16/04/2026
ZOSAPTHARA HREMNA KHA THANGKUNGI VANG AI MAHIN BRITISH ROREL DAN SYSTEM A BAWHCHHIAT VANG A NI ZAWK EM?
-Rohminga Ralte
British Colonial Structure Inkhaidiat danah khan Missionaries te kha an tel zel tih hi mi tam tak chuan kan hre lo a ni. A hrang a hraiin Missionaries te khan mi ramah an duhthuin chanchinṭha an hril ngawt lo. Mi ram awp beh a nih theih nan khan Colonial rorelna inkhaidiatnaah khan hna pawimawh tak an thawk ṭhin.
• East India Company ten hma hruaiin - Economic – trade and resources ah hma an a la.
• British Sipai te khan - Political/Military (control and governance) lam changin thuneihna an la a
• Missionaries te khan (Cultural/Ideological – religion, education, “civilizing mission”) hna an rawn thawk ṭhin.
Civilizing mission tih te hian awmzia thuk tak a nei a. America lamah phei chuan "Kill The Indian, Save the man" tih au hla an nei ṭhin. Tehna chu anmahni aṭang chiahin an khai ṭhin a. Anmahni ang pha lo chu hnam mawl leh hnuaihnung vek an ni a. Amaherawhchu anmahni levela a ram leilung fate awmtir erawh an hlauh ber a ni leh si!
Zosapthara khan British Colonial rorel dan phung kha nasa taka a pelh avangin a chungah hremna, ‘Mizoram aṭanga hnawh chhuah, luh leh phal tawh loh’ a ni ta bik a nih kha. Amah anga local nula nupuia nei hremna tuar hi, India ramah pawh an lo awm nual mai.
Edward Said-a chuan a theory-ah Colonial-hoin a ram leilung fate an sawi leh hmuh ṭhin dan chu ‘Orientalism leh Othering’ tiin a sawi ṭhin.
Orientalism tih hian a kawh chu ‘Mahni inzahpui, inkiltawih hnam. Thilmak thil pangngai ni lo, hnam nun pangngai nei lo ang mai a sawi na, thunun ngai, hruai fin ngai’ tih te a k**k thei vek mai. Othering tih chuan a chhia zawng zawng a k**k ti mai teh ang.
Colonial hunah khan Sap tam zawk khan Mizo te kha ‘other’ angin min hmuin min dah a. Hei chiah hi Zosapthara khan a bawhchhe ta a. Mizote a hnim hnaiin an ṭawng a thiam chak em em a. An bulah anmahni ang maiin a khawsa fo a. Mizo hmeichhia Thangkungi nupuiah a la nei zui bawk a. Chutah chuan Mizote chu Sapthara khan 'other' anga dah loin, anmahni British angin a dah tihna a ni ta a ni.
Hetianga khawsa ṭhin hi Sapho khan ‘Going Native’ tiin an sawi ṭhin a. An duh loh leh huat em em a ni.
Mizo hmeichhia nupuia a neih chiah khan Homi K. Bhabha ten an lo sawi ‘Hybridity-a “In-Between” Identity’ kha Zosaptharan a siam ta chiah bawk a.
A awmzia chu nihna inpawlh (Mixed identities); Sapthara kha British tui pawlh lo a ni tawh lo a, Mizo fir a ni hek lo a. Hnam nun dan te kha a inchihchawm ta bawk a. Hei hian ‘Third Space’ a siam ta chiah a. Chumi awmzia chu Sapthara kha ‘Awpbettu nge a nih Awpbeha’ tih kha a chiang tawh lo a ni.
British ho khan an hlauh tawpkhawk chu ‘An awpbeha ten anmahni an ang pha ve ang’ tih kha a ni tawp mai.
Welsh Missionary Rilru tih te kha a nihnaah tak chuan Colonial ho rilru chhungril verther ber a ni. La ziah chhunzawm a tan (Ngaihven deuh lai leh phur deuh laia hetia dah hian nakinah loh theih loha chhunzawm a ngai ṭhin a).
