Adv T S Thaha

01/08/2026

ഉമ്മയും വാപ്പയും 💕
-------------------

28/07/2026

ഫാദർ ഡേവിസ് ചിറമേൽ💕
------------------------
അദ്ദേഹത്തെ ആദ്യമായി നേരിൽ കാണുകയാണ്.
കിഡ്നി ഫൌണ്ടേഷൻ ചെയർമാനായ അദ്ദേഹമാണ് അവയമാറ്റ ശാസ്ത്രക്രിയയ്ക്കായി ജനകീയ സഹകരണത്തോടെ പണം സമാഹരിക്കുന്ന പ്രവർത്തനങ്ങൾക്ക് കേരളത്തിൽ തുടക്കം കുറിച്ചയാൾ.
കേരളത്തിലെമ്പാടും നിരവധി ശാസ്ത്രക്രിയകൾക്ക് പണം സമാഹരിക്കുവാൻ അദ്ദേഹം നേതൃത്വം നൽകി.
ഇപ്പോൾ നാട്ടിൽ ജനകീയ സംഘടനകളും പഞ്ചായത്തുകളും ഈ പ്രവർത്തനം മാതൃക പരമായി നടത്തിവരുന്നുണ്ട്.

ഗിരി അരവിന്ദിന്റെ നേതൃത്വത്തിൽ നടന്നു വരുന്ന രാമപുരം അരവിന്ദാലയ ചാരിറ്റബിൾ ട്രസ്റ്റ് നടപ്പാക്കുന്ന ഡയാലിസിസ് രോഗികൾക്ക് വേണ്ടി സൗജന്യ ഡയാലിസിസ് കിറ്റ് വിതരണ പദ്ധതിയായ "ആനന്ദകുമാരി പ്രോജക്ട് " ന്റെ ഉത്ഘാടന പരിപാടിയിൽ അനുഗ്രഹ പ്രഭാഷണം നടത്താൻ എത്തിയതാണ് ഫാദർചിറമേൽ.

പരിപാടിയുടെ ഉത്ഘാടനം നിർവഹിച്ചു സംസാരിച്ചു.

ട്രസ്റ്റ് വൈസ് പ്രസിഡന്റ് ചാങ്ങയിൽ ഗോപകുമാർ അധ്യക്ഷനായി.ട്രസ്റ്റ് ജനറൽ സെക്രട്ടറി ഗിരി അരവിന്ദ്, ജില്ലാ പഞ്ചായത്തംഗം ലിഷ അനുപ്രസാദ്, ബ്ലോക്ക് പഞ്ചായത്തംഗം എസ് ടി അഖിൽ, ഗ്രാമ പഞ്ചായത്ത് പ്രസിഡന്റുമാരായ കീച്ചേരിൽ ശ്രീകുമാർ, ഷീജാസുനിൽ, ടി തുളസി, ട്രസ്റ്റ് ട്രഷറർ ഡോ.വി ബി പ്രസാദ്, മഹേഷ് കാപ്പിൽ എന്നിവർ സംസാരിച്ചു. പത്തിയൂർ, ചേപ്പാട്,പള്ളിപ്പാട്, മുതുകുളം ഗ്രാമപഞ്ചായത്തുകളിലെ സാമ്പത്തിക ബുദ്ധിമുട്ട് അനുഭവിക്കുന്ന രോഗികളെയാണ് പദ്ധതിയിൽ ഉൾപ്പെടുത്തിയിരിക്കുന്നത്.

27/07/2026

കള്ളിക്കാട് രക്തസാക്ഷി വാർഷികം 💪💪💕
-----------------------------------
കുടികിടപ്പ് അവകാശം സ്ഥാപിച്ചെടുക്കുന്നതിന്റെ ഭാഗമായി നടന്ന സമരത്തിൽ പങ്കെടുത്ത്, പോലീസ് വെടിവയ്പ്പിൽ ധീരരക്ത സാക്ഷിത്വം വരിച്ച അനശ്വരരായ സഖാക്കൾ നീലകണ്ഠന്റെയും ഭാർഗവിയുടെയും 56 മത് രക്തസാക്ഷി വാർഷികാചരണ പരിപാടികൾ ഡിവൈ എഫ് ഐ മുൻ സംസ്ഥാന സെക്രട്ടറി ടി ശശിധരൻ ഉത്ഘാടനം ചെയ്തു. കെ വിജയകുമാർ അധ്യക്ഷത വഹിച്ചു. ജി ബിജുകുമാർ, പി എ അഖിൽ, സ്മിത രാജേഷ്,വിമൽറോയ്, വി സുഗതൻ,എം മുത്തുക്കുട്ടൻ എന്നിവർ സംസാരിച്ചു. പ്രകടനത്തിലും രക്ത സാക്ഷി മണ്ഡപത്തിൽ നടന്ന പുഷ്പാർച്ചനയിലും പങ്കെടുത്തു.

26/07/2026

ആയൂർവേദ മെഡിക്കൽക്യാമ്പ്💕
------------------------------
ചേപ്പാട്,മുട്ടം റോട്ടറി ക്ലബും
അമൃത വിശ്വവിദ്യാപീഠവും
ആയുഷ് ആയുർവേദ ഹോസ്പിറ്റലും
മാവേലിക്കര മെഡിവിഷൻ ലാബോറട്ടറിയും സംയുക്തമായി നടത്തിയ സൗജന്യ ആയുർവേദ ക്യാമ്പ് ഉത്ഘാടനം ചെയ്തു.മുട്ടം റോട്ടറി ക്ലബ്‌ പ്രസിഡന്റ് ജോർജ് വർഗീസ് തരകൻ അധ്യക്ഷത വഹിച്ചു.
ക്യാമ്പിൽ സൗജന്യമായി ഷുഗർ, പ്രഷർ, കൊളസ്ടോൾ, അസ്ഥിയുടെ സാന്ദ്രത അളക്കുന്ന ബി എം ടി ടെസ്റ്റും നടന്നു.
കർക്കിടകമാസത്തിലെ ആയുർവേദ ചികിത്സയെയും അതിൻ്റെ പ്രാധാന്യത്തെ പറ്റിയും ഡോ. ഷീബ ക്ലാസെടുത്തു. ഇരുനൂറ്റിഅൻപതിലധികം പേർ പങ്കെടുത്ത ക്യാമ്പിൽ സൗജന്യമായി മരുന്നും ഔഷധകിറ്റും വിതരണം ചെയ്തു. ഹരികുമാർ മാടയിൽ മുഖ്യപ്രഭാഷണം നടത്തി. പ്രസന്നകുമാർ തയ്യിൽ, അഡ്വ. ജി ഷിമുരാജ്, ബ്ലോക്ക്‌ പഞ്ചായത്ത്‌ അംഗം എസ് വിജയകുമാരി, ഗ്രാമ പഞ്ചായത്ത്‌ അംഗങ്ങളായ കെ ബി ഹരികുമാർ, വിനിതശ്രീകുമാർ, റെയ്ച്ചൽ ബേബി, അനിൽ നന്ദനം എന്നിവർ സംസാരിച്ചു.
ഡോ. നിതുലക്ഷ്മി, ഡോ. രാഖിരാജ്, ഡോ. സബീന എന്നിവർ ക്യാമ്പിന് നേതൃത്വം നല്കി.

26/07/2026

എസ് ജാനകി അനുസ്മരണം 💕
------------------------------
കൃഷ്ണപുരം യുവജന സംഘടന ഗ്രന്ഥശാല ആൻഡ് വായനശാലയുടെ നേതൃത്വത്തിൽ നടന്ന എസ് ജാനകി , വി ആർ കെ മേനോൻ അനുസ്മരണ പരിപാടി ഉത്ഘാടനം ചെയ്തു. പരിപാടിയുടെ ഭാഗമായി നേത്ര പരിശോധന, ആയുർവേദ ക്യാമ്പുകൾ സംഘടിപ്പിച്ചു. മാവേലിക്കര പ്രിസൈസ് കണ്ണാശുപത്രി, പുല്ലുകുളങ്ങര പാഞ്ചജന്യം ആയുർവേദ ആശുപത്രി എന്നിവയുടെ നേതൃത്വത്തിലായിരുന്നു ആരോഗ്യ ക്യാമ്പ്.
ഗ്രന്ഥശല പ്രസിഡൻറ് കെ ശ്രീകുമാർ അധ്യക്ഷനായി. ഭരണിക്കാവ് ബ്ലോക്ക് പഞ്ചായത്തംഗം ആർ അശ്വതി, ഗ്രന്ഥശാല സെക്രട്ടറി അഡ്വ സി എ അരുൺകുമാർ, കണ്ണൻ നായർ, എ.വി ലാൽ , രമേശൻ കണ്ടത്തിൽ, എം മിഥുൻ, സ്മിത അജയ്, ലക്ഷ്മി എസ് ചന്ദ്രൻ, രാധിക വേണുഗോപാൽ തുടങ്ങിയവർ സംസാരിച്ചു.

25/07/2026

25/07/2026

ഹരിപ്പാട് ബാർ അസോസിയേഷൻ💕
---------------------------------
ഹരിപ്പാട് ബാർ അസോസിയേഷന്റെ നേതൃത്വത്തിൽ ബാർ അസോസിയേഷൻ അംഗങ്ങളായ ജനപ്രതിനിധികൾക്കും വിവിധ മേഖലകളിൽ മികച്ച വിജയം നേടിയ അഭിഭാഷകരുടെയും ക്ലർക്കുമാരുടെയും മക്കൾക്കും ആദരവ് നൽകി.
ആലപ്പുഴ ഡിസ്ട്രിക്ട് ആൻഡ് സെഷൻസ് ജഡ്ജ് ഹണി എം വർഗീസ് ആദരവ് നൽകി. ബാർ അസോസിയേഷൻ പ്രസിഡന്റ് അഡ്വ.ആർ രാജേഷ് അധ്യക്ഷത വഹിച്ചു. ഫാസ്റ്റ് ട്രാക്ക് സ്പെഷ്യൽ ജഡ്ജി ഹരീഷ് ജി, മുൻസിഫ് മജിസ്‌ട്രേറ്റ് മനീഷ കെ ഭദ്രൻ,ബാർ അസോസിയേഷൻ സെക്രട്ടറി അഡ്വ.എം സ്മിതേഷ്,എക്സിക്യൂട്ടീവ് അംഗം രഞ്ജിനി ആർ പിള്ള എന്നിവർ സംസാരിച്ചു.

24/07/2026

മുതുകുളം ബ്ലോക്ക് പഞ്ചായത്ത്‌ ജനകീയാസൂത്രണ പദ്ധതി പ്രകാരം പട്ടികജാതി നഗറുകളിൽ മിനി മാസ്റ്റ് ലൈറ്റ് സ്ഥാപിക്കുന്ന പദ്ധതിപ്രകാരം പത്തിയൂർ ഗ്രാമപഞ്ചായത്തിലെ കാടശ്ശേരി നഗറിൽ സ്ഥാപിച്ച മിനി മാസ്റ്റ്ലൈറ്റിന്റെ സ്വിച്ച്ഓൺ കർമ്മം നിർവഹിച്ചു.
ബ്ലോക്ക്‌ പഞ്ചായത്ത്‌ വികസന സ്റ്റാൻഡിങ് കമ്മിറ്റി ചെയർമാൻ
മുരളി പച്ചംകുളത്ത് അധ്യക്ഷത വഹിച്ചു.
ഗ്രാമ പഞ്ചായത്ത്‌ പ്രസിഡന്റ് കെ ബി പ്രശാന്ത് മുഖ്യപ്രഭാഷണം നടത്തി. ഗ്രാമ പഞ്ചായത്ത്‌ അംഗങ്ങളായ വിജിതവിജയൻ, ഹരികുമാർ,ശ്രീജിത്ത്‌ എന്നിവരും ഗോപിനാഥപിള്ള,രാജേന്ദ്രൻ എന്നിവരും സംസാരിച്ചു.

23/07/2026

വൃത്തിയുള്ളതും രുചികരവും ആരോഗ്യകരമായതുമായ ഭക്ഷണം നമ്മുടെ അവകാശമാണ്..
നാട്ടിലെല്ലാം ഭക്ഷണ ശാലകൾ പെരുകുമ്പോൾ ഉത്തരവാദിത്തപ്പെട്ടവർ അതിന്റെ ഗുണനിലവാരം ഉറപ്പുവരുത്തേണ്ടതുണ്ട്..
ചേർത്തലയിലെ അപ്സര ഹോട്ടൽ തലമുറകളായി നൽകുന്നത് ഗുണനിലവാരവും രുചിയും ഉറപ്പുവരുത്തുന്ന ഭക്ഷണമാണ്..
എറണാകുളം യാത്രക്കിടയിൽ അപ്സരയിൽ 💕