Venice News Tv new

Venice News Tv new Contact information, map and directions, contact form, opening hours, services, ratings, photos, videos and announcements from Venice News Tv new, Media/News Company, alappuzha, Alappuzha.

22/04/2026

*തൃശ്ശൂർ വെടിക്കെട്ട് ദുരന്തം: മരിച്ചവരുടെ കുടുംബത്തിന് ധനസഹായം പ്രഖ്യാപിച്ച് സർക്കാർ; ജുഡീഷ്യല്‍ അന്വേഷണം നടത്തും*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

തൃശ്ശൂരിലെ വെടിക്കെട്ട് അപകടത്തിൽ ജീവൻ നഷ്ടപ്പെട്ടവരുടെ കുടുംബത്തിന് 14 ലക്ഷം രൂപ ധനസഹായം നൽകുമെന്ന് സംസ്ഥാന സർക്കാർ.

കേരള മുഖ്യമന്ത്രിയുടെ ദുരിതാശ്വാസനിധിയിൽ നിന്ന് 10 ലക്ഷം രൂപയും സംസ്ഥാന ദുരന്ത പ്രതികരണ നിധി (എസ്ഡിആർഎഫ്) നിന്ന് 4 ലക്ഷം രൂപയും നൽകാനാണ് മന്ത്രിസഭാ യോ​ഗം തീരുമാനിച്ചത്.

പരിക്കേറ്റവർക്ക് രണ്ട് ലക്ഷം രൂപ വീതവും ധനസഹായം നൽകും.

സംഭവത്തിൽ ജുഡീഷ്യല്‍ അന്വേഷണം നടത്താനും മന്ത്രിസഭാ യോ​ഗം തീരുമാനിച്ചു.

21/04/2026

*ധനസഹായം പ്രഖ്യാപിച്ച്‌ കേന്ദ്ര സർക്കാർ*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

മുണ്ടത്തിക്കോട് വെടിക്കെട്ട് പുരയിലുണ്ടായ സ്‌ഫോടനത്തില്‍ മരണപ്പെട്ടവരുടെ കുടുംബങ്ങള്‍ക്ക് 2 ലക്ഷം രൂപ ധനസഹായം പ്രഖ്യാപിച്ച്‌ കേന്ദ്ര സർക്കാർ.

അപകടത്തില്‍ പരുക്കേറ്റവർക്കു 50,000 രൂപയും ധനസഹായമായി പ്രഖ്യാപിച്ചിട്ടുണ്ട്. ദുരന്തത്തില്‍ അനുശോചനം രേഖപ്പെടുത്തിയ പ്രധാനമന്ത്രി നരേന്ദ്ര മോദി, പരുക്കേറ്റവർ എത്രയും പെട്ടെന്ന് സുഖം പ്രാപിക്കട്ടെയെന്നും ആശംസിച്ചു.

പ്രധാനമന്ത്രിയെ കൂടാതെ പ്രസിഡന്റ് ദ്രൗപതി മുർമുവും , വൈസ് പ്രസിഡന്റ് സി പി രാധാകൃഷ്ണനും, ദുരന്തത്തില്‍ ദുഃഖം രേഖപ്പെടുത്തി.

21/04/2026

*തൃശൂർ ദുരന്തത്തിൽ അനുശോചിച്ച് പ്രധാനമന്ത്രി*
,,,,,,,,,,,,,,,,,,,,,,,,,,,,,,,,

മുണ്ടത്തിക്കോട് വെടിക്കെട്ട് നിർമാണ ശാലയിലെ അപകടത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. ജീവൻ നഷ്ടപ്പെട്ട വാർത്ത കേട്ടത് ദുഃഖകരമാണെന്നും പരിക്കേറ്റവർ വേഗത്തിൽ സുഖം പ്രാപിക്കട്ടെ എന്നും പ്രധാനമന്ത്രി.

രക്ഷാപ്രവർത്തനത്തിന് ആവശ്യമായ എല്ലാ നടപടികളും സ്വീകരിക്കുന്നു. ഇത് മോണിറ്റർ ചെയ്യാൻ പ്രത്യേക സംവിധാനം ഒരുക്കിയിട്ടുണ്ട്. പൊലീസ്, ഫയർ ആൻഡ് റെസ്ക്യൂ, ആരോഗ്യവകുപ്പുകളുടെ എല്ലാ സംവിധാനങ്ങളെയും റവന്യു, ദുരന്തനിവാരണ വകുപ്പുകളെയും ഏകോപിപ്പിച്ചുള്ള പ്രവർത്തനങ്ങളാണ് നടക്കുന്നത്.
തൃശൂർ ദുരന്തത്തിൽമുഖ്യമന്ത്രി അനുശോചനം രേഖപ്പെടുത്തി.

21/04/2026

*കൺട്രോൾ റൂം തുറന്നു.*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

വെടിക്കെട്ട് അപകടത്തിൻ്റെ പശ്ചാത്തലത്തിൽ തത്‌സമയ വിവരങ്ങൾ ലഭ്യമാകുന്നതിന് രണ്ട് കൺട്രോൾ റൂമുകൾ തുറന്നു. മുണ്ടത്തിക്കോട് വില്ലേജ് ഓഫീസ്: 8547614620
തൃശൂർ താലൂക്ക് ഓഫീസ് : 04884232226

21/04/2026

*തൃശൂർ പൂരം വെടിക്കെട്ട് പുരയിൽ വൻ സ്ഫോടനം; മരണസംഖ്യ 13 ആയി.*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

തൃശൂർ പൂരത്തിനായി വെടിക്കെട്ട് സാമഗ്രികൾ ഒരുക്കുന്ന മുണ്ടത്തിക്കോട്ടെ നിർമ്മാണശാലയിലുണ്ടായ വൻ സ്ഫോടനത്തിൽ മരിച്ചവരുടെ എണ്ണം 13 ആയി. തിരുവമ്പാടി വിഭാഗത്തിന്റെ വെടിക്കെട്ട് പുരകളിലാണ് നാടിനെ നടുക്കിയ ദുരന്തമുണ്ടായത്.

പാടശേഖരത്തിൽ നടത്തിയ തിരച്ചിലിൽ രണ്ട് മൃതദേഹങ്ങൾ കൂടി കണ്ടെത്തിയതോടെയാെണ്, മരണസംഖ്യ ഉയർന്നത്.

പരുക്കേറ്റ 23 പേരെ തൃശൂർ മെഡിക്കൽ കോളജിൽ പ്രവേശിപ്പിച്ചു. ഇവരിൽ പലരുടെയും നില അതീവ ഗുരുതരമായി തുടരുകയാണ്.

ഇന്ന് ഉച്ചതിരിഞ്ഞ് 3:30-ഓടെയാണ് മുണ്ടത്തിക്കോട്ടെ രണ്ടര ഏക്കർ വിസ്തൃതിയുള്ള പറമ്പിലെ അഞ്ച് വെടിക്കെട്ട് പുരകളിൽ സ്ഫോടനമുണ്ടായത്. 40-ഓളം തൊഴിലാളികൾ ജോലി ചെയ്തിരുന്ന സ്ഥലത്ത് സെക്കൻഡുകൾക്കുള്ളിൽ എല്ലാം ചാരമായി മാറി. സ്ഫോടനത്തിന്റെ ആഘാതത്തിൽ തൊഴിലാളികളുടെ ശരീരഭാഗങ്ങൾ ദൂരേക്ക് ചിതറിത്തെറിച്ച നിലയിലാണ് കണ്ടെത്തിയത്.

അപകടസ്ഥലത്ത് ഇപ്പോഴും കുഴിമിന്നലുകളും അമിട്ടുകളും ഉൾപ്പെടെയുള്ള സാമഗ്രികൾ പൊട്ടിത്തെറിക്കുന്നത് രക്ഷാപ്രവർത്തനത്തിന് വലിയ വെല്ലുവിളി ഉയർത്തുന്നുണ്ട്. തീയണയ്ക്കാനുള്ള ശ്രമങ്ങൾ ഊർജിതമായി തുടരുകയാണെന്നും വെടിക്കോപ്പുകൾ നനച്ച് നിർവീര്യമാക്കാൻ ശ്രമിക്കുന്നതായും സിറ്റി പോലീസ് കമ്മിഷണർ അറിയിച്ചു.

പുകപടലങ്ങൾ കാരണം തിരച്ചിൽ തടസ്സപ്പെട്ടതിനെത്തുടർന്ന് ഡ്രോൺ ഉപയോഗിച്ചുള്ള പരിശോധനയും പ്രദേശത്ത് നടക്കുന്നുണ്ട്.

24/03/2026

*വിദേശ വനിതയുടെ ബാഗിൽ നിന്ന് 1600 ഡോളർ മോഷ്ടിച്ച ബോട്ട് ജീവനക്കാരൻ പിടിയിൽ*
,,,,..,,,,,,,,,,,,,,,,,,,,,,,,,,,,,,,,

കുട്ടനാട് ചമ്പക്കുളത്ത് വിദേശ വനിതയുടെ ബാഗിൽ നിന്ന് 1600 ഡോളർ മോഷ്ടിച്ച ബോട്ട് ജീവനക്കാരനെ നെടുമുടി പോലീസ് പിടികൂടി.

തകഴി ചെറയകം മുട്ടുങ്കൽ വീട് അഭിലാഷ്(40) ആണ് പിടിയിലായത്.

കഴിഞ്ഞ 21-ാം തീയതിയാണ് സംഭവം.

അർജന്റീന സ്വദേശികളായ 15ഓളം പേർ ചമ്പക്കുളത്തെ റിസോർട്ടിന്റെ ഹൗസ് ബോട്ടിൽ താമസിച്ചിരുന്നു.

വൈകുന്നേരം ബോട്ട് നിർത്തിയിട്ട് വിദേശികൾ റിസോർട്ടിലെ സ്വിമ്മിംഗ് പൂളിൽ പോയ സമയം ബോട്ട് ജീവനക്കാരനായ അഭിലാഷ് ബോട്ടിൽ കയറി ബാഗിൽ നിന്ന് പണം അപഹരിക്കുകയായിരുന്നു.

ബോട്ടിലെ സി സി ടി ടി വി ക്യാമറ ഓഫ് ചെയ്ത ശേഷമായിരുന്നു മോഷണം.

നെടുമുടി പോലീസ് കേസെടുത്ത് ബോട്ട് ജീവനക്കാരെ ചോദ്യം ചെയ്തിരുന്നു.

ചോദ്യം ചെയ്യലിൽ അഭിലാഷ് കുറ്റം സമ്മതിക്കുകയായിരുന്നു.

ഒളിപ്പിച്ചുവച്ച പണം പോലീസ് കണ്ടെത്തി.

കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.

24/03/2026

*നിയമസഭാ തെരെഞ്ഞെടുപ്പിനുള്ള വോട്ടർപട്ടിക പ്രസിദ്ധീകരിച്ചു* .
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

മൊത്തം വോട്ടർമാരുടെ എണ്ണം 2,71,42,952 ആണ്. 1,32,20,811 പുരുഷന്മാരും 1,39,21,868 സ്ത്രീകളും 273 ട്രാൻസ്ജെൻഡേഴ്സുമാണ് വോട്ടർപട്ടികയിലുള്ളത്.

പട്ടികയിൽ 2,42,093 പ്രവാസി വോട്ടർമാരുണ്ട്. അതിൽ 2,04,218 പുരുഷന്മാരും 37,867 സ്ത്രീകളും 8 ട്രാൻസ്ജെൻഡർമാരുമുണ്ട്. 53,984 സർവീസ് വോട്ടർമാരാണ് ഉള്ളത്.

51,330 പുരുഷന്മാരും 2654 സ്ത്രീകളുമാണ് സർവീസ് വോട്ടർമാരായി ഉള്ളത്. മാർച്ച് 15 വരെ ലഭിച്ച അപേക്ഷ പ്രകാരമുള്ള പട്ടികയാണ് പുറത്തുവിട്ടത്.

ഫെബ്രുവരി 21 ന് പ്രസിദ്ധീകരിച്ച അന്തിമ പട്ടികയേക്കൾ 2 ലക്ഷത്തോളം വോട്ടർമാർ അധികമുണ്ട്. 2.69 കോടി വോട്ടർമാരായിരുന്നു എസ്ഐആർ അന്തിമ പട്ടികയിൽ ഉണ്ടായിരുന്നത്

24/03/2026

*പ്രതിപക്ഷ നേതാവ് വി ഡി സതീശൻ്റെ നാമനിർദ്ദേശ പത്രിക സ്വീകരിച്ചു*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

എതിർ സ്ഥാനാർത്ഥിയായ ടൈസൻ്റെ പ്രതിനിധി അയ്യൂബ് ഖാൻ ഉന്നയിച്ച സാങ്കേതിക തടസ്സവാദങ്ങൾ തള്ളിക്കൊണ്ടാണ് പത്രിക അംഗീകരിച്ചത്. സതീശൻ തന്റെ ആസ്‌തി വിവരങ്ങൾ പൂർണ്ണമായി വെളിപ്പെടുത്തിയില്ലെന്നും, പ്രതിപക്ഷ നേതാവ് എന്ന നിലയിൽ ഉപയോഗിച്ച ഔദ്യോഗിക വാഹനത്തിൻ്റെ ട്രാഫിക് നിയമലംഘന പിഴ ഒടുക്കിയില്ലെന്നും ആരോപിച്ചാണ് എതിർപക്ഷം പരാതി നൽകിയിരുന്നത്.

ഇതിന് തെളിവായി വെബ്സൈറ്റിൽ നിന്നുള്ള രസീതുകളും അവർ ഹാജരാക്കിയിരുന്നു. എന്നാൽ, കോൺഗ്രസിൻ്റെ വാദങ്ങൾ കൂടി കേട്ട വരണാധികാരി, ഇരുവിഭാഗത്തോടും രേഖാമൂലം വിശദീകരണം നൽകാൻ നിർദ്ദേശിച്ചു. തുടർന്ന് ഈ വാദപ്രതിവാദങ്ങൾ പരിശോധിച്ച ശേഷമാണ് പത്രിക സ്വീകരിക്കാൻ തീരുമാനിച്ചത്.

24/03/2026

*റെജി ചെറിയാന്റെ നാമനിർദ്ദേശ പത്രികയെച്ചൊല്ലി തർക്കം*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

കുട്ടനാട്​ മണ്ഡലത്തിലെ യു ഡി എഫ്​ സ്ഥാനാർഥി റെജി ചെറിയാന്‍റെ നാമനിർദ്ദേശ പത്രികയെച്ചൊല്ലി തർക്കം

സമർപ്പിച്ച മൂന്ന്​ സെറ്റ്​ പത്രികയിൽ ഒരെണ്ണം തള്ളി.

സത്യവാങ്​ മൂലത്തിൽ പിന്തുണച്ചവരുടെ ഒപ്പ്​ രേഖപ്പെടുത്തിയിട്ടില്ലെന്ന്​ എൽ ഡി എഫ്​ പ്രവർത്തകർ ചൂണ്ടിക്കാണിച്ചതോടെയാണ്​​ വരണാധികാരി പത്രിക തള്ളിയത്​.

മറ്റ്​ പത്രികകളിൽ ക്രിമിനൽ കേസുകളുടെ വിവരങ്ങൾ ഉൾപ്പെടുത്തിയിട്ടി​ല്ലെന്നും ആക്ഷേപം ഉയർന്നു.

രാമങ്കരി ജുഡീഷ്യൽ മജിസ്​ട്രേറ്റ്​ കോടതിയിലെ കേസിന്‍റെ വിശദാംശമാണ്​ നൽകിയതെന്നും ആലപ്പുഴ ജുഡീഷ്യൽ മജിസ്​ട്രേറ്റ്​ കോടതിയിലെ വിവരങ്ങൾ മറച്ചുവച്ചാണ്​ പത്രിക നൽകിയതെന്നും എൽ ഡി എഫ്​ വാദിച്ചു.

ഇത് നേരിയ തർക്കത്തിന് ഇടയാക്കി

വിഷയത്തിൽ ബുധനാഴ്ച രാവിലെ 10ന്​ ഹിയറിങ്​ നടത്തും.

24/03/2026

*ജി സുധാകരന്റെ അപരന്റെ നാമനിർദ്ദേശ പത്രിക തള്ളി*
,,,,,,,,,,,,,,,,,,,,,,,,,,,,,,,,,,,,,,,,,,

അമ്പലപ്പുഴയിൽ യു ഡി എഫ്​ പിന്തുണയുള്ള സ്വതന്ത്ര സ്ഥാനർഥി ജി സുധാകരന്‍റെ അപരന്റെ നാമനിർദ്ദേശ പത്രിക തള്ളി.

ആലപ്പുഴ പാതിരപ്പള്ളി ചെട്ടികാട് സ്വദേശി സുധാകരന്‍റെ പത്രികയാണ്​ തെരഞ്ഞെടുപ്പ്​ കമ്മീഷൻ തള്ളിയത്​.

സത്യവാങ്മൂലത്തിൽ നൽകിയ വിവരം അപൂർമാണെന്ന്​ കണ്ടെത്തിയതോടെയാണ് പത്രിക തള്ളിയത്.

രണ്ട്​ സെറ്റ് പത്രികയിലും പൂർണ വിവരങ്ങൾ ഉണ്ടായിരുന്നില്ല.

24/03/2026

*എസ് എസ് എല്‍ സി പരീക്ഷാ മൂല്യനിര്‍ണയ തീയതികള്‍ പുന:ക്രമീകരിച്ചു*
,,,,,,,,,,,,,,,,,,,,,,,,,,,,,,,,,,,,,,,,.,,,,,,.,,,,,,,,,,.,,,,,,,,,,

പുതിയ ഉത്തരവു പ്രകാരം ഏപ്രില്‍ 16 മുതലാണ് മൂല്യനിര്‍ണയ ക്യാമ്പുകള്‍ ആരംഭിക്കുക.

നിയമസഭാ തെരഞ്ഞെടുപ്പ് ഏപ്രില്‍ ഒമ്പതിന് നടക്കുന്നതിനാലാണ് തീയതിയില്‍ മാറ്റം വരുത്തിയത്.

ഏപ്രില്‍ ആറ് മുതല്‍ 25 വരെ നടത്താനായിരുന്നു നേരത്തെ തീരുമാനിച്ചിരുന്നത്

പുതുക്കിയ കലണ്ടര്‍ പ്രകാരം മൂന്ന് ഘട്ടമായാണ് മൂല്യനിര്‍ണയം.

ആദ്യഘട്ടം ഏപ്രില്‍ 16 മുതല്‍ 18 വരെയും രണ്ടാംഘട്ടം ഏപ്രില്‍ 20 മുതല്‍ 25 വരെയും മൂന്നാം ഘട്ടം ഏപ്രില്‍ 27 മുതല്‍ മേയ് രണ്ട് വരെയുമാണ്.

മെയ് രണ്ടാം വാരത്തോടെ പരീക്ഷാഫലം പ്രഖ്യാപിക്കും.

Address

Alappuzha
Alappuzha
688001

Telephone

+919562456535

Website

Alerts

Be the first to know and let us send you an email when Venice News Tv new posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Venice News Tv new:

Shortcuts

Share

Category