Express Tales

13/07/2025

13/07/2025

12/07/2025

🚀 শুভাংশু শুক্লাৰ মহাকাশ অভিযানৰ বিষয়ে:

1.শুভাংশু শুক্লা হৈছে প্ৰথম ISRO মহাকাশচাৰী, যিয়ে আন্তৰ্জাতিক মহাকাশ কেন্দ্ৰ (ISS)-লৈ গৈছে।

তেওঁ হৈছে দ্বিতীয়জন ভাৰতীয়, যিয়ে মহাকাশ ভ্ৰমণ কৰিলে — প্ৰথমজন আছিল ৰাকেশ শৰ্মা (1984)।

তেওঁৰ মিছনটো আছিল Axiom Mission 4, যি এখন বেছৰৰকাৰী মহাকাশ যাত্ৰা আছিল — ISRO, NASA আৰু SpaceX-ৰ সহযোগত।

2. বৈজ্ঞানিক পৰীক্ষা আৰু অভিজ্ঞান:

তেওঁ 60ৰো অধিক বিজ্ঞান পৰীক্ষা কৰিছিল, য’ত অন্ততঃ 7টা ভাৰতীয় পৰীক্ষা অন্তৰ্ভুক্ত আছিল।

তেওঁ মেথি আৰু মুগৰ বীজ মহাকাশত অংকুৰিত কৰি পৰীক্ষা কৰিছিল — মাধ্যাকর্ষণ শূন্যত উদ্ভিদ কেনেদৰে বৃদ্ধিৰে সেয়া অধ্যয়ন কৰিবলৈ।

আন পৰীক্ষাবোৰত আছিল টাৰ্ডিগ্ৰেডৰ জীৱন ধাৰণক্ষমতা, মানৱ পেশীৰ হ্ৰাস, আৰু “Screens in Space”-ৰ জৰিয়তে মগজুৰ ওপৰত প্ৰভাৱ অধ্যয়ন।

3. মহাকাশত ‘Joy’ নামৰ হাঁহ:

তেওঁ এখন হাঁহৰ খেলনা লৈ গৈছিল, যাক “Joy” বুলি কোৱা হৈছিল — এইটো আছিল Zero-G Indicator (মহাকাশত ওজনহীনতাৰ সূচক)।

এই হাঁহটো ভাৰতীয় সংস্কৃতিৰ জ্ঞান আৰু পৱিত্ৰতাৰ প্ৰতীক হিচাপে লৈ যোৱা হৈছিল।

4. মহাকাশ কৃষি = ভৱিষ্যতৰ কৃষি:

শুক্লাই কৈছিল — “মেথি আৰু মুগ অংকুৰিত কৰা এটি আনন্দদায়ক আৰু উৎসাহজনক অভিজ্ঞতা আছিল।”

এই অংকুৰসমূহ ভাৰতলৈ পঠিওৱা হৈছে যাতে তাৰ ওপৰত আৰু genetic আৰু পুষ্টি বিজ্ঞানৰ অধ্যয়ন কৰিব পৰা যাব।

5. বিশ্ব সহযোগিতা আৰু শিক্ষা সংযোগ:

এই ১৪ দিনীয়া মিছনত ৩১ খন দেশ অংশগ্ৰহণ কৰিছে:

তেওঁ পেগী হুইটছন (USA), উজনানস্কি (Poland), আৰু কাপু (Hungary)ৰ সৈতে একেলগে কাম কৰিছে।

তেওঁ PM মোদীৰ সৈতে লাইভ ভিডিঅ’ ক’ল, ছাত্ৰ-ছাত্ৰীসকলৰ সৈতে কথা পাতিছে, আৰু STEM শিক্ষা কাৰ্যসূচী অংশগ্ৰহণ কৰিছে।

📚 শিক্ষাৰ্থীসকলৰ বাবে কিয় ই গুৰুত্বপূৰ্ণ?

এই মহাকাশ অভিযানে বিজ্ঞান, মহাকাশ আৰু অধ্যয়নৰ প্ৰতি উৎসাহ যোগাব।

মহাকাশ কৃষি আৰু উদ্ভিদ পৰীক্ষাই ভৱিষ্যতৰ খাদ্য সুৰক্ষাৰ পথ দেখুৱাব।

“Joy” হাঁহ লৈ যোৱাৰ জৰিয়তে তেওঁ দেখুৱাইছে — সংস্কৃতি আৰু বিজ্ঞান একেলগে মহাকাশলৈ যাব পাৰে।

💡 *গুৰুত্বপূৰ্ণ*

গ্ৰুপ কেপ্টেইন শুভাংশু শুক্লা হৈছে প্ৰথমজন ভাৰতীয়, যিয়ে ISS-লৈ গৈছে 🚀

তেওঁ মহাকাশত মেথি-মুগ উৰুৱালে, টাৰ্ডিগ্ৰেড পৰীক্ষা কৰিলে, আৰু এখন হাঁহ খেলনা ‘Joy’ লৈ ভাৰতীয় সংস্কৃতিক মহাকাশলৈ লৈ গ’ল।

বিশ্বৰ ৩১ খন দেশৰ সৈতে একেলগে কাম কৰি, তেওঁ ছাত্ৰ-ছাত্ৰীৰ সৈতে Video Call-যোগে সংযোগ ৰাখিলে।

🚀 শুভাংশু শুক্লা: শীঘ্ৰেই মহাকাশৰ পৰা ঘূৰি আহিব:

14 জুলাই ISS-ৰ পৰা বিচ্ছিন্ন হৈ তেওঁ SpaceX Crew Dragon ‘Grace’ কেপছিউলযোগে 15 জুলাইত ক্যালিফোৰ্নিয়াৰ উপকূলত Splashdown কৰাৰ সম্ভাৱনা আছে।

মেথি, মুগ, টাৰ্ডিগ্ৰেড, এলগে আৰু বিজ্ঞানৰ এক গুৰুত্বপূৰ্ণ যাত্ৰা শেষ কৰি তেওঁ পৃথিবীত পুনৰ আহি থাকিব।

এইটো কেৱল ঘূৰি অহা নহয়, এইটো বিজ্ঞানৰ বিজয়। 🚀🇮🇳

07/09/2023

Darren Olivier's model অনুসৰি "India" ৰ নামৰ পৰা "Bharat"লৈ পৰিবৰ্তন কৰিবলৈ হ'লে ভাৰত চৰকাৰৰ প্ৰায় 140000000000 ( চৈধ্য হাজাৰ কোটি টকা খৰচ হ'ব)।

18/09/2022

অসমৰ সাংবাদিক সকল! বাতৰিৰ শিৰোনামা যোগ্যতাৰ বলত চাকৰি পাইছে বুলি লিখি পৰিৱেশন কৰক। "দুখীয়া ল'ৰাই চাকৰি পাইছে" এইবোৰ কেনেধৰণৰ বাতৰি??? এয়া চাকৰিহে,এয়া অৰুণোদয় নামৰ কোনো আচনি নহয় যে ধনী-দুখীয়া চাই দিব।

10/09/2022

ইংলেন্ডৰ চোৰ, অত্যাচাৰী, ৰেচিষ্ট ৰাজবংশৰ ৰাণী গৰাকীৰ মৃত্যুত ভাৰতীয় সকল ইমান আবেগিক কিয় হৈছে বুজি পোৱা নাই ? ৰাণি এলিজাবেথ কৌন ছা একেবাৰে ভাৰতৰ শুভাকাংক্ষী আছিল ? ভাৰতৰ পৰা চুৰি কৰি লৈ যোৱা কোহিনুৰ হীৰা তেওঁ নিজৰ ৰাজ মুকুটত শেষ লৈকে পিন্ধিলে, জীৱনত এবাৰো ভাৰত তথা আন ব্ৰিটিছ ঔপনিবেশ সমূহত তেওঁৰ ৰাজবংশৰ শতিকাজোৰা শাসনৰ সময়ত ইংৰাজ সকলে কৰা অমানৱীয় অত্যাচাৰ, লুঠ, চুৰি, হত্যা, ধৰ্ষণ, ৰেচিষ্ট ব্যৱহাৰ আদিৰ কাৰণে এই গৰাকী তথাকথিত ৰাণীয়ে জীৱনত এবাৰো ক্ষমা নুখুজিলে, দুখ প্ৰকাশ নকৰিলে, তেওঁৰ মৃত্যুত ভাৰতীয় সকলে ইমান ৰাউচী জুৰি অশ্ৰুত্যাগ কৰাৰ কি কাৰণ বুজি পোৱা নাই |

বেলজিয়ান অৰ্থনীতিবিদ Paul Bairoch য়ে 1993 চনতে এক গৱেষণা পত্ৰত সদৰি কৰিছে যে, 1750 চনত বিশ্বৰ মুঠ জিডিপিত চীনৰ শ্বেয়াৰ আছিল 33 শতাংশ আৰু ভাৰতৰ শ্বেয়াৰ আছিল 24.5 শতাংশ | আনহাতে, ব্ৰিটেইন আৰু আমেৰিকাৰ যুক্ত ভাবে শ্বেয়াৰ আছিল মাত্ৰ দুই শতাংশ | 1757 চনত পলাচী যুদ্ধ ঘুচ আৰু বিশ্বাসঘাতেৰে জিকাৰ পাছত ক্ষমতা দখল কৰা ব্ৰিটিছ সকলে দুশ বছৰত ভাৰতৰ পৰা প্ৰায় 45 ট্ৰিলিয়ন ডলাৰৰ সমান ধন-সোন লুঠ কৰি লৈ গৈছে | বৰ্তমান পৃথিৱীৰ আটাইতকৈ ধনী দেশ‌ আমেৰিকাৰ মুঠ জিডিপি ২৩ ট্ৰিলিয়ন ডলাৰ, গতিকে অনুমান কৰক।

ভাৰতৰ ধন-সম্পত্তি চুহি খাই যেতিয়া 1947 চনত ব্ৰিটিছ সকল ভাৰত এৰি গুছি যায় তেতিয়া ভাৰত ইতিমধ্যে পৃথিৱীৰ এখন অন্যতম দুখীয়া দেশত পৰিণত হৈছে, যাৰ জিডিপি 1947 চনত আছিল মাত্ৰ 3.7 লাখ কোটি | এই চোৰ ৰাজবংশৰ দুশ‌ বছৰীয়া শাসন কালত এওঁলোকে প্ৰায় 3.5 কোটি নিৰ্দোষী, স্বাধীনচেতীয়া ভাৰতীয় মানুহক হত্যা কৰিছে | ব্ৰিটিছ সকলে ব্যৱহাৰ কৰা হোটেল, ৰেস্তোৰাঁ, ক্লাব আদিত লিখি থৈছিল Dogs and Indians are not allowed. ভাৰতীয় সকলক এই ৰাজ বংশৰ মানুহে কুকুৰৰ স্তৰৰ বুলি ভাবিছিল | ভাৰতীয় সকলক জন্তুৰ নিচিনা বান্ধি কেৰিবিয়ান দ্বীপত, আফ্ৰিকাত, ল্যাটিন আমেৰিকাত লৈ গৈছে শ্ৰমিক হিচাপে, ছত্তিশগড়, ঝাড়খন্ড, বিহাৰ,উৰিষ্যাৰ পৰা ধৰি বান্ধি মানুহক লৈ আহিছে অসমত তেওঁলোকৰ কোম্পানীয়ে স্থাপন কৰা চাহ কোম্পানীত কাম কৰিবলৈ | ভাৰতৰ ১২৭ টা ট্ৰাইবেল জনগোষ্ঠীক আইণ পাছ কৰি যুক্তিহীণ ভাবে এই ৰিজবংশৰ চৰকাৰে ক্ৰিমিনেল ট্ৰাইব বুলি আখ্যা দিছিল। এই ট্ৰাইব সমূহৰ মানুহ নিজৰ গাঁও এৰি কতো যাব নোৱাৰিছিল, প্ৰাপ্তবয়স্ক সকলে সপ্তাহত এদিন গৈ থানাত হাজিৰা দিব লাগিছিল।

The Queen's Daughters in India কিতাপত Elizabeth W Andrew আৰু Katherine C Bushnell য়ে ১৮৮৯ চনতে লিখি থৈ গৈছে কিদৰে ব্ৰিটিছ সকলে তেওঁলোকৰ সেনা বাহিনীৰ বাবে হেজাৰ হেজাৰ নিৰীহ ভাৰতীয় মহিলাক S*x Slave বনাইছিল।

পৃথিৱীৰ ইতিহাসত ব্ৰিটিছ ৰাজ পৰিয়ালতকৈ ডাঙৰ চোৰ, লুটেৰা, নিৰ্লজ্জ দগাবাজ, অমানৱিক অত্যাচাৰী, চৰম ৰেচিষ্ট আন‌ কোনো ৰাজবংশৰ উদাহৰণ পাবলৈ নাই | আজি ইংলেন্ডৰ ধন, সম্পত্তিৰ যি চমক , যি আৰমৰ জীৱন ব্ৰিটিছ সকলে আৰু তেওঁলোকৰ ৰাজ বংশৰ মানুহে আজি উপভোগ কৰি আছে সেয়া আমাৰ পূৰ্ৱ পুৰুষ সকলৰ পৰা মাৰি পিটি , অত্যাচাৰ কৰি কাঢ়ি লৈ যোৱা ধন-সোনৰ বাবে সম্ভৱ হৈছে | তেওঁলোকৰ ৰাজ মুকুট য’ত কোহিনুৰ হীৰা সজ্জিত হৈ আছে সেয়াই পৃথিৱীৰ আটাইতকৈ নিৰ্লজ্জ ডকাইতিৰ উদাহৰণ | সেই মুকুট পিন্ধা গৰাকী, যাৰ হাতত ভাৰতীয় আৰু ভাৰতীয় সকলৰ দৰে আন বহু দেশৰ বহু নিৰিহ মানুহৰ তেজ লাগি আছে, তেওঁৰ মৃত্যুত ভাৰতীয় সকলে ইম্মান দুখী হৈ সন্তাপ কৰাৰ কি কাৰণ আছে বুজি পোৱা নাই |
©Ashiquz Zaman

#সংগ্ৰহ

20/08/2022

দিল্লীৰ চৰকাৰী স্কুলৰ শিক্ষা, অন্তঃগাথনি আজি বিশ্ব চৰ্চিত।

17/07/2022

আপুনি জানেনে?

⭕ভাৰতৰ পৰা প্ৰতিবছৰে নেমু ৰপ্তানি হয় প্রায় ১২২ কোটি টকাৰ

⭕প্রায় ৯৯ খন দেশলৈ ৰপ্তানি হয় এই নেমু

07/07/2022

■★ ড° মুহাম্মদ খানীয়ে কৈছে, এদিন মই মোৰ গাড়ীখনত বহি আছিলোঁ। হঠাতে প্রায় ষোল্ল বছৰ বয়সীয়া এজন যুৱকে আহি মোক ক'লে— ছাৰ, মই আপোনাৰ গাড়ীৰ সন্মুখৰ আয়নাখন পৰিষ্কাৰ কৰি দিব পাৰোনে?

মই ক'লো, হয়।

সি খুব ধুনীয়াকৈ আয়নাখন পৰিষ্কাৰ কৰি দিয়াত মই তাৰ হাতত ২০ ডলাৰ গুজি দিলোঁ।

ল'ৰাজন কিছু আচৰিত হ'ল আৰু ক'লে— আপুনি আমেৰিকাত থাকে নেকি?

মই ক'লো হয়। কিয়?

তেতিয়া সি ক'লে— মই এই ২০ ডলাৰৰ পৰিৱর্তে তাত থকা বিশ্ববিদ্যালয়সমূহৰ বিষয়ে কিছু কথা জানিব পাৰোনে?

মই তাৰ বিনয় ও লিখা পঢ়াৰ প্রতি থকা ধাউতি দেখি তাক ওচৰলৈ মাতি আনি আলোচনা আৰম্ভ কৰি দিলোঁ।

আলোচনাৰ শেষৰ ফালে তাক প্ৰশ্ন কৰিলোঁ— তুমি এনেদৰে ৰাস্তাত গাড়ী পৰিষ্কাৰ কৰা কাম কৰি ফুৰিছা কিয়? তুমি তো এজন মেধাবী ছাত্র?

উত্তৰত সি ক'লে—

মোৰ দুই বছৰ বয়সতেই আব্বাৰ মৃত্যু হয়। মোৰ আম্মাই মানুহৰ ঘৰে ঘৰে গৈ কাম কৰে। মই আৰু মোৰ সৰু ভনীয়ে বাহিৰত সৰুসুৰা কিবাকিবি কাম কৰোঁ কিছু ধনৰ আশাত যাৰ দ্বাৰা আমাৰ পঢ়াশুনাৰ খৰছ চলি যায়। মই শুনিছোঁ আমেৰিকাৰ বিশ্ববিদ্যালয়সমূত মেধাৱী ছাত্রসকলৰ উচ্চশিক্ষাৰ বাবে স্কলাৰশ্বিপৰ ব্যৱস্থা আছে। তাত পঢ়াৰ বাবে মোৰ খুব ইচ্ছা। কিন্তু এই ক্ষেত্ৰত মোক সহায় কৰাৰ বাবে তো কোনো নাই।

ব'লা, আগতে আমি একেলগে ডিনাৰ কৰোঁ।

সি ক'লে— এটা চর্তত আমি একেলগে ডিনাৰ কৰিব পাৰোঁ। চৰ্তটো হ'ল, বিনিময়ত মই আপোনাৰ গাড়ীৰ পাছফালৰ গ্লাছবোৰো পৰিষ্কাৰ কৰি দিম।

মই কথা নবঢ়াই তাৰ কথা মানি লৈ হোটেলত সোমালোঁ। খোৱাৰ অর্ডাৰ কৰাত সি ওৱেটাৰক তাৰ খাদ্যখিনি পাৰ্চেল কৰি দিবলৈ ক'লে। সি ঘৰলৈ গৈ তাৰ মাক আৰু ভনীয়েকৰ লগত খাব। চিন্তা কৰি দেখিলোঁ তাৰ ইংৰাজীত অসামান্য দক্ষতা।

বিদায় পৰত সিদ্ধান্ত হ'ল, সি তাৰ কাগজপত্রবোৰ মোক দিব, মই সাধ্যমতে চেষ্টা কৰিম।

এনেদৰে দীর্ঘ ছয়মাহ পাছত মই তাক আমেৰিকালৈ লৈ আহি এখন ভাল প্রতিষ্ঠানত নাম ভর্তি কৰাই দিবলৈ সক্ষম হ'লোঁ।

সি তাৰ মেধা ও অধ্যৱসায়ৰ বলত কেইবছৰমানৰ ভিতৰতে আধুনিক টেকনোলজিৰ কনিষ্ঠ টেক ইঞ্জিনিয়াৰ হিচাপে পৰিচিতি লাভ কৰে। নিউইয়র্ক টাইমছৰ পৃষ্ঠাত তাক লৈ লিড নিউজ হোৱাত গোটেই বিশ্বত হৈ-চৈ লাগি পৰে।

তাৰ ঈর্ষনীয় সফলতাত মই আৰু মোৰ পৰিয়াল অত্যন্ত আনন্দিত হওঁ।

ইফালে তাক নজনোৱাকৈ তাৰ মাক আৰু ভনীয়েকৰ ভিছাৰ ব্যৱস্থা কৰি হঠাতে তাৰ সন্মুখত আমেৰিকালৈ লৈ আহি তাক বৃহৎ ছাৰপ্ৰাইজ দি চমক দিওঁ। সিহঁতক দেখি সি বোবা হৈ পৰে। আনকি কান্দিবলৈও পাহৰি যায়।

এতিয়া সি হার্ভার্ড বিশ্ববিদ্যালয়ৰ শ্ৰেষ্ঠ শিক্ষকসকলৰ এজন।

তাৰ কিছুদিন পাছত মই এদিন ঘৰৰ পৰা ৰাস্তাৰ ফালে চাই বিস্ময়ত হতবাক হৈ যাওঁ। মই দেখিলোঁ, সি বাহিৰত থিয় হৈ মোৰ গাড়ীৰ আয়নাবোৰ পৰিষ্কাৰ কৰি আছে!
তৎক্ষণাত দৌৰি গৈ তাক বাধা দি ক'লোঁ এইবোৰ কি কৰিছা?

সি অশ্ৰুসিক্ত নয়নেৰে ক'লে— এৰি দিয়ক ছাৰ! মোক মোৰ কাম কৰিবলৈ দিয়ক, যাতে মই মোৰ পৰিচয় পাহৰি নাযাওঁ। মই মনত ৰাখিব বিচাৰোঁ, মই কি আছিলোঁ আৰু আজি কি হ'লোঁ। আৰু আপুনি মোৰ কাৰণে কি কৰিছে।

এইজনেই সেই ফিলিস্তিনি যুৱক ফৰিদ আব্দুল আলী। যিজন বর্তমান হার্ভার্ড বিশ্ববিদ্যালয়ৰ প্রসিদ্ধ তৰুণ প্রফেছৰ।

(সংগৃহীত। অসমীয়া অনুবাদ — J. Rahman)