https://www.facebook.com/161313748995943/

DD News Mizoram

Home
India
Aizawl
DD News Mizoram

DD News Mizoram is a Regional News Unit under Prasar Bharati, Govt. of India

06/09/2025

Himachal Pradesh September 6, 2025 : Himachal Pradesh State Disaster Management Authority in a tarlan dan in, mi 360 chuang thi tawh in mi 40 dawn chu chin hriat lovin an bo thu an tarlang a ni.

Himachal Pradesh ah hian leimin avangin National Highway 5 leh Kawngpui 1,350 zawh theih lovin a awm a, mihring khawsakphung a tikhaihlak nasa hle a, chhanchhuah hna hi thawh chhunzawm zel a ni bawk a ni.

06/09/2025

Washington September 6, 2025 : US President Donald Trump chuan India leh US te chuan inthianthatna tha tak an nei a ti a, an inkara inlaichinna ah buaina engmah buaina a awmlo a ti.

Washington-a chanchinbu mite a kawm naah, US President chuan Prime Minster Narendra Modi chu Prime Minister tha tak leh ropui tak a ni a ti a, thian tha tak anni reng dawn bawk a ti a, India in Russia hnen atanga tuialh thei an lei tur erawh a lungawi loh thu a sawi tel bawk. Prime Minister Narendra Modi chuan US President Donald Trump-an ram pahnih inlaichinna chungchang a ngaihdan chu a ngaihlu in a tawmpui thu social media kaltlang in a tarlang ve nghal bawk a ni.

06/09/2025

New Delhi September 6, 2025 : Prime Minister Narendra Modi chuan ramchhung hmun hrang hrang-a tuilian tuar state a tlawh dawn.

Ramchhung hmun hrang hrang ah fur ruahtui leh tuilian in chhiatna a thlen nasa hle a, Prime Minister chuan India hmar lam state thenkhat, Jammu and Kashmir, Punjab, leh Himachal Pradesh a chhiatna hmun te tlawh in a endik dawn a ni. Jammu and Kashmir ah hian ruahsur nasa leh tuilian avangin rel service te tihtawp lailawk a ni a, khualzin enge maw zat an tangkhang bawk a, Punjab-ah chuan tuilian avangin thlai chinna hmun tam tak a chhia a, mi tam tak hmun him lamah sawnchhuah an ni bawk.

06/09/2025

Aizawl September 6, 2025 : Joint Civil Society of Mizoram (JCM) buatsaihin vawiin khan Aijal Club-ah Forest Conservation Amendment Act, 2023 (FCAA, 2023) chungchangah inrawnkhawmna neih a ni.

He hunah hian, NGO hrang hrang, Political party te leh Pawl hrang hrangte telin; FCAA-2023 Mizoram Legislative Assembly in a lo pawm tak chu kan ram leh hnam, kan thlahte leh chhuan lokal zel turte tana thil himlo, thalo leh pawi tak mai, chhiat hlenna hial thlen thei niin an hria a. FCAA-2023 chungchang ngun taka an sawiho hnu ah; FCAA 2023 hi anih ang ang a pawm hi tha an ti lo a, Mizoram Legislative Assembly Session August ni 27, 2025 thutkhawm in a lo pawm tawh chu sut leh ni sela, a tul angin Assembly Special Session pawh ko ngei rawh se tih an rel a; FCAA, 2023 lo pawm tawh chu sut a nih leh theihna turin: Kawng zawh huaihawt nise tih te, Online leh Off-line Signature Campaign buatsaih te leh A tul anga Mizo mipuite hrilhfiah a Mizoram khaw hrang hranga vantlang inkhawm neih te chu an hmalakna tur hrang hranga an duan te a ni. Heng thutluknate hi a hlawhtlin ngei theihna turin chak taka hmalak zel a nih theih nan JCM hmalakna hi an thlawp tih vawiina inrawnkhawmna ah hian tarlan a ni.

06/09/2025

Chawngte September 6, 2025 : National Health Mission, Health & Family Welfare Department hnuaia National Programme for Control of Blindness and Visual Impairment team te chuan tunkar chhung khan Community Health Centre, Chawngte-ah Eye Camp neiin hlawhtling taka Mit 109 a thlawna zai a ni.

Eye Camp-ah hian Ni khatna-ah Mit 30 zai niin a ni hnihna-ah Mit 29 an zai leh a, Ni thumna-ah Mit 28 zai leh in Ni lina-ah Mit 22 hlawhtling takin an zai zo leh a ni.

He Eye Camp-ah hian National Health Mission Aizawl atangin team member 8 an kal a, Dr. Lalnuntluangi Khiangte, State Programme Officer, NPCB&VI, NHM bakah Dr. Zosangzuala, Eye Surgeon, Civil Hospital Aizawl leh Civil Hospital, Aizawl-a Nursing Officer, Ophthalmic Assistant te an tel a ni.

06/09/2025

Aizawl September 6, 2025 : Faina leh thianghlimna kawnga AMC leh Local Council te campaign kal zelah, Aizawl Mayor Pu Lalrinenga Sailo chuan vawiin khan Muanna Veng Local Council buatsaih, plastic bottle chhia leina hun a hman pui a, faina kawnga hmalak nan Rs 10,000 a pe.

Muanna Veng Local Council House kawt atangin plastic bottle chhia hi leikhawm a ni a, vawiin chawhnu thleng khan mi 60 hnen atangin plastic bottle chhia 18,000 chuang lei a ni tawh. Faina campaign-ah hian Aizawl Mayor chuan, Mihring leh ran ek rimchhia awmna veng chu, eng ang pawn phiat fai mah se la, veng faia ngaih theih a ni lo, tih a sawi a; Naupang kalkhawmte chu bawlhhlawh a bawmah chauh paih ṭhin turin a zirtir a. Muanna Veng hmalakna ropui a tih thu sawiin, vawiina an hmalakna hi duhtawk mai loa, chhunzawm zel turin a fuih a ni.

06/09/2025

Aizawl September 6, 2025 : UD&PA Department, Aizawl Smart City Ltd, Aizawl Municipal Corporation leh Central YMA hmalaknaa Aizawl leh a chhehvela YMA branch-te veng fai inelna kal mekah vawiin khan endiktu te’n veng fai leh fai loh an endik tan.

YMA branch-te faina kawnga inelna hi March ni 31, 2025 khan UD&PA Minister Pu K Sapdanga'n Sikulpuikawnah a lo hawng tawh a, hemi ni hian Aizawlah hnatlangpui huaihawt nghal a ni. Kumin June khan a khuhhawnna hun Central YMA Hall-ah neih leh a ni tawh bawk.

Endik thawh khatna hi k*min September atanga November thla chhungin neih a ni dawn a, k*m thar, 2026 tir lamah endik thawh hnihna an nei leh bawk ang.

Inelnaah hian AMC area-a YMA branch zawng zawng bakah, Aizawl hnaivaia khua leh veng thenkhat an tel a, an vaiin YMA branch 109 an ni.

06/09/2025

Hmuntha September 6, 2025 : 'Lo Zawh pui' ah hian Agriculture Minister chuan loneituten hlim taka Lo zawhna hun an hmang thei chu a lawmpui thu sawiin, a Bial chhunga Hmuntha khua chu khaw taima tak an nih thu leh Tourism Department ten hma thar lakna tlak an ni tih hriaa ruahmanna an siamsak avangin lawmthu a sawi bawk.

Tourism Minister pawhin khualzin mite hip nan 'Lo Zawhpui' chu tangkai taka hman theih a ni tih sawiin, “Keini in ngaia kan neih hi State pawnlam mi, khualzinte tan thil hmuhnawm tak a tling thin,” a ti a. Tawitlang chu Tourism hmun atana puan a ni tawh tih sawiin,Khualzin ten an tlawh chak theih nana chei a nih tur thu leh India ram hmelhriat khawpa chei tuma ruahmanna an neih mek thu a sawi bawk.

Tourism Department Director R. Lalrodingi pawhin Mizo nuna bet tlat 'Lo Zawh'chu tunlai mil deuha tih theih a ni em tih an enchhin tawh thu leh zawngchhang tlak ni a an hriat thu a sawi a, “Nakin-ah chuan State pawn atanga rawn chhimtute pawh an la awm zel turah kan beisei a ni,” a ti bawk.

06/09/2025

Thailand September 6, 2025 : Thailand Parliament chuan Thailand sumdawng hausa, Anutin Charnvirakul chu an ram Prime Minister atan an thlang tling a, k*m hnih chhunga Thailand Prime Minister thlan tlin pathumna a ni. Anutin Charnvirakul hian kar hmasa lama Constitutional Court-in Cambodia nena an ramri buaina a chinfel dana dik lo awm nia an hriat hnua an paihthlak tak, Paetongtarn Shinawatra a thlak a ni.

Thailand Prime Minister thar hian Parliament-ah vote 247 chuang a hmu a, member 492 awmna House of Representatives-ah pawh vote an hmuh ngai zat aia tam a hmu bawk a ni.

06/09/2025

New Delhi September 6, 2025 : Finance Minister chuan Russian oil emaw thildang pawh nise India mamawh dan leh hmasawnna atan chuan a lei chhunzawm zel dawn a ti a, Russia chauh lo ramdang tepawh India in a mamawh dan a zirin a lei ang a ti a, India in crude oil a lakluh tam dan tepawh sawiin, hmasawnna tluantling India in a neih theih nan theihtawp chhuah tlang turin mipui te a sawm bawk a ni.

Finance Minister chuan GST-a siamremna thar, next-generation reforms a puanzar chungchang sawiin, ram mipui ten an chhawr tangkai dawn a ti a, ram hmasawnna kawng pawimawh tak a ni a ti bawk.

06/09/2025

Aizawl September 6, 2025 : Mizoram sawrkar hnuaia Department hrang hrang te’n anmahni pualin website nei deuh vek mah se, heng website te hi, Doordarshan Palai-in a zirchianna-ah Department tam zawk chuan an ‘update’ tha lo tlang hle a. Mipui mimirin sawrkar department-te hnathawh an hriat theihna tur leh en theihna tura buatsaih hi a mamawhtu te’n an chhawr thei lo tih theih a ni a; Department thenkhat chu k*m 10 kalta a ‘data’ an tarlan bak la tarlan leh miah loh te awmin - department a thawkte, anmahni biakpawh theihna phone number-te pawh dik tawk lo leh rintlak tawh loh a tam hle tih hmuhchhuah a ni.

Doordarshan palai-in Mizoram a ‘Journalist’ te a biak zinga a tam zawk chuan sawrkar hotute pawh lo ngen tawh thin mah se ngaih pawimawh a hlawh tawk lo hle tih sawiin; Mizoram Journalists’ Association hruaitute pawhin an tana awlsam leh chak zawka hnathawh theihna tur hmanrua, mamawh huna hman tur leh rawn tur a awm lo thin chu a luhaithlak an tih thu an sawi a ni.

06/09/2025

Arunachal Pradesh September 6, 2025 : Chief Minister Pu Lalduhoma chu nimin khan, Arunachal Pradesh, Minister of Agriculture & Allied Department Gabriel D. Wangsu-in a sawm angin Ziro Valley Resorts, Arunachal Pradesh a tlawh.

Mizoram Chief Minister hi Hage Appa, Ziro bialtu MLA leh district official ten dawngsawngin, Ziro Valley hmun hrang hranga sorkar hmalaknate an enpui bakah Chief Minister hian an hmalakna hrang hrangte a sawipui bawk a ni.

Ziro bialtu MLA hian Chief Minister pual hian Cultural Programme leh zanriah a buatsaih sak bawk.

Address

DD News
Aizawl
796025

Telephone

+913892361101

Website

facebook.com

Alerts

Be the first to know and let us send you an email when DD News Mizoram posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DD News Mizoram:

Shortcuts

Want your business to be the top-listed Media Company in Aizawl?

DD News Mizoram

06/09/2025

06/09/2025

06/09/2025

06/09/2025

06/09/2025

06/09/2025

06/09/2025

06/09/2025

06/09/2025

06/09/2025

06/09/2025

06/09/2025

Address

Telephone

Website

Alerts

Contact The Business

Shortcuts

Share

Category