Nikhil Deore Stories

23/08/2025

22/08/2025

22/08/2025

बैलपोळा व दौलत: एक आठवण

बैलपोळा म्हणजे शेतकऱ्यांना जीवाला जीव देणाऱ्या बैलाचा सण. वर्षभर शेतकऱ्यांसाठी राब राब राबून त्यांच्या मुखात सुखाचा घास जावा यासाठी बैल वर्षभर मेहनत घेतं असतात. त्यामुळेच शेतकऱ्यांना बैल हा त्यांच्या कुटुंबातील एक सदस्यचं वाटतो. बैलांच्या या ऋणाला स्मरून त्यांना मनोमन धन्यवाद देण्यासाठी बैलपोळा हा उत्सव मोठ्या धामधुमीत ग्रामीण भागात साजरा केला जातो. ऑगस्ट महिन्यात मुसळधार पाऊस पडल्यानंतर जांभळट, श्वेत रंगाचं गवत जागोजागी उगवतात. आजूबाजूच्या परिसरात झाडे, झुडपे माने डोलावून फोफाट्याने उभी राहतात. याच ऑगस्ट महिन्यात पोळा हा सण येतो. बैलांना रंगरंगोटी करून त्यांना गोड धोळ खाऊ घालून हा सण महाराष्ट्रातील जवळपास प्रत्येक गावात साजरा केला जातो.

याच बैलपोळ्याची एक दुसरी आठवण म्हणजे इयत्ता सहावीतील 'दौलत ' हा धडा होय. दौलत एक स्वाभिमानी,रांगडा शेतकरी. रूढी, परंपरा जपणारं साधंभोळ व्यक्तिमत्व. दौलतच्या घरात पाणी शिरल्यामुळे तात्या देशमुख त्याला आपल्या वाड्यात राहायला जागा देतात. तात्या देशमुख म्हणजे गावातील असामी,वजनदार व्यक्ती शिवाय त्याचे उपकारकर्तेही. ऐन पोळ्याच्या सणाला ते आपल्या मुलाला तालुक्याला चित्रपट पाहायला नेण्यासाठी दौलतला गाडी जुंपायला सांगतात. दौलत मात्र त्यांना स्पष्ट नकार देतो. संपूर्ण वर्षभरात बैलांना फक्त एकच दिवस त्यांच्या कामातून सुट्टी देण्यात येते. त्या ही दिवशी बैलांना गाडीला, कामाला जुंपायचं म्हणजे आपल्या कुटुंबातील सदस्यावर अन्याय केल्यासारखं होतं. तर दुसरीकडे त्याचे उपकारकर्ते तात्या देशमुख होते. या संदिग्ध परिस्थितीतही दौलत जराही न डगमगता आपल्या मुक्या जनावरांना आपल्या बैलाच्या सणाला निवडतो. दौलत बैलांची सजावट करत असताना अचानक त्याला निरोप येतो की बाळू चव्हाण यांच्या मांडीत बैलाने आपले शिंग घुसवले आहे. त्याला लवकरात लवकर दवाखान्यात न्यायचे आहे. आज बैलपोळा असल्यामुळे कुणीही आपले बैल गाडीला जुंपायला तयार नाही. या परिस्थितीत दौलत आपल्या बैलांना गाडीला जुंपून बाळू चव्हाणाला तालुक्यातील रेल्वे स्टेशन पर्यंत पोहोचून देतो. तिथे त्याची भेट पुन्हा तात्या देशमुखांशी होते.
तात्या देशमुख क्रोधाने लालबुंद झालेले असतात. तेव्हा दौलत सांगू लागतो की
"सण केव्हाही साजरा करता येईल पण एकदा जर प्राण निघून गेले तर काय झालं असतं?" या शेवटच्या शब्दांनी दौलत या धड्याचा अंत होतो. आपल्या मुक्या जनावरावरील प्रेम, वात्सल्य आणि मानवतावादी दृष्टिकोन या दोन्हीही भावनेला सामायिकरीत्या वर्णन करणारा धडा म्हणजे "दौलत' होय. जेव्हा ही बैलपोळा येतो तेव्हा या धड्याची आठवणी मनाच्या आकाशात दाटून येतात.
---निखिल देवरे (Lawyer)

22/08/2025

शिंगे घासली वाशिंगे लावली
मंडोळी बांधली मोरकी आवळली
तोडे चढविले कासरा ओढला
घुंगूरमाळा वाजे खळाखळा
आज सण आहे बैलपोळा!
बैलपोळा सणाच्या हार्दिक शुभेच्छा!!💐💐💐

20/08/2025

मनाच्या पापूद्र्यात जेव्हा अपमानाच्या अश्रुंची थेंबे रुजली
जातात तेव्हा जन्माला येतं कधीही
पराजित न होणारं अजब रसायन!

निखिल देवरे

20/08/2025

दस्त : नारायण धारप

माणसाची सैतानी प्रवृत्ती माणसाला कुठल्या थरापर्यंत घेऊन जाते हे सांगणारी अभ्युतीक, भय कादंबरी म्हणजे नारायण धारप लिखित 'दस्त' होय. गोविंदराव दस्त या कादंबऱ्यातील मुख्य खलनायकी पात्र म्हणता येईल. वास्तविक या कादंबरीतील मुख्य पात्र जर कोणी असेल तर ते गोविंदराव दस्तचं आहे. नकारात्मक रस्त्यावर, सैतानी शक्तीचा उपयोग करून अमानवीय राक्षसाला कुमारीकेचं वासनिक सुखं देऊन त्या अघोरी शक्तीला आपला दास करणारं विनाशी रूप म्हणजे दस्त होय.

अचानकपणे दत्तू याला एक पत्र येतं आणि त्या पत्राबरोबरचं त्याच्या भाग्याचं चक्र उलट्या दिशेला फिरतं. अठरा विश्व दारिद्र उपभोगलेल्या दत्तूला सुखद धक्का बसतो. वारसा हक्काने मिळालेली ती सर्व संपत्ती, जमीन जुमला, तो वाडा सर्वकाही त्याच्यासाठी एखाद्या गोड स्वप्नासारखं होतं. पण एवढी संपत्ती प्राप्त होण्यासाठी त्याचं काही पूर्व कर्म होतं का? की त्या सर्वं श्रापित संपत्तीच्या मागे ही काही अनैसर्गिक शक्तीचा जहरी सर्प गिळायला बसला आहे. पवित्र विरुद्ध पवित्र शक्तीचा जबरदस्त टकराव म्हणजे ही कादंबरी होय. दत्तू, सविता, जबडे वकील, गोडे गुरुजी,विजय आणि गोविंदराव दस्त या पात्रांनी सज्ज असलेली ही कादंबरी शेवटपर्यंत मनाची उत्सुकता ताणून धरते. या कादंबरीमध्ये जेव्हा तळघळात प्रवेश होतो त्यानंतर जे तिमीर जग नारायण धारपांनी उभं केलं आहे त्यावरून त्यांची कल्पनाशक्ती किती विराट होती याची प्रचिती पावलोपावली येते.
---- निखिल देवरे
अशाच नवनवीन कथा, कादंबऱ्यांच्या रिव्ह्यूसाठी पेजला फॉलो करायला विसरू नका.

19/08/2025

Asia Cup 2025 साठी भारतीय संघ! 🇮🇳

19/08/2025

' 'अरे केहना क्या चाहतो हो भाई!' या डायलॉगने गाजलेले थ्री इडियट मधील प्रोफेसर अभिनेते अच्युत पोतदार यांच वयाच्या 91 व्या वर्षी निधन झालं.
अभिनेते अच्युत पोतदार यांना विनम्र श्रद्धांजली 🙏🏽💐💐💐

19/08/2025

सुहास शिरवळकर म्हटलं की भय, रहस्य, रोमांचक, गूढ, गुन्हेगारी, भयकथा, कादंबऱ्यांची जणू यादीच आपल्या नेत्रासमोर येते. त्यांच्या दुनियादारी आणि समांतर या कादंबऱ्यावर तर चित्रपट, वेब सिरीजसुद्धा येऊन गेली आहे. सुहास शिरवळकर यांनी तब्बल तीनशे पेक्षा अधिक कादंबऱ्यांचे लिखाण केले आहेत. त्यातील काही कादंबऱ्या अजूनही अज्ञात आहे. त्यांना दुर्मिळ कादंबऱ्या म्हणून संबोधले जाते. जुही ही प्रेमकथा म्हणजे त्यांनी आऊट ऑफ बॉक्स लिहिलेली कादंबरी आहे.

जुई एक अबोल मुक प्रेमकथा. शेखर अग्निहोत्री पेशाने वकील आणि लेखक हे या कादंबरीचं मुख्य पात्र आहे. कायम एकलकोंड्या स्वभावामुळे त्याच्या आयुष्याला मैत्रिणीचा सहवास कधीच लाभत नाही. अनावधानाने त्याच्या आयुष्यात येणारी पहिली मैत्रीण म्हणजे त्याची वहिणी जाई होय. या दोघांची मुक,अबोल प्रेम कथा म्हणजेच जाई होय. कादंबरीला कुठल्याही प्रकारच्या वासनेची महिरप नाही. मुळात ही कादंबरी मुक भावनेवर भाष्य करते. ज्यात दोन वेगवेगळे पात्र वेगळ्या पातळीवरून प्रेम या भावनेला अनुभवत असतात.
-- निखिल देवरे

अशाच नवनवीन कथा, कादंबरीच्या रिव्ह्यूसाठी पेजला फॉलो करायला विसरू नका!

18/08/2025

तो आणि ती
कथा : अनपेक्षित प्रवास

18/08/2025

भयकथाकार, गूढ, रहस्य, रोमांचक, भयकथा सम्राट नारायण धारप यांच्या पुण्यतिथी निमित्त विनम्र अभिवादन!💐💐🙏🏽🙏🏽

17/08/2025

तो आणि ती
कथा : भातुकलीच्या खेळामध्ये