12/08/2025
အမှားတွေဆီက သင်ယူပါ
( ဘဝဆိုတာ---သင်ယူဖို့ပါ )
****************************
အမှားတွေဆီက
သင်ယူတတ်တဲ့သူက ပိုတော်လာတယ်။
နာကျင်မှုတွေကို
ခံနိုင်ရည်ရှိသွားတဲ့သူတွေက
ပိုရင့်ကျက်လာတယ်။
မျက်ရည်ကို
ဆေးဖတ်ဝင်အောင် အသုံးချတတ်သူတွေက ခံစားမလွယ်တော့ဘဲနဲ့
ပိုမာကျောသွားတယ်။
ပျော့ညံ့တဲ့စိတ်ဓာက်ကို
မခံချင်စိတ်အဖြစ် ပြောင်းလဲလိုက်တဲ့အခါ အဲ့ဒီသူရဲ့အနာဂတ်ဟာ
ပိုတောက်ပလာတယ်။
လဲကျတာကို
အရှုံးလို့ မသတ်မှတ်တဲ့သူတွေက
အောင်မြင်မှုနဲ့ ပိုနီးသွားတယ်။
နားလည်ပေးတတ်တဲ့သူက
အမုန်းနဲ့ ဒေါသတွေကင်းပြီး
ပိုအေးချမ်းတယ်။
ခွင့်လွှတ်ပေးတတ်တဲ့သူက ပိုပြည့်ဝပြီး လွတ်မြောက်မှုကို ခံစားရတယ်။
သည်းခံတတ်တဲ့သူက
ရန်မများဘဲ ကိုယ့်စိတ်နဲ့ကိုယ် နေနိုင်သွားတယ်။
သူ့နေရာမှာ ငါသာဆိုပြီး
ကိုယ်ချင်းစာပေးတတ်တဲ့သူက
လူ ပီ သ သွား တယ်။
ငါ ဘာယူသွားမလဲဆိုတဲ့စိတ်နဲ့ မရှင်သန်နဲ့ ငါ ဘာပေးခဲ့ရမလဲဆိုတဲ့စိတ်နဲ့ပဲ ရှင်သန်ပါ။
မတော်လို့ တစ်ခုခုလွဲချော်သွားရင်
ငါတော့ မှားသွားပြီးလို့ မတွေးပါနဲ့။
တကယ်တော့ ဘဝဆိုတာ
အရှုံးတွေနဲ့ ပြိုလဲနေဖို့မဟုတ်ဘူး။
ဘဝဆိုတာ
အမှားတွေဆီက သင်ယူဖို့ပါ။
#မေတ္တာဖြင့်ပြန်လည်မျှဝေပါသည်
***********************************
