दैनिक किसान - Daily kisan news

21/09/2025

राष्ट्रवादीच्या योगेश क्षीरसागरांची जवळीकता भाजपाशी की, जिल्ह्याचे नेतृत्व म्हणून पंकजा ताईंशी?

भाजपाच्या कार्यक्रमाला आवर्जून हजेरी लावल्याने शहर वासियांच्या भुवया उंचावल्या

बीड | किसान न्युज
डॉ. योगेश क्षीरसागर यांनी आज भाजपा कडून आयोजित करण्यात आलेल्या नमो युवा रत्न मॅरेथॉनला आवर्जून हजेरी लावल्याने शहर वासियांच्या भुवया उंचावल्या आहेत. यामुळे राष्ट्रवादीच्या डॉ. योगेश क्षीरसागर यांची ही जवळीकता नेमकी भाजपाशी आहे की, जिल्ह्याचे नेतृत्व म्हणून पंकजा मुंडे यांच्याशी आहे अशी चर्चा सुरू झाली असून, येणाऱ्या काळात ते पक्षप्रवेश तर करणार नाहीत ना? अशी शंका उपस्थित केली जात आहे.
डॉ. योगेश क्षीरसागर हे सध्या राष्ट्रवादी काँग्रेस अजित पवार पार्टीत असून, ते बीड विधानसभा मतदारसंघाचे प्रमुख पदाची जबाबदारी त्यांच्यावर सोपवण्यात आली आहे. परंतु शहराचा विचार केला तर राष्ट्रवादी काँग्रेसमध्ये मोठी गटबाजी दिसून येत असून, या गटांचा डॉ. योगेश क्षीरसागर यांना विरोध दिसून येत आहे. फक्त पक्षप्रमुख जिल्यात आल्यानंतरच हे सर्व गट एकत्र दिसतात. ते गेले की, यांची दिशा विरोधात होते. एकीकडे पक्षात असे चित्र असून, स्थानिक स्वराज्य संस्थेच्या निवडणुका जवळ आलेल्या असल्याने हे एकत्र लढणार का? अशी शंका शहरात व्यक्त केली जात असताना काही घटना पाहता डॉ. योगेश क्षीरसागर आवर्जून पंकजा मुंडे यांच्या कार्यक्रमांना हजेरी लावताना दिसत आहेत. आज रविवार शहरात भाजपाच्या वतीने देशाचे पंतप्रधान नरेंद्र मोदी यांच्या वाढदिवसानिमित्त छत्रपती संभाजी महाराज क्रीडांगण येथे “नमो युवा रत्न नशामुक्त भारत मॅरेथॉन स्पर्धे”चे आयोजन करण्यात आले होते. यावेळी पर्यावरण व पशुसंवर्धन मंत्री पंकजा मुंडे यांची प्रमुख उपस्थिती होती. हा भाजपा या पक्षाचा कार्यक्रम असतानाही राष्ट्रवादीचे डॉ. योगेश क्षीरसागर यांनी याही कार्यक्रमाला आवर्जून हजेरी लावल्याचे दिसून आले. मित्र पक्ष असलेतरी काही वेळा पक्षाच्या कार्यक्रमांना जाणे टाळले जाते पण डॉ. योगेश क्षीरसागर यांनी न टाळता पूर्णवेळ या कार्यक्रमाला हजर राहिले. यामुळे ही त्यांची जवळीकता भाजपाशी आहे की, जिल्ह्याचे नेतृत्व म्हणून पंकजा मुंडे यांच्याशी आहे असा प्रश्न उपस्थित केला जात आहे. तसेच ते राष्ट्रवादी ऐवजी बऱ्याचदा भाजपाच्या गोतावळ्यात दिसून येतात. जवळ आलेल्या स्थानिक स्वराज्य संस्थेच्या निवडणुका आणि भाजपाची जवळीकता पाहता बीडकरांच्या भुवया उंचावल्या आहेत. तर येत्या काही दिवसांत डॉ. योगेश क्षीरसागर वेगळा काही निर्णय घेत पक्ष तर बदलणार नाही ना? अशी शंका उपस्थित केली जात आहे. अशी शहरात दबक्या आवाजात चर्चा सुरू आहे. पण यास काही दुजोरा मिळाला नाही. यामुळे नगरपरिषदेच्या निवडणुका घोषित झाल्यानंतर यावरचा पडदा उघडला जाईल यामुळे तोपर्यंत लोकांच्या चर्चा सुरुच राहतील असे दिसून येत आहे.
.तर चुलते-पुतणे ही सोबत दिसत नाहीत
विधानसभा निवडणुकीत माजीमंत्री जयदत्त क्षीरसागर यांनी अपक्ष उमेदवार म्हणून भरलेला अर्ज ऐनवेळी मागे घेऊन राष्ट्रवादी काँग्रेस पार्टी अजित पवार गटाचे उमेदवार डॉ. योगेश क्षीरसागर यांचा प्रचार केला आहे. पण या निवडणुकीच्या नंतर हे दोघे चुलते पुतणे कधीच एकत्र दिसून आले नाहीत. तसेच सध्या नवरात्री उत्सवाच्या निमित्ताने डॉ. सारिका क्षीरसागर यांनी 'दांडिया नाईट नवजलसा' हा कार्यक्रम आयोजित केला. याचे बॅनर शहरभर लावण्यात आले आहेत. यावर काकु-नाना, भारतभूषण क्षीरसागर, दिपा क्षीरसागर यांचे फोटो आहेत. परंतु यातील एकाही बॅनरवर माजीमंत्री जयदत्त क्षीरसागर यांचा फोटो दिसत आहे. यामुळे निवडणूक झाली की, डॉ. योगेश क्षीरसागर यांनी चुलत्याची ही साथ सोडली की,काय? असा प्रश्न उपस्थित केला जात आहे.
Ajit Pawar Pankaja Gopinath Munde Dr Pritam Gopinath Munde Dhananjay Munde Yogesh Kshirsagar NCPSpeaks_Official

21/09/2025

मुंडे–क्षीरसागर भेट म्हटल्यावर चर्चा तर होणारच

19/09/2025

त्या बोर्डावरुन पहिलं काकु-नानांचे नाव काढ़ा नंतर लोकांचे खिसे कापा; कोठून आणलाय नवीनचं नियम येथूनच मेडिकल खरेदी करा बाहेरचं जमणार नाही !

बाहेरून मेडिकल आणायच नाही, तुमच्याकडूनच तीनपट जास्त पैसे देऊन मेडिकल घ्यायचं लोकांचा पैसा लयं माजलाय का? तुमच्याकडून जास्तीचे पैसे देऊन घ्यायला ?

18/09/2025

घार उडे आकाशी तिचे चित्त पिलांपाशी

आ. सुरेश धसांनी जमिनी पासून आकाशा पर्यंत लावली यंत्रणा आष्टीकर कधीच विसरणार नाहीत !

बीड | किसान न्यूज
आष्टी विधानसभा मतदारसंघाचे आ. सुरेश धस लोकांत लोकप्रिय का आहेत याचे उत्तर राज्याला मागील तीन दिवसांपासून संकटात असलेल्या जनतेच्या तळमळीतून मिळाले आहे. ते मतदारसंघात नव्हते पण त्यांना मतदारसंघात ४४ लोक पुरात अडकल्याची माहिती मिळाली, माहिती मिळताच त्यांनी अधिकाऱ्यांशी संपर्क करुन या लोकांना वाचविण्यासाठी काही वेळात जमिनी पासून आकाशापर्यंत यंत्रणा लावली अन् सर्वांना सुखरुप पुरातून बाहेर काढले. ही त्यांची तत्परता पाहून 'घार उडे आकाशी तिचे चित्त पिलांपाशी' याचा प्रत्यय आल्याची प्रतिक्रिया व्यक्त केली जात आहे.
आष्टी तालुक्यातील कडा, पिंपरखेड, निमगाव चोभा या भागात ढगफुटी सदृश्य पाऊस झाला. या पावसामुळे सर्व नदीनाले दुथडी भरून वाहू लागले. हे पाणी गावात आणि वस्त्यांमध्ये घुसले,
घाटा पिंपरी, दादेगाव, डोंगरगण, सुलेमान देवळा, कडा, शेरी खुर्द, या गावांमध्ये दोन नदीपात्रांच्या मध्ये व नदीपात्रालगतच्या वस्त्यांमध्ये लोक पुराच्या पाण्यात ४४ लोक अडकले होते. याची माहिती स्थानिक नागरिकांना आ. सुरेश धस यांना दिली. ही माहिती मिळताच लोकांच्या संकटात धावून जाण्याची त्यांची सवय या प्रमाणे त्यांनी माहिती मिळताच मुख्यमंत्री देवेंद्र फडणवीस, उपमुख्यमंत्री तथा पालकमंत्री अजित पवार, बीडचे जिल्हाधिकारी विवेक जॉन्सन, नगरचे जिल्हाधिकारी पंकज आशिया, भारतीय लष्कर राष्ट्रीय आपत्ती निवारण दल एनडीआरएफ नाशिक यांच्या संपर्क केला. आणि या पुरात अडकलेल्या लोकांना वाचविण्यासाठी वेगाने बचाव कार्य सुरू केले. जलदगतीने या लोकांना मदत मिळावी यासाठी लष्कराचे हेलिकॉप्टर मिळाली आणि जमिनी पासून आकाशा पर्यंत यंत्रणा लावून कडा, टाकळी अमिया, शेरी बु. येथील नदीच्या पाण्यामध्ये घरामध्ये व शेतामध्ये अडकलेल्या लोकांना सुखरूप सुरक्षित स्थळी हलविण्यात आले. आष्टीत खंडीभर पुढारी आहेत पण संकट आले की, लोकांना फक्त सुरेश धस हेच नाव आठवते आणि तेच लोकांच्या संकाटात धावून जातात हे एकदा नव्हे अनेकदा सिद्ध झाले. यामुळे पुढारी अनेक होतात पण लोकनेते होण्यासाठी त्यांना लोकांसाठी झिजावे लागते. हे आ. सुरेश धस यांनी दाखवून दिले.

Suresh Dhas

18/09/2025

बांडगुळांनो आता बांधावर जाताय शेतकऱ्यांचा लय पुळका येतोय, पीक विमा कंपनीनं 'ट्रिगर' बदलले तेंव्हा हेच सत्ताधारी नेते झोपेत होते का ?

आता कितीही पाऊस पडो की नाही पडो, ट्रिगर बदलल्याने नुकसान भरपाई मिळण्याचं हक्काचे दार कायमचे झाले बंद

सरकार वेळ घालवून शेतकऱ्यांच्या तोंडाला पाने पुसणार ?

16/09/2025

वंज़ारो-बंजारो वेगळे छ काय ? धनंजय मुंडेंच्या वाक्याचे भांडवल करुन मीडियाने याडी-बापूच्या भावना पायदळी तुडवल्या; मोर्चावर पाणी फेरण्याच काम काल झाले !

धनंजय मुंडेंच्या वाक्याने बंजारांचे जिंकले मन टीकाकारांचे दुखावले

Dhananjay Munde

12/09/2025

लबाडांच अवतन जेवल्या शिवाय खरं नाही !

बुलेटचा नाद लय बेकार ! पहील अरेबियन ज्वेलर्स ने बुलेटचा नाद लावून बीडकरांना लुटलं आता चंदुकाका सराफा सुद्धा उद्घाटनाला सोने खरेदीवर बुलेट!

बीडमध्ये अरेबियन ज्वेलर्स ने सुद्धा थाटात शुभारंभ करुन बीडकरांना फसवून पळून गेला त्याचा अजून पत्ता नाही!

11/09/2025

नोकरी करते मी पगारी साठी... मला परवा कोणाची...

बीडच्या सरकारी दवाखान्यामध्ये सिस्टर शासकीय कॉम्प्युटरवर यूट्यूब लावून गाणे ऐकत बसतात; यासाठी सिस्टर नव्हे तर सीएसवरच कारवाई करा तेच जबाबदार !

वार्ड क्र.४८ एमएलसीचे रुग्ण ॲडमिट असलेला वार्ड संवेदनशील मानला जातो

Ajit Pawar Collector Office Beed - जिल्हाधिकारी कार्यालय बीड

26/08/2025

हजरत शहेनशाह वली रह. यांचा पंजाब ते बीडचा प्रवास
बीड जिल्ह्यातील ऐतीहासीक, धार्मिक स्थळ ह. शहेनशाह वली रह. संदल निमित्त विशेष स्टोरी
उर्स विशेष | कामरान शेख
हजरत शहेनशाह वली रह. या नावाने ओळखले जात असले तरी त्यांचे खरे नाव हजरत कोचकशाह अबुल फैज असे नाव आहे. परंतु त्यांचे शहेनशहा वली नाव कसे पडले याचीही एक खास कारण आहे. ते पंजाब येथून महाराष्ट्रात आणि बीड जिल्ह्यात आले. असे काहींनी लिहले आहे. तर बीड शहरात ते केज आणि खुलताबाद येथून आल्याचे सांगितले जात असले तरी केज येथून आल्याचे माहिती वरुन प्रकर्षाने जाणवते. आज मंगळवार (दि.२६) हजरत शहेनशाह वली रह. यांच्या संदल निमित्ताने दैनिक किसान ने ह.नदीम मिर्जा (रुमजी शाह सहाब किबला ) यांच्या पुस्तकाच्या आधारे धावता आढावा घेतला आहे.
राजस्थान अजमेर येथील हजर खाजा मोईनोद्दीन चिश्ती रह. हे भारतात आल्यानंतर ह.शहेनशहा वली रह. यांचे वडील, आजोबा हे त्यांच्या संपर्कात आले. त्यांचे शिष्य (मुरीद) झाले. हजरत शहेनशाह वली पंजाबजवळ कोचक नावाचे एक ठिकाण होते. त्यांचे पूर्वज या प्रदेशाचे राजे होते. हे सर्व त्यागून अल्हासाठी ते फिरत इबादत, लोकांना अल्लाह च्या मार्गावर आणण्यासाठी निघाले. ज्यांना संपूर्ण जग हजरत शहेनशाह वली रहमतुल्लाह अलैह म्हणून ओळखते, ते पंजाबहून बीड (दख्खनला) आजचा मराठवाड येथे आले. ते कोणाचे शिष्य आहेत? याबद्दल तीन वेगवेगळ्या गोष्टी पुस्तकांमध्ये लिहिलेल्या आहेत. कोणी ते मिरजेचे हजरत सामना मीरा तर कोणी खुलताबाद येथील हजरत मौलाना शेख बुरहानुद्दीन नासिर गरीब हंसवी यांचे शिष्य असल्याचे तर हक्कैकुल अवलियामध्ये लिहिले आहे की, ते केज येथील हजरत काझी ख्वाजा मुहज्जाबुद्दीन रह. यांचे शिष्य (मुरीद) आहेत.हजरत शहेनशाह वली यांनी त्यांच्या सेवेत राहून सुलुकचे शिक्षण आणि तारिकतचे शिष्टाचार शिकले आणि ७३८ हिजरीमध्ये ते केजहून बीडला अशा प्रकारे परत आले की त्यांचे तोंड (चेहरा) आदराने केजकडे आणि पाठ बीडकडे होती. म्हणजेच, ते पीराच्या आदराने उलट्या पावली मागे चालत बीड पर्यंत आले. इथपर्यंत त्यांनी पाठ केजकडे केली नाही. यावर मत मतांतरे आहेत. यावरून काझी अहमद मोहिउद्दीन लिहितात की, तिन्ही पीर एकाच काळातील होते. म्हणून हजरत शहेनशाह यांना तिन्ही वडीलधाऱ्यांच्या सहवासात राहण्याचा मान मिळाला. परंतु हजरत बुरहानुद्दीन गरीब रहमतुल्लाह अलैही यांना हजरत शहेनशाह यांच्या सहवासात राहण्याचा मान मिळाला. केज येथून परत येत होते तेंव्हा हजरत ख्वाजा मुजब्बुद्दीन यांनी खास शिष्य आबाजी खुशबाश यांना आपल्या सोबत पाठवले होते. जाताना ते म्हणाले (बाबा कोचक खुश बाश!) त्या दिवसापासून हजरत आबा जी यांच्याकडून खुश बाश लखब सुरू झाला. ते बीडमध्ये राहून सेवा करीत राहिले आणि ३ रब्बीउल अव्वल ८०५ हिजरी मध्ये त्यांच्या शरीराने जगाचा निरोप घेतला. आज त्यास ६४२ वर्ष होत आहेत. तरीही त्यांचे नाव विसरु शकले नाही की, कयामत ( जग बुडी ) पर्यंत राहणार आहे. आज मंगळवार ३ रब्बीउल अव्वल १४४७ हिजरी ( दि. २६) ऑगस्ट २०२५ संदल उरुस आहे. यामध्ये सर्व जाती धर्मातील लोक एकत्र येऊन साजरा करतात.

-------
चौकीचे महत्व
हजरत शहेनशाह वली रह. जोपर्यंत बीडमध्ये राहिले, तोपर्यंत ते लोकवस्तीच्या पूर्वेला असलेल्या डोंगराच्या दरीत असलेल्या एका लहान गुहेत (गारमध्ये) प्रार्थना करत राहिले; याच जागेला आज हजरत की चौकी म्हणतात. या चौकीचे खूप महत्व असून येथे येणारा प्रत्येकजण या चौकीला भेट देतोच.
-------
कोचक शाह ते शहेनशाह नाव कसे पडले
हजरत गेसूदराज बंदे नवाज हे दख्खनला जाताना बीड येथे हजरत शहेनशाह वली यांच्या भेटीसाठी आले. यावेळी हजरत आपल्या चौकीत प्रार्थना ( इबादत ) करीत होते. चौकीचे दार लहान असल्यामुळे ते आत जाऊ शकले नाहीत. त्याचा दार मोठा झाल्यावर हजरत गेसूदराज बंदे नवाज दिसताच ते अदबीने उभे राहण्याचा प्रयत्न करताना अनेक दिवसांपासून छोट्या जागेत बसल्याने अकडून गेलेल्या शरीराच्या भागातून रक्त निघत असल्याने हजरत गेसूदराज बंदे नवाज यांनी मीठी मारुन तुम्ही खूप उंचीवर पोहोचले असे म्हटले तसेच त्यांनी काही दिवस सोबत राहून विद्वत्ता पाहून जाताना शाह ओं के शाह शहेनशाह असे म्हटले आणि त्यांची ओळख तशीच निर्माण झाली.
-----
दिल्लीचा राजा तुघलक याची बीड वारी
हजरत शहेनशाह वली बीड येथे आल्यानंतर त्यांचे नाव एकूण चार वर्षांनंतर, भारताच्या दिल्ली तख्ताचा राजा मोहम्मद बिन तुघलक बीडला येऊन सेवेत हजर होऊन दुवा घेतली.

23/08/2025

07/08/2025

अजितदादा राजाभाऊ मुंडेंनी बीडची डीसीसी बँक सुपडा साफ केली; आता बाबरी मुंडेला प्रवेश देऊन पुण्याच्या डीसीसी बँकेचा अध्यक्ष करा !

पंकजाताईंनी मानस पुत्र मानले होते पण त्यांचे झाले नाही तर तुमचे काय होणार ?

बीड | किसान न्युज
वडवणी येथील कार्यक्रमात राजाभाऊ मुंडे, बाबरी मुंडे आज अजित पवार यांच्या उपस्थितीत प्रवेश करणार आहेत. यामुळे जिल्हाभरात वेगवेगळ्या प्रतिक्रिया व्यक्त केल्या जात असून, ज्या राजेभाऊ मुंडेनी यांनी बीडची डीसीसी बँक सुपडा साफ केली आहे. आता तुम्ही बाबरी मुंडेंना पुण्याच्या डीसीसी बँकेचा चेअरमन करा म्हणजे तुमचेही काम फत्ते होईल, पंकजाताई मुंडे यांनी बाबरी मुंडेंना मानस पुत्र मानले होते. तरीही हा त्यांचा झाला नाही तर तुमचा काय होणार? असा प्रश्न जनतेतून उपस्थित केला जात आहे. या प्रवेशामुळे दोन्ही दादांना जनतेतून तुमच्या भाषनांची आठवा असे सांगितले जात आहे.
राज्याचे उपमुख्यमंत्री तथा बीडचे पालकमंत्री अजित पवार हे कालपासून बीड मध्ये आहेत. ते काल बीडला मुक्कामी राहिले, या मुक्कामात त्यांनी काय फील्डिंग लावली हे स्थानिक स्वराज्य संस्थेच्या निवडणुकीत दिसून येईलच, आज सकाळी ६ पासूनच कामाला सुरुवात केली. आज बीड, वडवणी येथे त्यांचे जाहीर कार्यक्रम आहेत. वडवणी येथील कार्यक्रमात अजित पवार यांच्या उपस्थितीत राजाभाऊ मुंडे आणि बाबरी (फुलचंद) मुंडे हे कमळ सोडून पितापुत्र हाती घड्याळ बांधणार आहेत. पण या प्रवेशाची जिल्हाभर विविध चर्चा सुरू झाली आहे. ज्या राजेभआऊ मुंडे यांनी शेतकऱ्यांचा आधार असलेली बीड जिल्हा मध्यवर्ती सहकारी बँक सुपडा साफ केली असून, या प्रकरणी जेल वारी ही झालेली आहे. तेंव्हा पासून ही मजबूत असलेली अर्थ संस्था रुळावर आलेली नाही. याचा परिणाम शेतकरी अजून ही भोगत आहेत. अशा लोकांना पक्षात घेऊन दादा नेमकं काय संदेश देत आहेत. जर पक्षात आता प्रवेशच दिले तर मग बाबरी मुंडेंना तुमच्या पुणे जिल्ह्यातील जिल्हा बँकेचे अध्यक्ष करा म्हणजे तुमचं ही हे कल्याणच करतील अशी चर्चा सुरू आहे. याच बाबरी मुंडे यांना पंकजाताई मुंडे यांनी मानस पुत्र मानले आहेत. मुंडे साहेबांपासून ते पंकजाताई यांनी या मुंडे कुटुंबाला पाहिजे ती दिले परंतु हे त्यांचे झाले नाहीत तर तुमचे काय होणार असा प्रश्न उपस्थित केला जात आहे. यामुळे हा प्रवेश दादा यांचा ताप वाढणार की, फायद्याच ठरणार हे येणाऱ्या काळात दिसून येईल.
------
बारामती अन् माजलगावचे दादा भाषण विसरले का?
उपमुख्यमंत्री तथा पालकमंत्री अजित पवार यांनी यापूर्वीच्या भाषणात तुम्ही चारित्र्यवान लोकांना प्रवेश आणि पदाधिकाऱ्यांची निवड करणार असे म्हटले होते. पण ज्यांनी जिल्हा बँक अपहार प्रकरणी जेल वारी करुन आलेत त्यांचे कोणते चारित्र्य पाहिले, तसेच वडवणी नगरपंचायत निवडणुकीत आ. प्रकाश सोळंके यांनी चक्क भाषणातून दरोडेखोरांच्या ताब्यात नगरपंचायत देणार का? याला मी पुन्हा एकदा खडी फोडायला पाठविणार असे म्हटले होते. पण आज तेच प्रकाश दादा पक्षात प्रवेश देत आहेत. यामुळे दोन्ही दादा आपले भाषण विसरले का? असा प्रश्न उपस्थित केला जात आहे.
-----
६० कोटींच्या कामासाठी तडजोड!
वडवणी नगरपंचायतीला विकास कामांसाठी ६० कोटींचा निधी मंजूर आहे. ही कामे डोळ्यासमोर ठेवून आपल्याला मलिदा मिळावा म्हणून मुंडे पितापुत्रांनी आ. प्रकाश सोळंके यांच्यासोबत तडजोड केली आहे. त्यातील काही कामे आणि जिल्हापरिषद गटाची उमेदवारी अशी तडजोड करुन ही दिलजमाई झाली असून, यामुळे हा प्रवेश असल्याची चर्चा आहे.
------
मुंडे बहीण-भावाची कार्यक्रमाकडे पाठ
आ.धनंजय मुंडे हे अजित पवार यांच्या पक्षाचा चेहरा समजला जातो पण दोन दिवसांपासून अजित दादा हे बीडमध्ये असताना धनंजय मुंडे कुठेही दिसले नाहीत तर पंकजा मुंडे याही मध्यप्रदेशच्या दौऱ्यावर असल्याचे वृत्त आहे. पण हा योगा योग आहे की, मुंडे प्रवेश न आवडल्याने मुंडे बहीण-भाऊ या दौऱ्यापासून दूर आहेत.

Ajit Pawar NCPSpeaks_Official Sunil Tatkare Dhananjay Munde

28/03/2025

सोन्याची सुरी आहे म्हणून पोटात मारुन घ्यावी का?

याच डॉ. अशोक थोरातांनी बलात्कार झालेल्या अल्पवयीन मुलीचा सुद्धा गर्भपात केलेला आहे!

याच बलात्कार प्रकरणातील साक्षीदारांवर दबाव आणत तत्कालीन सीएस डॉ. गौरी राठोड यांना सुद्धा डॉ. थोरातांनी धमकावलं होतं