06/08/2026
കഴിഞ്ഞ കുറച്ച് ദിവസങ്ങളായി സോഷ്യൽമീഡിയയിലെ പ്രധാന ചർച്ചാവിഷയം ലാലേട്ടനും കുടുംബവും തന്നെയാണ്! ഇന്ത്യൻ സിനിമയിലെ ഏറ്റവും വലിയ സൂപ്പർതാരങ്ങളിൽ ഒരാളായിരുന്നിട്ടും അച്ഛനായാലും അമ്മ സുചിത്രയായാലും മക്കളായ പ്രണവും വിസ്മയയും ആയാലും ആർക്കും ഒരു ജാഡയുമില്ലാത്ത പെരുമാറ്റമാണ്. മറ്റു സെലിബ്രിറ്റി കിഡ്സിൽ നിന്നൊക്കെ എന്തുകൊണ്ടും വേറിട്ടുനിൽക്കുന്നവർ! അച്ഛന്റെ സ്റ്റാർഡത്തിന്റെ തണലിൽ അഹങ്കരിക്കാനോ തിളങ്ങാനോ ഒന്നും രണ്ടുപേരും പോയിട്ടില്ല. പ്രണവിനോട് മലയാളികൾക്ക് എത്രത്തോളം സ്നേഹമുണ്ടോ, അതുപോലെ തന്നെ ഇപ്പോൾ വിസ്മയയ്ക്കും ആ സ്നേഹം കിട്ടുന്നുണ്ട്.
മക്കളാണെന്ന് കരുതി ഒരു കാര്യത്തിനും അവരെ ശാസിക്കാനോ നിയന്ത്രിക്കാനോ മോഹൻലാലും സുചിത്രയും നിൽക്കാറില്ല. രണ്ടുപേരും പഠിച്ചത് ബോർഡിങ്..സ്കൂളിലുമാണ്. താനും മക്കളും തമ്മിൽ ഒരു 'അറ്റാച്ച്ഡ്-ഡിറ്റാച്ച്ഡ്' (Attached-Detached) ബന്ധമാണുള്ളതെന്ന് ലാലേട്ടൻ മുൻപും പറഞ്ഞിട്ടുണ്ട്.
ഇപ്പോഴിതാ, മോഹൻലാലിന്റെ ഈ വ്യത്യസ്തമായ പാരന്റിങ് രീതിയെക്കുറിച്ച് ഫേസ്ബുക്കിൽ અનુ ചന്ദ്ര പങ്കുവെച്ച ഒരു കുറിപ്പ് വൻ ഹിറ്റാവുകയാണ്. മിക്ക രക്ഷിതാക്കൾക്കും മക്കളെ ജീവനായി സ്നേഹിക്കാൻ അറിയാം, പക്ഷെ ലാലേട്ടനെപ്പോലെ ആ സ്നേഹത്തിനുള്ളിൽ മക്കൾക്ക് അല്പം സ്വാതന്ത്ര്യത്തിന്റെ കാറ്റു ശ്വസിക്കാനുള്ള ഇടം നൽകാൻ പലർക്കും കഴിയാറില്ലെന്നാണ് അനു പറയുന്നത്.
ആ കുറിപ്പിന്റെ കാതൽ ഇങ്ങനെയാണ്:
"ബോർഡിങ് സ്കൂളിലെ ജീവിതം മക്കളെ എങ്ങനെ മാറ്റിയെന്ന ചോദ്യത്തിന് ലാലേട്ടന് വളരെ റിയലായ ഒരു മറുപടിയുണ്ട്. ബോർഡിങ് കാരണം അവർക്ക് കൂടുതൽ സ്വാതന്ത്ര്യം കിട്ടി, തങ്ങളോടുള്ള ആ അമിത അറ്റാച്ച്മെന്റ് ഇല്ലാതായി. അതായത്അറ്റാച്ച്ഡ്-ഡിറ്റാച്ച്മെന്റ്! എപ്പോഴും ബന്ധങ്ങൾക്കിടയിൽ കുറച്ച് സ്പേസ് വേണം. ആ സ്പേസ് അവർ നന്നായി ഉപയോഗിച്ചതുകൊണ്ടാണ് ഇത്രയധികം ട്രാവൽ ചെയ്യുന്ന ആളുകളായി അവർ മാറിയത്.
അറ്റാച്ച്ഡ്-ഡിറ്റാച്ച്മെന്റ് എന്ന് പറഞ്ഞാൽ അടുപ്പമുണ്ട്, പക്ഷെ പരസ്പരം ശ്വാസം മുട്ടിക്കുന്ന ആശ്രിതത്വമില്ല! ഒരാളെ സ്നേഹിക്കുക എന്നാൽ അയാളെ കെട്ടിയിടുക എന്നല്ല, അയാളുടെ സ്വാതന്ത്ര്യത്തെക്കൂടി സ്നേഹിക്കുക എന്നാണ്. ലാലേട്ടനെപ്പോലെയാകാൻ സാധാരണ മാതാപിതാക്കൾക്ക് അത്ര എളുപ്പമല്ല. പലരുടെയും സ്നേഹം അറിയാതെ തന്നെ നിയന്ത്രണവും ഉടമസ്ഥാവകാശവുമായി മാറും. ഇവിടെയാണ് ലാലേട്ടന്റെ ചിന്ത വേറിട്ടുനിൽക്കുന്നത്. മക്കൾക്ക് സ്വന്തം സാന്നിധ്യവും നൽകണം, അതേസമയം അച്ഛനമ്മമാരുടെ അഭാവത്തെ ഭയക്കാതെ അവരെ സ്വതന്ത്രമായി വളരാൻ അനുവദിക്കുകയും വേണം!"
പ്രണവിനെ നോക്കൂ, അപൂർവ്വമായി മാത്രം സിനിമ ചെയ്യുന്നു, ബാക്കി സമയം യാത്രകൾ! വിസ്മയയാകട്ടെ, എഴുത്തിലും അഭിനയത്തിലും തീയേറ്ററിലുമൊക്കെ സജീവമാണ്. ആക്ഷൻ രംഗങ്ങളും വഴങ്ങുന്ന മികച്ചൊരു കലാകാരി.
നാളെയാണ് വിസ്മയയുടെ ആദ്യ സിനിമ തിയേറ്ററുകളിലെത്തുന്നത്! ജൂഡ് ആന്തണിയാണ് ചിത്രം സംവിധാനം ചെയ്യുന്നത്. സിനിമയുടെ പ്രൊമോഷൻ തിരക്കുകളിലൊക്കെ വിസ്മയയും സജീവമായി ഉണ്ടായിരുന്നു. സിനിമ വൻ വിജയമാകട്ടെ, പ്രണവിനെയും ലാലേട്ടനെയും പോലെ വിസ്മയയും മലയാളികളുടെ നെഞ്ചിൽ സ്ഥാനം പിടിക്കട്ടെ!..
