15/07/2025
*നിയമലംഘനം: ആലപ്പുഴയിൽ ബസ്സുകൾ പിടിച്ചെടുത്ത് മോട്ടോർ വാഹന വകുപ്പ്*
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
വാതിൽ തുറന്ന് സർവീസ് നടത്തിയ ആറ് സ്വകാര്യ ബസുകളാണ് മോട്ടോർ വാഹന വകുപ്പ് പിടിച്ചെടുത്തത്.
നിയമലംഘനം കണ്ടെത്താൻ വേഷം മാറിയാണ് മോട്ടോർ വാഹന വകുപ്പ് ഉദ്യോഗസ്ഥർ പരിശോധന നടത്തിയത്.
കഴിഞ്ഞദിവസം തിരുവമ്പാടിയിലെ സ്റ്റോപ്പിൽ ഇറങ്ങുന്നതിന് മുമ്പ് മുന്നോട്ടെടുത്ത സ്വകാര്യബസിൽനിന്ന് തെറിച്ചുവീണ് പുന്നപ്ര സഹകരണ എൻജീനിയറിങ് കോളജിലെ വിദ്യാർഥി ദേവീകൃഷ്ണക്ക് (23) പരിക്കേറ്റ സംഭവത്തിന് പിന്നാലെ ‘ഓപറേഷൻ ഗ്രീൻഡോർ’ എന്നപേരിലാണ് പ്രത്യേക പരിശോധന നടത്തിയത്.
ആലപ്പുഴ-മണ്ണഞ്ചേരി, ആലപ്പുഴ-ഇരട്ടക്കുളങ്ങര, ആലപ്പുഴ-കഞ്ഞിപ്പാടം തുടങ്ങിയ റൂട്ടുകളിലോടുന്ന പുഞ്ചിരി, റഫ,മെഹ്‌രാജ്‌, അബാബീൽ തുടങ്ങിയ ബസുകളാണ് പിടികൂടിയത്.
ബസ് ജീവനക്കാരുടെ ലൈസൻസ് റദ്ദാക്കുന്നതടക്കമുള നിയമനടപടിയുണ്ടാകും.
30ൽ അധികം ബസുകളിൽ യാത്ര നടത്തിയാണ് നിയമലംഘനം കണ്ടെത്തിയത്.
ബസ് ജീവനക്കാർ എം വി ഡി ഓഫിസിലെത്തി വിശദീകരണം നൽകി.
ഇവ പരിശോധിച്ച്‌ പിന്നീട്‌ നിയമനടപടി സ്വീകരിക്കും.
