Bodoland Sun Kworang

Bodoland Sun Kworang bodoland Sun Kworang

22/10/2024

आसामनि गासै मोनबा बियाबा आव उफ्रा बिसायख'थिया खुंजानो गोबावथार गैलिया

फैबाय थानाय उफ्रा बिसायख'थिखौ बिथा खालामनानै निर्मल कुमार ब्रह्म बिथांखौ 31नं सिद्दलि बियाबनि बिजाथि महरै UPPL /NDA दोलोआ फोसावबाय।

Upra bisaikotikwo pwsaobai
17/10/2024

Upra bisaikotikwo pwsaobai

07/10/2024

14 नं चिरां दुवारनि मोनबा VCDC आव फिन UPPL सरखारा आयजोफोरनो खुन्दुं रान्नानै होदों।

बिसायख'थिआव UPPL राजखान्थि हान्जाया सरखाराव फैयोब्ला गुबुन राजखान्थि हान्जाफोरबादि रायजो राजानो खुन्दुं कम्बल राननाय नङा, बेनि सोलायै गुबुन बिथांखि एबा आस'निसो होगोन होनना बुंदोंमोनब्लाबो दिनै UPPL सरखारा रायजो राजानिनो सरखार जानायलाय रायजो राजानि लुबैनाय आरो खावलायनाय बादि रायजो राजानो खुन्दुं राननायखौ जागायो।

बे असिलायैनो दिनै नैथि खेबनि थाखाय 14 नं चिरां दुवार बियाबनि सिङाव थानाय मोनब्रै VCDC फारियै बेंटल सेरफां VCDC, दादगारि हाथिसार VCDC, थुख्राझार VCDC, सानथिफुर VCDC देवस्री VCDC आव खुन्दुं रान्नानै होनाय नुनो मोननाय जायो।

मख'नो गोनांदि, बे हाबाफारिआव गाहाय आलासि महरै खुन्दुं रान्नाय हाबाफारियाव नुजाथियो 14 नं सिरां दुवार ब्लक कमिटि UPPL नि आफादगिरि बिरदाव मुसाहारी बिथाङा।

07/10/2024

BTR सरकारनिफ्राय जि दाग्रा आयजोफोरनो खुनदुं रानानै होदों

14 नं सिरां दुवार ब्लक UPPL नि बान्जायनायाव दिनै आस्राबारी VCDC, रुणिखाता VCDC, थाइखाजरा VCDC आरो खुंग्रिं VCDC आव मुलामफागिरिफोरनो रानानै होयो।

14 नं सिरां दुवार ब्लक UPPL, नि आफादगिरि बिरदाव मुसाहारिया हाबाफारिनि सोमन्दै ओरैबादि बुंथियो...

21/09/2024

चिरांनि चिदली बाजाराव बि.टि.आर नि गाहाइ खुंगिरि प्रमद बर' बिथाङा 10 कौटि रांनि बिर चिलाराइ बभन लुफुंनो थाखाय अन्थाइ खाम्फा बेखेवनानै होयो।

बिटिआर गोजोन गोरोबथानि गेजेरजों मोनफ्रोमबो जाथि हारि माहारिनि समान मोनथाइ समान जौगानायनि असिलायो बिटिआरनि मोनफ्रोमबो जिल्लायाव राव हारिमु दोहोरोम बासियालासे मोनफ्रोमबो जाथि माहारिनि थाखै हारि राव थुनलाइ जौगाहोनो थाखाय गोबां गोजौ थाखोनि बायदि बायदि बिथांखिफोर दंमोन।

थिग बेबायदिनो दिनै राजबंसि हारिनि थाखाय चिरां जिल्लानि सिङाव थानाय चिदली बाजार लांगोनायाव 10 कौटि रांनि बिर चिलाराइ बभन लुफुंनो थाखाय अन्थाइ खाम्फा बेखेवनानै होदों बिटिआरनि गाहाइ खुंगिरि प्रमद बर' बिथाङा।

हाबाफारियावनो बिटिआरनि MCLA साइखं बसुमतारी MCLA Madhab Chetry बिथांमोनजों लोगोसे राजबंसि हारिनि गोबां दैदेनगिरिफोरा बाहागो लायो।

29/08/2024

चिरां जिल्ला सानथिफुर 14 नं चिरां दुवार UPPL ब्लक कमितिनि नंब्लाङाव 14 चिरां दुवार UPPL ब्लक कमितिनि नि दैदेनगिरिफोरखौ लानानै चिदली बिदानस'भानि उफ्रा बिसाइख'थिखौ नोजोर बोनानै गुवारै सावरायज्लायनाय हाबाफारि जानानै थाङो।

हाबाफिरियाव रायजो सभानि एम पि रोनगोरा नार्जारि बिथाङा बाहागो लानानै गोबां गोनां गोनां बाथ्राफोरखौ खौरांगिरिफोरनि सोंथियाव ओरैबादि फोरमायो....

29/08/2024

गोजोनथाव रादाब।

Nepal Guju-Ryu Karate -Do Association आरो Asian Karate Federation,World Karate Federation नि बानजायनायाव नेपाल हादरनि Dassarath Stadium Tripureshowr Kathmandu आव खुंफुंजानाय 2024 माइथायनि South Asian Open International Karate Championship Kumite बादायलायनायाव भारत हादरनिफ्राय गासै सा 61गेलेगिरि लाइमोनफोरा बाहागो लानो खाबु मोनदोंमोन।

सा 61 भारत हादोरनि गेलेगिरिफोरनि गेजेराव Bodoland हालामनिफ्राय सा 3 गेलेगिरिफोरा बाहागो लानो हादों आरो Coach महरै सनजिब बसुमतारी बिथांनि गोख्रों नाजानायनि गेजेरजों Gold Medal Silver Medal लानानै देरहासार जानो हादों।

बे south Asian open International Karate Championship-2024, माइथायनि बादायलायनायाव कक्राझार जिल्लानि बर'नि फिसा देरहासाथ नार्जारि आरो मिथिंगा नार्जारि बिथांमोना बाहागो लादोंमोन। बे गोजौ थाखोनि गेलेनाय बादायलायनायाव गेलेगिरि लाइमोनफोरनि मुंफोरा फारियै,

1) मु:- देरहासाथ नारजारी
बिफा:-चरन नारजारी
गामि:-जगेनद्रफु (सरायबिल)
जिल्ला:-कक्राझार
Seniors Male:-75 Kg Kumite आव Gold Medal मोनसे आरो kata देखायनायाव Silver Medal देरहासाद जानो हादों।

2) मिथिंगा नार्जारि
बिफा:- लासिथ नार्जारि
गामि:-सिंगिमारि (गुरफेला)
जिल्ला:-कक्राझार Senior Male,84 kg Kumite Silver Medal देरहासार जानो हादों।

3)देना हासदा
बिफा:-सम' हासदा
जिल्ला:-कक्राझार
गामि:-कुसुगाव इस्लामफुर Senior Male, 67 kg Kumite Silver Medal देरहासारनो हादों।

28/08/2024

सिरांआव फिन हाबा जाखानाय होनजाव खारनाय जाथाय।

जाथाया जादों सिरां जिल्लानि खुंग्रीं ओनसोलाव।

बा बोसोर संसार जाखांनायनि उनाव 10 दाननि फिसाखौ लानानै खारदों सनिमा बसुमतारीया।

पन रेकर्डनि गेजेरजों मिथिनो मोननाय बायदिब्ला कक्राझार जिल्ला हालां बाजारनि बिरदाव बसुमतारी मुंनि सासे सेंग्राया लानानै खारनायनि सनदेह'।

सिरां जिल्लानि सिंआव थानाय खुंग्रीं दैसोमगुरि गामिनि
बिसन बसुमतारीनि आंगो बिसि सनिमा बसुमतारीया 10 दाननि गथखौ लानानै ननिफ्राय गुबुन हौवाजों से सबथानि सिगां खारदों।
बिनिखाइनो सोरबाफोर नुसनबायब्ला नैबे +916001675203 जानबुं नाम्बारआव खौरां हरनो खावलायदों नखरनि सोद्रोमाफोरा।

20/08/2024

⭕ दानि सोलिपु सरकारा माखासे जौगानायनि खामानि मावनायाव फैलार जादों: सिमसन नार्जारि

⭕ थारैनो दानि सोलिफु सरकार नि गिदिर गिदिर खोथा बुंनाय माखासे खामानि मावनाया फैलार जादोंनामा???

⭕ बिनिखायनो दानि सोलिपु सरकार नि गिदिर गिदिर खोथा बुंनाया एबा खोथा होनाया सिनिमानि दाइलक फोरबादिल': सिमसन नार्जारि

⭕ जेरैबादि खोथा होदोंमोन एबा 6.3 दफाबादियै मावनानै होनांगौ, आरो जुदि खोथा होनायबादि मावफुंङाब्ला फैबायथानाय बिसायख'थियाव गुबुन रोखोमनि राहा लानाय जागोन: सिमसन नार्जारि

⭕ जुदि जोंनि दाबिखौ मावफुंङाब्ला फैबाय थानाय समाव जों गुवाहाटी आव जों धरना हाबाफारि लानाय जागोन: सिमसन नार्जारि

थांनाय 16 आगस्त निफ्राय लानानै 20 आगस्त दिनैसिम गुबुन गुबुन सरकारि नङै फरायसालिफोराव रेबगन खौ गाहायाव दोननाय ( Pen Down) हाबाफारि लानायखौ जों नुनो मोनदोंमोन।

मानोना BTR Accord जानायनि सिगां सिगां जेब्ला राजनिथिक फोसावदिं मेल' आव, जों सरकार जायोब्ला थाम दाननि गेजेरावनो सरकारि नङै फरायसालिफोरखौ सरकारि खालामगोन होनना बुंदोंमोन प्रमद बर' बिथांआ।

बिनिखायनो गुबुन गुबुन सरकारि नङै फरायसालिफोराव रेबगन खौ गाहायाव दोननाय हाबाफारि लानाय जादोंमोन बेबादिनो दिनै चिरां जिल्ला बेंथल गोजौसिन जुनियर फरायसालियाव रेबगन खौ गाहायाव दोननाय हाबाफारि लायो।

बे हाबाफारिनि गेजेरजोंनो माखासे सरकारि नङै फरायसालिफोरखौ थाबैनो सरकारि खालामनानै होनांगौ होनना दानि सोलिफु सरकारनिसिम दाबि खालामो बेंथल गोजौसिन जुनियर फरायसालिमानि Post Graduate फोरोंगिरि सिमसन नार्जारि बिथांङा।

12/08/2024

सिरां जिल्ला एबसुनि 4थि 13 बोसोर बैसो सिंनि हौवासाफोरनि जोलुर बादायलायनाया दिनै थुंगेबाय।

बडफा गोजोरथिआरि सोलायनाय मावथांखिखौ बिथा खालामनानै गुबुन गुबुन बोसोराव खुंबोबाय थानाय बादि एबा गुबुन गुबुन जिल्ला एबसुआ खुंनाय बादि देग्लायबो सिरां जिल्ला एबसुआ उन्दै उन्दै गथफोरखौ गेलेनाय बिथिंआव जौगासार खालामनाय आरो थुलुंगाखांनाय लाबोनायजों लोगोसे उन्दै गथफोरनि जिव राहा दानाय बिथिंखौ नोजोर बोनानै दिनै सिरां जिल्ला एबसुआ मोनस्नि दखरा आफादफोरखौ लानानै 13 बोसोर बैसो सिंनि हौवासाफोरनि जोलुर गेलेनाय बादायलायनायखौ गुरुभासा दालायसा एबसुनि सिंआव थानाय जोहोलाव सोमब्ला बसुमथारि जोलुर गेलेग्रा फोथाराव 5 आगस्तनिफ्राय खुंफुंनाय जादोंमोन।

मखनो गोनांदि, दिनै बेनिनो जोबथा खेलाया 10थि दुवार दखʼरा दुलाराय बर फरायसा आफाद आरो बासुगाव दखरा दुलाराय बर फरायसा आफादनि गेजेराव जायो आरो बे खेलानिनो जोबनाय फारसे 10थि दुवार दखʼरा दुलाराय बर फरायसा आफादा 2 गलजों देरहासाद जायो।

27/07/2024

Seemanta Chetana Mancha Purvottar Assam State Annual Convention 2024 माथाइनि बोसोरारि जुथुमानि हाबाफारियाव चिरां जिल्ला बेंटल फरायसालिमायाव खुंफुंजायो बे हाबाफारियावनो आसाम रायजोनि Governor Gulab Chand Kataria आरो बि.टि.आर नि गाहाय मावफुं सोद्रोमा प्रमद बर' बिथांमोना बाहागो लायो।

16/07/2024

G/156 बेटेलियान सि.आर.पि.एफ. आ चिरां जिल्लानि बेंटलाव बिफां फुलि गायनाय हाबाफारि जागायदों।

बे हाबाफारिखौ दिनै बेंगट'ल एम.भि. स्कुल आरो बेंगट'ल हेल्थ सेन्टारनिफ्राय जागायजेननाय जायो। 156 बटालियननि कमान्डिं अफिसार अनिल कुमारआ फोरमायदोंमोन दि 156 बटालियनखौ 13,000 आरो जी/156 बटालियनजों गोख्रों खालामनाय जादों। बोसोर 2024 मायथाइनि थाखाय 156 बेटालियनफोरनो 2400 बिफां गायनायनि थांखि होनाय जादों। बिसोरो बे थांखिखौ जेसेबां हायो एसेबां थाब मोनफुंनो नाजागासिनो दं। आबहावा सोलायनाय आरो ग्ल'बेल वार्मिंनि जाहोनाव जोंनि हादोरल' नङा, गासै मुलुगानो गोहोम गोग्लैगासिनो दं। बिथाङा बुंबावोदि, जों बिफांफोर आरो गुबुन मिथिंगायारि सम्फदफोरखौ रैखाथि होनानै बे सोलायनायखौ गोबां बिबांसिम होबथानो हायो। बेराफारसे ओनसोलनि सुबुंफोरा सिआरपिएफनि बेबादि हाबा मावनायखौ जोबोद खुसिमोनो आरो श्री अनिल कुमार, श्री ओंकार नाथ सिंह, कमान्डेन्ट आरो सीआरपीएफ जवानफोरखौ साबायखर बावो।

14/07/2024

चिरांनि भारत-भुटान सिमायाव थानाय देवश्रीआव मैदेरनि उदखार।

मोनाबिलि समाव हाग्रानि मैदेरफोरा ओंखारबोयो आरो फुंबिलिनि समाव ओंखारलांफिन्नो।

साननैसो सिगांनि समावबो हाग्रानि मैदेरनि गाग्लोबनायाव सासे सुबुंनि जिउ ख'हा जादोंमोन।

बिनि उनावबो हाग्रा बिफाना जेबो राहा लायाखै होन्ना गामिनि सुबुंफोरा दाबि खालामदों।

थिक बेबादिनो चिरां जिल्लानि देवश्रीयावबो हाग्रानि मैदेरफोरा हरनि सम मोब्लिब गैयैनि समखौ खाबु लाना हाग्रानिफ्राय ओंखारबोयो आरो न'फोरखौ बुफाय-बुसि खालामो लोगोसे माइरं जानानै गालांङो बिफां लाइफांफोरखौ सिलिंखार खालामलांनाय जाथाया सोमजिबाय थायो।

बेखौ लानानै ओनसोलनि सुबुंफ्रा थाबैनो होबथानायनि राहा लाब्ला मोजां जागोन होन्ना खौरांनि गेजेरजों खावलायो।

04/07/2024

चिरां जिल्ला भारत-भुटान सिमनानि साखाथियाव थानाय सान्थिफुर दालाय आफाद एबसुआ 'बड'फा गोजोरथियारि सोलायनाय मावथांखि" खौ बिथा खालामनायजों लोगोसे ओनसोलाव मोजां गेलेगिरि दिहुननांगौनि थांखिनिजों 13 बोसोर बैसोनि सिंनि हौवासाफोरनि जोलुर गेलेगिरि सायख'नायजों लोगोसे 10 सान फोरोंथाइ होनाय हाबाफारिखौ दिनै जागायबाय।

30/06/2024

चिरां जिल्लानि सिंआव थानाय आइपवालिनि आइ दैमायाव मैदेर फिसा गोजावबोदों।

अखा हानानै दै देरनायनि जावोनाव आइ दैमायाव मासे मैदेर फिसाया गोजावबोदों।

गोजाव बोनायखौ नुनानै ओनसोलनि सुबुंफोरा Forest बिफाननो खौरां हरो।

बेंटल फरेस्त बित आरो सान्थिपुर फरेस्त बित लोगो नांनानै गोजावबोनाय हाग्रानि मैदेर फिसाखौ दैयाव गोजावनायनिफ्राय रैखाथि खालामो। आरो रुनिखाथा Forest रेन्जसिम दैथायहरो।

KOKRAJHAR ST CONSTITUENCY SIDLI ASSEMBLY SEGMENT2ND ROUND RESULT
04/06/2024

KOKRAJHAR ST CONSTITUENCY
SIDLI ASSEMBLY SEGMENT
2ND ROUND RESULT

दुखुनांथाव रादाब। चिरां जिल्लानि DFO ब्रह्मानन्द पातरिआ बे बुहुमाव गैलिया! गुवाहाटी नोगोरमानि नेम केयार हस्पितालाव देहा ...
02/06/2024

दुखुनांथाव रादाब। चिरां जिल्लानि DFO ब्रह्मानन्द पातरिआ बे बुहुमाव गैलिया! गुवाहाटी नोगोरमानि नेम केयार हस्पितालाव देहा फाहामथाय लागासिनो थानाय बुब्लियावनो दिनै अबथिरायै रुंसारि जयो।

Address

Basugaon

Telephone

+916000758918

Website

Alerts

Be the first to know and let us send you an email when Bodoland Sun Kworang posts news and promotions. Your email address will not be used for any other purpose, and you can unsubscribe at any time.

Shortcuts

Share

Category