Ravi Khandebharad

16/04/2026

रौद्र रूप धारण करणाऱ्या पाण्याची स्थिरता पाहून थोडा थांबलो. उगाचच पाण्याच्या खोलीचा अंदाज मनाशी बांधू लागलो. त्याचा तळ माझ्या मनाशी काही लागता लागेना. त्याचा तळ शोधता शोधता मी मनाचा तळ कधी शोधू लागलो हे मलाच कळाले नाही. मनात विचारांचा गोंधळ निर्माण झालेला असताना ते पाणी पाहून अचानक तो सर्व गोंधळ थांबला आणि मनाचा स्थिरतेच्या दिशेने प्रवास चालू झाला. या पात्राच्या काठी वसलेली लोकवस्ती किती भाग्यवान आहे नाही का मनाला वाटेल तेव्हा ते त्याच्या काठी जाऊन स्थिर होण्यासाठी बसु शकतात.

16/04/2026

“मी अजूनही स्वतःला शोधतोय… आणि हाच माझा सगळ्यात मोठा प्रवास आहे.”

13/04/2026

कधी कधी वर पाहिलं की… आयुष्य किती सुंदर आहे हे लक्षात येतं...

13/04/2026

10/04/2026

तुम्हाला जर भीती मुक्त जीवन जगायचं असेल. तर कुणाबद्दलही द्वेष, मत्सर ठेवू नका. प्रत्येक घटक हा आपलाच अंश आहे ही भावना आपल्या अंतःकरणात रुजवा. प्रत्येकाबद्दल दयाभाव, करुणाभाव, प्रेमभाव निर्माण करा. ही भावना जेव्हा संपूर्ण विश्वातील घटकाबद्दल निर्माण होते तेव्हा याची सकारात्मक प्रतिक्रिया आपल्याला प्रत्येक माणसात प्रतिबिंबित झाल्याचे दिसून येते. एखाद्याच्या मनात आपल्याला इजा पोहोचवण्याचा किंवा त्रास देण्याचा हेतू निर्माण झाल्यास तरीसुद्धा आपण त्याच्याकडे प्रेम भावनेने पहावे त्याच्यात परिवर्तन झाल्याशिवाय राहणार नाही. हे संपूर्ण विश्व आनंद स्वरूप आहे. इथला प्रत्येक माणूस हा चांगलाच आहे फक्त आपल्याला आपला दृष्टिकोन बदलण गरजेचा आहे. त्याचा आत्मा आणि माझा आत्मा हा भिन्न नसून तो एकच आहे याची जाणीव होणे गरजेचे आहे. या मऊ अंतःकरणातून अखंडीत प्रेमाचे तरंग निर्माण होऊ देत. तुम्ही सतत निर्भय स्थिती अनुभवाल...

09/04/2026

आयुष्यात एखादा महत्त्वाचा निर्णय घेतल्यावर तो आपल्याकडून चुकतो किंवा आपण कुणाकडून तरी फसवले जातो. ज्यात आपण आपली भावनिक किंवा आर्थिक खूप मोठी गुंतवणूक केलेली असते. तो एखादा व्यवसाय असू शकतो किंवा नाते असू शकते. ज्याला आपण आपल्या आयुष्याचा सर्वात मोठा अविभाज्य भाग मानत असतो. ज्यात आपण आपले कित्येक वर्षे वाया घातलेले असतात. ज्यात आपण प्रचंड मेहनत घेतलेली असते. मात्र तेच स्वप्न आपल्या डोळ्यादेखत उध्वस्त होतं. आणि आपण हताश होऊन केविलवाणे फक्त विव्हळत असतो. अंतःकरणातून इतक्या प्रचंड वेदना वाहतात की जीवन भकास वाटायला लागते, निरस वाटायला लागते. नियतीने केलेला हा क्रूर हल्ला समजून. आपल्या आयुष्याच्या ज्या चिंधड्या झाल्या त्या पुन्हा जमा करायच्या. आणि त्या वेदनेचा स्वीकार करून निरपेक्ष भावनेनं वाटचाल चालू करायची. जमा केलेल्या वाईट विचारांचा कचरा मागेच सोडून देऊन वाटसरूला वाट चालावीच लागेल. त्याच बरोबर हृदयात या विश्वाबद्दल अपार प्रेम भाव जागृत करून आपला आतला आवाज जिकडे म्हणेल तिकडे आपले ठिकाण शोधत चालायचे. शोध घेऊया त्या अनाकलनीय रहस्यमय जीवनाचा...

08/04/2026

जीवन जगत असताना अनेक प्रश्नांची उत्तरे ही अनुत्तरित राहतात. आणि कितीही शोध घेतला तरीही ती कुठेच सापडत नाही. मग मनात अस्थिरतेच काहूर उठतं आणि आपण कासावीस होतो. त्यांचा शोध घेण्यापेक्षा आतला शोध घ्या. अनुभवा एक अविरत शांती.

07/04/2026

07/04/2026

ज्या मैदानात (युद्धात) आपण हरलो त्याच ठिकाणी जर आपण परत परत शोधण्याचा प्रयत्न केला तर आपल्या पदरी घोर निराशा पडेल. शोध घ्या नव्या आव्हानांचा आणि तुटून पडा. विजय तुमचाच असेल.

06/04/2026

आयुष्यात खुप उंचावरून (जोरात) पडल्याशिवाय आपण पेटून उठत नाही. जेव्हा उठतो तेव्हा आपला नवा जन्म होतो...