ABC Channel

ABC Channel စိတ်ဝင်စားစရာ အထွေထွေ အသိပညာ ဗဟုသုတများကိုနေ့စဉ် မျှဝေပေး‌ နေပါတယ်။
(1)

05/08/2026

ကမ္ဘာပေါ်တွင် မိနစ်တိုင်းတွင် လူ ၁၂၁ ဦးခန့် သေဆုံးနေပြီး စက္ကန့်တိုင်းတွင် ၂ ဦးခန့် သေဆုံးပြီး နေ့စဉ် ၁၇၄,၃၄၉ ဦး သေဆုံးနေပါသည်။

ကမ္ဘာလုံးဆိုင်ရာ သေဆုံးမှုနှုန်း စာရင်းအင်းများ

တစ်စက္ကန့်လျှင် - ၂.၀၂ ဦး သေဆုံး

တစ်မိနစ်လျှင် - ၁၂၁ ဦး သေဆုံး

တစ်နာရီလျှင် - ၇,၂၆၅ ဦး သေဆုံး

တစ်ရက်လျှင် - ၁၇၄,၃၄၉ ဦး သေဆုံး

တစ်နှစ်လျှင် - ၆၃.၆၃ သန်း သေဆုံး

အဓိကအကြောင်းရင်းများ နှလုံးရောဂါ - ကမ္ဘာတစ်ဝှမ်းတွင် သေဆုံးမှု၏ အဓိကအကြောင်းရင်း။

ကင်ဆာ - ကမ္ဘာလုံးဆိုင်ရာ သေဆုံးမှုနှုန်း၏ ဒုတိယအဓိကအကြောင်းရင်း။

အသက်ရှူလမ်းကြောင်းဆိုင်ရာရောဂါများ - နာတာရှည် အဆုတ်နှင့် အသက်ရှူလမ်းကြောင်းဆိုင်ရာ ရောဂါများ။

မှတ်ချက်။ မတင်ပြထားသောသေဆုံးသူများစွာရှိနိုင်သည်။

04/08/2026

မွေးသက္ကရာဇ် (မြန်မာခုနှစ်)ကိုတည် မွေးနံနဲ့မြှောက်။ ဥပမာ တနင်္လာဆို ၂ အင်္ဂါဆို ၃ စသဖြင့်

ရလာဒ်ကို ၇ နဲ့ထပ်ပေါင်း ပြီးရင် ၉နဲ့စား အကြွင်းကို ကြည့်

၁ ကြွင်း သူခိုးဖြစ်မယ်။
၂ကြွင်း သူဌေးဖြစ်မယ်။
၃ကြွင်း သူဆင်းရဲဖြစ်မယ်။
၄ကြွင်း မင်းစိုးရာဇာဖြစ်မယ်။
၅ကြွင်း အကြီးအကဲဖြစ်မယ်။
၆ကြွင်း ကြမ်းကြုတ်တဲ့ ဓါးမြဖြစ်မယ်။
၇ကြွင်း မင်းစိုးရာဇာဖြစ်မယ်။
၈ကြွင်း မင်းစိုးရာဇာဖြစ်မယ်။
သုညကြွင်း ရဟန်းသံဃာဖြစ်မယ်။

ကိုးဆယ့်ငါးရာခိုင်နှုန်း မှန်ကန်တဲ့ ဗေဒင်ပါ။

03/08/2026

အချစ်ရလဒ်
❤️❤️❤️
ချစ်တယ်ဆိုပြီး ညာသွားတဲ့လူနှင့် ညားသွားတဲ့လူ နှစ်မျိုးဘဲရှိတယ်။

နာမည်‌ကျော်ကြက်ဉ အကြောင်း💪💪💪💪💪💪💪💪💪မလေးရှား မှာ ကြက်ဥ ၁ လုံး ပြား50လူတစ်ယောက် အခြေခံ လစာ 1700 rmတစ်နေ့ လုပ်အားခ 65 rm ရတ...
28/07/2026

နာမည်‌ကျော်ကြက်ဉ အကြောင်း
💪💪💪💪💪💪💪💪💪

မလေးရှား မှာ ကြက်ဥ ၁ လုံး ပြား50
လူတစ်ယောက် အခြေခံ လစာ 1700 rm
တစ်နေ့ လုပ်အားခ 65 rm ရတယ်
တစ်နေ့တာ လုပ်အားခ ကို ကြက်ဥ ဝယ်မယ် ဆို ရင် အလုံး 130 ရရှိပါတယ်

မြန်မာ နိုင်ငံမှာ ကြက်ဥ တစ်လုံး 500 ကျပ် (အနည်းဆုံးစျေး)
အခြေခံ လစာ ၃ သိန်း ကျပ်
တစ်နေ့လုပ်အားခ 1သောင်းကျပ်
တစ်နေ့တာ လုပ်အားခ ကို ကြက်ဥ ဝယ်မယ် ဆိုအလုံး ၂၀ ပဲ ရမယ်

မလေးရှာ က အလုပ်သမားတစ်ယောက်က ကြက်ဥ ၁၃၀ တစ်နေ့တာလုပ်အားခအတွက် ရရှိ နေချိန်မှာ မြန်မာ နိုင် ငံ က အလုပ်သမား တစ်ယောက်ကကြက်ဥ အလုံး
၂၀ ပဲ ရ ပါတယ်

မြန်မာနိုင်ငံ က အခြေခံ လူတန်းစားတွေ ဘယ်လောက်ထိ စားဝတ်နေရေး ကျပ်တည်း အစားအသောက် ရှားပါးနေလဲ ဆိုတာ နှိုင်းယှဥ် ကြည့် ရင် ပိုသိနိုင်ပါတယ်

Crd

27/07/2026

ပြဿနာတော်တော်များများဟာ အစောပိုင်းမှာ ပေါ်လာတဲ့ သတိပေးလက္ခဏာလေးတွေကို လျစ်လျူရှုမိတာကြောင့် နောက်ပိုင်းမှာ ပိုကြီးမားလာတတ်ပါတယ်။

တစ်ယောက်ယောက်က ကိုယ့်ကို မလေးမစား ဆက်ဆံတဲ့အခါ...
ကျွန်တော်တို့ တိတ်တိတ်ဆိတ်ဆိတ် သည်းခံလိုက်တတ်ကြတယ်။

ကိုယ့်ရဲ့ စည်းမျဉ်းဘောင်တွေကို ကျော်လွန်လာတဲ့အခါ...
"ဒီတစ်ခါတော့ ထားလိုက်ပါတော့" ဆိုပြီး လွယ်လွယ်ကူကူ ခွင့်လွှတ်ပေးလိုက်တတ်ကြတယ်။

"သူ့ဘာသာသူ နားလည်သွားမှာပါ" လို့ မျှော်လင့်နေတတ်ကြပေမယ့်...

လူတိုင်းက တိတ်ဆိတ်ခြင်းကို လေးစားတတ်တာတော့ မဟုတ်ပါဘူး။
တချို့လူတွေကတော့ စည်းကန့်သတ်ချက် ရှိမှသာ နားလည်ကြပါတယ်။

လူတစ်ယောက်ကို ကိုယ့်ရပ်တည်ချက်ကို သိအောင် ပြသတာဟာ ရိုင်းစိုင်းတာ၊ ရက်စက်တာ၊ ဒါမှမဟုတ် မာနကြီးတာ မဟုတ်ပါဘူး။

ကိုယ် လက်ခံနိုင်တာနဲ့ လက်မခံနိုင်တာကို ရှင်းရှင်းလင်းလင်း ပြောပြတတ်ဖို့ပဲ လိုပါတယ်။

ကိုယ့်ရဲ့ စိတ်အေးချမ်းမှုကို တစ်ဖက်လူ အနှောင့်အယှက်ပေးရတာ အလေ့အကျင့်မဖြစ်သွားခင် ကာကွယ်ထားဖို့ လိုပါတယ်။

တစ်ယောက်ယောက်က ကိုယ့်ရဲ့ သည်းခံစိတ်၊ ကြင်နာမှု ဒါမှမဟုတ် ဂုဏ်သိက္ခာကို စမ်းသပ်လာတဲ့ ပထမဆုံးအကြိမ် မှာပဲ သတိထားပါ။

အဲဒီအချိန်မှာ ကိုယ်ဘယ်လို တုံ့ပြန်သလဲဆိုတာက...
နောက်တစ်ကြိမ် သူတို့ ကိုယ့်ကို ဘယ်လိုဆက်ဆံမလဲဆိုတာကို သတ်မှတ်ပေးနေပါတယ်။

မလေးမစား ဆက်ဆံတာကို တစ်ကြိမ် လက်ခံလိုက်မိရင်...
သူတို့က အဲဒီလို ထပ်လုပ်လို့ရတယ်လို့ ထင်သွားနိုင်ပါတယ်။

ကြင်နာပါ။
ဒါပေမယ့် အားနည်းမနေပါနဲ့။

တည်ငြိမ်ပါ။
ဒါပေမယ့် ကိုယ့်ရဲ့ တိတ်ဆိတ်မှုကို အလွဲသုံးစားလုပ်ခွင့်တော့ မပေးပါနဲ့။

ကိုယ့်ကိုယ်ကို တန်ဖိုးထားလေးစားပြီး ပြဿနာတွေကို အစောပိုင်းကတည်းက ဖြေရှင်းပါ။

ဒီနေ့ သတ်မှတ်ထားတဲ့ စည်းကန့်သတ်ချက်တွေ က မနက်ဖြန်မှာ ကြုံလာနိုင်တဲ့ ပိုကြီးမားတဲ့ နာကျင်မှုတွေကနေ ကိုယ့်ကို ကာကွယ်ပေးနိုင်ပါတယ်။

27/07/2026

"မိန်းကလေးဆိုတာ..

❤️❤️🌷
ချောတာ လှတာခြင်း တူရင်တောင်
"ကျက်သရေ"က စကားပြောတယ် ။

အဆင်မပြေတာခြင်း တူရင်တောင်
"ရောင့်ရဲနိုင်စိတ်" တွေက စကားပြောတယ် ။

အသိတရားခြင်း တူရင်တောင်
"သတိတရား" တွေက စကားပြောတယ် ။

လျှောက်တဲ့လမ်းခြင်း တူရင်တောင်
"ခံယူချက်" တွေက စကားပြောတယ် ။

ကြိုးစားနေတာခြင်း တူရင်တောင်
"ရိုးသားမှု" တွေက စကားပြောတယ် ။

နောက်ဆုံးတစ်နေ့ . . . . .
ပန်းတိုင်ရောက်တာခြင်း တူရင်တောင်မှ
"သိက္ခာ" တွေက စကားပြောသွားပါလိမ့်မယ် ။

26/07/2026

ဆေးမြီးတိုတွေကို ကျနော်မုန်းသည်။

မြန်မာနိုင်ငံမှာ ဆေးမြီးတိုတွေကြောင့် ရောဂါတွေပိုဆိုးသွားတဲ့လူနာတွေ၊ အသက်ဆုံးပါးသွားတဲ့လူနာတွေ ပိုပိုများလာနေပါတယ်။

Facebook, TikTok တွေမှာလည်း ဘာရောဂါဖြစ်ရင် ဘယ်အရွက်ကို ဘယ်လိုလုပ်သောက်လိုက် အမြစ်ပြတ်ပျောက်တယ်၊ ကင်ဆာတောင် ပျောက်တယ်ဆိုပြီး တင်နေကြတဲ့လူတွေ၊ Page တွေကိုလည်း တော် အမြင်ကတ်ပြီး မုန်းပါသည်။ ကိုယ် like ရချင်တိုင်း သူတပါးအသက်ကို ကစားနေကြသူများဟုသာ မြင်သည်။

ဆေးမြီးတိုဆိုတာ သာမာန် ချောင်းဆိုး၊ ကိုက်ခဲ၊ ဖျားနာ၊ ရင်ကြပ် လောက်ကိုသာ ပျောက်ကင်းကောင်း ပျောက်ကင်းနိုင်စေပါလိမ့်မည်။ တကယ်တမ်းရောဂါ ဖြစ်လာလျှင်တော့ ဆေးမြီးတိုနှင့် မပျောက်နိုင်ပေ။ နာမည်ကိုက "ဆေးမြီးတို” ပါ ၊ ရောဂါကုသနိုင်တဲ့ ဆေးမဟုတ်ပါဘူး။

ဆေးမြီးတိုတွေသာ တကယ်စွမ်းသည်ဆိုလျှင် ကမ္ဘာကျော်နေမှာပေါ့ ၊ နိုင်ငံတိုင်းက ဒီဆေးနည်းတွေကိုပဲသုံးပြီး ရောဂါတွေကို ကုသနေကြလိမ့်မပေါ့။ ရိုးရိုးလေးပဲ တွေးကြည့်လိုက်ပါ။ ဦးနှောက်တောင် အရမ်းကြီး သုံးပြီး စဉ်းစားနေစရာမလိုပါ။

မြန်မာတိုင်ငံမှာ ဆရာဝန်အလွန်ပေါသည်။ Facebook, TikTok တွေမှာ ကြည့်လိုက်ပါ။ အကုန်လုံးက ဆရာဝန်ဘွဲ့ (M.B.,B.S) သာမရထားကြတာ ကျန်းမာရေးနဲ့ပတ်သက်ပြီး အလွန်ကျွမ်းကျင်သူတွေ ဖြစ်နေကြသည်။ အသည်းရောဂါအတွက် သူတို့မှာ ဆေးနည်းရှိကြသည်၊ ကင်ဆာရောဂါတွေကို အမြစ်ပြတ်အောင် ကုသနိုင်စွမ်း ရှိကြသည်၊ အသည်းရောင် အသားဝါ B ပိုး ၊C ပိုးကို ပျောက်အောင်ကုနိုင်ကြသည်။

အင်မတန် တိုးတက်လှပါတယ်ဆိုတဲ့ အနောက်တိုင်းဆေးပညာကတောင် ကုသလို့ မပျောက်ကင်းနိုင်တဲ့ ရောဂါတွေကို မြန်မာနိုင်ငံက online ပေါ်က ဆရာကြီး၊ ဆရာမကြီးများက ပျောက်အောင် ကုသနေကြသည်၊ ကုသနည်းတွေ မျှဝေပေးနေကြသည်။ မြန်မာပြည်ဟာ ဆေးပညာမှာ သည်လောက်တောင် ခေတ်မီတိုးတက်နေပြီလားလို့ အံ့ဩ ဆွံ့အမိသည်။

လူနာဆိုသည့်အမျိုးကလည်း ကုသပေးနေတဲ့ ဆရာဝန်ရဲ့စကားကိုသာ နားမထောင်ပဲနေလိမ့်မည်၊ ဘေးပတ်ဝန်းကျင်ကပြောသမျှကို နားထောင်သည်၊ လိုက်လုပ်ကြသည်။ စဉ်းစားရခက်ပေသည်။

ရောဂါကုသ ပျောက်ကင်းသွားလျှင် ဆရာဝန်ရဲ့ကုသမှုကြောင့် ပျောက်ကင်းသည် မထင်ကြ၊ သူတို့ ထုထောင်း၊ ကြို၊ ကျိတ် သောက်နေတဲ့ ဆေးမြီးတိုတွေကြောင့် ကောင်းသွားသည်ဟု ထင်တတ်ကြသည်။

ရောဂါတခုကို ဆရာဝန်က ကုသလို့မပျောက်ကင်းနိုင်ကြောင်း၊ ဆေးပုံမှန်သောက်ဖို့ လိုကြောင်း၊ စားသောက်နေထိုင်မှုပုံစံ ပြောင်းလဲဖို့လိုကြောင်း ရှင်းပြလျှင် မကျေနပ်ကြပေ။ တခါကုရုံနဲ့ ပျောက်သည်ဆိုသော ပျောက်စေဆရာများဆီသို့ ပြေးကြလေသည်။ ပျောက်လားဆိုတော့လည်း ကံစပ်လျှင်ပျောက်လိမ့်မည်၊ ကံမစပ်ပါက မပျောက်ဟုဆိုသည်။ ကံကိုယုံ၍ ဆူးပုံနင်းကို တမင်သက်သက် တက်နင်းကြလေသည်။

ဆရာဝန်များနှင့် ဆေးကုသနေ၍ နေကောင်းကျန်းမာနေကြသော်လည်း ဘေးနားက လျှာရှည်သော လူများကြောင့် ဆေးမြီးတိုများ ပြုတ်ကျိုသောက်ကြရာမှ ရောဂါများပိုဆိုးလာကြလေတော့သည်။ တချို့မှာကား အသက်ပါ ပါသွားကြလေတော့သည်။

ဒီလို မဆုံးပါးသင့်ဘဲ ဆုံးပါးသွားရသော လူနာများကို တွေ့လျှင် ဆေးမြီးတိုများကို မုန်းမိသည်။ တကယ်က ဆေးမြီးတိုမှာ အပြစ်မရှိ၊ ဘေးနားကနေ တတ်ယောင်ကား မြှောက်ပေး၊ လမ်းညွှန်ပေးနေသူများမှာသာ အပြစ်ရှိသည်။

ဆက်ရေးလျှင် စာရှည်နေရော့မည်။
ဒီလောက်နဲ့ပဲ အဆုံးသတ်လိုက်ပါသည်။

(သဗ္ဗေသတ္တာ ကမ္မသကာ)

အားလုံးပဲ ကျန်းမာကြပါစေ
ဒေါက်တာရဲ ။

26/07/2026

သင် ရင့်ကျက်လာပြီဆိုတာကို ပြသနေတဲ့ အချက်များ

❤️❤️❤️👍👍
​၁။ အပြင်ထွက်တာထက် အိမ်မှာပဲ နေချင်တော့တယ်။
​၂။ တစ်ယောက်တည်း နေရတာကို သဘောကျလာတယ်။
​၃။ မွေးနေ့တွေဟာ အရင်ကလို စိတ်လှုပ်ရှားစရာ မကောင်းတော့ဘူး။
​၄။ အချိန်နဲ့အမျှ ပိုပြီး တိတ်ဆိတ်ငြိမ်သက်လာတယ်။
​၅။ ခုနောက်ပိုင်း လွယ်လွယ်နဲ့ စိတ်မလှုပ်ရှားတော့ဘူး။
​၆။ လိုချင်တာထက် လိုအပ်တာကို ပိုပြီး အာရုံစိုက်လာတယ်။
​၇။ မသိတဲ့သူတွေရှေ့မှာ ပုံမှန်အားဖြင့် ခပ်အေးအေးပဲ နေတတ်လာတယ်။
​၈။ မအိပ်ခင်မှာ တွေးတောရင်း အချိန်အများကြီး ကုန်လေ့ရှိတယ်။
​၉။ အနာဂတ်အကြောင်း မကြာခဏ တွေးပြီး ကိစ္စအဝဝ ပိုမြန်မြန် ဖြစ်ပျက်လာဖို့ မျှော်လင့်မိတယ်။
​၁၀။ အရှုပ်အထွေးတွေနဲ့ ဝေးဝေးနေပြီး လက်တွေ့ဘဝကို တစ်ရက်ချင်းစီ အကောင်းဆုံး ဖြတ်သန်းဖို့ပဲ အာရုံစိုက်တော့တယ်။
​၁၁။ ကျွန်တော်တို့ကို Follow မလုပ်ထားရင် နောက်တစ်ကြိမ် ထပ်တွေ့ရတော့မှာ မဟုတ်ပါဘူး။

ABC Channel

24/07/2026

အိမ်မငှားခင် စစ်ဆေးသင့်တဲ့အချက် (၅၀)

🏠 တည်နေရာနှင့် ပတ်ဝန်းကျင်
၁။ အလုပ်/ကျောင်းနဲ့ ဘယ်လောက်ကွာသလဲ၊ သွားလာရလွယ်ကူလား
၂။ ဈေး၊ ဆေးဆိုင်၊ ကျောင်း စတဲ့ လိုအပ်တဲ့နေရာတွေ နီးသလား
၃။ ဘတ်စ်ကား/ရထား ဂိတ်တွေနဲ့ အကွာအဝေး
၄။ ညပိုင်း လမ်းမီးရှိလား၊ လုံခြုံလား
၅။ ရပ်ကွက်ထဲက ရာဇဝတ်မှု နှုန်းထား
၆။ ကားပါကင် လုံလောက်မှုရှိလား
၇။ ရေကြီးတတ်တဲ့ဒေသလား
၈။ စက်ရုံ/ဈေးနားလို ဆူညံနေရာနဲ့ ကပ်နေလား
၉။ အိမ်နီးချင်းတွေရဲ့ ယေဘုယျ အခြေအနေ
၁၀။ အနာဂတ်မှာ လမ်းဖောက်/ဆောက်လုပ်ရေး စီမံကိန်း ရှိမရှိ

🔧 အိမ်ရဲ့ အခြေအနေ
၁၁။ နံရံတွေမှာ အစို/အက်ကြောင်းရှိလား
၁၂။ မိုးယို/ရေယိုနေတဲ့ နေရာရှိမရှိ
၁၃။ လျှပ်စစ်ဝါယာကြိုးတွေ လုံခြုံစွာ ချိတ်ဆက်ထားလား
၁၄။ ရေပိုက်၊ ရေချိုးခန်း ပေါက်နေလား
၁၅။ ပြတင်းပေါက်၊ တံခါးတွေ ကောင်းကောင်းပိတ်လား
၁၆။ အဲကွန်း/ပန်ကာ အလုပ်လုပ်လား
၁၇။ ရေပူစက် ရှိလား၊ အလုပ်လုပ်လား
၁၈။ တစ်ခန်းလုံး မီးအလင်းရောင် လုံလောက်လား
၁၉။ ကြမ်းပြင် ပျက်စီးနေတာမျိုး ရှိလား
၂၀။ အမိုးပေါက်နေလား စစ်ဆေးပါ

📄 စာချုပ်နှင့် ငွေကြေး
၂၁။ ငှားစာချုပ် (Contract) အသေးစိတ် ဖတ်ပြီးမှ လက်မှတ်ထိုးပါ
၂၂။ ငှားရမ်းခ ပမာဏနှင့် ပေးချေရမည့် ရက်စွဲ
၂၃။ Deposit ငွေ ပမာဏနှင့် ပြန်ရမည့် အခြေအနေများ
၂၄။ လျှပ်စစ်/ရေဖိုး ခွဲခြားပေးရမလား၊ ပါဝင်ပြီးသားလား
၂၅။ ငှားခ နှစ်စဉ် တိုးမည့် ရာခိုင်နှုန်း သတ်မှတ်ထားလား
၂၆။ စာချုပ်ကာလ (၆ လ၊ ၁ နှစ်) သတ်မှတ်ချက်
၂၇။ စာချုပ်စည်းကမ်း ချိုးဖျက်ရင် ဒဏ်ကြေးရှိလား
၂၈။ အိမ်ရှင်ရဲ့ ID/ပိုင်ဆိုင်မှု စာရွက်စာတမ်း စစ်ဆေးပါ
၂၉။ ငှားခ ပြေစာ (Receipt) ရနိုင်မလား
၃၀။ ရွှေ့ပြောင်းရင် ကြိုတင်အသိပေးရမည့် ရက်ပေါင်း

🛠️ ပြုပြင်ထိန်းသိမ်းမှု
၃၁။ ပျက်စီးမှုတွေကို ဘယ်သူပြင်ပေးမလဲ (အိမ်ရှင်/ငှားသူ)
၃၂။ အရေးပေါ် ပြင်ဆင်ရေး ဆက်သွယ်ရမည့် နံပါတ်ရှိလား
၃၃။ ပျက်စီးထားတဲ့ပစ္စည်းများကို ဓာတ်ပုံရိုက်ပြီး မှတ်တမ်းတင်ထားပါ
၃၄။ ငှားရမ်းခတွင် ပါဝင်သည့် ပရိဘောဂစာရင်း ရှင်းလင်းစွာ ရေးထားလား
၃၅။ ပိုးမွှား ထိန်းချုပ်ရေး (Pest Control) ဘယ်သူတာဝန်ယူမလဲ

👥 လူမှုရေးနှင့် စည်းမျဉ်းများ
၃၆။ အိမ်ရှင်နှင့် ငှားသူ ချိတ်ဆက်ပုံ (တိုက်ရိုက်လား၊ ကိုယ်စားလှယ်ကလား)
၃၇။ အိမ်မွေးတိရစ္ဆာန် မွေးသူများ ခွင့်ပြုသလား (Pet Policy)
၃၈။ ဧည့်သည် နေထိုင်ခွင့်ပြုချက်
၃၉။ အသံဆူညံမှု စည်းကမ်းများ (ည ဘယ်နှစ်နာရီအထိ)
၄၀။ ဆေးလိပ်သောက်ခွင့်ရှိလား
၄၁။ အခန်းပြင်ဆင်/ဆေးသုတ် လုပ်ခွင့်ရှိလား

🔒 လုံခြုံရေးနှင့် အခြား
၄၂။ လုံခြုံရေးကင်မရာ/လုံခြုံရေးဝန်ထမ်းစနစ် ရှိလား
၄၃။ မီးသတ်ကိရိယာ (Fire Extinguisher) ရှိလား
၄၄။ အရေးပေါ် ထွက်ပေါက် ရှိလား
၄၅။ သော့တံအားလုံး လက်ခံရရှိပြီး အဟောင်းသော့တွေ လဲထားပြီးလား
၄၆။ အင်တာနက်/ကေဘယ်လ် လိုင်းရနိုင်မလား
၄၇။ အမှိုက်စွန့်ပစ်စနစ် ဘယ်လိုလုပ်ရမလဲ
၄၈။ Lift ပျက်ရင် လှေကားထစ်နဲ့ တက်လို့ရလား (အထပ်မြင့်ဆိုရင်)
၄၉။ အခန်းရဲ့ အလင်းရောင်နှင့် လေဝင်လေထွက် ကောင်းမကောင်း
၅၀။ နောက်ဆုံးအနေနဲ့ - နေ့နှင့် ည နှစ်ခါ သွားရောက်ကြည့်ရှုစစ်ဆေးပါ (နေ့ခင်းနဲ့ ည အခြေအနေ ကွာခြားနိုင်လို့ပါ)


Crd
အိမ်ခြံမြေဥပဒေကြံပေး

23/07/2026

အခွင့်အရေး ရတိုင်းမယူမိစေနဲ့
*******************
လူတစ်ယောက်ကို လိုတာထက်ပိုပြီး အခွင့်အရေးမယူမိစေနဲ့။ ကိုယ်ဆိုးသမျှကို သည်းခံတယ်၊ ကိုယ်ပြောသမျှကို မနာကျင်သလို မငြီးမငြူ လိုက်လျောပေးနေတယ်ဆိုတာ၊ သူ့စိတ်ထဲမှာ သင့်ကိုနေရာပေးထားမိလို့ပါ။📚📚📚📚🌻🌻🌻🌻
သင်က အခွင့်အရေးရတိုင်း သူ့ခံစားချက်ကို မကြည့်ပဲ အနိုင်ယူနေမယ်ဆိုရင်၊ ပေးဆပ်နေရတဲ့ ဘဝကို သူစိတ်ကုန်သွားရင် သင့်အတွက် တန်ဖိုးရှိသူတစ်ယောက် ဆုံးရှုံးရပါလိမ့်မယ်။
လူတိုင်းက အကောင်းဆုံးတွေကို ရရှိချင်ကြတာပါပဲ။ ကိုယ့်ကို ဂရုစိုက်မှာ နွေးထွေးကြင်နာမှာကို လိုချင်ကြတယ်။ ဒါပေမယ့် ကိုယ်တိုင်က မေတ္တာတရားနဲ့ နားလည်မှုတွေ မပေးပဲ၊ သူများဆီကပဲလိုချင်ကြတယ်။📚📚📚📚🌻🌻🌻🌻
အဲ့ဒါ အတ္တကြီးတာ ၊ ကိုယ်ကလိုက်လျော အလျော့ပေးရမှာကို ဒူးထောက်တယ်လို့ ခံယူထားပြီး၊ သူများကို အနိုင်ယူတာနဲ့ တူနေပါတယ်။
သင့်အတွက်ကို သူပေးဆပ်ပြီး သည်းခံနေတယ်ဆိုရင်၊ အခွင့်အရေးကို ရတိုင်းမယူလိုက်ပါနဲ့။ သင်အနိုင်ယူတိုင်း အလျောပေးရတာများလာတဲ့ သူ့အတွက် အထီးကျန်သလိုခံစားရရင် သင့်ကို သူစိတ်ကုန်သွားပါလိမ့်မယ်။
ပျော်ရွှင်စရာတွေ ဖြစ်စေဖို့ အရာရာကို အပြန်လှန် နားလည်မှုနဲ့ တည်ဆောက်ပါ။ သူဘက်ကိုယ့်ဘက် ကြည့်တွေးပေးပါ။ တစ်ယူသန်ပြီး အတ္တကြီးတဲ့ စိတ်တွေကို လျော့ပေးကြရင်၊ ပူလောင်စရာတွေလျော့ပြီး ပျော်ရွှင်စရာတွေ တိုးလာမှာပါလို့ ယုံကြည်ပါတယ်။

Address

Aizawl

Website

Alerts

Be the first to know and let us send you an email when ABC Channel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category