Alathur Vartha

21/08/2026

എരിമയൂർ ബഡ്‌സ് റീഹാബിലിറ്റേഷൻ സെന്ററിൽ ഓണാഘോഷം; അന്തേവാസികൾക്കൊപ്പം പങ്കുചേർന്ന് ടി.എം. ശശി എം.എൽ.എ

🟥🟥2026 AUGUST 20🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

ആലത്തൂർ: എരിമയൂർ ബഡ്‌സ് റീഹാബിലിറ്റേഷൻ സെന്ററിലെ അന്തേവാസികൾക്കായി സംഘടിപ്പിച്ച ഓണാഘോഷ പരിപാടികളിൽ പങ്കുചേർന്ന് ടി.എം. ശശി എം.എൽ.എ. ഭിന്നശേഷിയുള്ള 48 പേരാണ് ഈ റീഹാബിലിറ്റേഷൻ കേന്ദ്രത്തിലുള്ളത്. അധ്യാപകരും മറ്റ് ജീവനക്കാരും സ്ഥാപനത്തെ പിന്തുണയ്ക്കുന്ന സുമനസ്സുകളും ചേർന്നാണ് ഇവർക്കായി അത്തപ്പൂക്കളവും മാവേലിയെയും ഓണസദ്യയും ഉൾപ്പെടെയുള്ള വിപുലമായ ഓണാഘോഷം ഒരുക്കിയത്.

വിളവെടുപ്പിന്റെയും സാന്ത്വന പ്രവർത്തനങ്ങളുടെയും ഭാഗമായുള്ള നിരവധി ഓണാഘോഷങ്ങളിൽ പങ്കെടുത്തിട്ടുണ്ടെങ്കിലും, എരിമയൂരിലെ ഈ നിഷ്കളങ്കരായ മനുഷ്യർക്കൊപ്പം ചിലവിട്ട നിമിഷങ്ങൾ തികച്ചും പുതിയൊരു ഓണാനുഭവമായി മാറിയെന്ന് ടി.എം. ശശി എം.എൽ.എ പറഞ്ഞു. ഇവരുടെ സന്തോഷത്തിൽ പങ്കുചേരുവാൻ കഴിഞ്ഞത് തന്റെ ജീവിതത്തിലെ തന്നെ ഏറെ മൂല്യവത്തായ അനുഭവമായി കാണുന്നുവെന്നും അദ്ദേഹം കൂട്ടിച്ചേർത്തു.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e

20/08/2026

ആലത്തൂർ കിണ്ടിമൊക്കിൽ ബൈക്ക് നിയന്ത്രണം വിട്ട് മറിഞ്ഞ് യുവാവ് മരിച്ചു; സുഹൃത്തിന് പരിക്ക്

🟥🟥2026 AUGUST 20🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

ആലത്തൂർ: കിണ്ടിമൊക്കിൽ ബൈക്ക് നിയന്ത്രണം വിട്ട് ഡിവൈഡറിലിടിച്ച് മറിഞ്ഞ് യുവാവ് മരിച്ചു. കോങ്ങാട് വെട്ടുകുളം ഹൗസിൽ സുരേഷിന്റെ മകൻ സുജിത്ത് (21) ആണ് മരിച്ചത്. ഒപ്പമുണ്ടായിരുന്ന സുഹൃത്ത് ആദർശിന് (20) പരിക്കേറ്റു.

ബുധനാഴ്ച രാത്രി 11.30 ഓടെയായിരുന്നു അപകടം നടന്നത്. എരിമയൂരിൽ നിന്ന് ആലത്തൂരിലേക്ക് വരികയായിരുന്നു ഇരുവരും. സുജിത്താണ് വാഹനം ഓടിച്ചിരുന്നത്. കിണ്ടിമൊക്കിൽ വെച്ച് ബൈക്ക് നിയന്ത്രണം വിട്ട് ഡിവൈഡറിലിടിച്ച് മറിയുകയായിരുന്നു. അപകടത്തിന് പിന്നാലെ ഉടൻ തന്നെ ആശുപത്രിയിൽ എത്തിച്ചെങ്കിലും സുജിത്തിന്റെ ജീവൻ രക്ഷിക്കാനായില്ല. പരിക്കേറ്റ ആദർശ് ഇരട്ടകുളത്തെ സ്വകാര്യ ആശുപത്രിയിൽ ചികിത്സയിലാണ്.

ഇരുവരും ആലത്തൂരിലെ ഒരു തുണിക്കടയിലെ ജീവനക്കാരാണ്. മരിച്ച സുജിത്തിന്റെ അമ്മ: സുനിത. സഹോദരൻ: സൂരജ്.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e

19/08/2026

കളിയാക്കിയവർക്കുള്ള മറുപടി; നടനും തമിഴ്നാട് മുഖ്യമന്ത്രിയുമായ വിജയ്ക്ക് ഒപ്പമുള്ള ചിത്രം പങ്കിട്ട് ഉണ്ണിക്കണ്ണൻ മം​ഗലംഡാം

🟩🟩2026 AUGUST 19🟩🟩
Join Our Whatsapp Group
https://chat.whatsapp.com/Dv3kTdohvCmLbvlJqB0Pe2?mode=gi_t

മംഗലംഡാം: കാൽനടയായി കിലോമീറ്ററുകൾ താണ്ടി തമിഴ്‌നാട് മുഖ്യമന്ത്രിയും പ്രിയതാരവുമായ വിജയിയെ കാണാൻ പുറപ്പെട്ട മംഗലംഡാം സ്വദേശി ഉണ്ണിക്കണ്ണന്റെ സ്വപ്നം യാഥാർത്ഥ്യമായി. ഏറെ നാളത്തെ കാത്തിരിപ്പിനും പരിശ്രമങ്ങൾക്കും ഒടുവിൽ വിജയിക്കൊപ്പമുള്ള ഫോട്ടോ ഉണ്ണിക്കണ്ണൻ തന്റെ സമൂഹമാധ്യമ അക്കൗണ്ടിലൂടെ പങ്കുവെച്ചു. 'ജനനായകൻ' സിനിമയുടെ സെറ്റിൽ നിന്നുള്ളതാണ് ഈ ചിത്രം. ഒരു ഫൈറ്റ് സീക്വൻസ് ഷൂട്ട് കഴിഞ്ഞ് നിൽക്കുന്ന സമയത്താണ് വിജയിക്കൊപ്പം ഉണ്ണിക്കണ്ണൻ ഈ ഫോട്ടോ എടുത്തത്.

ചിത്രം പങ്കുവെച്ചതിന് പിന്നാലെ സെലിബ്രിറ്റികളടക്കം നിരവധി പേരാണ് പോസ്റ്റിന് താഴെ ആശംസകളുമായി എത്തിയത്. നടൻ ചന്തു സലീംകുമാർ ഉണ്ണിക്കണ്ണന്റെ പോസ്റ്റ് ഇൻസ്റ്റാഗ്രാം സ്റ്റോറിയാക്കിയിട്ടുണ്ട്. 2025 ജനുവരിയിൽ വിജയിയെ കാണാനായി ഉണ്ണിക്കണ്ണൻ നടത്തിയ കാൽനടയാത്രയുടെ വാർത്തകളും വീഡിയോകളും വലിയ രീതിയിൽ ശ്രദ്ധിക്കപ്പെട്ടിരുന്നു. കൂടാതെ, തമിഴ് മാധ്യമങ്ങളും ഈ വാർത്ത പ്രാധാന്യത്തോടെ നൽകിയിരുന്നു. എന്നാൽ, ഇത്രയും ദൂരം നടന്നിട്ടും വിജയിക്കൊപ്പം ഫോട്ടോ എടുക്കാൻ സാധിച്ചില്ലെന്ന പേരിൽ ഉണ്ണിക്കണ്ണന് നിരവധി കളിയാക്കലുകളും നേരിടേണ്ടി വന്നിരുന്നു. ഇതിനെല്ലാമുള്ള മറുപടിയാണ് ഇപ്പോൾ പുറത്തുവന്ന ഈ ചിത്രം.

"നമ്മൾ എന്തെങ്കിലും കാര്യത്തിന് ഇറങ്ങിത്തിരിച്ചാൽ അത് എളുപ്പത്തിൽ ജയിക്കാൻ സാധിക്കില്ല. എന്നാൽ അതിന് വേണ്ടി കഠിനപ്രയത്നം ചെയ്താൽ നമ്മൾ തീർച്ചയായും വിജയിക്കും. അതിനായി പരിശ്രമിച്ചു എന്നത് തന്നെയാണ് വിജയം. മാതാപിതാക്കളുടെ അനുഗ്രഹം വാങ്ങിയാണ് ഞാൻ വീട്ടിൽ നിന്നും ഇറങ്ങിയത്," എന്ന് ഉണ്ണിക്കണ്ണൻ നേരത്തെ പറഞ്ഞിരുന്നു.

പുലർച്ചെ അഞ്ചരയ്ക്കാണ് മംഗലംഡാമിൽ നിന്നും ഉണ്ണിക്കണ്ണൻ തന്റെ യാത്ര ആരംഭിച്ചത്. കിലോമീറ്ററുകൾ താണ്ടി ഒടുവിൽ 'ജനനായകൻ' സെറ്റിലെത്തി പ്രിയതാരത്തിനൊപ്പം ഫോട്ടോയെടുത്താണ് ഉണ്ണിക്കണ്ണൻ മടങ്ങിയത്. അതേസമയം, എച്ച്. വിനോദ് സംവിധാനം ചെയ്ത് 300 കോടിയിലധികം രൂപ കളക്ഷൻ നേടിയ 'ജനനായകൻ' ഒടിടി റിലീസിന് തയ്യാറെടുക്കുകയാണ്. ഓഗസ്റ്റ് 21 മുതൽ സീ ഫൈവിലൂടെ (ZEE5) ചിത്രം സ്ട്രീമിംഗ് ആരംഭിക്കും.

✅ വടക്കഞ്ചേരി പ്രാദേശിക വാർത്തകൾ

WhatsApp_ ലൂടെ വടക്കഞ്ചേരി, കിഴക്കഞ്ചേരി, കണ്ണമ്പ്ര, പുതുക്കോട്, വണ്ടാഴി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/Dv3kTdohvCmLbvlJqB0Pe2?mode=gi_t

19/08/2026

ഓണവിപണി ലക്ഷ്യമിട്ട് ഒരുക്കിയ ചെണ്ടുമല്ലിത്തോട്ടത്തിൽ വിളവെടുപ്പിന് തുടക്കമായി; മാതൃകയായി എരുമയൂരിലെ യുവസംരംഭകർ

🟥🟥2026 AUGUST 19🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

ആലത്തൂർ: അന്യസംസ്ഥാനങ്ങളിൽ നിന്നെത്തുന്ന പൂക്കളെ ആശ്രയിക്കുന്നതിന് പകരം ഓണപ്പൂക്കളത്തിന് ആവശ്യമായ പൂക്കൾ നാട്ടിൽ തന്നെ ഉൽപ്പാദിപ്പിക്കുക എന്ന ലക്ഷ്യത്തോടെ യുവസംരംഭകർ ഒരുക്കിയ ചെണ്ടുമല്ലിത്തോട്ടത്തിൽ വിളവെടുപ്പിന് തുടക്കമായി. എരുമയൂർ ഗ്രാമപഞ്ചായത്തിലെ പടിഞ്ഞാത്തറയിലാണ് യുവസംരംഭകരായ അജയകുമാർ, മനോജ്, നൗഫൽ എന്നിവർ ചേർന്ന് മനോഹരമായ ചെണ്ടുമല്ലിത്തോട്ടം ഒരുക്കിയിരിക്കുന്നത്.

മഞ്ഞയും ഓറഞ്ചും നിറങ്ങളിൽ പൂത്തുലഞ്ഞു നിൽക്കുന്ന തോട്ടത്തിലെ വിളവെടുപ്പ് ഉദ്ഘാടനം ആലത്തൂർ എം.എൽ.എ നിർവഹിച്ചു. വാർഡ് മെമ്പർ അലി അബ്ബാസിന്റെ സാന്നിധ്യത്തിൽ സംരംഭകരിൽ ഒരാളായ മനോജിന് എം.എൽ.എ ആദ്യ പുഷ്പം നൽകിക്കൊണ്ടാണ് വിളവെടുപ്പിന് തുടക്കം കുറിച്ചത്. അബൂബക്കർ സിദ്ദീഖ് എന്ന വ്യക്തിയുടെ പൂർണ്ണ പിന്തുണയും ഈ സംരംഭത്തിന് ലഭിച്ചിരുന്നു.

തമിഴ്‌നാട്ടിൽ നിന്നുള്ള പൂക്കളെ മാത്രം ആശ്രയിച്ചിരുന്ന ഓണക്കാലത്ത്, പ്രാദേശികമായി ചെണ്ടുമല്ലി കൃഷി വ്യാപിപ്പിക്കുന്നത് കർഷകർക്കും ഉപഭോക്താക്കൾക്കും ഒരുപോലെ ഗുണകരമാകുമെന്ന പ്രതീക്ഷയിലാണ് ഈ യുവാക്കൾ. ഇവരുടെ ഈ വിജയം കണ്ട് വരും വർഷങ്ങളിൽ കൂടുതൽ പേർ കൃഷിയിലേക്ക് ഇറങ്ങാൻ താല്പര്യം പ്രകടിപ്പിക്കുന്നുണ്ട്. കൃഷിയോടൊപ്പം സംരംഭകത്വവും കൂട്ടിയിണക്കി പടിഞ്ഞാത്തറയിലെ യുവാക്കൾ കാണിച്ച ഈ മാതൃക നാടിനാകെ പ്രചോദനമാവുകയാണ്.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e

16/08/2026

ആലത്തൂരിൽ തനിച്ചു താമസിക്കുന്ന സ്ത്രീകളുടെ വീട്ടിൽ കയറി ലൈംഗികാതിക്രമം; പ്രതി കൊച്ചിയിൽ പിടിയിലായി

🟥🟥2026 AUGUST 16🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

പാലക്കാട്: ആലത്തൂരിൽ ഒറ്റയ്ക്ക് താമസിക്കുന്ന രണ്ട് സ്ത്രീകൾക്ക് നേരെ ലൈംഗികാതിക്രമം നടത്തിയ ശേഷം ഒളിവിൽ പോയ പ്രതിയെ പോലീസ് പിടികൂടി. സംസ്ഥാനത്തിന് അകത്തും പുറത്തുമായി നിരവധി ക്രിമിനൽ കേസുകളിൽ പ്രതിയായ ആലത്തൂർ നെല്ലിയാങ്കുന്നം സ്വദേശി സുനീഷ് ആണ് പിടിയിലായത്. ശനിയാഴ്ച വൈകീട്ട് എറണാകുളം കുറുപ്പമ്പടിയിൽ നിന്നാണ് ഇയാളെ പോലീസ് അറസ്റ്റ് ചെയ്തത്.

ഓഗസ്റ്റ് എട്ടിനാണ് കേസിനാസ്പദമായ സംഭവം നടന്നത്. രണ്ടിടങ്ങളിലായി ഒറ്റയ്ക്ക് താമസിക്കുന്ന സ്ത്രീകളുടെ വീടുകളിൽ അതിക്രമിച്ചു കയറിയാണ് ഇയാൾ ലൈംഗികാതിക്രമം നടത്തിയത്. സ്ത്രീകൾ ബഹളം വെച്ചതിനെ തുടർന്ന് നാട്ടുകാർ ഓടിക്കൂടിയെങ്കിലും സുനീഷ് അവിടെ നിന്നും ഓടി രക്ഷപ്പെടുകയായിരുന്നു.

സംഭവത്തിന് ശേഷം എറണാകുളം ഭാഗത്ത് പ്രതി ഒളിവിൽ കഴിയുന്നതായി പോലീസിന് രഹസ്യവിവരം ലഭിച്ചിരുന്നു. തുടർന്ന് നടത്തിയ ഊർജ്ജിതമായ അന്വേഷണത്തിലാണ് കുറുപ്പമ്പടിയിൽ വെച്ച് പ്രതി പിടിയിലായത്. വിവിധ സ്റ്റേഷനുകളിലായി മോഷണം, ലഹരിക്കടത്ത് തുടങ്ങി നിരവധി കേസുകളിൽ പ്രതിയാണ് സുനീഷ്. തമിഴ്‌നാട്ടിൽ ഒരു മോഷണ കേസിൽ ശിക്ഷ അനുഭവിച്ച ശേഷം മൂന്നാഴ്ച മുൻപ് മാത്രമാണ് ഇയാൾ ജയിലിൽ നിന്നും പുറത്തിറങ്ങിയത്. ജയിൽ മോചിതനായി അധികം വൈകാതെയാണ് വീണ്ടും സമാനമായ കുറ്റകൃത്യങ്ങളിൽ ഇയാൾ ഏർപ്പെട്ടത്.

അറസ്റ്റിലായ സുനീഷിനെ ഇന്ന് തന്നെ മജിസ്ട്രേറ്റിന് മുന്നിൽ ഹാജരാക്കി തുടർനടപടികൾ സ്വീകരിക്കുമെന്ന് പോലീസ് അറിയിച്ചു.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e

14/08/2026

11/08/2026

10/08/2026

ആലത്തൂരിൽ കുടിവെള്ള വിതരണം നിലച്ചിട്ട് 20 ദിവസത്തിലേറെ; പഞ്ചായത്ത് ഓഫീസിൽ നാട്ടുകാരുടെ പ്രതിഷേധം

🟥🟥2026 AUGUST 10🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

ആലത്തൂർ : ഗ്രാമപഞ്ചായത്തിലെ വിവിധ പ്രദേശങ്ങളിൽ കുടിവെള്ള വിതരണം നിലച്ചിട്ട് 20 ദിവസത്തിലേറെയായതിൽ പ്രതിഷേധിച്ച് നാട്ടുകാർ പഞ്ചായത്ത് ഓഫീസിലേക്ക് പ്രതിഷേധ മാർച്ച് നടത്തി. കുടിവെള്ള പ്രശ്നത്തിന് അടിയന്തരമായി പരിഹാരം കാണാമെന്ന് പഞ്ചായത്ത് അസിസ്റ്റന്റ് സെക്രട്ടറി ഉറപ്പുനൽകിയതിനെ തുടർന്നാണ് സമരം അവസാനിപ്പിച്ചത്.

ആലത്തൂർ പഞ്ചായത്തിലെ 15-ാം വാർഡിൽ ഉൾപ്പെടുന്ന കീഴ്പ്പാടം, എലിക്കാട്ടുകുളമ്പ്, നാല് സെന്റ് തുടങ്ങിയ മേഖലകളിലാണ് ശുദ്ധജല വിതരണം പൂർണ്ണമായും മുടങ്ങിയത്. ദിവസങ്ങളായി വെള്ളം ലഭിക്കാത്തതിനാൽ ഈ പ്രദേശത്തെ നിരവധി കുടുംബങ്ങൾ വലിയ പ്രതിസന്ധിയിലാണ്. ദൈനംദിന ആവശ്യങ്ങൾക്ക് പോലും വെള്ളം ലഭിക്കാത്ത സാഹചര്യമാണെന്നും, കുടിവെള്ളത്തിനായി മറ്റു മാർഗ്ഗങ്ങളെ ആശ്രയിക്കേണ്ട ഗതികേടിലാണെന്നും പ്രദേശവാസികൾ പറയുന്നു. കുട്ടികൾക്ക് സ്കൂളിൽ പോകാനോ, അവർക്ക് ഭക്ഷണം ഉണ്ടാക്കി നൽകാനോ കഴിയാത്ത അവസ്ഥയാണ്. മഴവെള്ളം അരിച്ചും ചൂടാക്കിയുമാണ് പലരും കുടിവെള്ളമായി ഉപയോഗിക്കുന്നത്. പ്രദേശത്തെ അംഗനവാടിയിലടക്കം വെള്ളമില്ലാത്തതിനാൽ കുട്ടികൾക്ക് വരാൻ കഴിയാത്ത സാഹചര്യവുമുണ്ട്.

മോട്ടോർ തകരാറാണ് കുടിവെള്ള വിതരണം മുടങ്ങാൻ കാരണമെന്നാണ് വിവരം. നാല് മാസം മുൻപും സമാനമായി മൂന്നാഴ്ചയോളം കുടിവെള്ള വിതരണം നിലച്ചിരുന്നു. പ്രശ്നത്തിന് ശാശ്വത പരിഹാരം കാണാത്തതിൽ പ്രതിഷേധിച്ചാണ് പഞ്ചായത്ത് അംഗം എ. ഷാഹിദിന്റെ നേതൃത്വത്തിൽ പ്രദേശവാസികൾ പഞ്ചായത്ത് ഓഫീസിലെത്തി ഉപരോധിച്ചത്. അധികൃതരുമായി നടത്തിയ ചർച്ചയ്ക്ക് ഒടുവിൽ അസിസ്റ്റന്റ് സെക്രട്ടറി പ്രശ്നം എത്രയും വേഗം പരിഹരിക്കാമെന്നും, കേടായ മോട്ടോർ നന്നാക്കി ഉടൻ ജലവിതരണം പുനഃസ്ഥാപിക്കാമെന്നും ഉറപ്പുനൽകി.

അധികൃതരുടെ ഉറപ്പിന്മേൽ പ്രതിഷേധം താൽക്കാലികമായി അവസാനിപ്പിച്ചെങ്കിലും, നടപടികൾ ഉടൻ സ്വീകരിച്ചില്ലെങ്കിൽ സമരം കൂടുതൽ ശക്തമാക്കുമെന്ന് നാട്ടുകാർ മുന്നറിയിപ്പ് നൽകി.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e

04/08/2026

വീടുപണിക്കായി എടുത്ത താല്‍ക്കാലിക വൈദ്യുതി കണക്ഷൻ ദുരന്തമായി; അമ്മായിയമ്മയ്‌ക്ക് പിന്നാലെ മരുമകളും യാത്രയായി; ആലത്തൂർ തെന്നിലാപുരത്ത് അഴയില്‍ നിന്ന് ഷോക്കേറ്റ് ഗുരുതരാവസ്ഥയിലായിരുന്ന 36 കാരിയും മരിച്ചു

🟥🟥2026 AUGUST 04🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

ആലത്തൂർ: തെന്നിലാപുരത്ത് അഴയിൽ നിന്ന് ഷോക്കേറ്റ് ഗുരുതരമായി പരിക്കേറ്റ് ചികിത്സയിലായിരുന്ന യുവതിയും മരിച്ചു. തെന്നിലാപുരം വടക്കേത്തറ രാധാകൃഷ്ണന്റെ ഭാര്യ രാധിക (36) ആണ് ഇന്ന് രാവിലെ ആറുമണിയോടെ പാലക്കാട് ജില്ലാ ആശുപത്രിയിൽ വെച്ച് മരിച്ചത്. ഇതോടെ ഈ ദാരുണ അപകടത്തിൽ മരിച്ചവരുടെ എണ്ണം രണ്ടായി. രാധികയുടെ ഭർതൃമാതാവ് ശാരദ കഴിഞ്ഞ ശനിയാഴ്ച പുലർച്ചെ മരിച്ചിരുന്നു.

കഴിഞ്ഞ ജൂലൈ 24-നായിരുന്നു നാടിനെ നടുക്കിയ അപകടമുണ്ടായത്. വീട്ടുമുറ്റത്തെ ഇരുമ്പ് കഴുക്കോലിൽ നിന്ന് കെട്ടിവലിച്ച ഇരുമ്പ് കമ്പി ഉപയോഗിച്ചുള്ള അഴയിൽ തുണി വിരിക്കുന്നതിനിടെ ശാരദയ്ക്ക് ഷോക്കേൽക്കുകയായിരുന്നു. ഷോക്കേറ്റ് താഴെ വീണ ശാരദയെ രക്ഷിക്കാൻ ഓടിയെത്തിയപ്പോഴാണ് മരുമകളായ രാധികയ്ക്കും ഷോക്കേറ്റത്. തുടർന്ന് ഇത് കണ്ട് രാധികയെ പിടിക്കാൻ ശ്രമിച്ച അനുജന്റെ ഭാര്യ രേഷ്മയ്ക്കും ഷോക്കേറ്റെങ്കിലും പരുക്ക് ഗുരുതരമല്ലാതിരുന്നതിനാൽ ഇവർ ചികിത്സയ്ക്ക് ശേഷം ആശുപത്രി വിട്ടിരുന്നു.

ഗുരുതരമായി പരിക്കേറ്റ ശാരദയെയും രാധികയെയും ആദ്യം ഇരട്ടക്കുളത്തെ സ്വകാര്യ ആശുപത്രിയിലും പിന്നീട് പാലക്കാട് ജില്ലാ ആശുപത്രിയിലേക്കും മാറ്റുകയായിരുന്നു. വീട്ടുപണി നടന്നുകൊണ്ടിരുന്നതിനാൽ തൊട്ടടുത്ത് താൽക്കാലികമായി നിർമ്മിച്ച ഷെഡിൽ നിന്ന് ഇലക്ട്രിക് വയർ ഉപയോഗിച്ചാണ് വൈദ്യുതി കണക്ഷൻ എടുത്തിരുന്നത്. ഇതിലൂടെ വൈദ്യുതി ഇരുമ്പ് കഴുക്കോലിലേക്കും തുടർന്ന് അഴയിലേക്കും പ്രവഹിച്ചതാണ് അപകടത്തിന് കാരണമായതെന്നാണ് പ്രാഥമിക നിഗമനം.

സംഭവത്തിൽ പോലീസ് അന്വേഷണം പുരോഗമിക്കുകയാണ്. വൈദ്യുതി സുരക്ഷാ മാനദണ്ഡങ്ങളിൽ എന്തെങ്കിലും തരത്തിലുള്ള വീഴ്ചകൾ ഉണ്ടായിട്ടുണ്ടോ എന്നതുൾപ്പെടെയുള്ള എല്ലാ വശങ്ങളും അന്വേഷണ സംഘം വിശദമായി പരിശോധിച്ചുവരികയാണ്.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e

28/07/2026

കാവശ്ശേരിയിൽ റോഡ് നിർമ്മാണത്തിൽ രാഷ്ട്രീയ വിവേചനമെന്ന് പരാതി; യുഡിഎഫ് അനുഭാവിയുടെ വീടുൾപ്പെടെയുള്ള ഭാഗം ഒഴിവാക്കിയെന്ന് ആക്ഷേപം

🟥🟥2026 JULY 28🟥🟥
Join Our Whatsapp Group
https://chat.whatsapp.com/DXmAECcECda8HX5823Rc6e

ആലത്തൂർ: കാവശ്ശേരി ഗ്രാമപഞ്ചായത്തിൽ റോഡ് നിർമ്മാണത്തിൽ രാഷ്ട്രീയ വിവേചനം നടക്കുന്നതായി പരാതി. എൽഡിഎഫ് ഭരണസമിതിക്കെതിരെയാണ് പത്താം വാർഡിലെ യുഡിഎഫ് മുൻ സ്ഥാനാർത്ഥിയായിരുന്ന അബ്ദുൾ ഹസൻ പരാതിയുമായി രംഗത്തെത്തിയിരിക്കുന്നത്.

പത്താം വാർഡിൽ നിർമ്മിക്കുന്ന കനാൽ ബണ്ട് റോഡിന്റെ നിർമ്മാണത്തിലാണ് വിവേചനം കാണിച്ചിരിക്കുന്നത് എന്നാണ് ആക്ഷേപം. നേരത്തെ 180 മീറ്റർ നീളത്തിലായിരുന്നു റോഡിന്റെ എസ്റ്റിമേറ്റ് കണക്കാക്കിയിരുന്നത്. എന്നാൽ നിർമ്മാണം ആരംഭിച്ചപ്പോൾ അതിൽ നിന്ന് 50 മീറ്റർ വെട്ടിച്ചുരുക്കി. അബ്ദുൾ ഹസന്റെ വീടുൾപ്പെടെ രണ്ട് വീടുകൾക്ക് മുൻപിലൂടെയുള്ള ഭാഗമാണ് ഒഴിവാക്കിയിരിക്കുന്നത്. മുൻപ് നടന്ന തദ്ദേശ തിരഞ്ഞെടുപ്പിൽ ഐക്യജനാധിപത്യ മുന്നണിയുടെ സ്ഥാനാർത്ഥിയായി മത്സരിച്ചു എന്ന ഒറ്റ കാരണത്താലാണ് തന്നോട് ഈ രാഷ്ട്രീയ പകപോക്കൽ നടത്തുന്നതെന്ന് അബ്ദുൾ ഹസൻ ആരോപിക്കുന്നു.

ഇതുമായി ബന്ധപ്പെട്ട് പാലക്കാട് ജില്ലാ കലക്ടർക്കും തദ്ദേശ സ്വയംഭരണ വകുപ്പ് മന്ത്രിക്കും അബ്ദുൾ ഹസൻ പരാതി നൽകിയിട്ടുണ്ട്. ഇത്തരം രാഷ്ട്രീയ പകപോക്കലുകൾ ഒഴിവാക്കാൻ അധികൃതരുടെ ഭാഗത്ത് നിന്ന് കർശന നടപടികൾ ഉണ്ടാകണമെന്നും അദ്ദേഹം ആവശ്യപ്പെട്ടു.

✅ആലത്തൂർ പ്രാദേശിക വാർത്തകൾ

WhatsApp_ ലൂടെ ആലത്തൂർ, കാവശ്ശേരി, തരൂർ, എരിമയൂർ പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/DXmAECcECda8HX5823Rc6e