04/08/2025
পদ্মশ্ৰী পাৰ্বতী বৰুৱা, ভাৰতবৰ্ষৰ প্ৰথম গৰাকী মহিলা মাউত।
ভাৰতবৰ্ষৰ প্ৰথম গৰাকী গৰাকী মহিলা মাউত ৰূপে পৰিচিত পাৰ্বতী বৰুৱা আছিল এগৰাকী ৰাজবংশৰ কন্যা। পিতৃ আছিল গৌৰীপুৰ ৰাজপৰিয়ালৰ অন্তিম জন ৰজা প্ৰকৃতিশ চন্দ্ৰ বৰুৱা।ৰাজ পৰিয়ালৰ কন্যা হিচাপে পাৰ্বতী বৰুৱাই এক বিলাসী জীৱন যাপন কৰিব পাৰিলেহেঁতেন কিন্তু তাৰ বিপৰীতে তেওঁ বাছি লৈছিল এক বিশেষ পথ । তেওঁ ঠিক কৰিছিল তেওঁ হাতীৰ মাউত হ'ব।
(কৰ্ম জীৱন)
পাৰ্বতী বৰুৱাৰ পিতৃৰ হাতীশালত আছিল ৪০ টা হাতী । দেউতাকৰ উত্তৰাধিকাৰী হিচাপে পাৰ্বতী বৰুৱাই দেউতাকৰ পৰা হাতীৰ বিষয়ে অসাধাৰণ জ্ঞান লাভ কৰিছিল।১৯৭০ চনত ভাৰতৰ বিভিন্ন অঞ্চলৰ ৰাজবংশ সমূহৰ ব্যয় নিৰ্বাহাৰ্থক ভাত্তা বিলুপ্ত কৰা কাৰ্যই বিভিন্ন ৰাজপৰিয়ালৰ বিশেষাধিকাৰ আৰু ক্ষমতা নিৰ্মূল কৰা হয়। ফলত পাৰ্বতী বৰুৱাহতৰো একে দশাই হৈছিল।
পিছত পাৰ্বতী বৰুৱা আৰু তেওঁৰ পিতৃয়ে বনৰীয়া হাতী ধৰি আৰু বশ কৰি গংগা নদীৰ কাষৰ সোনপুৰ মেলাত বিক্ৰী কৰাৰ ব্যৱসায়ত নামি পৰিছিল। পাৰ্বতী বৰুৱা আৰু তেওঁৰ পিতৃয়ে ধৰা হাতী আজিও বিভিন্ন হিন্দু মন্দিৰ,ৰাজ প্ৰসাদ তথা বিভিন্ন অভয়াৰণ্যত পৰ্যটকৰ বাবে ব্যৱহাৰ কৰা দেখা যায়। এনেকৈয়ে পিতৃৰ লগত হাতী ধৰা কাম আৰম্ভ কৰি হাতী ধৰা এটা কৌশল ' মেলা চিকাৰ ' পদ্ধতি আয়ত্ব কৰিছিল। আৰু ইয়াৰ পৰাই পাৰ্বতী বৰুৱাই কৰ্ম জীৱনৰ আৰম্ভনি কৰি পৰৱৰ্তী সময়ত বনৰীয়া হাতী ধৰা আৰু প্ৰশিক্ষণ দিয়া কাৰ্য কৰিছিল। ইয়াৰ উপৰিও পাৰ্বতী বৰুৱাই হাতী সম্পৰ্কীয় বিভিন্ন কাৰ্য অব্যাহত ৰাখিছিল। উল্লেখযোগ্য যে পাৰ্বতী বৰুৱাই ১৪ বছৰ বয়সতেই জীৱনৰ প্ৰথমটো হাতী ধৰিছিল। 'ডিছক'ভাৰী ' চেনেলে পাৰ্বতী বৰুৱাৰ ওপৰত তথ্য চিত্ৰ নিৰ্মান কৰি তেওঁক ' কুইন আৱ দ্যা এলিফেন্টছ ' আখ্যা দিয়ে। ইয়াৰ উপৰিও ৰাষ্ট্ৰসংঘই তেওঁলৈ ' গ্লোবেল ৫০০' বঁটা আগবঢ়ায়। ইয়াৰ উপৰিও তেওঁৰ কাৰ্য আৰু সাধনাৰ বাবে ভাৰত চৰকাৰে অসমৰ গৌৰৱ পাৰ্বতী বৰুৱালৈ পদ্মশ্ৰী সন্মান আগবঢ়ায়। ইয়াৰ উপৰিও পাৰ্বতী বৰুৱাৰ ওপৰত বিভিন্ন তথ্য চিত্ৰ নিৰ্মান কৰা হৈছে।
