06/08/2026
ରାଜନଗର ପ୍ରାଥମିକ କୃଷି ସମବାୟ ସମିତିର ନିଲମ୍ବନ ସମ୍ପାଦକ ଜ୍ଞାନ ରଞ୍ଜନ ନାୟକ ଗତ ଜୁନ ଜୁନ ମାସ ୨୪ ତାରିଖରେ ସୋସାଇଟିର ବ୍ୟାପକ ଦୁର୍ନୀତି ଓ ଖାତାଖତିଆନ ତ୍ରୁଟି ଯୋଗୁଁ ଏଆରସିଏସ ଯୋଗେନ୍ଦ୍ର ନାଥ ବିଶ୍ୱାଳ ତାଙ୍କୁ ନିଲମ୍ବନ କରି ତାଙ୍କ ସ୍ଥାନରେ ଭାଟପଡା ପ୍ରାଥମିକ କୃଷି ସମବାୟ ସମିତିର ସମ୍ପାଦକ ନୀଳମଣି ପ୍ରଧାନ ଙ୍କୁ ରାଜନଗର ସୋସାଇଟିର ଦାୟିତ୍ୱ ନେବା ପାଇଁ ଅର୍ଡର ଜାରି କରିଥିଲେ କିନ୍ତୁ ଦୁଃଖ ଓ ପରୀତାପ ର ବିଷୟ ରାଜନଗର ସୋସାଇଟି ବୋର୍ଡ ସଭାପତି ଦଧି ବାମନ ଭୂୟାଁ ନୀଳମଣି ପ୍ରଧାନ ଙ୍କୁ ରାଜନଗର ସୋସାଇଟି ଦାୟିତ୍ୱ ନେବାକୁ ଦେଲେ ନାହିଁ, ଫଳରେ ବିଳମ୍ବ ହେବାରୁ ଚାଷୀ ସାର କିମ୍ବା ଇନ୍ସୁରାନ୍ସ ର ସେବା ପାଇପାରିଲେ ନାହିଁ। ଏହାକୁ ନେଇ ସମସ୍ତ ଘଟଣାର ବିଷୟବସ୍ତୁ ଅନୁଯାଇ ଜିଲ୍ଲାପାଳ ଓ ସାଂସଦ ବୈଜୟନ୍ତ ପଣ୍ଡା ଙ୍କ ଦ୍ୱାରସ୍ତ ହୋଇଥିଲେ। ଜିଲ୍ଲାପାଳ ଓ ସାଂସଦ ବୈଜୟନ୍ତ ପଣ୍ଡା ଚାଷୀ ଙ୍କ ଦୁଃଖ ବୁଝି ରାଜନଗର ସୋସାଇଟିରେ ନୂତନ ସମ୍ପାଦକ ଦାୟିତ୍ୱ କାହାକୁ ଦେବାକୁ ଡିଆରସିଏସ ଙ୍କ ପକ୍ଷରୁ ସୋସାଇଟି କୁ ଚିଠି କରିଥିଲେ କିନ୍ତୁ ତାହା ଦୀର୍ଘ ଦିନ ବିତିଯାଇଥିଲେ ସୁଦ୍ଧା କାହାକୁ ରାଜନଗରର ଦାୟିତ୍ୱ ମିଳିନଥିଲା, ଥା ଥା ମେ ମେ ରେ ଗତକାଲି ରାଜନଗର କଟକ କେନ୍ଦ୍ର ସମବାୟ ବ୍ୟାଙ୍କ ଲିଃ ର କର୍ମଚାରୀ ବିକାଶ ପ୍ରଶାଦ ସିଂ ଙ୍କୁ ଡିଆରସିସି ଙ୍କ ଚିଠି ସଂଖ୍ୟା ୧୫୧୦ ଅନୁଯାଇ ରାଜନଗର ସୋସାଇଟିର ଆଡିଶନାଲ ସମ୍ପାଦକ ରୂପେ ବୋର୍ଡ ସଭାପତି ଦଧି ବାମନ ଭୂୟାଁ ଦସ୍ତଖତ ଦେଇ ସ୍ୱୀକୃତ ଦେଇଛନ୍ତି। ଏହାପରେ ବ୍ୟାଙ୍କ କର୍ମଚାରୀ ବିକାଶ ପ୍ରସାଦ ସିଂ ରାଜନଗର ସୋସାଇଟିରେ ସମ୍ପାଦକ ରୂପେ ନିଯୁକ୍ତ ହେବା ପରେ ଚାଷୀଙ୍କ ମଧ୍ୟରେ ଖୁସି ସହିତ ଭୀଷଣ ରାଗ ଦେଖିବାକୁ ମିଳିଛି। ଚାଷୀଙ୍କ ଅଭିଯୋଗ ଅନୁଯାଇ ଜ୍ଞାନ ରଞ୍ଜନ ନାୟକ ନିଲମ୍ବନ ହେବା ପରେ ତାଙ୍କୁ ସୁରକ୍ଷା ଦେବା ପାଇଁ ରାଜନଗର ବିଧାୟକ ଧ୍ରୁବ ଚରଣ ସାହୁ ପାରୁ ପର୍ଯ୍ୟନ୍ତ ଚେଷ୍ଟା କରିଥିଲେ, ନୀଳମଣି ପ୍ରଧାନ ଙ୍କ ସମେତ ଅନ୍ୟ ସୋସାଇଟି ସମ୍ପାଦକ, ବ୍ୟାଙ୍କ ମ୍ୟାନେଜର ବିଶ୍ୱ ପ୍ରକାଶ ସାମଲ ଏବଂ ରାଜନଗର ବୋର୍ଡ ସଭାପତି ଦଧି ବାମନ ଭୂୟାଁ ଙ୍କୁ ନିର୍ଦ୍ଧେଶ ଦେଇଥିଲେ ଯେ କେହି ବି ଜ୍ଞାନ ବ୍ୟତୀତ ରାଜନଗର ସୋସାଇଟିର ଦାୟିତ୍ୱ ନେବେ ନାହିଁ. ଜ୍ଞାନ ରଞ୍ଜନ ତ୍ରୁଟି ଥିବା କାଗଜ ପତ୍ର କୁ ଠିକ କରିବା ପାଇଁ ବ୍ୟାଙ୍କ ମ୍ୟାନେଜର ଓ ନୀଳମଣି ପ୍ରଧାନ ଓ ଅନ୍ୟ ସୋସାଇଟି ସମ୍ପାଦକ ଙ୍କୁ କହିଥିଲେ, ସେମାନେ ମଧ୍ୟ ସମସ୍ତ କାଗଜ ପତ୍ର ଠିକ କରି ଜ୍ଞାନ ରଞ୍ଜନ ଙ୍କୁ ପୁନର୍ବାର ରାଜନଗର ସୋସାଇଟିରେ ରଖବାକୁ ବ୍ୟବସ୍ଥା ସାରିଥିଲା କିନ୍ତୁ ଚାଷୀ ମାନଙ୍କ ଅଭିଯୋଗ ପତ୍ର ବଳରେ ଡିଆରସିସି ଙ୍କ ଚିଠିରେ ବ୍ୟାଙ୍କ କର୍ମଚାରୀ ବିକାଶ ପ୍ରସାଦ ସିଂ ରାଜନଗର ସୋସାଇଟିର ଦାୟିତ୍ୱ ନେଲେ। ହେଲେ ବ୍ୟାଙ୍କ ମ୍ୟାନେଜର ବିକାଶ ପ୍ରସାଦ ସିଂ ରାଜନଗର ସୋସାଇଟି ଦାୟିତ୍ୱ ନେବା ପଛରେ ବିଧାୟକ ଧ୍ରୁବ ଚରଣ ସାହୁ ଓ ବ୍ୟାଙ୍କ ମ୍ୟାନେଜର ଏବଂ ନିର୍ଦ୍ଧିଷ୍ଟ ସୋସାଇଟି ସମ୍ପାଦକ ଗୋଷ୍ଠୀ ବଡ଼ ଯୋଜନା କରିଛନ୍ତି। ବ୍ୟାଙ୍କ କର୍ମଚାରୀ ଙ୍କୁ ଆଗରେ ରଖି ନିଲମ୍ବନ ସମ୍ପାଦକ ଜ୍ଞାନ ରଞ୍ଜନ ଙ୍କ ଦ୍ୱାରା ରାଜନଗର ସୋସାଇଟିରେ କାର୍ଯ୍ୟ ଜାରି ରଖିବା ପାଇଁ କିନ୍ତୁ ଏହାକୁ ଚାଷୀ ତୀବ୍ର ବିରୋଧ କରି ଗତକାଲି ରାଜନଗର ସୋସାଇଟି ସମ୍ମୁଖରେ ବିଧାୟକ ଧ୍ରୁବ ସାହୁ ଓ ନିଲମ୍ବିତ ସମ୍ପାଦକ ଜ୍ଞାନ ରଞ୍ଜନ ନାୟକ ଙ୍କୁ କଢ଼ା ଚେତାବନୀ ଦେଇଛନ୍ତି ଯଦି କୌଣସି ପରିସ୍ଥିତିରେ ଜ୍ଞାନ ରଞ୍ଜନ ନାୟକ ରାଜନଗର ସୋସାଇଟିରେ ପାଦ ଦିଅନ୍ତି ତେବେ ଚାଷୀ କହିଛନ୍ତି ବିରାଟ ଆନ୍ଦୋଳନ ସହିତ ରାଜନଗର ସୋସାଇଟିରେ ସବୁଦିନ ପାଇଁ ତାଲା ଝୁଲେଇବେ। ଅନ୍ୟ ପଟେ ବିଧାୟକଙ୍କୁ ଟାର୍ଗେଟ କରି ଚାଷୀ କହିଛନ୍ତି ଆଗାମୀ ପଞ୍ଚାୟତ ନିର୍ବାଚନରେ ଚାଷୀ ମାନଙ୍କ ପ୍ରତି ଅନ୍ୟାୟ କରିଥିବା ବିଧାୟକ ଧ୍ରୁବ ସାହୁ ଙ୍କ ବିରୋଧରେ ବଡ଼ ପ୍ରଚାର କରି ଉଚିତ ଜବାବ ଦେବେ ବୋଲି।
