21/08/2025
GSMC dabianiko President of India Smt Droupadi Murmu on.a.
Garoland State Movement Committee (GSMC) A.chik A.songni nangarangko janape India gimikni Tribal rangoni unikoa 15th gipa India-ni President-ni mande ra.ako man.a kragipa Droupadi Murmu, uni donram Rastrabati Bhavan, New Delhi-o grongeaha. President of India-ni okkamatako man.e uni noko uming baksa agangrikna chol man.aha. Ia India gimikni Tribal-rangni tom.bimonganiko Tribal Ministry, Government of India ong.atangaha. India gimik Tribal-rangni tom.bimongani salo gimik sak 6 kosan aganna on.aiaha. Uano-ni A.chik A.songoni seoke agannako mangipa Garo Autonomous District Council (GDC)-ni gitcham Chief Executive Member Pa Boston Ch. Marak agana cholko man.aha.
President of India Ma Droupadi Murmu-ni mikkango Pa Boston Ch. Marak-ni agangipara, "A.chik A.songni man.e chagipa A.chik Ku.sikko India Ma.ambi-ni bilo gannate 8th Schedule napate A.chik ku.ko gamchate ra.china unia India gimiko jakkaltogipa ong.atna ong.a. Mingipin ANVC-ni dilgipa gitcham Pa Dilash Marak gitcham Chairman, ANVC, Pa Wanding K. Marak, gitcham Jakrikra, ANVC-na Accord unia dingtang A.dokko on.china aganaha. Maina ANVC-ni Agreed of Text Settlement sorkari Meghalaya unikoa Government of India baksa 2014 bilsio kagipako tarake chusokate on.china miksonge agannaha. Iako chusokatgenchimode Government of India-ni tangka-rangko chammatgipako state nangatgija miksongani ong.a, dao gita Garo Autonomous Council (GDC) nengnikani dongjawachim. Gimik A.chik A.songni nengnikanirangko mingprakprak onggija changsanon gimikon chusokate Garoland State-na agannaha".
A.chik manderangna dingtang Garoland State-na dabianganiara gitcham A.chik dilgiparang ramako me.sokangaha. Matgrik gitchamrangni re.dilgiparangara jemangan chasongtango miksonge dabigiparangara iarangan Matgrik Sonaram R. Snagma, Mathrik Mody K. Marak, Emonsing M. Sangma, Clifford R. Marak, Matgrik Purno K. Sangma, dilgiparang dabiangaha.
Garoland State-na India-ni ma.ambio bilko jekon jakkalna on.manaha uno pangchake an.ching A.chikrang dabienga. GSMC dolni miksonganiara jatangan, jatangchi, jatangonan democracy ni bilo niam ainchi dabienga. Delhi songjinmaona sokange Garoland State-na dabigiparangara Te Balkarin Ch. Marak, Acting Chairman, Chevibirth K. Marak, Publicity Secretary, Tony Balsam Ch. Marak, Assistant General Secretary, Jason Tekrang M. Sangma, Organising Secretary, Amrish Ch. Marak unikoa A.chik A.songni jattangni Jakgitel-laniko nangnigipa A.chik dilgiparang Pa Boston Ch. Marak, gitcham CEM, GDC, Tura unia East Garo Hills-ni dilgipa Pa Thomas N. Marak gisik nangen India-ni skotongo grongaha.
Mikkangchiba Garoland State-na A.chik A.songni manderang GSMC ja.ku ga.anio namen jakko on.enga unia Nokgipao bichakenga, Uni cholko on.anigimin Garoland State-na ku.rang on.a, a.songni chubatgipa dilgiparangko gronge aganpana cholko on.enga.
