20/11/2025
ഇലക്ഷൻ ഐഡി മുമ്പേ വന്നു
Pancard വന്നു ഇതുവരെ എല്ലാം ഓക്കേ.
പിന്നെ ആധാർ വന്നു,
അതിന് ശേഷം ആധാർ മൊബൈൽ നമ്പറിൽ link ചെയ്തു.
പിന്നെ bank അക്കൗണ്ട് link ചെയ്തു.
പിന്നെ ആധാറും pancard ഉം link ചെയ്തു.
അങ്ങനെ അങ്ങനെ ധാരാളം link കൾ.
ഇനിയിപ്പോ SIR.....
📌എന്താണ് S I R?
തീവ്ര വോട്ടർ പട്ടിക പരിഷ്കരണം(സ്പെഷ്യൽ ഇന്റൻസിവ് റിവിഷൻ)
📌എന്തിനാണ് S I R?
യോഗ്യരായ ഒരു വോട്ടറേയും ഒഴിവാക്കിയിട്ടില്ലെന്നും അർഹരല്ലാത്ത ഒരാളും ഉൾപ്പെട്ടി ട്ടില്ലെന്നും ഉറപ്പാക്കാനാണ് എസ് ഐ ആർ.മരണമടഞ്ഞവരെയും മറ്റും നിലനിർത്തിയിരിക്കുന്ന ചില വോട്ടർ പട്ടികകൾ ഇപ്പോഴും നിലവിലുണ്ട്. ഇതൊക്കെ ശുദ്ധീകരിക്കാനാണ് എസ് ഐ ആർ.
📌പൗരത്വ രേഖ ആവശ്യമുള്ളത് ആർക്കൊക്കെയാണ്?
18 വയസ്സ് പൂർത്തിയായവരെയാണ് വോട്ടർ പട്ടികയിൽ ഉൾപ്പെടുത്തുക.2002ലെ പട്ടികയിലുള്ളവർക്കും അവരുടെ മക്കൾക്കും പൗരത്വം തെളിയിക്കുന്ന രേഖ ഹാജരാക്കേണ്ടതില്ല. 2002ലെ പട്ടികയിൽ ബന്ധുക്കൾ ഉള്ളവർക്കും ഇളവു നൽകുമെന്ന് പറയുന്നുണ്ടെങ്കിലും, അതിൽ വ്യക്തതയില്ല..
📌എങ്ങനെയാണ് എസ് ഐ ആർ ഫോം കിട്ടുക?
ബൂത്തുകളിൽ നിയമിക്കുന്ന ബൂത്ത് ലെവൽ ഓഫിസർ (ബി.എൽ.ഒ) നിലവിലെ വോട്ടർമാർക്ക് എന്യൂമറേഷൻ ഫോമുകൾ എത്തിക്കും. പുതുതായി വോട്ട് ചേർക്കാൻ ഫോം സിക്സും ഒഴിവാക്കാൻ ഫോം സെവനും തിരുത്താനോ വോട്ടുമാറ്റാനോ ഫോം എയ്റ്റുമാണ് നൽകേണ്ടത്. താൽക്കാലികമായി സ്ഥലംമാറി നിൽക്കുന്നവർക്ക് ഓൺലൈനായും ഫോം സമർപ്പിക്കാം.
📌അന്തിമ പട്ടികയെ കുറിച്ച്?
ലഭിച്ച അപേക്ഷകളുടെ അടിസ്ഥാനത്തിൽ കരടു വോട്ടർപട്ടിക തയാറാക്കേണ്ടത് നിയമസഭാ മണ്ഡലത്തിൽ നിയോഗിച്ചിട്ടുള്ള ഇലക്ടറൽ രജിസ്ട്രേഷൻ ഓഫിസറാണ്. രേഖ ആവശ്യമുള്ളവർക്ക് ഇ.ആർ.ഒ നോട്ടീസ് അയക്കും. പിന്നീട് അന്തിമ പട്ടികയും പ്രസിദ്ധീകരിക്കും.
📌വോട്ടർ പട്ടികയിൽ പേരുള്ളവർ എസ് ഐ ആർ അപേക്ഷ നൽകേണ്ടത്?
2002 വോട്ടർ പട്ടികയിൽ സ്വന്തം പേരുള്ളവരും മാതാപിതാക്കളുടെ പേരുള്ളവരും വോട്ടർ പട്ടികയിൽ പേര് ചേർക്കാൻ അപേക്ഷ നൽകണം. എന്നാൽ അവർ അപേക്ഷക്കൊപ്പം പൗരത്വം തെളിയിക്കുന്നതിനുള്ള 12 രേഖകളിൽ ഒന്നും സമർപ്പിക്കേണ്ടതില്ല. കമീഷൻ പ്രസിദ്ധീകരിച്ച 2002ലെ വോട്ടർപട്ടികയിൽ പേരുള്ളതിന്റെ രേഖ നൽകിയാൽ മതി.
📌2002 ലെ വോട്ടർ പട്ടികയിൽ പേരില്ലെങ്കിൽ?
കേരളത്തിൽ 2002ലെ വോട്ടർപട്ടികയിൽ സ്വന്തം പേരോ മാതാപിതാക്കളുടെ പേരോ ഇല്ലാത്തവരെ ജനന തീയതിയുടെ അടിസ്ഥാനത്തിൽ തെരഞ്ഞെടുപ്പ് കമീഷൻ മൂന്നായി തരംതിരിച്ചിട്ടുണ്ട്. വോട്ടവകാശം ലഭിക്കാൻ ഇവർ സമർപ്പിക്കേണ്ട രേഖകളും കമീഷൻ വ്യക്തമാക്കിയിട്ടുണ്ട്.
1987 ജൂലൈ ഒന്നിന് മുമ്പ് ജനിച്ചവർ: സ്വന്തം ജനന തീയതിയും ജനന സ്ഥലവും തെളിയിക്കുന്ന രേഖ സമർപ്പിക്കണം.
1987 ജൂലൈ ഒന്നിനും 2004 ഡിസംബർ രണ്ടിനുമിടയിൽ ജനിച്ചവർ: സ്വന്തം ജനന തിയതിയും ജനന സ്ഥലവും തെളിയിക്കുന്ന രേഖ കൂടാതെ മാതാവിന്റെയോ പിതാവിന്റെയോ ഏതെങ്കിലുമൊരാളുടെ ജനന തിയതിയും ജനന സ്ഥലവും തെളിയിക്കുന്ന രേഖയും സമർപ്പിക്കണം.
2004 ഡിസംബർ രണ്ടിന് ശേഷം ജനിച്ചവർ: സ്വന്തം ജനന തിയതിയും ജനന സ്ഥലവും തെളിയിക്കുന്ന രേഖ കൂടാതെ രക്ഷിതാക്കളിൽ മാതാവിന്റെയും പിതാവിന്റെയും ജനന തിയതിയും ജനന സ്ഥലവും തെളിയിക്കുന്ന രേഖയും സമർപ്പിക്കണം. വോട്ടറുടെ രക്ഷിതാക്കളിൽ ആരെങ്കിലും ഇന്ത്യൻ പൗരൻ അല്ലെങ്കിൽ ജനന സമയത്തുള്ള രക്ഷിതാവിന്റെ വിസയുടെയും പാസ്പോർട്ടിന്റെയും പകർപ്പ് നൽകണം.
📌പൗരത്വം തെളിയിക്കാനുള്ള രേഖകൾ?
സർക്കാർ ജീവനക്കാരെങ്കിൽ ഐഡി കാർഡ്,
പെൻഷനറെങ്കിൽ പെൻഷൻ പേയ്മെന്‍റ് ഓർഡർ.
സർക്കാർ, പ്രാദേശിക ഭരണകൂടങ്ങൾ, ബാങ്കുകൾ, പോസ്‌റ്റ് ഓഫിസുകൾ, എൽ.ഐ.സി പൊതുമേഖലാ ബാങ്കുകൾ 1987നു മുമ്പ് ഇഷ്യു ചെയ്‌ത ഐ.ഡി കാർഡുകൾ.
ജനന സർട്ടിഫിക്കറ്റ്.
പാസ്പോർട്ട്.
സർവകലാശാലകളും ബോർഡുകളും നൽകുന്ന വിദ്യാഭ്യാസ സർട്ടിഫിക്കറ്റ്.
സ്‌ഥിരതാമസം തെളിയിക്കുന്ന സംസ്‌ഥാന സർക്കാർ സർട്ടിഫിക്കറ്റ്.
വനാവകാശ സർട്ടിഫിക്കറ്റ്.
ജാതി സർട്ടിഫിക്കറ്റ്.
നാഷനൽ രജിസ്ട്രാർ ഓഫ് സിറ്റിസൻസ്.
സംസ്‌ഥാനം തയാറാക്കുന്ന ഫാമിലി രജിസ്റ്റർ
സർക്കാർ ഭൂമിയോ വീടോ അനുവദിച്ചതിന്റെ സർട്ടിഫിക്കറ്റ്.
ആധാർ.
✍️സഫി അലി താഹ.
