတကွ ဖြေရှင်းပါ
✅ အပြုသဘောဆောင်တဲ့ အပြုအမူကို ချီးမွမ်းပါ

"စိတ်ရှည်ခြင်းဟာ အောင်မြင်မှုရဲ့ သော့ချက်ဖြစ်ပါတယ်။ ကလေးတွေကို ငယ်စဉ်ကတည်းက သည်းခံတတ်အောင် သင်ပေးခြင်းဟာ သူတို့ရဲ့ အနာဂတ်အတွက် အကောင်းဆုံး လက်ဆောင်တစ်ခုပါပဲ။"

ဒီနည်းလမ်းတွေကို အသုံးပြုပြီး သင့်ကလေး စိတ်ရှည်သည်းခံတတ်သူဖြစ်လာစေဖို့ အားပေးလိုက်ပါနော်! ❤️

Owner Credit

29/06/2025

"ဆယ်ကျော်သက်အရွယ်ကလေးတွေဘာကြောင့်မိဘစကားနားမထောင်ကြသလဲ?"

မနေ့က အလုပ်မှာ စပိန်သူငယ်ချင်းတစ်ယောက်
မျက်နှာမသာမယာနဲ့ အလုပ်ကိုလာပါတယ်။ကျွန်မက "ဘာပြဿနာရှိလာလဲ?"မေးတော့ သူ့ရဲ့ ၁၄နှစ်အရွယ် တစ်ဦး
တည်းသော သမီးက စကားနားမထောင်လို့ အလုပ်လာခါနီး
သားအမိနှစ်ယောက် စကားများတဲ့အကြောင်း။သမီးက
ဒေါသနဲ့ပြောလိုက်တဲ့ စကားတစ်ချို့က သူ့ကို ရင်နာစေတဲ့
အကြောင်းပြောရင်း မျက်ရည်စမ်းစမ်း ဖြစ်လာပါတော့တယ်။သမီးပြောတာက "အမေက မိခင် မပီသတဲ့ မိန်းမကြီး။အမေ့ကို မုန်းတယ်။"တဲ့လေ။
ဆယ်ကျော်သက်အရွယ် (အသက်၁၃-၁၉နှစ်ကြား)
ကလေးတွေ မိဘစကားနားမထောင်တာ/ပြောဆိုရခက်တာဟာ သဘာဝတရားတစ်ခုဖြစ်ပြီး သူတို့ရဲ့စိတ်ပိုင်းဆိုင်ရာ
ဖွံ့ဖြိုးမှုနဲ့ ဆက်စပ်နေတာဖြစ်ပါတယ်။အဲလိုဖြစ်ရတဲ့
အခြေခံ အကြောင်းရင်းတွေကတော့

(၁)သူတို့ကိုယ်ပိုင်ခံစားချက်/ခံယူချက်နဲ့သီးသန့်ကမ္ဘာ
တည်ဆောက်ချင်တဲ့ အရွယ် ဖြစ်ပါတယ်။

ဆယ်ကျော်သက်အရွယ်တွေက "ငါ ကလေးမဟုတ်တော့ဘူး။I'm not a kid anymore "။ဆိုတဲ့ စိတ်ကြီးဝင်တဲ့ ခံစားချက်နဲ့ကိုယ်ပိုင် ဆုံးဖြတ်ချင်လာကြပါတယ်။ဒါ
ကြောင့် မိဘပြောတဲ့စကားတိုင်း သဘောမတူချင်တော့ဘဲ
ကိုယ့်သဘောနဲ့ကိုယ် လုပ်ကြည့်ချင်တဲ့အတွက်ကြောင့်ပါပဲ။

(၂)စိတ်ဓာတ်နဲ့ဟိုမုန်းပြောင်းလဲမှုကြောင့်လည်းပါပါတယ်။

ဆယ်ကျော်သက်ကလေးတွေရဲ့ ဦးနှောက်အရှေ့ခြမ်းက Prefrontal cortex(ဆုံးဖြတ်ချက်အပိုင်းကိုလုပ်ဆောင်တဲ့အပိုင်း)က မပြည့်စုံသေးပါဘူး။ဒါကြောင့် ဆုံးဖြတ်ချက်မှားတာ/သေချာမစဉ်းစားနိုင်သေးတာ/စိတ်ခံ
စားမှုထိရှလွယ်တာ စတဲ့ အခြေအနေတွေဖြစ်တတ်ပါတယ်။အခြားတစ်ဖက်မှာလည်း ဆယ်ကျော်သက်အရွယ်ရဲ့
ဟိုမုန်းအပြောင်းအလဲ(Testosterone /Estrogen)ပမာဏ
မြင့်တက်လာတဲ့အတွက် စိတ်ခံစားမှုကို မထိန်းနိုင်တာမျိုး
ဖြစ်တတ်ပါတယ်။

(၃)မိဘနဲ့ဆက်ဆံရေးတည်ဆောက်မှုပုံစံကလည်း
အရေးကြီးပါတယ်။

တချို့မိဘတွေရဲ့ သားသမီးပြုစုပျိုးထောင်နည်းက
"ငါ မိဘ။ငါ့စကားကို သားသမီးက တသွေမသိမ်းနားထောင်ရမယ်။"ဆိုတဲ့ပုံစံဖြစ်နေတဲ့အခါ သားသမီးတွေရဲ့စိတ်ထဲမှာ မိဘက နားမလည်ပေးဘူး။"ပြောလည်း
ဆူဖို့/အပြစ်တင်ဖို့ပဲ သိတယ်။"ဆိုတဲ့ခံစားချက်နဲ့ပြည့်နှက်
နေတဲ့ အခါ မိဘ ဘာပြောပြော နားမဝင်တော့တာမျိုးဖြစ်
လာပါတော့တယ်။

(၄)ပတ်ဝန်းကျင်က အပေါင်းအသင်းတွေရဲ့လွှမ်းမိုးမှုခံရတဲ့အရွယ်ဖြစ်ပါတယ်။

ဆယ်ကျော်သက်အရွယ်ကလေးတွေဟာ မိဘထက်
အပေါင်းအသင်းကို ပိုခင်တွယ်တဲ့အချိန်ဖြစ်တာကြောင့်
Peer influence (သူငယ်ချင်းရဲ့လွှမ်းမိုးမှုခံရ)ဖြစ်လာပါ
တယ်။"သူငယ်ချင်းတွေက ဒီလိုလုပ်တာ။ဒီလို ပြောတာ။
ငါ့မိဘတွေ ပြောတဲ့စကားတွေနဲ့မတူဘူး။"လို့ ခံယူလာတတ်
ကြပါတယ်။
ဒါကြောင့် ဆယ်ကျော်သက်အရွယ် သားသမီးတွေကို
ပိုင်ဆိုင်ထားကြတဲ့ မိဘတွေအနေနဲ့ သားသမီးတွေနဲ့
ပြေလည်ပြီးမိဘစကားကို လက်ခံတတ်စေဖို့

(၁)သားသမီးတွေကို တတ်နိုင်သမျှ အချိန်ပေးပါ။အတူတူ
စကားပြောပေးပါ။
(၂)သူတို့ပြောချင်တဲ့စကားတွေကို နားထောင်ပေးပါ။ခံစား
ချက်ကို ဖေးမပေးပါ။
(၃)အကြံဉာဏ်ပေးပါ။အမိန့်မပေးပါနဲ့။
(၄)ယုံကြည်ပေးပါ။ယုံကြည်မှုကို တည်ဆောက်ပေးပါ။
(၅)သားသမီးတွေရဲ့အနာဂတ်ရည်မှန်းချက်မှာ ပူးပေါင်းပါ
ဝင်ပေးပါ။
ဆယ်ကျော်သက်အရွယ် သားသမီးတွေ ပြောဆိုရခက်တာ/မိဘစကားနားမထောင်တာဟာ မလိမ္မာလို့/ဆိုးသွမ်းနေလို့ မဟုတ်ပါဘူး။ဒါဟာ သူတို့တဖြည်းဖြည်း
ကြီးပြင်းလာတဲ့/အရွယ်ရောက်လာတဲ့ ဖြစ်စဉ်တစ်ခုပါ။ဒါကြောင့် မိဘတွေအနေနဲ့ သားသမီးတွေကို ပြောဆို ဆုံးမတဲ့
အချိန်မှာ ဒေါသနဲ့ဆုံးမတာ/အပြစ်တင်တာမျိုး မလုပ်ဘဲ
သူတို့ နားလည်လာအောင် မိဘက ဖြစ်စေချင်တဲ့ပုံစံမျိုး
ဖြစ်လာတဲ့အထိ စိတ်ရှည်ရှည်နဲ့ဖျောင်းဖျပြောဆို/ဆုံးမ
သင့်ပါတယ်ရှင်။
ညနေမိုး(ကလေး)

Owner Credit

25/06/2025

** ခေါင်းကိုက်ခြင်းက
သင့်ရဲ့ ခန္ဓာမှာ ဘယ်လို
လက္ခဏာ ပြနေတယ်ဆိုတာ**

17/06/2025

“လဲကျတိုင်း ရှုံးတာမဟုတ်ဘူး၊
ပြန်မထရင်သာ ရှုံးတာ"

ဘဝမှာ လဲကျတာ ကိစ္စမရှိပါဘူး။
နာကျင်နိုင်တယ်၊ စိတ်ပျက်နိုင်တယ်။
ဒါပေမဲ့ တကယ့်ရှုံးနိမ့်မှုဆိုတာ လဲကျပြီး
ပြန်မထဘဲ နေလိုက်တာပါပဲ။
ဘယ်လိုအခက်အခဲပဲ ကြုံရပါစေ၊
ပြန်ထဖို့ ဆုံးဖြတ်လိုက်ပါ။
ဒါကပဲ သင့်ကို ပန်းတိုင်ဆီ ပို့ဆောင်ပေးမှာပါ။
လဲကျတိုင်း ရှုံးတာမဟုတ်ဘူး။
ပြန်မထရင်သာ ရှုံးတာ။

Owner Credit

11/06/2025

ကိုယ့်အပေါ်မုန်းနေသူ
ဘယ်သူဘဲ ဖြစ်နေပါစေ
မတုံပြန်ဘဲ
ပုံမှန်စိတ်လေး ထားပြီး
ဆက်ဆံလိုက်ပါ

တစ်နေ့ သူ့လမ်း သူသွားပါလိမ့်မယ်

ကိုယ့်ရဲ့အတင်းအဖျင်း
ပြောနေသူ
ဘယ်သူဘဲ ဖြစ်နေပါစေ
လိုက်ဖြေရှင်းမနေဘဲ
ပုံမှန်စိတ်လေး ထားပြီး
နေထိုင်လိုက်ပါ

တစ်နေ့ သူ့ဗီဇ အမှန် ပေါ်လာပါလိမ့်မယ်

ကိုယ့်ရဲ့သိက္ခာကို
ထိပါးအောင်လုပ်နေသူ
ဘယ်သူဘဲ ဖြစ်နေပါစေ
ပြန်ပြီး မတိုက်ခိုက်ဘဲ
ပုံမှန်စိတ်လေး ထားပြီး
ရပ်တည်လိုက်ပါ

တစ်နေ့ အဖြေမှန် ပေါ်လာပါလိမ့်မယ်

ကိုယ့်ကိုယ် တုပ ပြိုင်ဆိုင်ပြီး
ကျရှုံးအောင် လုပ်နေသူ
ဘယ်သူဘဲ ဖြစ်နေပါစေ
ပြန်လည် မပြိုင်ဆိုင်ဘဲ
ပုံမှန်စိတ်လေး ထားပြီး
ကြိုးစား လုပ်ကိုင်ပါ

တစ်နေ့ ကိုယ့်စေတနာ
ကိုယ့်အကျိုး ပေးပါလိမ့်မယ်

ကိုယ့်ကို ထိကပါး ရိကပါး
စောင်းမြောင်း စော်ကားနေသူ
ဘယ်သူဘဲ ဖြစ်နေပါစေ
မတုံပြန်ဘဲ
ပုံမှန်စိတ်လေး ထားပြီး
ဥပေက္ခာ ပြုလိုက်ပါ

တစ်နေ့ သူ့အတ္တက သူ့ကို ဒဏ်ခတ်ပါလိမ့်မယ်

ဘယ်သူတွေ
ဘာတွေ ပြောပြော
ဘာတွေ လုပ်လုပ်
ကိုယ်အတွက်
ဘာမှ ဆုတ်ယုတ်မသွားပါဘူး

မနာလိုစိတ် ( မစ္စရိယ ) များနေတဲ့
လူတွေကိုသာ
ပတ်ဝန်းကျင်က
စက်ဆုပ်ရွံရှာကြတာ သဘာဝပါဘဲ

ဒါ့ကြောင့်
အရေးမပါတဲ့
အကြောင်းအရာတွေအတွက်
လိုက်ဖြေရှင်းရင်း
အချိန်ကုန် မခံပါနဲ့

တစ်နေ့
ဘယ်သူဘာလဲ ဆိုတာ
အချိန်က အဆုံးအဖြတ် ပေးပါလိမ့်မယ်

အဓိက
ကိုယ့်ဘက်က
#ပုံမှန်စိတ်လေး ထားတတ်ဖို့ပါဘဲ

Owner Credit

11/06/2025

ဖုန်းနှင့်ကလေးအန္တရာယ်မသေး

ယနေ့မှစ ကလေးငယ်များကို
ဖုန်းဖြတ်မည်မည်သူမှ
ဖုန်းမပြရန်တောင်းဆိုချင်ပါသည်

ဖုန်းနဲ့ ငြိမ်တယ်
ကလေး၏ လူမှု့ဘ၀ပါ
ငြိမ်သွားစေနိုင်ပါတယ်။
ကလေးများကို ငြိမ်နေဖို့
ဖုန်း TV လုံး၀မပေးပါနှင့်။

Phone, Tablet, Games, TV, ကာတွန်း စသည့်
Screen Time ၏ ဆိုးကျိုးများ

ဦးနှောက်အာရုံကြော
ပုံမှန်အလုပ်မလုပ်ခြင်း။
လူတွေနဲ့ စကားပြောဆက်သွယ်မှု
မလုပ်နိုင်ခြင်း။
မှတ်ဥာဏ်သာကောင်းပြီး
ပုံမှန်မတွေးခေါ်နိုင်ခြင်း။
နေ့စဉ် အီးသေးကိစ္စပင်
မတောင်းဆိုတတ်ခြင်း။
ထမင်းဟင်း အာဟာရကို
ပုံမှန်ကလေးများလို
မစားတတ်ခြင်း၊
လိုချင်တာ ဖြစ်ချင်တာ
မတောင်းတတ်ခြင်း။
စိတ်ကစင့်ကလျားဖြစ်နေခြင်း။
ကိုယ်ခန္ဓာကို မထိန်းချူပ်နိုင်ခြင်း။
ခံစားမှုကို မဖော်ပြတတ်ခြင်း ။
အမြဲ ဂဏာမငြိမ်ခြင်း။
အိပ်စက်နိုင်မှုမရှိခြင်း၊

ကလေးငယ်စဉ်မှာ မိသားစုများ
မအားလပ်လို့ကလေးအား
Phone, Tablet, Games, TV, ကာတွန်း
စသည့်တို့ဖြင့်
ငြိမ်နေအောင် အချိန်ကုန် အဖော်ပြုစေပါက
ကလေးသည် လူမှု့ဘ၀တွင်
အခက်အခဲများစွာ
ရင်ဆိုင်နိုင်ဖို့ ကလေးမိသားစုများ
အဆင်သင့်ပြင်ထားပါ။

ယနေ့ သင်မအားလပ်မှုသည်
သင်ကလေး၏ လူမှု့ဘ၀ကို
ပေးဆပ်ရပါလိမ့်မည်။

ကလေးများ ငယ်စဉ်မှာ
သင်အားအောင်လုပ်ပါ။
သင့်ကလေးကို အဖေါ်အဖြစ်
အုပ်ထိန်းသူအဖြစ်
နေ့စဉ် သင်ကြားကစားပေးပါ။

ကလေးများကို ငြိမ်နေဖို့
ဖုန်း TV လုံး၀မပေးပါနှင့်။
ကလေး၏ လူမှု့ဘ၀ပါ
ငြိမ်သွားစေနိုင်ပါတယ်။

မိသားစုအတော်များများထဲက
၅နှစ်အောက် ကလေးတွေ ဒီပြဿနာတွေနဲ့
ရင်ဆိုင်နေရပါတယ်။

နေ့စဉ်နဲ့အမျှ ဒီလိုကလေးတွေကို
တွေ့ရတာများလာတော့
ရင်ထဲ စိတ်မကောင်းလွန်းလို့ပါ။

ကလေးက စကားသိပ်မပြောဘူး
မိဘက မအားလို့
အဖိုးအဖွားတွေ မရှိလို့ မထိန်းနိုင်လို့
ကလေးထိန်းနဲ့ပဲထားရလို့
ဘယ်သူမှ ကလေးနား နေချိန်မပေးနိုင်လို့
အကြောင်းပြချက်များစွာသည်
ကလေးဘ၀ကို တကယ်ပင်
ငြိမ်သွားစေတာပါပဲ။

ကလေးကို ကလေးမိသားစုက
ကူညီမှ ဖြစ်မှာပါ။

ကလေးကို ချစ်ရင် ကလေးနဲ့အတူ
အချိန်ကုန်လွန်ပါစေ
ကလေးနဲ့အတူ ကလေးလို ဆော့ကစားပါ။
ကလေးနဲ့အတူ ပြေးလွှားခုန်ကစားပါ။
ကလေးနဲ့အတူ ပြောဆိုငြင်ခုံကာ ကစားပါ။
သင်ကလေးသည် ပုံမှန်ထက်
ထူးချွန်နေပါလိမ့်မည်။

သင့်ကလေးကို တကယ်ချစ်သလား။
အထပ်ထပ် အခါခါ မိမိကိုယ်ကို မေးကြည့်ပါ။
သင့်ကလေးကို သင်ချစ်ပေးပါ။

လူတိုင်း မိသားစုတိုင်း ဘ၀အခက်အခဲများစွာ
ရင်ဆိုင်ရပါတယ်
ဘယ်လောက်ကြီးသော ရည်မှန်းချက် နဲ့
အခက်အခဲရှိရှိ
သင့်ကလေးဘ၀ကို စတေးမခံပါနဲ့။

တကယ်ချစ်ပေးပါ။

Owner Credit

01/06/2025

လူထုဦးလှရဲ့
ပုံပြင်လေးတစ်ပုဒ်ပါ။

လက်ကုတ်တိုင်း
ကိုယ့်လူမမှတ်နှင့်
-----------
ရွာတစ်ရွာမှာ
ဦးဖြူ နဲ့ဦးမဲ တို့ နှစ်ယောက်
သူ့နွားလှည်းက ကောင်းတယ်၊
ငါ့နွားလှည်းက ကောင်းတယ်နဲ့ ငြင်းကြသတဲ့။

အဲဒီအချိန်မှာ ဦးဉာဏ်ပိုင်ဆိုတဲ့ လူက ၀ငျ ထောင်တယ်။

"ကောင်း မကောင်း ပြိုင်ကြည့်မှ သိမှာပေါ့"တဲ့။

ဒါနဲ့ ဦးဖြူ နဲ့ ဦးမဲတို့
နွားလှည်းချင်း ပြိုင်ကြတဲ့ အဆင့် ရောက်ပါလေရော။

ပြိုင်ခါနီး အချိန်မှာတော့
ဦးဉာဏ်ပိုင် တယောက် ဦးဖြူ နဲ့ ဦးမဲနှစ်ယောက်ကြားကို ၀ငျပွီး နှစ်ယောက်လုံးကို တွင်တွင်သာ လက်နဲ့ ကုတ်လေသတဲ့။

ပြိုင်ပွဲပြီးတဲ့ အခါမှာ
ဦးဖြူက နိုင်ပြီး ဦးမဲက ရှုံးသွားတယ်။

ဦးဉာဏ်ပိုင်က ဦးဖြူ ဆီသွားပြီး
"ကဲ ဦးဖြူ! ကျုပ်မပြောလား ခင်ဗျာနိုင်မယ်မှန်းသိလို့ ကျုပ်လက်ကုတ်တာ"လို့ပြောသတဲ့။
ဦးဖြူက ကျေးဇူးတွေတင်ပြီး ဦးဉာဏ်ပိုင်ကို ထန်းရည် အဝ တိုက်လိုက်သတဲ့။

နောက်တော့
ဦးဉာဏ်ပိုင်ဟာ ဦးမဲဆီ ထပ်သွားပြန်သတဲ့။
ပြီးတော့ ဦးမဲကို "ခင်ဗျားဗျာ မပြိုင်ပါနဲ့ လို့ ကျုပ်က လက်ကုတ်ပြီးပြောနေတာ ပြိုင်ဖြစ်အောင်ပြိုင်တယ်" လို့ ပြောပါလေရော။

ဦးမဲကလည်း ဦးဉာဏ်ပိုင် အပေါ်
"အော် သူ ငါ့အပေါ် စေတနာ ကောင်းရှာသား"ဆိုပြီး ထန်းရည် အဝ တိုက်လိုက်ပြန်သတဲ့။

** သင်ခန်းစာ

ဒီခေတ်က ဦးဉာဏ်ပိုင်လို လူက
တယောက်တည်း ရှိတာ မဟုတ်ဘူး။ အများကြီးဖြစ်နေပြီ။
ခေတ်ကလည်း ပြောင်းနေပြီ မဟုတ်လား။
လက်ကုတ်တိုင်း ကိုယ့်လူလို့ မမှတ်ကြနဲ့ဗျ။

#ဘဝအတွတ်စာဖတ်ပါ
#ဆရာအောင်သင်းစာပေ
#ဘဝစာပေနှင့်ဗဟုသုတများ
#စာပေဗဟုသုတများ
#ပြန်လည်မျှဝေပါတယ်

👋 စာပေ Telegram channel လေးပါ 👋

📓 Tele ✓ t.me/sarpay210 📓

01/06/2025

“စိတ်ထားကမှန်မှ… ဘဝမှန်မယ်”

လူတယောက်အတွက် အဓိကဆုံးက စိတ်ထားပါ။
စိတ်ထားတစ်ခုပဲ လွဲသွားရင်…
စကား၊ လုပ်ရပ်၊ ဆုံးဖြတ်ချက်တွေ အကုန်လုံးလွဲသွားတတ်တယ်။

စိတ်ထားက တည်ငြိမ်မှ လုပ်ရပ်တွေတည်မြဲတတ်တယ်။
စိတ်ထားက သန့်ရှင်းမှ ဆုံးဖြတ်ချက်တွေမှန်ကန်တတ်တယ်။
လုပ်ရပ်မှန်လာရင်ပဲ
ဘဝဟာ တည်ငြိမ်ပြီး
ကိုယ်စိတ်ကူးထားတဲ့ရည်ရွယ်ချက်တွေကို
တဖြည်းဖြည်းနဲ့ တက်လှမ်းနိုင်တယ်။

စိတ်ထားက စိုက်ပျိုးရမယ့် မြေပြင်လို့ ဆိုလို့ရတယ်။
မြေက ညစ်နေရင် မည်သည့်အမြစ်မှ မကောင်းနိုင်သလို
စိတ်ထားမမှန်ရင် ဘယ်လိုကြိုးစားမှုမှ
တကယ်ကောင်းတဲ့ရလဒ်ကို မပေးနိုင်ပါ။

ဘဝမှာ အကျိုးအမြတ်ကိုမျှော်လင့်မယ်ဆိုရင်
အရင်ဆုံး ကိုယ့်စိတ်ထားကို ဖြူစင်အောင် ထိန်းသိမ်းဖို့လိုတယ်။

စိတ်ထားမှန်မှ လုပ်ရပ်မှန်မယ်၊
လုပ်ရပ်မှန်မှပဲ ဘဝကို တည်ဆောက်နိုင်မှာပါ။

Credit

24/05/2025

အသွားပါတာချင်းတူပေမယ့်
အသုံးကျပုံချင်း ကွာခြားတယ်...

ပုဆိန်ရဲ့အသွားက
ကြီးမားတဲ့သစ်ပင်
သစ်တုံးကြီးတွေကို
ခုတ်လှဲနိုင်စွမ်းရှိတယ်...
သို့သော်
နူးညံ့တဲ့ ဆံချည်ဆံသားတွေကို
ဖြတ်တောက်တဲ့နေရာမှာ
ဘလိတ်ဓားလို မစွမ်းဆောင်နိုင်ဘူး...

ထိုနည်းတူစွာပဲ
လူသားချင်းတူပေမယ့်
အသက်ရှူချင်းကွာခြားတယ်...

ကိုယ်အားသာတဲ့နေရာမှာ
လူတစ်ဖက်သားကို
ငါ့လောက်မသိဘူး
ငါ့လောက်မတတ်ဘူးဆိုပြီး
ချိုးနှိမ်ဆက်ဆံနေမယ်ဆိုရင်...
သူကျွမ်းကျင်တဲ့အရာကို
ကိုယ်က
သူ့လောက်
စွမ်းဆောင်နိုင်မှာလားဆိုတဲ့
အတွေးလေးနဲ့
အစားထိုးကြည့်ပါ...

ဒါဆို
လူတိုင်းဟာ
သူ့နေရာနဲ့သူ
စွမ်းဆောင်နိုင်စွမ်းရှိကြတယ်ဆိုတာ
သဘောပေါက်လာလိမ့်မယ်...

#မေတ္တာဖြင့် #စာပေ #ဗဟုသုတ #စာပေချစ်သူ #စာပေကြိုက်သူများ #ဘဝစာပေ #မေတ္တာဖြင့်ပြန်လည်မျှဝေပါသည် #လူငယ်များအတွက့်စာကြည့်တိုက့် #လေးစားစွာဖြင့် #မူရင်းရေးသားသူအားလေးစားလျှက်

24/05/2025

မင်းမင်း ရဲ့ဇာတိ လေးဖစ်ပါတယ်🥰🏝️🐬
အလည်လာကြပါ ဖိတ်ခေါ်တယ်😗🥰🥰

12/05/2025

တစ်ချိန်အသုံးဝင်လာလိမ့်မယ်...
သင့်ဖုန်းထဲမယ် သိမ်းထားပါ..🌳🌳🌳

၁။ ဆားအခတ်များသွားလျှင် အာလူးအလုံးလိုက် (၂/၄)လုံးထည့်ပါ။

၂။ ပဲပြုတ်သည့်အခါ.. စားချင်သဖွယ် အိအိဖောင်းဖောင်း ဆိမ့်ဆိမ့်လေးဖြစ်အောင် ရေလဲပြီးသောအခါ ရေအနည်ငယ်ထည့်၍ ထန်းလျက်(၂)လုံးခန့် ထည့်ထားလိုက်ပါ။

၃။ ကန်စွန်းရွက်ကို အစိမ်းရောင်လေးအတိုင်းပဲ စားချင်စဖွယ်ဖြစ်လိုပါက အဖုံးမအုပ်ဘဲ ကြော်ပါ။

၄။ ဒန်အိုးဒန်ခွက်များ ပြောင်စင်လိုပါက ဂေါ်ဖီထုတ်မှ အရွက်ကြမ်းဖြင့် ပွတ်တိုက်ပါ။

၅။ လက်ဘက်ရည်အိုး၊ ခွက်၊ အစွန်း အထင်းများ ပြောင်စင်လိုပါက ဆော်ဒါ(သို့မဟုတ်) လက်ချားအမှုန့် ထည့်ပြီး ညသိပ်ထားပါ။

၆။ အိမ်သာကြွေခွက်, ကျောက်ပြားများ သန့်ရှင်းလိုပါက လက်ချားမှုန့်နှင့်ရှောက်ရည် ရောစပ်ပြီး ပွတ်တိုက်ပါ။

၇။ ယင်ပေါလျှင် ဖယောင်းတိုင် (၂)တိုင် ထွန်းပါ။

၈။ အင်္ကျီကော်လံမှ ဆီချေးများကို ရှန်ပူခေါင်းလျှော်ရည်ဖြင့် ပွတ်တိုက်လျှော်ပါ။🍀🍀🍀

၉။ ပုရွက်ဆိတ်မလာလိုသော်.. ကန့်မှုတ်ကို နည်းနည်းဖြူးပေးပါ။

၁၀။ ဟင်းရဲ့အနံ့အသက် လက်မှာစွဲနေလျှင်.. မာလကာရွက်နဲ့ ပွတ်တိုက်ပေးပါ။

၁၁။ အာလူးနွမ်းပြီး မလတ်ဆတ်သော်.. မှန်ရောင်သကြားအနည်းငယ် ထည့်ပြီး ပြုတ်ပါ လတ်ဆတ် တဲ့အာလူပြုတ်လိုပဲ အရသာကောင်းပါလိမ့်မည်။

၁၂။ ဟင်းချိုလိုသော်.. ဘူးသီးခြောက်ခတ်ပြီး သောက်ရင်ချိုပါသည်။

၁၃။ မီးပူလောင်သော် ကွမ်းရွက်နဲ့သကြားကို ရောကြိတ်ပြီး အုံပါ။

၁၄။ အဝတ်မှင်စွန်းသော်.. ရေနံဆီသန့်သန့် အစက်ချဆွတ်ပြီး ဆပ်ပြာနဲ့လျှော်ဖွတ်ပါ။

၁၅။ ကြမ်းပိုးရှိသော်.. ရေနံဆီနဲ့ မကြာမကြာ ကြမ်းတိုက်ပါ။

၁၆။ ခံတွင်းနံ့မကောင်းသော်...သွားပွတ်တံမှာ ပရုတ်ရည် တစ်စက်နှစ်စက်ထည့်ပြီး သွားတိုက်ပါ။ (သို့မဟုတ်)
ပရုတ်မှုန့်ထည့့်ပြီး သွားတိုက်ပါ။

၁၇။ ဟင်းများဆားငန်သော်.. မီးခဲရဲရဲ တစ်ခဲထည့်ပါ။ (၂)မိနစ်ခန့်ကြာ၌ယြ ပြန်ထုတ်ယူပါ။

၁၈။ ကွမ်းသွေးစွန်းသော်.. ခရမ်းချဉ်သီး ပွတ်တိုက်ပေးပြီး လျှော်ပါ။

၁၉။ နွားနို့မချဉ်အောင်ထားလိုသော်.. နွားနို့ထဲသို့ ငရုတ်သီးစိမ်း(၃)တောင့် အညှာဖြုတ်ပြီး ထည့်ထားပါ။

၂၀။ ပရွတ်ဆိတ်များ မလာလိုသော်.. သခွားသီးအား ပါးပါးလှီးပြီး ချထားပါ။🍓🍓🍓

၂၁။ ဖန်ဖွက်ထဲ ရေနွေးပူပူထည့်လိုသော်.. ဇွန်းတစ်ချောင်းကို ဖန်ခွက်ထဲအရင်ထည့်ပြီး ရေနွေးပူပူ ဖြေးဖြေးထည့်ပါ။

၂၂။ သံချေးစွန်းသော်.. အကြမ်းပန်းကန်တစ်လုံးခန့် ဆန်ပြုတ်၍ စွန်းသောအဝတ်ကို (၅)နာရီခန့်စိမ်ပြီး ဆပ်ပြာဖြင့် ဖွတ်လျှော်ပါ။

၂၃။ ကြွက်များပြေးလိုသော်.. ရှိန်းခိုကို ရေဖျော်၍ ကြွက်လာလမ်းတွင် ဖျန်းထားပါ။

၂၄။ ခေါင်းတစ်ခြမ်းကိုက်သော်.. ထောပတ်အနည်းငယ် ရှူပါ။

၂၅။ ဒူးရင်းသီးတောက်သော်.. ဒူးရင်းသီးအခွံထဲ ရေထည့်၍ သောက်ပါ။ ရေဝအောင်ချိုး၊ မင်းကွတ်သီးစားပေးခြင်းတို့ဖြင့် ပျောက်ကင်းပါသည်။

၂၆။ ပိုးဟပ်ပြေးလိုသော်.. လေးညှင်းပွင့်များထောင်း၍ ဖြူးထားပါ။

၂၇။ မှိုနှင့်တညင်းသီး တောက်သော်.. တောက်တာဥကို ဆန်ဆေးရည်နှင့်သွေး၍ သောက်ပါ။

၂၈။ သံပုရာသီး ကြာရှည်ထားလိုသော်.. ပုလင်းသန့်သန့်ဖြင့် လေလုံအောင်ထားပါ။

၂၉။ ခေါင်းကိုက်သော်.. လက်ဘက်ရည်ကျကျ ကျိုပြီးသားထဲ သံပုရာရည်ညှစ်ပြီး သောက်ပါ။

၃၀။ မျက်နှာလှပလိုသော်.. မျက်နှာမသစ်မီ သံပုရာသီးကို ထက်ခြမ်းခွဲ၍ မျက်နှာပွတ်ပေးပြီး ရေနွေးနွေးဖြင့်ဆေးပါ။ အဖုအပိမ့်ကင်းစင်ပြီး ချောမွေ့စေမည်။

၃၁။ ခရီးသွား ကားမူးသော်.. ချက်ကို ပလာစတာလုံအောင် အုပ်/ကပ်ပြီး ခရီးသွား ကားမမူးပါ။

၃၂။ ဆီးချိုရောဂါ အမြစ်ပြတ်လိုသော်.. ဆလတ်ရွက်ကို နေ့စဉ်ထမင်းစားတိုင်း တို့စရာအဖြစ် စားပါ။

၃၃။ ရှောက်ပင်အသီးတင်လိုသော်.. ပင်စည်ကို အမဲရိုးများနဲ့ ကြပ်စည်းပေးပါ။

၃၄။ ဒူးနာသော်.. ဘဲဥအကာလိမ်းပါ။

၃၅။ အနံ့ဆိုးကင်းလိုသော်.. အိမ်သာ(သို့မဟုတ်) ငါးပိ, ငါးခြောက်ထားရာ လူမမာရှိရာအိမ်၏ မီဖိုချောင်ထဲမှာ ကျောက်ဖရုံသီးကို အပ်များဖြင့် အပေါက်ဖောက်၍ ချိတ်ဆွဲထားပါ။ ကျောက်ဖရုံသီးကား ညှော်နံ့နှင့် အနံ့ဆိုးများကို စုပ်ယူသည်။

🍀🍀🍀🍀🍀🍒🍒🍒🍀🍀🍀🍀🍀

ကျွန်တော်တို့တင်ပြပေးထားသည်ဖတ်၍မိဘပြည်သူများအနေဖြင့်
ဗဟုသုတအဖြစ်မှတ်သားစရာတစ်ခုခုကျန်ခဲ့မယ်ဆိုရင် အလွန်ဝမ်းမြောက်မိမှာပါ။
အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။

Owner Credit

Ower Credit

AiDak Thlang

30/06/2025

30/06/2025

29/06/2025

25/06/2025

17/06/2025

11/06/2025

11/06/2025

01/06/2025

01/06/2025

24/05/2025

24/05/2025

12/05/2025

Address

Website

Alerts

Shortcuts

Share

Category