ਆਜ਼ਾਦ ਸੋਚ Azad Soch

ਆਜ਼ਾਦ ਸੋਚ Azad Soch Contact information, map and directions, contact form, opening hours, services, ratings, photos, videos and announcements from ਆਜ਼ਾਦ ਸੋਚ Azad Soch, Digital creator, bathinda, Bathinda.

ਆਪ ਸਭ ਨੂੰ ਜੀ ਆਇਆਂ ਨੂੰ, ਕਲਗੀਧਰ ਪਿਤਾ ਜੀ ਬਚਨਾਂ ਤੇ ਕਿਰਪਾ ਸਦਕਾ, ਕਈ ਸਿੱਖ ਮਿਸਲਾਂ ਦੇ ਇਕੱਠੇ ਹੋਣ ਤੋਂ ਬਾਅਦ ਹੋਂਦ ਵਿੱਚ ਆਏ ਸਿੱਖ ਰਾਜ ਪੰ...
27/06/2025

ਆਪ ਸਭ ਨੂੰ ਜੀ ਆਇਆਂ ਨੂੰ, ਕਲਗੀਧਰ ਪਿਤਾ ਜੀ ਬਚਨਾਂ ਤੇ ਕਿਰਪਾ ਸਦਕਾ, ਕਈ ਸਿੱਖ ਮਿਸਲਾਂ ਦੇ ਇਕੱਠੇ ਹੋਣ ਤੋਂ ਬਾਅਦ ਹੋਂਦ ਵਿੱਚ ਆਏ ਸਿੱਖ ਰਾਜ ਪੰਜਾਬ ਦਾ ਵਾਹਿਦ ਤੇ ਆਖਰੀ ਸੁਲਤਾਨ ਮਹਾਰਾਜਾ ਰਣਜੀਤ ਸਿੰਘ ਅੱਜ ਦੇ ਦਿਨ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਿਹਾ ਗਿਆ, ਉਸਦੇ ਰਹਿੰਦਿਆਂ ਅੰਗਰੇਜ਼ਾਂ ਦੀ ਹਿੰਮਤ ਨਹੀਂ ਪਈ ਕਿ ਉਹ ਪੰਜਾਬ ਦੇ ਕਬਜ਼ਾ ਕਰ ਜਾਣ, ਪੂਰੀ ਦੁਨੀਆਂ ਵਿੱਚ ਇੱਕਲੌਤਾ ਰਾਜ ਸਿੱਖਰਾਜ ਸੀ ਜਿਸ ਦੀਆਂ ਸਿਫਤਾਂ ਅੱਜ ਵੀ ਦੁਨੀਆਂ ਭਰ ਦੀਆਂ ਯੂਨੀਵਰਸਿਟੀਆਂ ਵਿੱਚ ਪੜਾਈਆਂ ਜਾਂਦੀਆਂ ਹਨ, ਮਹਾਰਾਜਾ ਰਣਜੀਤ ਸਿੰਘ ਨੇ ਕਦੀ ਵੀ ਕਿਸੇ ਧਰਮ ਨਾਲ ਭੇਦ ਭਾਵ ਤੇ ਵਿਤਕਰਾ ਨਹੀਂ ਕੀਤਾ, ਇੱਕੋ ਇੱਕ ਐਸਾ ਰਾਜ ਜਿਸ ਵਿੱਚ ਕਦੀ ਕਿਸੇ ਨੂੰ ਮੌਤ ਦੀ ਸਜ਼ਾ ਨਹੀਂ ਦਿੱਤੀ ਗਈ, ਪੰਜਾਬੀ ਮਾਂ ਬੋਲੀ ਅਤੇ ਹੋਰ ਭਾਸ਼ਾਵਾਂ ਵਿੱਚ ਪੜ੍ਹਾਈ ਉਸ ਸਮੇਂ ਪੰਜਾਬ ਵਿੱਚ ਸਿਖਰਾਂ ਤੇ ਸੀ, ਅੰਗਰੇਜ਼ਾਂ ਨੂੰ ਵੀ ਪੰਜਾਬ ਵਿੱਚ ਨੌਕਰੀ ਕਰਨ ਲਈ ਆਈਲੈਟਸ ਵਾਂਗ ਪੰਜਾਬੀ ਸਿੱਖਣੀ ਪੈਂਦੀ ਸੀ, ਪਰ ਉਸ ਦੇ ਜਾਣ ਤੋਂ ਬਾਅਦ ਉਸਦੇ ਤੇ ਸਿੱਖ ਰਾਜ ਦੇ ਵਾਰਸਾਂ ਇਥੋਂ ਤੱਕ ਕਿ ਉਸਦੀਆਂ ਰਾਣੀਆਂ ਤੇ ਨਬਾਲਗ ਪੁਤਰਾਂ ਤੱਕ ਦਾ ਵੱਖ ਵੱਖ ਲੱਕੜਬੱਗਿਆਂ ਵੱਲੋਂ ਬਹੁਤ ਹੀ ਭਿਆਨਕ ਸਾਜਿਸ਼ਾਂ ਨਾਲ ਦਰਦਨਾਕ ਅੰਤ ਕਰ ਦਿੱਤਾ ਗਿਆ, ਉਸ ਦੀ ਮੌਤ ਤੋਂ ਬਾਅਦ ਕਥਿਤ ਇਤਿਹਾਸਕਾਰਾਂ ਵੱਲੋਂ ਉਸ ਦੀ ਸ਼ਰਾਬੀ ਜਨਾਨੀਬਾਜ ਆਦਿ ਲਫਜ਼ ਵਰਤ ਕੇ ਕਿਰਦਾਰ ਕੁਸ਼ੀ ਕੀਤੀ, ਪਰ ਉਸ ਇਨਸਾਨ ਨੂੰ ਮੰਦਰ ਮਸਜਿਦ ਅਤੇ ਗੁਰਦੁਆਰਿਆਂ ਵਿੱਚ ਕਦੀ ਫਰਕ ਨਹੀਂ ਕੀਤਾ, ਜਗੀਰਾਂ ਰੁਤਬੇ ਅਤੇ ਤੋਹਫੇ ਦੇਣ ਵਿੱਚ ਕਦੇ ਵੀ ਕਿਸੇ ਧਰਮ ਨਾਲ ਵਿਤਕਰਾ ਨਹੀਂ ਕੀਤਾ, ਗੁਰ ਅਸਥਾਨਾਂ ਨੂੰ ਸੰਭਾਲਣ ਲਈ ਉਸ ਨੇ ਦਿਲ ਖੋਲ ਕੇ ਮਾਇਆ ਖਰਚ ਕੀਤੀ ਹਮੇਸ਼ਾ ਖਾਲਸੇ ਦਾ ਆਗਿਆਕਾਰ ਰਿਹਾ, ਸੰਤਾਂ, ਨਿਹੰਗ ਸਿੰਘ ਸੰਪਰਦਾਵਾਂ, ਅਕਾਲ ਤਖਤ ਸਾਹਿਬ ਦਾ ਸਦਾ ਤਾਬਿਆਦਾਰ ਰਿਹਾ,ਐਸੇ ਮਹਾਨ ਸੂਰਬੀਰ ਯੋਧੇ ਮਹਾਰਾਜਾ ਰਣਜੀਤ ਸਿੰਘ ਦੇ ਚਰਨਾਂ ਵਿੱਚ ਦਾਸ ਵੱਲੋਂ ਕੋਟਿ ਪ੍ਰਣਾਮ, ਉਸ ਦੇ ਜਾਣ ਤੋਂ ਬਾਅਦ ਉਸ ਵਰਗਾ ਰਾਜ ਨਾ ਕੋਈ ਕਰ ਸਕਿਆ ਤੇ ਨਾ ਹੀ ਕੋਈ ਕਰ ਸਕੇਗਾ
💐💐 ਕੱਲਾ ਸ਼ੇਰ ਨੀ ਚਿਖਾ ਦੇ ਵਿੱਚ ਸੜਿਆ, ਸੜ ਗਈ ਨਾਲ ਤਕਦੀਰ ਪੰਜਾਬੀਆਂ ਦੀ
🛰️🛰️🛰️🛰️ ਬਹੁਤ ਤੇਜ਼ੀ ਨਾਲ ਆਇਆ ਮਾਨਸੂਨ ਪੰਜਾਬ ਵਿੱਚ ਇਸ ਸਮੇਂ ਕੁਝ ਸੁਸਤੀ ਦਿਖਾ ਰਿਹਾ ਹੈ, ਅੱਜ ਬਹੁਤੇ ਇਲਾਕਿਆਂ ਵਿੱਚ ਹੁੰਮਸ ਅਤੇ ਬੱਦਲਵਾਈ ਦਾ ਮਿਲਿਆ ਜੁਲਿਆ ਰੂਪ ਦੇਖਣ ਨੂੰ ਮਿਲਿਆ ਹੈ, ਪੰਚਕੂਲਾ ਨੇੜੇ ਨਵੇਂ ਬੱਦਲਾਂ ਦਾ ਇੱਕ ਸਮੂਹ ਐਕਟਿਵ ਹੈ, ਜੇਕਰ ਇਸ ਦਾ ਦਾਇਰਾ ਵਧਿਆ ਤਾਂ ਇਹ ਤੜਕੇ ਮੁਹਾਲੀ ਸਾਈਡ ਤੋਂ ਇੱਕ ਦਰਮਿਆਨੀ ਰੇਂਜ ਦਾ ਮਾਨਸੂਨ ਸਪੈਲ ਲੈ ਕੇ ਪਟਿਆਲਾ, ਫਤਿਹਗੜ੍ਹ ਸਾਹਿਬ ਮੋਹਾਲੀ ਰੋਪੜ ਹੁੰਦਾ ਹੋਇਆ ਕੇਂਦਰੀ ਜ਼ਿਲਿਆਂ ਲੁਧਿਆਣਾ, ਬਰਨਾਲਾ ਸੰਗਰੂਰ ਅਤੇ ਨਾਲ ਲੱਗਦੇ ਹਿੱਸਿਆਂ ਵਿੱਚ ਦਰਮਿਆਨੀ ਬਾਰਿਸ਼ ਕਰ ਸਕਦਾ ਹੈ, ਇਧਰ ਜੰਮੂ ਸਾਈਡ ਵੀ ਕਾਫੀ ਬੱਦਲਵਾਈ ਬਣੀ ਹੋਈ ਹੈ ਜੋ ਮਾਝੇ ਤੇ ਨਾਲ ਲੱਗਦੇ ਬਾਰਡਰ ਵੱਧਦੇ ਜ਼ਿਲਿਆਂ ਵਿੱਚ ਕੁਝ ਥਾਵਾਂ ਤੇ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦੇ ਸਕਦੀ ਹੈ, ਕੁੱਲ ਮਿਲਾ ਕੇ ਮਾਨਸੂਨ ਸਿਸਟਮ ਨੂੰ ਹਾਲੇ ਪੂਰੀ ਤਰ੍ਹਾਂ ਐਕਟਿਵ ਨਾ ਮੰਨਿਆ ਜਾਵੇ, ਇਕਸਾਰ ਬਾਰਿਸ਼ ਲਈ ਜੁਲਾਈ ਦੇ ਪਹਿਲੇ ਹਫਤੇ ਦੀ ਉਡੀਕ ਕਰਨੀ ਪਵੇਗੀ, ਹਾਲਾਂਕਿ ਇਸ ਦੌਰਾਨ ਰਾਤਾਂ ਦਾ ਔਸਤ ਤਾਪਮਾਨ 27 ਡਿਗਰੀ ਤੋਂ ਹੇਠਾਂ ਬਣਿਆ ਰਹੇਗਾ ਦਿਨ ਦਾ ਔਸਤ ਤਾਪਮਾਨ 35 ਡਿਗਰੀ ਦੇ ਆਸ ਪਾਸ ਪਰ ਪੂਰੀ ਹੁੰਮਸ ਵਾਲਾ ਰਹੇਗਾ, ਗੁਰੂ ਸਾਹਿਬ ਸਭ ਦਾ ਭਲਾ ਕਰਨ

26/06/2025

ਗ੍ਰਿਫਨ ਦੇ ਫਾਇਦੇ

26/06/2025

ਹਾਂਜੀ ਦੋਸਤੋ ਮੀਹ ਕਿੱਥੇ ਕਿੱਥੇ ਪੈ ਰਿਹਾ....?

25/06/2025

ਆਪ ਸਭ ਨੂੰ ਜੀ ਆਇਆਂ ਨੂੰ, ਸਾਰੇ ਦੇਸ਼ ਦੇ ਕਿਸਾਨਾਂ ਨੂੰ ਜ਼ਮੀਨ ਦਾ ਮਾਲਕੀ ਹੱਕ ਦਿਵਾਉਣ ਵਾਲੇ ਮਹਾਨ ਸੂਰਬੀਰ, ਮਹਾਬਲੀ ਯੋਧੇ, ਕੌਮ ਦੀ ਏਕਤਾ ਕਰਨ ਵਾਲੇ, ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਅੱਜ ਸ਼ਹੀਦੀ ਦਿਹਾੜਾ ਹੈ, ਸਰਹੰਦ ਦੀ ਇੱਟ ਨਾਲ ਇੱਟ ਖੜਕਾਉਣ ਵਾਲੇ ਐਸੇ ਮਹਾਨ ਸੂਰਬੀਰ ਦੀ ਕੁਰਬਾਨੀ ਨੂੰ ਕੋਟ ਕੋਟ ਪ੍ਰਣਾਮ
🛰️⭐ ਹਿਮਾਚਲ ਵਿੱਚ ਬੱਦਲ ਫਟਣ ਦੀਆਂ ਘਟਨਾਵਾਂ ਸ਼ੁਰੂ ਹਨ, ਭਾਰੀ ਬਾਰਿਸ਼ ਕਾਰਨ ਡੈਮਾਂ ਤੋਂ ਬਾਅਦ ਦਰਿਆਵਾਂ ਵਿੱਚ ਪਾਣੀ ਦੀ ਆਮਦ ਵਧੀ ਹੈ, ਪਹਾੜਾਂ ਚ ਘੁੰਮਣ ਵਾਲਿਆਂ ਨੂੰ ਆਪਾਂ ਪਹਿਲਾਂ ਹੀ ਅਲਰਟ ਦੇ ਚੁੱਕੇ ਹਾਂ
⭐🛰️ਪੰਜਾਬ ਅਤੇ ਨਾਲ ਲੱਗਦੇ ਹਰਿਆਣਾ ਵਿੱਚ ਕਾਫੀ ਹਿੱਸਿਆਂ ਵਿੱਚ ਮਾਨਸੂਨ ਐਕਟਿਵ ਹੋ ਚੁੱਕੀ ਹੈ, ਹਾਲਾਂਕਿ ਰਾਜਸਥਾਨ ਵਿੱਚ ਮਾਨਸੂਨ ਪੂਰੀ ਤਰ੍ਹਾਂ ਕਿਰਿਆਸ਼ੀਲ ਹੋਣ ਵਿੱਚ ਥੋੜਾ ਸਮਾਂ ਲੱਗੇਗਾ, ਇਸ ਦੌਰਾਨ ਬਹੁਤ ਥੋੜੇ ਥਾਵਾਂ ਤੇ ਬਾਰਸ ਦੇ ਚੰਗੇ ਸਪੈਲ ਲੱਗੇ ਹਨ ਜਿਆਦਾਤਰ ਥਾਵਾਂ ਤੇ ਹਲਕੀ ਜਾਂ ਦਰਮਿਆਨੀ ਬਾਰਿਸ਼ ਦੇ ਥੋੜੇ ਸਮੇਂ ਦੇ ਲੱਗਣ ਵਾਲੇ ਛੜਾਕੇ ਹੋਰ ਜਿਆਦਾ ਹੁੰਮਸ ਪੈਦਾ ਕਰਦੇ ਹਨ ਜਿਸ ਕਾਰਨ 33- 34 ਡਿਗਰੀ ਤਾਪਮਾਨ ਵੀ 45 ਡਿਗਰੀ ਵਰਗਾ ਮਹਿਸੂਸ ਹੁੰਦਾ ਹੈ
🛰️🛰️🛰️⭐ ਯੂਰੋ ਰਡਾਰ ਅਨੁਸਾਰ ਮਾਨਸੂਨ ਨੂੰ ਪੂਰੀ ਤਰ੍ਹਾਂ ਪੰਜਾਬ ਵਿੱਚ ਇਕਸਾਰ ਬਾਰਿਸ਼ ਕਰਨ ਵਾਸਤੇ ਹਾਲੇ ਘੱਟੋ ਘੱਟ ਚਾਰ ਦਿਨ ਦਾ ਸਮਾਂ ਹੋਰ ਲੱਗੇਗਾ, ਇਸ ਦਾ ਕਾਰਨ ਐਕਸਿਸ ਲਾਈਨ ਦਾ ਥੋੜਾ ਸਾਈਡ ਦੇ ਖਿਸਕਣਾ ਅਤੇ ਬੈਕਅਪ ਦਾ ਕਮਜ਼ੋਰ ਹੋਣਾ ਹੈ ਪਰ ਹੌਲੀ ਹੌਲੀ ਵਧੀਆ ਬੈਕਅਪ ਅਤੇ ਨਵੇਂ ਬੱਦਲਾਂ ਦੇ ਬਣਨ ਕਾਰਨ ਮਾਨਸੂਨ ਜ਼ੋਰ ਪਕੜੇਗਾ ਅਤੇ ਇਕਸਾਰ ਬਾਰਿਸ਼ ਹੋਵੇਗੀ, ਵੈਸੇ ਬਾਰਿਸ਼ ਵਿੱਚ ਹੋ ਰਹੀ ਦੇਰੀ ਪੱਕਾ ਵੀ ਮੱਕੀ ਸਾਂਭਣ ਲਈ ਅਤੇ ਸਾਈਲੇਜ ਪਾਉਣ ਲਈ ਬਹੁਤ ਚੰਗੀ ਹੈ
🛰️🛰️ ਗੱਲ ਕਰੀਏ ਆਉਣ ਵਾਲੇ 24 ਘੰਟਿਆਂ ਦੀ, ਅਗਲੇ 24 ਘੰਟਿਆਂ ਦੌਰਾਨ ਖਾਸ ਕਰਕੇ ਤੜਕੇ 2 ਵਜੇ ਤੋਂ ਲੈ ਕੇ 10 ਵਜੇ ਤੱਕ ਪੰਜਾਬ ਵਿੱਚ ਵਿਰਲੇ ਥਾਵਾਂ ਤੇ ਹੀ ਦਰਮਿਆਨੀ ਤੋਂ ਭਾਰੀ ਬਾਰਿਸ਼ ਦੇ ਸਪੈਲ ਲੱਗਣਗੇ ਬਾਕੀ ਥਾਵਾਂ ਤੇ ਹਲਕੀ ਬਾਰਸ ਦੇ ਛੜਾਕੇ ਰੁਕ ਰੁਕ ਕੇ ਲੱਗਦੇ ਰਹਿਣਗੇ ਜਿਸ ਕਾਰਨ ਪੂਰਾ ਦਿਨ ਹੁੰਮਸ ਬਣੀ ਰਹੇਗੀ, ਵਧੀ ਹੋਈ ਨਮੀਂ ਕਾਰਨ ਦਿਨ ਦਾ ਔਸਤ ਤਾਪਮਾਨ 33 ਡਿਗਰੀ ਹੀ ਰਹੇਗਾ ਪਰ ਗਰਮੀ 40 ਡਿਗਰੀ ਤੋਂ ਉੱਪਰ ਵਾਲੀ ਮਹਿਸੂਸ ਹੋਵੇ, ਗੱਲ ਕਰੀਏ ਹਵਾ ਦੀ ਗਤੀ ਦੀ ਤਾਂ ਕੁਝ ਥਾਵਾਂ ਤੇ ਥੋੜੇ ਸਮੇਂ ਲਈ ਹਵਾ ਵਧੀਆ ਚੱਲੇਗੀ ਪਰ ਜਿਆਦਾਤਰ ਥਾਵਾਂ ਤੇ ਗੁੰਮ ਹਵਾ ਕਾਰਨ ਪਰੇਸ਼ਾਨੀ ਰਹੇਗੀ, ਗੁਰੂ ਸਾਹਿਬ ਸਭ ਦਾ ਭਲਾ ਕਰੇ

25/06/2025

ਝੋਨੇ ਲਈ ਵਰਦਾਨ ਗ੍ਰਿਫਨ

25/06/2025

, - ਈਰਾਨ ਫਲਸਤੀਨ ਜੰਗ ਦਾ ਭਾਰਤੀ ਬਾਸਮਤੀ ਚੌਲਾਂ ਤੇ ਅਸਰ ਭਾਗ-2
📢 ਪੂਰੀ ਦੁਨੀਆਂ ਨੂੰ ਦਹਿਸ਼ਤਜ਼ਦਾ ਕਰਨ ਵਾਲੀ ਈਰਾਨ ਇਜ਼ਰਾਇਲ ਜੰਗ ਇਸ ਸਮੇਂ ਸੀਜਫਾਇਰ ਨੇੜੇ ਹੈ, ਇਹ ਜੰਗ ਪੂਰੀ ਦੁਨੀਆਂ ਨੂੰ ਖਾਸ ਕਰਕੇ ਇਰਾਨ ਅਤੇ ਇਜ਼ਰਾਇਲ ਨੂੰ ਬਹੁਤ ਸਬਕ ਦੇ ਕੇ ਗਈ ਹੈ, ਜਰਾ ਪਿਛਲੇ ਤਿੰਨਾਂ ਸਾਲਾਂ ਤੇ ਨਜ਼ਰ ਮਾਰਿਓ ਫਲਸਤੀਨ ਦੇ ਗਾਜ਼ਾ ਵਿੱਚ ਲੱਖਾਂ ਲੋਕ ਬੇਘਰ ਹੋ ਗਏ ਹਜ਼ਾਰਾਂ ਬੱਚੇ ਬੁੱਢੇ ਅਤੇ ਔਰਤਾਂ ਮਾਰੇ ਗਏ, ਪੂਰੀ ਦੁਨੀਆ ਵਿੱਚ ਯੂਐਨਓ ਤੋਂ ਲੈ ਕੇ ਵੱਡੀਆਂ ਸੰਸਥਾਵਾਂ ਤੱਕ ਕਿਸੇ ਦੇ ਮਨ ਵਿੱਚ ਕੋਈ ਦਰਦ ਨਹੀਂ ਆਇਆ, ਹਰੇਕ ਥਾਂ ਤੇ ਪੰਗੇ ਲੈਣਾ ਇਸ ਵਾਰ ਇਜ਼ਰਾਇਲ ਨੂੰ ਬਹੁਤ ਮਹਿੰਗਾ ਪਿਆ ਹੈ, ਪਿਛਲੇ 100 ਸਾਲ ਦੀਆਂ ਅਮਰੀਕੀ ਨੀਤੀਆਂ ਕਾਰਨ ਲਗਭਗ ਸਾਰਾ ਅਰਬ ਅਮਰੀਕਾ ਦੇ ਗੋਡਿਆਂ ਹੇਠ ਹੈ, ਥਾਂ ਥਾਂ ਤੇ ਉਸਨੇ ਆਪਣੇ ਫੌਜੀ ਬਣਾਏ ਹੋਏ ਹਨ, ਪਰ ਇਸ ਵਾਰ ਪੰਗਾ ਤਕੜੇ ਮਰਦ ਦੇਸ਼ ਇਰਾਨ ਨਾਲ ਪੈ ਗਿਆ, ਆਪਣੀ ਸਿਰੇ ਦੇ ਮਿਲਟਰੀ ਅਫਸਰਾਂ ਅਤੇ ਪਰਮਾਣੂ ਵਿਗਿਆਨੀਆਂ ਨੂੰ ਇਸ ਜੰਗ ਗਵਾ ਕੇ ਵੀ ਉਸ ਦੇ ਹੌਸਲੇ ਮੰਦੇ ਨਹੀਂ ਪਏ, ਦੁਨੀਆਂ ਦੇ ਸਿਰੇ ਦੇ ਅਖਬਾਰਾਂ ਅਤੇ ਪੱਤਰਕਾਰਾਂ ਦੇ ਹਵਾਲੇ ਨਾਲ ਖਬਰ ਇਹ ਹੈ ਕਿ ਅਮਰੀਕਾ ਦੇ ਵੱਡੇ ਬੰਬ ਹਮਲੇ ਵਿੱਚ ਵੀ ਇਰਾਨ ਦੇ ਬੰਕਰਾਂ ਦਾ ਕੁਝ ਖਾਸ ਨੁਕਸਾਨ ਨਹੀਂ ਹੋਇਆ ਇਹ ਜਮੀਨ ਤੋਂ ਲਗਭਗ ਅੱਧਾ ਕਿਲੋਮੀਟਰ ਹੇਠਾਂ ਹਨ, ਤਕਰੀਬਨ 16 ਤਰ੍ਹਾਂ ਦੀਆਂ ਵੱਖੋ ਵੱਖ ਮਿਜ਼ਾਈਲਾਂ ਬਣਾ ਕੇ ਅਤੇ ਉਹਨਾਂ ਨੂੰ ਸਫਲਤਾ ਪੂਰਵਕ ਇਜ਼ਰਾਇਲ ਦੀ ਰਾਜਧਾਨੀ ਅਤੇ ਹੋਰ ਸ਼ਹਿਰਾਂ ਵਿੱਚ ਮੁੱਖ ਨਿਸ਼ਾਨੇ ਫੁੰਡ ਕੇ ਇਰਾਨ ਨੇ ਪੂਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ, ਸੋਚ ਕੇ ਦੇਖਿਓ ਮਿਜ਼ਾਈਲਾਂ ਗੂਗਲ ਮੈਪ ਜਾਂ ਜੀਪੀਐਸ ਸਿਸਟਮ ਦੇ ਅਨੁਸਾਰ ਨਿਸ਼ਾਨੇ ਤੇ ਪਹੁੰਚਦੀ, ਪਰ ਈਰਾਨ ਨੇ ਬਹੁਤ ਹੀ ਸੀਮਤ ਤੇ ਪੁਰਾਣੀ ਟੈਕਨੋਲਜੀ ਅਤੇ ਇਜ਼ਰਾਇਲ ਦੇ ਕੈਮਰਿਆਂ ਨੂੰ ਹੈਕ ਕਰਕੇ ਨਾਲ ਮੌਸਾਦ ਦੇ ਹੈਡ ਕੁਆਰਟਰ ਤੋਂ ਲੈ ਕੇ ਇਜ਼ਰਾਇਲ ਦੇ ਖਾਸ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ, ਕਮਜ਼ੋਰ ਦੇਸ਼ਾਂ ਤੇ ਦਬਕਾ ਮਾਰ ਕੇ ਟੰਗ ਅੜਾਉਣ ਵਾਲੇ ਇਜ਼ਰਾਇਲ ਨੂੰ ਪਿੱਟਣ ਲਾ ਦਿੱਤਾ, ਇਰਾਨ ਦੇ ਮਰਦ ਸੂਰਮੇ ਖੁਮੈਨੀ ਦੀ ਦਾਦ ਦੇਣੀ ਬਣਦੀ ਹੈ ਜਿਸ ਨੇ ਬਿਨਾਂ ਡਰਿਆ ਕੁਵੈਤ ਵਿੱਚ ਅਮਰੀਕੀ ਫੌਜ ਦੇ ਟਿਕਾਣਿਆਂ ਤੇ ਵੀ ਮਿਜ਼ਾਈਲਾਂ ਦਾਗ ਦਿੱਤੀਆਂ, ਘੰਟਿਆਂ ਵਿੱਚ ਹੀ ਸੀਜ ਫਾਇਰ ਦੇ ਐਲਾਨ ਨੇ ਅਮਰੀਕਾ ਵੀ ਦਹਿਸ਼ਤਜ਼ਦਾ ਕਰਕੇ ਰੱਖਿਆ ਹੈ,ਇਹ ਸੀਜਫਾਇਰ ਅਸਲ ਵਿੱਚ ਇਰਾਨ ਦੀ ਜਿੱਤ ਏ…
⭐ ਭਾਰਤੀ ਅਖਬਾਰਾਂ ਖਾਸ ਕਰਕੇ ਪੰਜਾਬ ਦੇ ਅਖਬਾਰਾਂ ਵੱਲੋਂ ਬਾਸਮਤੀ ਰੇਟਾਂ ਬਾਰੇ ਬਹੁਤ ਰੌਲਾ ਪਾਇਆ ਗਿਆ, ਸੋ ਮੌਜੂਦਾ ਹਾਲਾਤਾਂ ਅਨੁਸਾਰ ਸੀਜ ਫਾਇਰ ਤੋਂ ਬਾਅਦ ਹੌਲੀ ਹੌਲੀ ਸਾਰੀ ਸਥਿਤੀ ਨਾਰਮਲ ਹੋ ਜਾਏਗੀ, ਅਸਲ ਵਿੱਚ ਰੌਲੇ ਰੱਪੇ ਦੌਰਾਨ ਵਪਾਰੀ ਵੱਧ ਲੁੱਟ ਖੋਹ ਕਰਦਾ ਹੈ, ਜੰਗ ਦੌਰਾਨ ਵਪਾਰੀਆਂ ਦੇ ਪੈਸੇ ਫਸਣਾ ਇਕ ਕਾਰਨ ਜਰੂਰ ਰਹਿੰਦਾ ਹੈ ਪਰ ਮੌਜੂਦਾ ਹਾਲਾਤਾਂ ਤੋਂ ਬਾਅਦ ਸਥਿਤੀ ਬਿਲਕੁਲ ਅਨੁਕੂਲ ਹੋ ਰਹੀ ਹੈ, ਜੇਕਰ ਇਜਰਾਇਲ, ਅਮਰੀਕਾ ਕੋਈ ਫਾਲਤੂ ਸ਼ੈਤਾਨੀ ਨਾ ਕਰਨ ਤਾਂ ਆਉਣ ਵਾਲਾ ਸਮਾਂ ਬਿਲਕੁਲ ਠੀਕ ਰਹੇਗਾ, ਇਸ ਲਈ ਬਾਸਮਤੀ ਰੇਟਾਂ ਤੇ ਕੋਈ ਬਹੁਤਾ ਜਿਆਦਾ ਅਸਰ ਨਹੀਂ ਪੈਂਦਾ
⭐ ਕੱਚਾ ਤੇਲ ਭਾਰਤ ਇਰਾਨ ਤੋਂ ਵੱਡੀ ਮਾਤਰਾ ਵਿੱਚ ਖਰੀਦਦਾ ਹੈ ਪਰ ਸਾਡੇ ਕੋਲ ਰੂਸ ਅਤੇ ਬਾਕੀ ਦੇਸ਼ਾਂ ਵੱਲੋਂ ਤੇਲ ਖਰੀਦਣ ਦੇ ਬਹੁਤ ਵਿਕਲਪ ਹਨ
⭐ ਆਉਣ ਵਾਲੇ ਸਮੇਂ ਵਿੱਚ ਈਰਾਨ ਆਪਣੇ ਏਅਰ ਡਿਫੈਂਸ ਸਿਸਟਮ ਨੂੰ ਮਜਬੂਤ ਜਰੂਰ ਕਰੇਗਾ ਨਾਲ ਹੀ ਹਾਈਪਰਸੋਨਿਕ ਅਤੇ ਸੁਪਰ ਸੋਨਿਕ ਮਿਜ਼ਾਈਲਾਂ ਵਿੱਚ ਹੋਰ ਵਾਧਾ ਕਰੇਗਾ⭐ ਇਸ ਜੰਗ ਦਾ ਮੁੱਖ ਏਜੰਡਾ ਸੀ ਇਰਾਨ ਨੂੰ ਪਰਮਾਣੂ ਤਾਕਤ ਬਣਨ ਤੋਂ ਰੋਕਣਾ ਜੋ ਕਿ ਨਹੀਂ ਹੋਇਆ ਸਗੋਂ ਹੁਣ ਉਹ ਦੁੱਗਣੇ ਹੌਸਲੇ ਨਾਲ ਕੰਮ ਕਰਨਗੇ ਕਿਉਕਿ ਕੱਲੇ ਇਰਾਨ ਨੇ ਅਮਰੀਕਾ ਤੇ ਇਜਰਾਇਲ ਦੋਨਾ ਦਾ ਮੁਕਾਬਲਾ ਕਰਕੇ ਮੂੰਹ ਤੋੜਵਾ ਜਵਾਬ ਦਿੱਤਾ ।
⭐ ਗੋਦੀ ਮੀਡੀਆ ਚੀਕ ਚੀਕ ਕੇ ਭਗਤਾਂ ਨੂੰ ਇਹ ਦੱਸਦਾ ਰਿਹਾ ਹੈ,ਇਜ਼ਰਾਇਲ ਦਾ ਡਿਫੈਸ਼ ਸਿਸਟਮ ਏਨਾ ਮਜ਼ਬੂਤ ਏ ਕਿ ਉਹਤੇ ਮਿਜ਼ਾਇਲ ਨਾਲ ਹਮਲਾ ਨਹੀਂ ਕੀਤਾ ਜਾ ਸਕਦਾ ਪਰ ਇਰਾਨ ਨੇ ਤਾ ਚੂਰਾ ਬਣਾਤਾ ਬਿਲਡਿੰਗਾਂ ਦਾ, ਕਈ ਮਿਲੀਅਨ ਡਾਲਰਾਂ ਦਾ ਨੁਕਸਾਨ ਕਰਤਾ 10-12 ਦਿਨਾਂ ਚ, ਤੁਹਾਨੂੰ ਇਹ ਦੱਸਦਾ ਜਾਵਾਂ ਕਿ ਇਰਾਨ ਦੀ ਇੱਕ ਮਜ਼ਾਈਲ ਨੂੰ ਇਜ਼ਰਾਇਲ ਤੇ ਡਿੱਗਣ ਤੋਂ ਰੋਕਣ ਲਈ ਹਵਾ ਵਿੱਚ ਖਤਮ ਕਰਨ ਲਈ ਲੱਖਾਂ ਡਾਲਰ ਖਰਚਾ ਆਉਂਦਾ ਹੈ, ਇਜ਼ਰਾਇਲ ਦਾ ਇਸ ਸਮੇਂ ਕਰੌੜਾਂ ਡਾਲਰ ਦਾ ਖਰਚਾ ਹੋ ਚੁੱਕਿਆ ਹੈ ਇਸ ਦੀ ਭਰਭਾਈ ਕਰਨੀ ਕੋਈ ਸੌਖਾ ਕੰਮ ਨਹੀਂ, ਇਜ਼ਰਾਇਲ ਕੋਲ ਇੰਨਾ ਪੈਸਾ ਕਿੱਥੋਂ ਆਉਂਦਾ ਹੈ ਇਸ ਬਾਰੇ ਗੱਲਬਾਤ ਬਹੁਤ ਲੰਬੀ ਹੈ ਕਦੀ ਦੁਬਾਰਾ ਚਰਚਾ ਕਰਾਂਗਾ
⭐ਇਹ ਲੋਕ ਇਰਾਨ ਚ ਤਖਤਾ ਪਲਟ ਕਰਨਾ ਚਾਹੁੰਦੇ ਸੀ ਉਹ ਵੀ ਨਹੀਂ ਹੋਇਆ, ਬੁੱਢੇ ਸ਼ੇਰ ਨੂੰ ਉਥੋਂ ਦੀ ਜਨਤਾ ਪੀਰਾਂ ਵਾਂਗ ਮੰਨਦੀ ਹੈ ਜਿਹੜੇ ਫੌਜੀ ਅਫਸਰ ਇਰਾਨ ਦੇ ਮਾਰੇ ਗਏ ਉਹ ਕੁਝ ਮੌਸਾਦ ਏਜੰਟਾਂ ਅਤੇ ਕੁਝ ਲਾਲਚੀ ਇਰਾਨੀ ਲੋਕਾਂ ਦੀ ਗਦਾਰੀ ਕਾਰਨ ਮਾਰੇ ਗਏ ਸਨ ਅਗਲਿਆਂ ਨੇ ਸਭ ਤੋਂ ਪਹਿਲਾਂ ਲੱਭ ਲੱਭ ਕੇ ਗਦਾਰ ਮੌਤ ਗੱਡੀ ਚਾੜੇ ਹਨ
⭐ ਅਮਰੀਕਾ ਦੇ ਫੌਜੀ ਕੈਂਪਾਂ ਤੇ ਸਿੱਧੇ ਹਮਲੇ ਕਰਕੇ ਦੱਸਤਾ ਕਿ ਅਮਰੀਕਾ ਦਾ ਡਰ ਹੀ ਬਾਹਲਾ ਬਣਾਇਆ ਹੋਇਆ, ਅਮਰੀਕੀ ਵੀ ਡਰਦੇ ਨੇ ਜਦੋਂ ਬੇਗਾਨੇ ਪੁੱਤ ਗਲਮੇ ਨੂੰ ਹੱਥ ਪਾਉਂਦੇ ਆ
⭐ ਅਲਜ਼ਜੀਰਾ ਤੇ ਬੀਬੀਸੀ ਅਨੁਸਾਰ ਜੰਗਬੰਦੀ ਲਈ ਪਹਿਲ ਇਜ਼ਰਾਇਲ ਅਮਰੀਕਾ ਨੇ ਡਰਦਿਆਂ ਕੀਤੀ ਹੈ
⭐ ਇਹ ਜੰਗ ਇੱਕ ਸਬਕ ਹੋਰ ਦੇ ਗਈ ਕਿ ਕਿਸੇ ਵੀ ਦੇਸ਼ ਨੂੰ ਆਪਣੇ ਬਲਬੂਤੇ ਤੇ ਹੀ ਭਰੋਸਾ ਕਰਨਾ ਪਵੇਗਾ ਇਸ ਜੰਗ ਵਿੱਚ ਚੀਨ ਰੂਸ ਉੱਤਰ ਕੋਰੀਆ ਸਮੇਤ ਕਿਸੇ ਵੀ ਦੇਸ਼ ਨੇ ਸਿੱਧੇ ਤੌਰ ਤੇ ਇਰਾਨ ਦਾ ਨਹੀਂ ਸਾਥ ਦਿੱਤਾ, ਹਾਂ ਚੀਨ ਅਤੇ ਰੂਸ ਵੱਲੋਂ ਕੁਝ ਹਥਿਆਰ ਜਰੂਰ ਦਿੱਤੇ ਗਏ ਹਨ, ਜੰਗ ਕਦੀ ਵੀ ਕਿਸੇ ਦੇਸ਼ ਲਈ ਚੰਗੀ ਨਹੀਂ ਹੁੰਦੀ, ਪਰ ਅਮਰੀਕਾ ਅਤੇ ਇਜ਼ਰਾਇਲ ਵਰਗੇ ਹਥਿਆਰ ਵੇਚਣ ਵਾਲੇ ਬਾਂਦਰਜਾਤ ਮੁਲਕ ਦੁਨੀਆਂ ਵਿੱਚ ਕਿਤੇ ਨਾ ਕਿਤੇ ਹੱਲਾ ਗੁੱਲਾ ਕਰਨ ਦੀ ਸ਼ੈਤਾਨੀ ਕਰਦੇ ਰਹੇ ਹਨ ਅਤੇ ਕਰਦੇ ਰਹਿਣਗੇ, ਰੱਬ ਖੈਰ ਕਰੇ ਪੂਰੀ ਦੁਨੀਆ ਸੁਖ ਸਾਂਦ ਨਾਲ ਵਸੇ

25/06/2025

ਝੋਨੇ ਲਈ ਵਰਦਾਨ ਸਿੱਧ ਹੋਇਆ ਗ੍ਰਿਫਨ

24/06/2025

ਮੌਸਮ ਪੰਨੇ 'ਤੇ ਤੁਹਾਡਾ ਸਾਰਿਆਂ ਦਾ ਸਵਾਗਤ ਕਰਦੇ ਹਨ, ਪਹਾੜਾਂ ਵੱਲ ਇੱਕ ਐਕਸ-ਲਾਈਨ ਬਣਾ ਰਿਹਾ ਮਾਨਸੂਨ ਅਗਲੇ 48 ਘੰਟਿਆਂ ਲਈ ਪੰਜਾਬ ਦੇ ਕਈ ਹਿੱਸਿਆਂ ਵਿੱਚ ਸਰਗਰਮ ਰਹੇਗਾ, ਕੁਝ ਹਿੱਸਿਆਂ ਵਿੱਚ ਅੱਜ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਹੋਈ ਹੈ, ਪਰ ਕੁੱਲ ਮਿਲਾ ਕੇ ਇਸ ਹਫਤੇ ਦੇ ਅੰਤ ਤੱਕ ਪੰਜਾਬ ਵਿੱਚ ਚੰਗੀ ਤਰ੍ਹਾਂ ਸਰਗਰਮ ਹੋਣ ਵਿੱਚ ਸਮਾਂ ਲੱਗੇਗਾ, ਰਾਜਸਥਾਨ ਦੇ ਪੰਜਾਬ ਨਾਲ ਲੱਗਦੇ ਅਨੂਪਗੜ੍ਹ ਗੰਗਾ ਨਗਰ ਆਦਿ ਵਿੱਚ ਅਗਲੇ 48 ਘੰਟਿਆਂ ਬਾਅਦ ਬਾਰਿਸ਼ ਸਰਗਰਮ ਹੋਵੇਗੀ।
📢📢📢 ਊਨਾ ਤੋਂ ਡਲਹੋਜੀ ਤੱਕ ਮਾਨਸੂਨ ਦੀ ਇੱਕ ਬਹੁਤ ਹੀ ਮਜ਼ਬੂਤ ​​ਪਰਤ ਬਣ ਗਈ ਹੈ। ਜੇਕਰ ਇਸ ਸਿਸਟਮ ਵਿੱਚ ਨਮੀ ਮਿਲਦੀ ਰਹੀ, ਤਾਂ ਹੁਸ਼ਿਆਰਪੁਰ, ਗੁਰਦਾਸਪੁਰ, ਪਠਾਨਕੋਟ, ਅੰਮ੍ਰਿਤਸਰ, ਤਰਨਤਾਰਨ ਅਤੇ ਨਾਲ ਲੱਗਦੇ ਫਿਰੋਜ਼ਪੁਰ ਦੇ 50% ਤੋਂ ਵੱਧ ਹਿੱਸਿਆਂ ਵਿੱਚ ਸਵੇਰੇ 1 ਵਜੇ ਤੋਂ ਸਵੇਰੇ 9 ਵਜੇ ਤੱਕ ਭਾਰੀ ਬਾਰਿਸ਼ ਹੋਵੇਗੀ। ਸਿਸਟਮ ਦਾ ਇੱਕ ਹਿੱਸਾ ਮੋਹਾਲੀ ਵਾਲੇ ਪਾਸੇ ਤੋਂ ਰੋਪੜ, ਨਵਾਂਸ਼ਹਿਰ ਤੋਂ ਲੁਧਿਆਣਾ ਤੋਂ ਮੋਗਾ, ਬਰਨਾਲਾ ਬਠਿੰਡਾ ਵੱਲ ਵਧੇਗਾ, ਇਨ੍ਹਾਂ ਵਿੱਚੋਂ 25% ਥਾਵਾਂ 'ਤੇ ਦਰਮਿਆਨੀ ਬਾਰਿਸ਼ ਹੋ ਸਕਦੀ ਹੈ।
☠️☠️☠️ ਕੁਝ ਥਾਵਾਂ 'ਤੇ, ਮੀਂਹ 35 ਤੋਂ 45 ਕਿਲੋਮੀਟਰ ਤੱਕ ਹਨੇਰਾ ਵੀ ਕਰ ਸਕਦਾ ਹੈ, ਜਿਸ ਨਾਲ ਤਾਜ਼ੀ ਲਗਾਈ ਗਈ ਝੋਨੇ ਦੀ ਫਸਲ ਨੂੰ ਨੁਕਸਾਨ ਹੋ ਸਕਦਾ ਹੈ।
ਨੋਟ 👉🏻 ਸਾਥੀਓ ਮਾਨਸੂਨ ਜਾਂ ਕੋਈ ਹੋਰ ਸਿਸਟਮ ਆਪਣੇ ਬੈਕਅੱਪ ਦੇ ਆਧਾਰ 'ਤੇ ਲੰਬੀ ਦੂਰੀ ਲਈ ਮੀਂਹ ਦਿੰਦਾ ਹੈ, ਜੇਕਰ ਇਸਨੂੰ ਬੈਕਅੱਪ ਨਹੀਂ ਮਿਲਦਾ ਤਾਂ ਸੀਮਤ ਥਾਵਾਂ 'ਤੇ ਹਲਕੀ ਬਾਰਿਸ਼ ਦੇ ਛਿੱਟੇ ਪੈਣਗੇ, ਇਸ ਸਿਸਟਮ ਕਾਰਨ ਦਿਨ ਦਾ ਤਾਪਮਾਨ 33 ਡਿਗਰੀ ਦੇ ਆਸ-ਪਾਸ ਆਵੇਗਾ, ਕੁਝ ਥਾਵਾਂ 'ਤੇ ਠੰਡੀ ਹਵਾ ਰਾਹਤ ਦੇਵੇਗੀ, ਪਰ ਜ਼ਿਆਦਾਤਰ ਇਲਾਕਿਆਂ ਵਿੱਚ ਹੁੰਮਸ ਰਹੇਗਾ, ਕਿਸੇ ਵੀ ਮੌਸਮੀ ਤਬਦੀਲੀ ਬਾਰੇ ਅਪਡੇਟ ਦੇਣਗੇ, ਗੁਰੂ ਸਾਹਿਬ ਸਭ ਦਾ ਭਲਾ ਕਰਨ।

21/06/2025

🛰️🛰️🛰️🛰️ update
ਮਾਨਸੂਨ ਦੀ ਹਿਮਾਚਲ ਚ ਐਂਟਰੀ ਸ਼ੁਰੂ, ਮੰਡੀ, ਸ਼ਿਮਲਾ, ਕੁੱਲੂ,ਬਿਲਾਸਪੁਰ ਸਮੇਤ ਸਾਰੇ ਹੇਠਲੇ ਪਹਾੜੀ ਇਲਾਕਿਆਂ ਵਿੱਚ ਦਰਮਿਆਨੀ ਤੋਂ ਭਾਰੀ ਬਾਰਿਸ਼ ਦੀ ਆਉਣ ਵਾਲੇ ਦਿਨਾਂ ਚ ਪੂਰੀ ਸੰਭਾਵਨਾ ਬਣ ਚੁੱਕੀ ਹੈ , ਪਰਿਵਾਰਾਂ ਨਾਲ ਪਹਾੜਾਂ ਚ ਛੁੱਟੀਆਂ ਮਨਾਉਣ ਵਾਲੇ, ਪੱਕੀਆਂ ਜਾਂ ਕਿਰਾਏ ਦੀਆਂ ਸਹੇਲੀਆਂ 💕 ਨਾਲ ਘੁੰਮਣ ਦੇ ਸ਼ੌਕੀਨ ਕੁਝ ਦਿਨ ਰੁਕ ਕੇ ਜਾਇਉ, ਨਹੀਂ ਤਾਂ ਰੋਡ ਬਲੌਕ ਹੋਣ ਨਾਲ ਫਸ ਸਕਦੇ ਹੋ, ਪਾਣੀ ਦੀ ਬੋਤਲ ਵੀ 150 ਦੀ ਮਿਲਦੀ ਫਸਿਆਂ ਨੂੰ, ਮਿੱਟੀ ਦੇ ਪਹਾੜ ਥਾਂ ਥਾਂ ਤੋਂ ਨਿਕਲੇ ਨਵੇਂ ਹਾਈਵੇ, ਪਹਾੜ ਪੱਧਰੀ ਕਰਕੇ ਨਦੀਆਂ ਕੰਢੇ ਬਣੇ ਹੋਟਲ, ਫੈਕਟਰੀਆਂ, ਘਰ ਬਣਾਉਣ ਲਈ ਕੀਤੀ ਗਈ ਪਹਾੜਾਂ ਦੀ ਤੋੜਫੋੜ ਨਾਲ ਪਾਣੀ ਲੰਘਣ ਦੇ ਰੁਕੇ ਹੋਏ ਕੁਦਰਤੀ ਰਸਤਿਆਂ ਕਾਰਨ ਇਸ ਵਾਰ ਪਿਛਲੇ ਸਾਲਾਂ ਤੋਂ ਵੱਧ ਅਨਹੋਣੀਆਂ ਵਾਪਰਨਗੀਆਂ, ਪਹਾੜਾਂ ਵਿੱਚੋਂ ਬਾਹਰ ਜਾਣ ਲਈ ਜਿਆਦੇ ਰਸਤੇ ਨਹੀਂ ਹੁੰਦੇ ਇੱਕ ਜਗ੍ਹਾ ਵੀ ਲੈਂਡ ਸਲਾਈਡ ਹੋ ਜਾਵੇ ਤਾਂ ਕਈ ਘੰਟਿਆਂ ਤੋਂ ਲੈ ਕੇ ਕਈ ਦਿਨ ਉਸਨੂੰ ਠੀਕ ਕਰਨ ਲਈ ਲੱਗਦੇ ਹਨ, ਗਲੋਬਲ ਵਾਰਮਿੰਗ ਅਤੇ ਮਨੁੱਖੀ ਦਖਲਾਂ ਅੰਦਾਜੀ ਕਾਰਨ ਪਹਾੜੀ ਖੇਤਰਾਂ ਵਿੱਚ ਕੁਦਰਤੀ ਸਿਸਟਮ ਵਿਗੜ ਚੁੱਕਾ ਹੈ
ਗੱਲ ਕਰੀਏ ਪੰਜਾਬ ਦੇ ਮੌਸਮ ਦੀ,
🛰️⭐ਪਹਾੜੀ ਖੇਤਰਾਂ ਵਿੱਚ ਮਾਨਸੂਨ ਦੀ ਆਮਦ ਨਾਲ ਅੱਧੀ ਰਾਤ ਤੋਂ ਸਵੇਰੇ ਤੜਕੇ ਹੇਠ ਲਿਖੇ ਏਰੀਏ ਵਿੱਚ ਮੌਸਮੀ ਕਾਰਵਾਈ ਸ਼ੁਰੂ ਹੋਵੇਗੀ, ਹਰਿਆਣਾ ਅਤੇ ਪਟਿਆਲਾ, ਮੋਹਾਲੀ, ਚੰਡੀਗੜ੍ਹ, ਰੋਪੜ ਨਵਾਂ ਸ਼ਹਿਰ, ਸੰਗਰੂਰ ਦੇ ਕਾਫੀ ਇਲਾਕਿਆਂ ਵਿੱਚ ਤਕੜੀ ਬਾਰਿਸ਼ ਦੇ ਛੜਾਕੇ ਲੱਗਣ ਦੀ 55% ਸੰਭਾਵਨਾ ਰਹੇਗੀ
🛰️⭐⭐ਪਹਾੜਾਂ ਨਾਲ ਲੱਗਦੇ ਬਾਕੀ ਜ਼ਿਲਿਆਂ ਹੁਸ਼ਿਆਰਪੁਰ ਪਠਾਨਕੋਟ ਗੁਰਦਾਸਪੁਰ ਵਿੱਚ ਏਰੀਆ ਛੱਡ ਛੱਡ ਕੇ ਥੋੜੇ ਹਿੱਸਿਆਂ ਵਿੱਚ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦੇ ਛੜਾਕੇ ਕੁਝ ਸਮੇਂ ਦੀ ਲੱਗਣਗੇ
🛰️⭐⭐⭐ਬਾਕੀ ਬਚਦੇ ਮਾਝੇ, ਦੁਆਬੇ ਤੇ ਮਾਲਵੇ ਸਮੇਤ ਸਾਰੇ ਪੰਜਾਬ ਵਿੱਚ ਤੜਕੇ ਤੋਂ ਬਾਅਦ ਦੁਪਹਿਰ ਤੱਕ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦਾ ਵਿਰਲਾ ਛੜਾਕੇ ਬਹੁਤ ਥੋੜੇ ਸਮੇਂ ਲਈ ਘੱਟ ਥਾਵਾਂ ਤੇ ਲੱਗ ਸਕਦਾ ਹੈ
📢 ਰਾਤਾਂ ਦਾ ਔਸਤ ਤਾਪਮਾਨ 29 ਡਿਗਰੀ ਦੇ ਆਸ ਪਾਸ ਰਹੇਗਾ, ਦਿਨ ਦਾ ਔਸਤ ਤਾਪਮਾਨ 36 ਡਿਗਰੀ ਦੇ ਆਸ ਪਾਸ ਰਹੇਗਾ, ਹਵਾ ਜਿਆਦਾਤਰ ਦੱਖਣ ਦਿਸ਼ਾ ਤੋਂ ਚੱਲੇਗੀ, ਕੁਝ ਇਲਾਕਿਆਂ ਵਿੱਚ ਥੋੜੀ ਤੇਜ਼ ਹਵਾ ਚਲਣ ਸੰਭਾਵਨਾ ਵੀ ਰਹੇਗੀ,ਪਰ ਬਹੁਤੇ ਇਲਾਕਿਆਂ ਵਿੱਚ ਮੌਸਮ ਹੁੰਮਸ ਵਾਲਾ ਹੀ ਰਹੇਗਾ, ਗੁਰੂ ਸਾਹਿਬ ਸਭ ਦਾ ਭਲਾ ਕਰਨ

20/06/2025

🛰️🛰️🛰️🛰️🛰️ ਵੈਦਰ ਅਪਡੇਟ , ਇਸਲਾਮਾਬਾਦ ਦੇ ਮਰੀ ਤੋਂ ਲੈ ਕੇ ਪੰਜਾਬ ਹੁੰਦੀ ਟਰਫ ਰੇਖਾ ਯੂਪੀ ਜਾ ਰਹੀ ਹੈ, ਮਾਨਸੂਨ ਆਉਣ ਦੇ ਪੂਰੇ ਚਾਂਸ ਬਣ ਚੁੱਕੇ ਹਨ
ਪੱਛਮੀ ਬੰਗਾਲ ਅਤੇ ਝਾਰਖੰਡ ਚ ਬਣੇ ਹੋਏ ਸ਼ਕਤੀਸ਼ਾਲੀ ਲੋ ਪ੍ਰੈਸ਼ਰਾਂ ਕਾਰਨ ਮਾਨਸੂਨ ਨੂੰ ਵਧੀਆ ਗਤੀ ਮਿਲ ਰਹੀ ਹੈ, ਜੈਪੁਰ, ਗਵਾਲੀਅਰ, ਬਿਹਾਰ,ਯੂਪੀ ਦੇ ਕੁਝ ਭਾਗਾਂ ਵਿੱਚ ਮਾਨਸੂਨ ਦੀ ਆਮਦ ਹੋ ਚੁੱਕੀ ਹੈ, ਇਥੋਂ ਤੱਕ ਦਾ ਰਿਕਾਰਡ ਦੇਖੀਏ ਤਾਂ ਮਾਨਸੂਨ ਇਹਨਾਂ ਥਾਵਾਂ ਤੇ ਸਿਰਫ 16 ਘੰਟੇ ਅਗੇਤੀ ਆ ਰਹੀ ਹੈ, ਰਾਜਸਥਾਨ ਯੂਪੀ ਅਤੇ ਬਿਹਾਰ ਸਮੇਤ ਸਾਰੇ ਰਾਜਾਂ ਵਿੱਚ ਹਾਲੇ ਇਕਸਾਰ ਮਾਨਸੂਨ ਦੀ ਬਾਰਿਸ਼ ਕਰਨ ਵਾਲੀ ਬੱਦਲਾਂ ਦੀ ਤਕੜੀ ਲੜੀ ਮੌਜੂਦ ਨਹੀਂ ਹੈ, ਇਹੀ ਸਾਰਾ ਸਿਸਟਮ ਪਹਿਲਾਂ ਉੱਤਰਾਖੰਡ ਹਿਮਾਚਲ ਅਤੇ ਜੰਮੂ ਕਸ਼ਮੀਰ ਦੀ ਤਰਫ ਖਿਸਕੇਗਾ ਉਸ ਤੋਂ ਬਾਅਦ ਪੰਜਾਬ ਅਤੇ ਰਾਜਸਥਾਨ ਦੇ ਕੁਝ ਬਚੇ ਹੋਏ ਹਿੱਸਿਆਂ ਦਾ ਨੰਬਰ ਲੱਗੇਗਾ, ਜਿਵੇਂ ਪਹਿਲਾਂ ਵੀ ਦੱਸਿਆ ਸੀ ਕਿ 23 ਜੂਨ ਤੋਂ ਪਹਿਲਾਂ ਇਕਸਾਰ ਮਾਨਸੂਨ ਬਾਰਿਸ਼ ਦੀ ਕੋਈ ਸੰਭਾਵਨਾ ਨਹੀਂ, ਪਰ ਵਧੀ ਹੋਈ ਨਮੀਂ ਕਾਰਨ ਪੰਜਾਬ ਵਿੱਚ ਵੱਖੋ ਵੱਖ ਥਾਵਾਂ ਤੇ ਬੱਦਲਾਂ ਦਾ ਬਣਨਾ ਜਾਰੀ ਹੈ ਇਸ ਕਾਰਨ ਹਰਿਆਣਾ ਅਤੇ ਪਹਾੜੀ ਜਿਲਿਆਂ ਨਾਲ ਲੱਗਦੇ ਕੁਝ ਥਾਵਾਂ ਤੇ ਦਰਮਿਆਨਿਆਂ ਤੋਂ ਚੰਗੇ ਛੜਾਕਿਆਂ ਦੀ ਕੁਝ ਕਿਲੋਮੀਟਰ ਤੱਕ ਕਾਰਵਾਈ ਹੋ ਸਕਦੀ ਹੈ, ਇਧਰ ਮਾਝੇ ਅਤੇ ਨਾਲ ਲੱਗਦੇ ਮਾਲਵੇ ਦੁਆਬੇ ਦੇ ਅੰਦਰੂਨੀ ਹਿੱਸਿਆਂ ਵਿੱਚ ਵੀ ਬੱਦਲਾਂ ਦੀ ਤਕੜੀ ਆਵਾਜਾਈ ਰਹੇਗੀ ਇਸ ਕਾਰਨ ਕੁਝ ਥਾਵਾਂ ਤੇ ਤੜਕੇ ਤੋਂ ਲੈ ਕੇ ਦਿਨੇ 10 ਵਜੇ ਤੱਕ ਹਲਕੀ ਬਾਰਸ਼ ਦੇ ਛੜਾ ਕੇ ਪੈਣ ਦੇ 25% ਚਾਂਸ ਰਹਿਣਗੇ, ਰਾਤ ਦਾ ਔਸਤ ਤਾਪਮਾਨ 28 ਡਿਗਰੀ, ਦਿਨ ਦਾ ਔਸਤ ਤਾਪਮਾਨ 36 ਡਿਗਰੀ ਤੋਂ ਉੱਪਰ ਬਣਿਆ ਰਹੇਗਾ, ਵਾਤਾਵਰਨ ਵਿੱਚ ਹੁੰਮਸ ਪੂਰੇ ਜ਼ੋਰ ਤੇ ਰਹੇਗੀ, ਹਵਾ ਦੀ ਦਿਸ਼ਾ ਜਿਆਦਾਤਰ ਪੂਰਬ ਵੱਲੋਂ ਹੋਵੇਗੀ ਪਰ ਕੁਝ ਕੁਝ ਥਾਵਾਂ ਤੇ ਦੱਖਣੀ ਹਵਾ ਵੀ ਦਸਤਕ ਦੇਵੇਗੀ, ਕਿਸੇ ਵਿਸ਼ੇਸ਼ ਮੌਸਮੀ ਬਦਲਾਅ ਤੇ ਦੁਬਾਰਾ ਅਪਡੇਟ ਦੇਵਾਂਗੇ। ਗੁਰੂ ਸਾਹਿਬ ਸਭ ਦਾ ਭਲਾ ਕਰਨ

19/06/2025

ਆਪ ਸਭ ਨੂੰ ਜੀ ਆਇਆ ਨੂੰ, ਇਕ ਜੂਨ ਤੋਂ ਝੋਨੇ ਦੀ ਲਵਾਈ ਦਾ ਕੰਮ ਜ਼ੋਰਾਂ ਤੇ ਹੈ ,ਪੰਜਾਬ ਦੇ ਕੁਝ ਹਿੱਸਿਆਂ ਵਿੱਚ ਕੁਦਰਤ ਮਿਹਰਬਾਨ ਹੋਣ ਕਾਰਨ ਚੰਗੀ ਬਾਰਿਸ਼ ਹੋਈ ਹੈ, ਬਹੁਤੇ ਥਾਵਾਂ ਤੇ ਹਾਲੇ ਚੰਗੀ ਬਾਰਿਸ਼ ਨੇ ਦਸਤਕ ਨਹੀਂ ਦਿੱਤੀ ਜਿਸ ਕਾਰਨ ਬਿਜਲੀ ਦਾ ਲੋਡ ਜਿਆਦਾ ਵੱਧ ਚੁੱਕਾ ਹੈ, ਬਹੁਤ ਥਾਵਾਂ ਤੇ ਟਰਾਂਸਫਾਰਮਰ ਸੜਨ ਅਤੇ ਲਾਈਨਾਂ ਬੈਠਣ ਦੀ ਦਿੱਕਤ ਆ ਰਹੀ ਹੈ
⭐ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿਸਾਨਾਂ ਅਤੇ ਘਰੇਲੂ ਖਪਤਕਾਰਾਂ ਵੱਲੋਂ ਆਪਣੇ ਵਧੇ ਹੋਏ ਲੋਡ ਦੀ ਜਾਣਕਾਰੀ ਬੋਰਡ ਨੂੰ ਨਹੀਂ ਦਿੱਤੀ ਜਾਂਦੀ ਜਿਸ ਕਾਰਨ ਟਰਾਂਸਫਾਰਮਰ ਵੱਡੇ ਨਹੀਂ ਲਗਾਏ ਜਾ ਸਕਦੇ, ਇਸੇ ਕਾਰਨ ਹੀ ਬਹੁਤੇ ਥਾਵਾਂ ਤੇ ਟਰਾਂਸਫਾਰਮਰ ਸੜਨ ਦੀਆਂ ਮੁਸ਼ਕਿਲਾਂ ਆਉਂਦੀਆਂ ਹਨ, ਜ਼ਮੀਨ ਹੇਠ ਪਾਣੀ ਡੂੰਘੇ ਜਾ ਚੁੱਕੇ ਹਨ, 10 ਹਾਰਸ ਪਾਵਰ ਦੀ ਜਗ੍ਹਾ 12 ਜਾਂ 15 ਹਾਰਸ ਪਾਵਰ ਦੀਆਂ ਮੋਟਰਾਂ ਆਮ ਲੱਗ ਰਹੀਆਂ ਹਨ ਕੁਝ ਥਾਵਾਂ ਤੇ 25 ਤੋਂ 30 ਆਸ ਪਾਵਰ ਦੀਆਂ ਸਬਮਰਸੀਬਲ ਮੋਟਰਾਂ ਵੀ ਲੱਗੀਆਂ ਹਨ, ਕੁਝ ਕਿਸਾਨਾਂ ਨੇ ਵੀਡੀਐਸ ਸਕੀਮ ਅਧੀਨ ਲੋੜ ਵਧਾਇਆ ਹੈ ਬਾਕੀ ਕਿਸਾਨ ਵੀ ਟਿਊਬਵੈਲ ਦੀ ਵਧਾਈ ਹੋਈ ਹਾਰਸ ਪਾਵਰ ਬਾਰੇ ਸਹੀ ਜਾਣਕਾਰੀ ਦੇ ਕਿ ਆਪਣਾ ਖੇਤਾਂ ਵਾਲੇ ਟਿਊਬਵੈਲ ਦਾ ਲੋਡ ਵਧਾਉਣ
⭐⭐ ਹਰੇਕ ਦੂਸਰੇ ਘਰ ਪਿਛਲੇ 2 ਸਾਲਾਂ ਵਿੱਚ ਨਵਾਂ ਏਸੀ ਲੱਗਾ ਹੈ, ਫਰਿਜ ਵੱਡੇ ਲੱਗੇ ਹਨ, ਕੂਲਰ ਅਤੇ ਵਾਸ਼ਿੰਗ ਮਸ਼ੀਨਾਂ ਵੀ ਨਵੀਆਂ ਆਈਆਂ ਹਨ, ਘਰਾਂ ਵਿੱਚ ਹਜ਼ਾਰਾਂ ਘਰੇਲੂ ਮੋਟਰਾਂ ਲੱਗੀਆਂ ਹਨ ਪਰ ਬਹੁਤ ਥੋੜੇ ਘਰਾਂ ਨੇ ਆਪਣਾ ਘਰੇਲੂ ਲੋਡ ਵਧਾਇਆ ਹੈ ਜੇਕਰ ਲੋਕ ਲੋਡ ਵਧਾਉਣਗੇ ਤਾਂ ਹੀ ਸਹੀ ਜਾਣਕਾਰੀ ਬਿਜਲੀ ਬੋਰਡ ਤੱਕ ਆਵੇਗੀ, ਫਿਰ ਹੀ ਸਹੀ ਪਾਵਰ ਦਾ ਟ੍ਰਾਂਸਫਾਰਮਰ ਲਗਾਇਆ ਜਾ ਸਕਦਾ ਹੈ, ਜਿੰਨੀ ਦੇਰ ਲੋਕ ਇਸ ਸਬੰਧੀ ਸਹੀ ਜਾਣਕਾਰੀ ਨਹੀਂ ਦਿੰਦੇ ਲਾਈਨਾਂ ਦੀਆਂ ਉਚ ਪਾਵਰ ਵਾਲੀਆਂ ਵੱਡੀਆਂ ਤਾਰਾਂ ਅਤੇ ਵੱਡੇ ਟ੍ਰਾਂਸਫਾਰਮਰ ਨਾਂ ਲਗਾਉਣ ਕਾਰਨ ਇਹ ਹਾਲਾਤ ਇਸੇ ਤਰ੍ਹਾਂ ਬਣੇ ਰਹਿਣਗੇ, ਤੇ ਲੋਡ ਦੇ ਇਸ ਅੰਤਰ ਕਾਰਨ ਬਿਜਲੀ ਦੇ ਇਹ ਫਾਲਟ ਇਸੇ ਤਰ੍ਹਾਂ ਪੈਂਦੇ ਰਹਿਣਗੇ
🛰️🛰️🛰️🛰️ ਗੱਲ ਕਰੀਏ ਮੌਸਮ ਦੀ, ਅੱਜ ਸਖਤ ਗਰਮੀ ਤੇ ਹੁੰਮਸ ਬਹੁਤ ਪ੍ਰੇਸ਼ਾਨੀ ਵਾਲੀ ਰਹੀ ਹੈ, ਇਸੇ ਦੌਰਾਨ ਅੱਜ ਅੱਧੀ ਰਾਤ ਤੋਂ ਬਾਅਦ ਜੰਮੂ ਸਾਈਡ ਤੋਂ ਇੱਕ ਦਰਮਿਆਨੀ ਰੇਂਜ ਦਾ ਪੱਛਮੀ ਸਿਸਟਮ ਪਠਾਣਕੋਟ ਗੁਰਦਾਸਪੁਰ ਰਾਹੀਂ ਪੰਜਾਬ ਵਿੱਚ ਦਾਖਲ ਹੋਵੇਗਾ ਇਸ ਨਾਲ ਅੰਮ੍ਰਿਤਸਰ, ਹੁਸ਼ਿਆਰਪੁਰ, ਰੋਪੜ,ਨਵਾਂ ਸ਼ਹਿਰ ਆਦਿ ਜਿਲਿਆਂ ਵਿੱਚ ਕੁਝ ਥਾਵਾਂ ਤੇ ਕੁਝ ਸਮੇਂ ਲਈ ਥੋੜੀ ਬਾਰਿਸ਼ ਦੇ ਛੜਾਕਿਆਂ ਦੀ ਸੰਭਾਵਨਾ ਰਹੇਗੀ, ਇਹ ਬਾਰਿਸ਼ ਏਰੀਆ ਛੱਡ ਛੱਡ ਕੇ ਬਹੁਤ ਹੀ ਥੋੜੇ ਰੂਪ ਵਿੱਚ ਹੋਵੇਗੀ, ਇਸ ਤੋਂ ਇਲਾਵਾ ਜੇਕਰ ਥੋੜਾ ਬੈਕਅਪ ਵੱਧ ਮਿਲਿਆ ਤਾਂ ਇਹ ਸਿਸਟਮ ਤਰਨਤਾਰਨ, ਕਪੂਰਥਲਾ ਜਲੰਧਰ ਵਿਚ ਵੀ ਥੋੜੀ ਬਹੁਤ ਹਲਚਲ ਕਰ ਸਕਦਾ ਹੈ,ਫਿਲਹਾਲ ਦੇ ਅੰਕੜਿਆਂ ਅਨੁਸਾਰ ਇਸ ਵਿੱਚ ਜਿਆਦਾ ਊਰਜਾ ਨਹੀਂ, ਵੈਸੇ ਸਵੇਰ ਦਾ ਮੌਸਮ ਦੱਸੇ ਹੋਏ ਜ਼ਿਲਿਆਂ ਵਿੱਚ ਝੋਨਾ ਲਾਉਣ ਤੋਂ ਲੈ ਕੇ ਬਾਕੀ ਸਾਰੇ ਖੇਤੀ ਦੇ ਕੰਮ ਕਰਨ ਲਈ ਵਧੀਆ ਰਹੇਗਾ ਕਿਸੇ ਵਿਸ਼ੇਸ਼ ਮੌਸਮੀ ਬਦਲਾਅ ਤੇ ਦੁਬਾਰਾ ਅਪਡੇਟ ਦੇਵਾਂਗੇ, ਗੁਰੂ ਸਾਹਿਬ ਸਭ ਦਾ ਭਲਾ ਕਰਨ

Address

Bathinda
Bathinda
151201

Website

Alerts

Be the first to know and let us send you an email when ਆਜ਼ਾਦ ਸੋਚ Azad Soch posts news and promotions. Your email address will not be used for any other purpose, and you can unsubscribe at any time.

Shortcuts

Share

Category