06/06/2026
दूध भेसळ रोखण्यासाठी ॲक्शन मोडमध्ये; मोहोळ तालुक्यातील १३ दूध नमुने जप्त!
#सोलापूर जिल्ह्यातील मोहोळ तालुक्यात कृत्रिम दूध निर्मिती आणि शंकास्पद स्वरूपातील दूध संकलनाच्या पार्श्वभूमीवर अन्न व औषध प्रशासनाने (FDA) मोठी धडक कारवाई केली आहे. राज्याचे अन्न सुरक्षा आयुक्त #तुकाराम #मुंढे यांच्या कडक सूचनेनंतर प्रशासनाने दूध संकलन केंद्रांवर करडी नजर ठेवण्यास सुरुवात केली आहे.
📌 गुरुवारी (४ जून २०२६) FDA च्या संयुक्त पथकाने चंद्रमौळी एमआयडीसी, कातेवाडी, पेनूर, सारोळे आणि तांबोळे परिसरातील ६ दूध उत्पादक आस्थापनांची सखोल तपासणी केली. यावेळी १३ दुधाचे नमुने ताब्यात घेऊन प्रयोगशाळेत विश्लेषणासाठी पाठविण्यात आले आहेत.
📊 २०२१ ते २०२६ या कालावधीतील आढावा
▪️ १३ आस्थापनांची तपासणी
▪️ २३ दुधाचे नमुने संकलित
▪️ १० नमुने प्रमाणित दर्जाचे
▪️ १३ नमुन्यांचे अहवाल अद्याप प्रलंबित
प्रयोगशाळेचा अहवाल प्राप्त झाल्यानंतर संबंधितांवर अन्न सुरक्षा व मानदे कायदा २००६ अंतर्गत कठोर कायदेशीर कारवाई करण्यात येणार असल्याचे प्रशासनाने स्पष्ट केले आहे.
👨⚖️ सहाय्यक आयुक्त सा. ए. देसाई यांनी सांगितले की, अहवाल प्राप्त होताच दोषी आढळणाऱ्या आस्थापनांवर नियमांनुसार कारवाई करण्यात येईल.
🚨 दूध हा सर्वसामान्यांच्या आरोग्याशी थेट संबंधित विषय आहे. त्यामुळे भेसळीविरुद्धची ही मोहीम अधिक व्यापक आणि प्रभावी होणे गरजेचे आहे. ग्राहकांच्या आरोग्याशी खेळणाऱ्यांना कठोर शिक्षा होणे ही काळाची गरज आहे.
