Vishwa TV marathi

07/09/2026

कुणबी नाेंदीच्या याद्या आजपासून लागणार !

मुंबई : मराठा आरक्षण उपसमितीची अत्यंत महत्त्वाची बैठक मुंबईत उपसमितीचे अध्यक्ष मंत्री राधाकृष्ण विखे पाटील यांच्या उपस्थितीत पार पडली. मनाेज जरांगे पाटील यांच्या आंदाेलनाच्या पार्श्वभूमीवर समितीने काही अत्यंत महत्त्वाचे निर्णय मराठा समाजासाठी घेतले आहेत. 58 लाख कुणबी नाेंदी सापडल्या असल्यातरी त्यासंदर्भात आपली नाेंद सापडली याची माहितीच मराठा समाजाला नाही, असा मुद्दा मनाेज जरांगे पाटील यांनी उपस्थित केला हाेता. यावर आता बैठकीत माेठा निर्णय घेण्यात आला असून आजपासूनच म्हणजे 7,8 आणि 9 सप्टेंबर या तीन दिवसात सर्व ग्रामपंचायत कार्यालयात या नाेंदींची यादी लावण्यात येणार आहे. कुणबी नाेंदी संदर्भातील सर्व डाटाही वेबसाईटवर आजच अपलाेड करण्यात येणार असल्याचा निर्णय या बैठकीत घेण्यात आला आहे. 10 सप्टेंबरपासून गावागावात कुणबी नाेंदी संदर्भात कॅम्प सुरू करण्याचा निर्णयही घेण्यात आला आहे.
#कुणबी_नोंदी #मराठा_आरक्षण #मराठा_समाज #कुणबी_प्रमाणपत्र #कुणबी_नोंद #मराठा_आरक्षण_आंदोलन #मनोज_जरांगे_पाटील #राधाकृष्ण_विखे_पाटील #महाराष्ट्र_बातम्या #मुंबई_बातम्या #ग्रामपंचायत #कुणबी_यादी #आरक्षण #मराठा_आंदोलन

07/09/2026

07/09/2026

मराठा समाजासाठी ४ महत्त्वाचे GR निघाले!

१. OBC प्रमाणे शैक्षणिक सवलती

तंत्रशिक्षण संचालनालयाने (DTE) सर्व विभागीय कार्यालये आणि विद्यापीठांना निर्देश जारी केले आहेत. शैक्षणिक वर्ष २०२६-२७ पासून मराठा समाजातील विद्यार्थ्यांना OBC प्रवर्गाप्रमाणे सर्व शैक्षणिक सवलती व सोयी-सुविधांचा लाभ तातडीने लागू करण्याचे आदेश देण्यात आले आहेत.

२. वसतिगृह निर्वाह भत्त्यासाठी २०० कोटींचा निधी

EBC, EWS आणि SEBC प्रवर्गातील विद्यार्थ्यांच्या प्रलंबित डॉ. पंजाबराव देशमुख वसतिगृह निर्वाह भत्त्यासाठी २०० कोटी रुपयांचा निधी मंजूर करून वितरित करण्याचे आदेश देण्यात आले आहेत. पावसाळी अधिवेशनातील पुरवणी मागणीद्वारे हा निधी उपलब्ध करून देण्यात आला आहे.

३. सारथीच्या परदेशी शिक्षण शिष्यवृत्ती धोरणात सुधारणा

सारथी संस्थेमार्फत दिल्या जाणाऱ्या परदेशी शिक्षण शिष्यवृत्तीमध्ये महत्त्वपूर्ण सुधारणा करण्यात आली आहे. परदेशी विद्यापीठांची शिक्षण फी थेट संस्थेला अदा केली जाणार असून, लाभाच्या रकमेवरील कमाल मर्यादा काढण्यात आली आहे. विद्यार्थ्यांना दरवर्षी १,५०० यूएस डॉलर (यूकेसाठी १,१०० जीबीपी) अतिरिक्त निर्वाह/आकस्मिक भत्ता मंजूर करण्यात आला आहे. तसेच QS Ranking आधारित नवीन गुणवत्ता यादी कार्यपद्धती लागू करण्यात आली आहे.

४. १,४४० मराठा-कुणबी तरुणांना मोफत ड्रायव्हिंग व कंडक्टर प्रशिक्षण

सारथी संस्थेने IDTRS पिंपरी-चिंचवड यांच्यासोबत सामंजस्य करार करून १,४४० मराठा व कुणबी तरुणांसाठी LMV, HMV ड्रायव्हिंग आणि कंडक्टर प्रशिक्षणाचा कार्यारंभ आदेश जारी केला आहे. हे प्रशिक्षण १ ऑक्टोबर २०२६ पासून सुरू होणार असून, किमान १,००० लाभार्थ्यांना रोजगार किंवा स्वयंरोजगार मिळवून देणे बंधनकारक करण्यात आले आहे.

#मराठा #मराठासमाज #मराठाआरक्षण #मराठाविद्यार्थी #कुणबी #मराठान्यूज #महाराष्ट्रन्यूज #महाराष्ट्रसरकार #सरकारीGR #शैक्षणिकसवलत #शैक्षणिकआरक्षण #वसतिगृहभत्ता #पंजाबरावदेशमुखवसतिगृह #सारथी #परदेशीशिष्यवृत्ती #शिष्यवृत्ती #ड्रायव्हिंगप्रशिक्षण #रोजगार #स्वयंरोजगार #मराठायुवा #कुणबीसमाज

07/09/2026

आज राज्यात काय काय घडतय? जाणून घ्या एका क्लिकवर

जरांगे पाटलांचे आंदाेलन, धनगर समाजाचा एल्गार, ओबीसींना पाेलीसांनी उचलले
एमपीएससीचा माेर्चा, विखे पाटलांची बैठक,
राज्यभरात आज (दि.07 सप्टेंबर) माेठ्या घडामाेडी घडताना दिसत आहेत. आंतरवाली सराटीत मनाेज जरांगे पाटील यांच्या आमरण उपाेषणाचा दहावा दिवस आहे. त्यांनी पाणी आणि सलाईनही बंद केले असल्याने कालपासून त्यांची प्रकृती खालावली असून हजाराेंच्या संख्येने मराठा आंदाेलक सराटीमध्ये जमा झाले आहेत. आंतरवाली सराटीतच काल सकल ओबीसी समाजाच्या वतीने मंगेश ससाणे आणि कार्यकर्त्यांनी उपाेषण सुरू केले हाेते. आज सकाळी पाेलीसांनी या आंदाेलकांना ताब्यात घेतले. यावेळी पाेलीस आणि कार्यकर्त्यांमध्ये बाचाबाची झाली. बळजबरीने उचलून पाेलीसांनी याठिकाणाहून त्यांना हटविले. परवानगी नसताना त्यांनी आंदाेलन सुरू केल्याचे पाेलीसांचे म्हणणे आहे. तिकडे मुंबईत मंत्री राधाकृष्ण विखे पाटील यांच्या नेतृत्वाखाली मराठा समाजाला कुणबी प्रमाणपत्र देण्याच्या संदर्भात अत्यंत महत्त्वाची बैठक सुरू झाली आहे. पुण्यात एमपीएससी विद्यार्थ्यांनी आंदाेलन सुरू केले आहे. अध्यक्षांवर गुन्हा दाखल करा आणि त्यांना हटविण्याची या विद्यार्थ्यांची मागणी आहे.

#महाराष्ट्र #महाराष्ट्रन्यूज #आजच्याताज्याघडामोडी #ब्रेकिंगन्यूज #जरांगेपाटील #मनोजजरांगेपाटील #मराठाआंदोलन #मराठाआरक्षण #आंतरवालीसराटी #ओबीसी #ओबीसीआंदोलन #धनगरसमाज #धनगरआंदोलन #एमपीएससी #पुणे #मुंबई #राधाकृष्णविखेपाटील #कुणबीप्रमाणपत्र #मराठान्यूज #राजकीयघडामोडी

07/09/2026

शेतकरी उतरले रस्त्यावर ; राज्यात दुष्काळ जाहीर करून वगळलेले ट्रिगर पुन्हा घ्या...शंकर गायकवाड

बार्शी ;
जामगाव(आ) तालुका बार्शी येथे, बार्शी-लातूर रस्त्यावर शेतकरी संघटनेचे प्रदेशाध्यक्ष शंकर गायकवाड यांचे नेतृत्वाखाली सुमारे एक तास शेतकऱ्यांच्या विविध मागण्यांसाठी रस्ता रोको आंदोलन करण्यात आले.
दुष्काळ जाहीर करून मागील वर्षी वगळलेले महत्त्वाचे ट्रिगर पुन्हा लागू करा, स्मार्ट मीटर बसवणे बंद करा अन्यथा शेतातील विद्युत खांब व डीपीचे आज पर्यंतचे भाडे द्या, उजनी कॅनॉलच्या पाण्याने अर्धा किलोमीटर अंतरातील तीन धरणे भरा, बायपास पासून पुढे फक्त सात मीटर संपादन असल्यामुळे मोबदला वाढवून द्या, पिक विमा कंपन्यांची त्यांच्या स्थापनेपासून तर राज्य प्रमुख विनयकुमार आवटे आणि आजपर्यंतच्या सर्व कृषी आयुक्तांची यांच्या संपत्तीची न्यायालयीन चौकशी करा, चालू खरिपाची नुकसान भरपाई व मागील आणि चालूचा पिकविमा द्या इत्यादी मागण्यासाठी हे आंदोलन केले असल्याचे शंकर गायकवाड यांनी यावेळी सांगून मागण्याची पूर्तता लवकरच न झाल्यास संबंधित मंत्र्याच्या घरावर आंदोलन करणार असल्याचा इशारा गायकवाड यांनी यावेळी आमच्या प्रतिनिधीशी बोलताना दिला.
त्यावेळी यशवंत गडदे, भाऊसाहेब आवटे, बिभीषण जोडवे, श्रीहरी यादव, विजय आवटे, अशोक ठोंबरे, संजय गात, पंकज आवटे, विलास लूंगसे, उमेश काळे, बालाजी कागदे, सर्वदमन आवटे, नंदकुमार आवटे, बंडू कुटे, शंकर कागदे, अविनाश अंधारे, अमोल जाधव, वसंत जाधव, चंद्रकांत गडदे, रामेश्वर काळे, गणेश कागदे, मारुती आवटे, शरद आवटे, विलास पवार, पंडित गडदे, समाधान कागदे, रावण आवटे, भरत आवटे, बाळु कुटे, अभिमान गडदे, नाना कागदे, शंकर गडदे, विकास लुगसे, नारायण आवटे, कैलास आवटे, मदन ठोंबरे, रणजित नाईकनवरे, भगवान नाईकनवरे, विष्णू काळे, शहाजी लुगसे, नागेश आवटे, अमोल आवटे, अर्जुन जाधव, उध्दव गडदे, सतोष आवटे, संतोष मिटकरी, विक्रम बिवलकर, राम भुईभार, गणेश गडदे, सचिन घडले आदींसह पंचक्रोशीतील बहुसंख्य शेतकरी उपस्थित होते. आंदोलकांचे निवेदन तहसीलचे प्रतिनिधी औदुंबर शिंदे यांनी स्वीकारले तर या आंदोलनाचा चोख पोलीस बंदोबस्त बार्शी तालुका पोलीस स्टेशनचे पीएसआय सदाशिव गवळी व त्यांच्या सहकाऱ्यांनी ठेवला होता.

07/09/2026

उजनी परिसरात गांजाची शेती उध्वस्त;
कुर्डुवाडी पोलिसांची धडाकेबाज कारवाई;

#कुर्डुवाडी : उजनी परिसरात चक्क शेतामध्ये गांजाची लागवड करून त्याचा बेकायदेशीर व्यवसाय सुरू असल्याची माहिती मिळताच कुर्डुवाडी पोलिसांनी थेट शेतात छापा टाकत गांजाची शेतीच उद्ध्वस्त केली. या कारवाईत तब्बल 71 किलो 19 ग्रॅम वजनाची हिरवी गांजाची झाडे पोलिसांच्या हाती लागली असून, जप्त करण्यात आलेल्या गांजाची अंदाजे किंमत 35 लाख 59 हजार 500 रुपये असल्याचे पोलिसांनी सांगितले आहे.

गुप्त माहिती मिळाली अन् पोलीस थेट शेतात

कुर्डुवाडी पोलीस ठाण्याच्या पथकाला उजनी (म.) ता. माढा परिसरातील एका शेतात गांजाची झाडे लावण्यात आल्याची गोपनीय माहिती मिळाली. माहिती मिळताच पोलिसांनी वेळ न दवडता संबंधित ठिकाणी छापा टाकला.

पोलिसांचे पथक शेतात पोहोचले असता तेथे गांजाची झाडे लागवड केलेली असल्याचे दिसून आले. त्यानंतर पोलिसांनी संपूर्ण कारवाई करत ही झाडे जप्त केली.

शेतातच उभा केला होता गांजाचा 'बाग'!

या कारवाईत साधारण 71 किलो 19 ग्रॅम प्रतिबंधित अमली पदार्थ गांजाची हिरवी झाडे जप्त करण्यात आली. विशेष म्हणजे हा गांजा बाहेरून आणून साठवलेला नसून शेतामध्येच लागवड केल्याचे पोलिसांच्या कारवाईत समोर आले.

जप्त करण्यात आलेल्या गांजाची बाजारातील अंदाजे किंमत ₹35,59,500 इतकी असल्याचे प्रेस नोटमध्ये नमूद करण्यात आले आहे.

53 वर्षीय व्यक्तीविरुद्ध गुन्हा

या प्रकरणी अभिमान विठ्ठल लोदरे, वय 53 वर्षे, रा. उजनी (म.), ता. माढा, जि. सोलापूर यांच्याविरुद्ध कारवाई करण्यात आली आहे. कुर्डुवाडी पोलीस ठाण्यात गुन्हा रजिस्टर क्रमांक 402/2026 दाखल करण्यात आला असून, NDPS Act 1985 मधील कलम 8(c), 20(a)(ii)(C) नुसार गुन्हा दाखल करण्यात आल्याचे पोलिसांनी नमूद केले आहे.

वरिष्ठांच्या मार्गदर्शनाखाली पोलिसांची मोहीम

सोलापूर ग्रामीणचे पोलीस अधीक्षक अतुल कुलकर्णी, अपर पोलीस अधीक्षक विजय कबाडे तसेच करमाळा उपविभागाच्या सहाय्यक पोलीस अधीक्षक अंजना कृष्णा व्ही. एस. यांच्या मार्गदर्शनाखाली ही कारवाई करण्यात आली.

कुर्डुवाडी पोलीस ठाण्याचे प्रभारी अधिकारी पोलीस निरीक्षक अतुल मोहिते यांच्या नेतृत्वाखाली पोलीस पथकाने ही कारवाई यशस्वीपणे पार पाडली. कारवाईत सपोनि/गटकुळ, पोसई/पवार यांच्यासह पोलीस अंमलदार सहभागी होते.

पोलिसांचा स्पष्ट इशारा

अमली पदार्थांच्या विरोधात कुर्डुवाडी पोलिसांची कारवाई यापुढेही प्रभावीपणे सुरू राहणार असल्याचा स्पष्ट इशारा पोलीस निरीक्षक अतुल मोहिते यांनी दिला आहे. बेकायदेशीर अमली पदार्थांच्या व्यवसायावर कठोर कारवाई केली जाईल, असा संदेश या कारवाईतून पोलिसांनी दिला आहे.

उजनी परिसरात शेताच्या आडून सुरू असलेल्या गांजाच्या लागवडीचा पर्दाफाश करून तब्बल 35.59 लाखांचा गांजा जप्त करण्याची कुर्डुवाडी पोलिसांची ही कारवाई परिसरात चर्चेचा विषय ठरली आहे. आता या प्रकरणाच्या पुढील तपासात गांजाची लागवड नेमकी किती दिवसांपासून सुरू होती आणि या बेकायदेशीर व्यवहारामागे आणखी कोणाचा सहभाग आहे का, याचा तपास महत्त्वाचा ठरणार आहे.

#उजनी #कुर्डुवाडी #गांजाचीशेती #गांजाजप्त #पोलिसकारवाई #धडाकेबाजकारवाई #सोलापूर #माढा #उजनीपरिसर #अमलीपदार्थ #गांजाविरोधीकारवाई #पोलीसकारवाई #गुन्हादाखल #महाराष्ट्रन्यूज

***a

07/09/2026

दहीहंडी फोडण्याचा मान वडार समाजातील गोविंदा पथकाला मिळाले

#अक्कलकोट :
श्री स्वामी समर्थ अन्नछत्र मंडळ, अक्कलकोट येथे वार्षिक दहीहंडी उत्सव मोठ्या उत्साहात व भक्तिमय वातावरणात साजरा करण्यात आला. श्रीक्षेत्र अक्कलकोटातील दहीहंडी फोडण्याचा मान येथील वडार समाजातील गोविंदा पथकाला दरवर्षी मिळत आहे. यंदाही ही परंपरा कायम ठेवत गोविंदा पथकाने उत्साहात दहीहंडी फोडली. ‘गोविंदा आला रे आला’च्या जयघोषाने परिसर दुमदुमून गेला आणि उत्सवाच्या आनंदात भर पडली.
या प्रसंगी श्री स्वामी समर्थ अन्नछत्र मंडळाचे कार्यकारी अध्यक्ष अमोलराजे जनमेजयराजे भोसले, सचिव शामराव मोरे, उपाध्यक्ष अभय खोबरे तसेच मंडळाचे विश्वस्त, पदाधिकारी, सेवेकरी व स्वामीभक्त मोठ्या संख्येने उपस्थित होते.

07/09/2026

गणेशोत्सवात डीजे, डॉल्बीला परवानगी नाही!
कुर्डूवाडी पोलिसांची गणेश मंडळांना सूचना; शांतता व सुव्यवस्था राखण्याचे आवाहन

कुर्डूवाडी, दि. ४ सप्टेंबर : आगामी गणेशोत्सवाच्या पार्श्वभूमीवर कुर्डूवाडी पोलिस ठाण्याच्या वतीने शांतता समिती सदस्य, गणेशोत्सव मंडळांचे पदाधिकारी, डीजे-डॉल्बीधारक, मूर्ती विक्रेते, पोलीस पाटील व नागरिकांची संयुक्त बैठक नगरपरिषद कार्यालयात घेण्यात आली. यावेळी गणेशोत्सवात डीजे व डॉल्बीला परवानगी दिली जाणार नसल्याचे पोलिसांनी स्पष्ट केले.

गणेशोत्सव शांततेत आणि सुरक्षित वातावरणात साजरा करण्यासाठी सर्व मंडळांनी पोलिस प्रशासनाला सहकार्य करावे, असे आवाहन करण्यात आले. मंडळांनी आवश्यक परवानग्यांसाठी ऑनलाइन अर्ज करावेत. मंडप उभारताना वाहतूक व नागरिकांना अडथळा होणार नाही, याची दक्षता घेण्याच्या सूचना देण्यात आल्या.

दर्शनासाठी येणाऱ्या भाविकांच्या सोयीसाठी महिला व पुरुषांसाठी स्वतंत्र व्यवस्था करण्याचेही सांगण्यात आले. वर्गणी संकलन करताना कोणावरही सक्ती करू नये, तसेच अफवा, आक्षेपार्ह संदेश आणि चुकीची माहिती सोशल मीडियावर प्रसारित करू नये, असे पोलिसांनी बजावले.

ध्वनिप्रदूषणाबाबत शासन व न्यायालयाच्या नियमांचे काटेकोर पालन करावे, तसेच परवानगीशिवाय किंवा निर्धारित वेळेचे उल्लंघन करून ध्वनिक्षेपकाचा वापर करू नये, असे स्पष्ट करण्यात आले.

बैठकीत मिरवणूक व विसर्जन मार्ग, वाहतूक व्यवस्था, महिला व नागरिकांची सुरक्षितता आणि आपत्कालीन परिस्थितीबाबतही चर्चा झाली. पर्यावरणपूरक पद्धतीने गणेशोत्सव साजरा करण्याचे आवाहन करण्यात आले.

बैठकीस ASP अंजना कृष्णा व्ही.एस., पोलिस निरीक्षक अतुल मोहिते यांच्यासह नगरपरिषद, महावितरणचे अधिकारी, शांतता समिती सदस्य, गणेश मंडळांचे पदाधिकारी व नागरिक उपस्थित होते.

#कुर्डूवाडी #गणेशोत्सव #गणेशोत्सव2026 #डीजेबंदी #डॉल्बीबंदी #गणेशमंडळ #कुर्डूवाडीपोलीस #गणेशमंडळांना_सूचना #ध्वनिप्रदूषण #पर्यावरणपूरकगणेशोत्सव #गणपतीबाप्पामोरया #महाराष्ट्रन्यूज #सोलापूरन्यूज #कुर्डूवाडी_न्यूज

07/09/2026

विठुरायाच्या चरणी गोविंदाची अनोखी सलामी!
पाच थरांच्या मनोऱ्यावर चिमुकल्या गोविंदाची विठ्ठलमय पोझिशन

पंढरपूर / प्रतिनिधी : पंढरपूरमध्ये दहीहंडी महोत्सव मोठ्या उत्साहात आणि भक्तिमय वातावरणात साजरा झाला. श्री विठ्ठल-रुक्मिणी मंदिरासमोरील नामदेव पायरी परिसरात झालेल्या या सोहळ्याला भाविक आणि नागरिकांची मोठी गर्दी झाली होती. ढोल-ताशांचा गजर आणि ‘गोविंदा आला रे आला’च्या जयघोषाने परिसर दुमदुमून गेला.

दहीहंडी फोडण्यासाठी गोविंदा पथकाने पाच थरांचा मानवी मनोरा रचत हंडीला गवसणी घातली. मात्र, या संपूर्ण सोहळ्यात एका चिमुकल्या गोविंदाने उपस्थितांचे विशेष लक्ष वेधून घेतले.

मनोऱ्याच्या माथ्यावर पोहोचल्यानंतर या चिमुकल्याने कमरेवर दोन्ही हात ठेवत विठ्ठलाची पारंपरिक पोझिशन घेतली. श्री विठ्ठल मंदिरासमोर त्याने दिलेली ही अनोखी सलामी पाहून उपस्थित भाविक भारावून गेले. अनेकांनी हा क्षण मोबाईल कॅमेऱ्यात कैद केला.

पाच थरांची उंची, गोविंदांचा जल्लोष आणि त्यात चिमुकल्याची विठ्ठलमय अदा यामुळे दहीहंडी सोहळ्याला भक्तीची अनोखी किनार लाभली. साहस, एकजूट आणि विठ्ठलभक्तीचा सुंदर संगम या निमित्ताने पाहायला मिळाला.

नामदेव पायरी परिसरात झालेल्या या सोहळ्यात गोविंदा पथकाने एकजुटीने थर रचत दहीहंडी फोडली. चिमुकल्या गोविंदाची विठ्ठलाच्या चरणी दिलेली ही अनोखी सलामी मात्र यंदाच्या दहीहंडी महोत्सवातील सर्वाधिक भावस्पर्शी क्षण ठरली.
#नामदेवपायरी #दहीहंडी #गोविंदा #पंढरपूर #विठ्ठल #विठ्ठलभक्ती #पंढरपूरन्यूज #मराठीन्यूज

07/09/2026

परळी तालुक्यातील भोपला येथे पावसाअभावी व कडक उन्हामुळे शेतकरी गणेश काळकोपरे यांचे चार एकरांतील सोयाबीन पीक जळून गेले. खासदार बजरंगबप्पा सोनवणे यांनी प्रत्यक्ष शेतात जाऊन नुकसानीची पाहणी करत शेतकऱ्यांना मदत मिळवून देण्याचे आश्वासन दिले.